03/05/2025
هو ليه بنستخدم محلول الملح فالجلسات ومش بنفضل الـماء المعقم ؟
اتسألت السؤال دا فالانترڤيو وللأسف عملت زيك كدا وقولت هما بيستخدموه وخلاص هستفاد ايه لما اعرف !!
اجابه السؤال دا ممتعه جدا ويمكن هتسمع كلام مسمعتهوش قبل كدا ولا هتسمعه من حد تاني عشان كدا كمل للآخر ...
احنا لما جينا نعمل محلول الملح العادي خلينا تركيز الملح مقابل الماء نفس تركيزهم بظبط جوا جسمنا ، هتيجي تقولي ودا هيفيدني في اي ! هقولك هو دا السر الأول فـ استخدامه لان بسبب الموضوع دا هيخلي الجسم متقبل محلول الملح بشكل اكبر وبالتالي هيقلل اي تهيج أو تلفً للأنسجة الرقيقة في الرئتين ( تحس ان فيه علاقه حب بينه وبين الجسم😂 )
بعكس الماء المعقم اللي بيحتوي علي كميه ملح اقل من اللي موجوده فالجسم ودي ممكن تعمل Swelling و damage لخلايا الرئه
فالحقيقه مش دا السبب الوحيد لاستخدامه ، قالك كمان محلول الملح دا ليه moisture effect علي رئتيك فبيرطب عليهم كدا ويقلل اي التهابات ويحسن عمليه الـ healing
بعكس الماء بتعمل dryness داخل الرئه وبالتالي هتعملي مشاكل فعمليه التنفس
الحقيقه بقي ان فيه سبب اخر غير الاتنين دول وهو الأكثر جمالاً علي الاطلاق 😉❤️
محلول الملح دا بيوصل الدواء اللي بنضيفه علي الجلسه اسرع واحسن للرئه ، هقولك ازاي وادلعك 😂
محلول الملح بيقدر يشيل الدواء ويطيره علي شكل قطرات صغيره جدا جدا تبقي سهله كفايا للاستنشاق وتتوزع داخل جميع أنحاء الرئه فتستفاد اكتر من الدواء ويشتغل احسن واسرع ،
بعكس الماء المعقم بتكون قطرات كبيره بشكل اكبر ودا بيخلي فعاليتها اقل فالوصول الي جميع أنحاء الرئه ، عشان كدا محلول الملح يكسب ❤️