د. رشا عمار .
اخصائي طب الاطفال
اخصائي رضاعة طبيعية و تغ?
11/06/2025
جرعة فيتامين د الوقائية للأطفال الأفضل تاخد كل يوم افضل من تجميعها اسبوعياً
06/06/2023
الحمد لله تم اعتمادي استشاري دولي رضاعة طبيعي في مصر
02/03/2023
السلام عليكم ازيك يا مامي يا حلوين ♥️♥️
نكمل بقي موضوعنا و هو الرضاعة الطبيعي
قلنا اول شائعة انه بيبوظ الجسم و دة مش صحيح 😏😏
انتي عارفة انك لازم تزودي سعراتك الحرارية 500 kcal عن سعراتك الطبيعية لان الرضاعة بتحتاج كالوريد اكتر فبالتالي لو مزودتيش جسمك هينحف بسرعة من
الرضاعة الطبيعي و يرجع لطبيعته قبل الحمل🤷♀️🤷♀️..
انا عارفة انك خايفة من الترهلات بعد انتهاء الرضاعة. بس دي بتكون فترة مؤقتة قصيرة و بترجع كل حاجة لطبيعتها
تعرفي كمان ان كلما زادت عدد شهور الرضاعة في كلً حمل قلت نسبة حدوث سرطان الثدي ل٦٦٪
يعني رشاقة و صحة عايزة اية تاني‼️❣️
و في الاخير هفكركً ان صنع المخلوق ليس كصنع الخالق♥️♥️
20/02/2023
الامهات الحلوين الحامل جديد او اقتربوا علي الولادة
تعالي كدة قربي علشان عايزة اتكلم معاكي مش بكوني دكتورة اطفال لاء كاختك و صديقتك
هسالك سؤال اية خططك للولادة و بعد الولادة ؟؟
خلينا في الولادة الاول ناوية علي طبيعي ولا قيصري ؟؟
طبعا انتي فاكرة القيصري اسهل لكن هو اصعب وطبعا انا مش دكتورة نسا فمش هطول معاكي في الكلام عنه
اما بقي خططك بقي بعد الولادة دة الي يخصني
ناوية ترضعي طبيعي ولا صناعي؟؟
انا هرد علي المعلومات الغلط الكتيييير الي بتسمعيها
اولا الرضاعة الطبيعي مش بتبوظ الجسم
ثانيا لبنك غالبا مش قليل زي ما بيقولولك بس انتي الي مش بترضع صح
ثالثا مش صح انك تعطي لابنك رضاعة صناعي لحد ما ينزل اللبن
رابعا الصناعي مش زي الطبيعي ابدا
كل نقطة من دول هشرحهالك في بوست مفصل لوحدها
لان الموضوع شرحه يطول و انا بسمع كلام من الامهات غريب و عجيب و للاسف بقي ثقافة عندنا و ارث ..
و في النهاية هل يستوي صنع الخالق مع صنع المخلوق 🤨🤨⁉️⁉️
28/12/2022
الطبيعي بعد الولادة مباشرة قبل خروج الام من حجرة الولادة او قطع الحبل السري كمان للطفل نضع الطفل علي صدر الام (لمس الجلد للجلد)
الطفل بفطرته بيدور علي صدر الام و يبدا يرضع
مش تاخد الطفل بعيد عن الام و يروح يتطعم و يتسجل و يعطوه رضعة لبن لحد ما اللبن ينزل عند مامته 😏 😏
يا دكتورة متحبكيهاش اية يعني لما البيبي ياخد رضاعة و لا اتنين و لا خمسة صناعي لحد ما الام تاخد صحتها و اللبن ينزل هنموت البيبي من الجوع يعني ☹️☹️؟؟
لاء يا يا حببتي انا هرد علي سؤالك بسؤال
اية اهمية ان اول رضعة تكون من الام (لبن السرسوب)؟؟
البيبي في بطن الام بيكون في وسط كله معقم
لما بيتولد و بيرضع السرسوب من الام بيبطن المعدة و الامعاء بالمناعة الي بتحمي الطفل من البيئة المحيطة الجديدة الي كلها انفكشن و بتديله مناعة و بتحميه
اية رايك هل دة كاف ؟؟.
08/07/2022
12/05/2022
10/05/2022
حمي البحر الابيض المتوسط
FMF
هو مرض وراثي ذاتي الالتهاب يسبب ارتفاع متكرر في درجة الحرارة و التهاب مؤلم للبطن و المفاصل و الصدر
تظهر في مرحلة الطفولة و ليس بالضرورة حدوث كل الاعراض ..تستمر الاعراض لمدة ايام ثم تختفي
ثم تتكرر مرة اخري
تحدث مضاعفات في حالة تركها بدون علاج تؤثرعلى الكلي و القلب و مضاعفات اخري كثيرة
تشخص بتحليل FMF gene
يساعد دواء الكوبشيسين في تخفيف الاعراض
التشخيص هو اول خطوات العلاج
13/04/2022
منتشر الايام دي النزلات المعوية و بتبدا من عمر ال٦ شهور ..وغالبا بيكون السبب عدوي فيروسية .الاعراض ترجيع كتير و اسهال مع وجود او غياب حرارة عالية.اهم حاجة الام تتعامل بحذر مع افرازات الاطفال و تتعقم كويس بعد الغبار للطفل المصاب حتي لاتعدي الاخرين.
، النزلات المعوي الفيروسية غالبا بتتحسن لوحدها يعنى بتاخد وقتها من ٧-١٤ يوم وتخف ،،المشكلة مش فى الإسهال ،بس ، المشكلة فى الجفاف اللى بيحصل بسبب الإسهال ، طفل همدان عينه داخله لجوا ملهوف عالمياه ده لازم يتعوض بمحلول جفاف عن طريق الفم ، ولو الترجيع مستمر إبرة ترجيع فى أى صيدليه بوصف الطبيب توقفه بعدين محلول جفاف .
* تعليق المحلول الوريدى مش هوا الأساس طالما الطفل مش بيرجّع وقادر على الشرب ؛ لكن فى بعض الحالات مع القئ المستمر بنضطر ندّى محاليل وريده ونريح المعده لفترة من ٨-١٢ ساعه بعدها نرجع نعطى محلول الجفاف بالفم ؛ الكلام ده بقوله لإنى شفت أطفال كل يومين يروحو يعلقو محلول وريدي و يرجعو البيت يسهلو تانى يدخلو فى جفاف يعلقو محلول يتحسنو يسهلو يدخلو فى جفاف .. طيب و اية الحل؟محلول الجفاف .
* لأ مش مطلوب أى إبر مضاد حيوى فى النزلات المعوية ، إلا النزلات البكتيرية ودي نادره جدا بيكون معاها حراره عاليه وإسهال مدمم غالباً ؛ بالعكس المضاد الحيوى شرب أو حقن هيدمر البكتيريا النافعه فى الأمعاء و احتمال يعمل تكاثر فطرى أو بكتيرى ضار ويزود الإسهال .
* ندى أد إيه محلول جفاف ؟
كيس على ٢٠٠ سم مياه ده التخفيف ، بيتاخد لكل ٤ مرات إسهال أو ترجيع ، الأفضل أصلا إنه يتاخد بزياده لإن مفيش منه ضرر طول ما الطفل بيسهل من تحت ، عوضى حضرتك من فوق 🥤🥤
طيب وناكله اية ::غالبا الطفل هيكون عنده فقدان شهية و احساس بالترجيع فهيكون الاكل صعب شوية
لكن اول ما يبدا ياكل ممكن نعطي له- البطاطا بطاطس رز نشا ، بلاش مياه خالص بنبدلها بمحلول جفاف ، ممكن عصاير من داخل البيت كتعويض ، ممكن شوربة خضار نزود الملح بتاعها ، محلول الجفاف فايدته انه بيعوض الأملاح والبيكربونات اللى بتفقد من الإسهال ، المياه لوحدها مش مناسبه للامتصاص لإن الصوديوم فيها قليل فهتنزل زي ما هيا وتزود الإسهال .
* اللبن ومنتجات الألبان بشكل عام مش ممنوعه فى النزلات المعويه إلا لو النزله طولت فوق ١٤ يوم و ساعتها ممكن نوقف لبن مؤقتاً أو ندّى لبن خالى اللاكتوز للأطفال اللى بيرضعوا صناعى طبعاً .
* مش مطلوب بشكل عام تحليل براز غير فى حالة استمرار الاعراض او إسهال مدمم وارتفاع مستمر في درجة الحرارة..
دامت اطفالنا بخير
07/02/2022
⚡ خوافض الحرارة
انتي بتديها لابنك كخافض حرارة او مسكن ..بس انا شفت كتير عك في استخدامها 🙈🙈.اولا الاطفال عند الولادة حتي سن ٦ شهور بياخد باراسيتامول بس(زي سيتال و بارامول مثلا)من عند ٦ شهور او(٣ شهور )و يفضل عند٦ ممكن نديله كيتو بروفين(بروفين سابوفين)….انما الفولتارين و الدولفين دول ممنوعين قبل سن سنة..لان كلي الطفل لسة مكتملتش و الادوية هتأثر عليها.😥😥
ممنوع الدولفين،،،الدولفين ممنوع قبل سنة 😒😒و بعد سنة استخدامه في اضيق الحدود لو الباراسيتامول و البروفين فشل معاه
⛔لو طفلك حرارته عاليه و هو٦ شهور فما فوق ممكن نديله باراسيتامول و بروفين بالتبادل كل٤ ساعات بيجيب نتيجة كويسة جدا ..
💡و اخيرا لازم تعرفي ان السخونة عرض و ليست مرض يعني لما يكون طفلك سخن وديه للدكتور يعرف السبب
دامت اطفالنا بخير🌹
ــــــــــــــــــــــ
📍العنوان
الفيوم - ميدان المسلة - مركز رويال - برج الأطباء -الدور الرابع -أعلى مطعم روزانا .
📞
0842148044 - 0842148449 - 01021720094
Be the first to know and let us send you an email when أطفالنا الصغار مع د. رشا عمار posts news and promotions. Your email address will not be used for any other purpose, and you can unsubscribe at any time.
