🍹✨ لحظة سعادة وصحة في كوباية ✨🍹
عصير المانجو مش بس طعمه يجنن، ده كمان مليان فوائد لطفلك:
🔸 يقوي المناعة ويحافظ على صحة العين 👀
🔸 يدعم نمو العظام والعضلات 💪
🔸 يحسن الهضم ويمنع الإمساك 🍃
🔸 يمده بالطاقة والنشاط طول اليوم ⚡
🔸 يرطب جسمه في الجو الحار 💧
💡 نصائح مهمة للأمهات :
✔️ المانجو ممكن يبدأ الطفل يتناولها من عمر 8 شهور كمهروس أو عصير طازج.
✔️ للأطفال من سنة لـ 3 سنين: من ½ لـ 1 كوب عصير طازج في اليوم.
✔️ للأطفال الأكبر: كوب واحد يوميًا يكفي.
✔️ الأفضل تقديمها بدون إضافة سكر أو مواد حافظة.
⚠️ لو الطفل عنده حساسية أو إسهال متكرر، يفضل استشارة الطبيب قبل تقديم المانجو.
متقلقيش من ريالة طفلك 👶 ، بالعكس دي حاجة طبيعية و مفيدة جدًا ...
💧 الريالة (زيادة إفراز اللعاب) بتقوم بــ 3 حاجات مهمة : 1️⃣ بتساعد على الهضم و بتجهز المعدة للأكل.
2️⃣ بتغسل الفم و الأسنان أول بأول، و ده بيقلل البكتيريا اللي ممكن تسبب تسوس.
3️⃣ بتساعد في ترطيب الفم و بتقلل التهابات اللثة في مرحلة التسنين.
✅ يعني كل مرة تشوفي فيها ريالة، افتكري إنها جزء من نظام حماية جسم طفلك الطبيعي.
نظافة طبيعية من صنع ربنا!
✅ المصادر المعتمدة أول كومنت ...
إستشارى طب الأطفال و حديثى الولادة
05/06/2025
كل سنه و انتم طيبين و فى أفضل حال بمناسبة عيد الأضحى المبارك 🥰
23/05/2025
العصائر حتى لو فريش بلاش تقدميها لطفلك الأقل من سنة ، الأفضل هو إن الفاكهه تكون مهروسة كويس و ياكلها ✋
إستشاري طب الأطفال و حديثي الولادة.
23/05/2025
طفلى مش مبطل عياط حتى وشه بيحمر من كتر العياط و رافض الأكل و الرضاعه و مش عارف ينام و بطنة منفوخة زي الطبلة 🥁 ...
بصى يا ست الكل ، بنسبة كبيرة جدا طفلك عندة إنتفاخات و غازات و تقلصات ، و لو هندور ع العلاج ، فأفضل علاج يتمثل فيما يلى 👌 :
- نيمي طفلك على بطنة شوية أو نيمية على بطنة علي إيدك و إتمشى بيه شويه ...
- دلكى بطنة بشكل دائري و مستمر و إرفعى رجلة لفوق كل فترة علشان الغازات تخرج ...
لو الإنتفاخات دى إتكررت كتير و صاحبها إمساك أو اسهال أو ظهور ظم فى البراز ، لازم فى أقرب وقت دكتور اطفال متخصص يشوفه ...
إستشارى طب الأطفال و حديثى الولادة
23/05/2025
بخاخات الأنف للأطفال حاجة مهمة جدًا، خصوصًا لو الطفل بيعاني من انسداد الأنف أو حساسية. هي بتساعد الطفل يتنفس بشكل أفضل، وتقلل الاحتقان، و تريح الطفل خصوصًا و قت النوم. كمان بتبقى مفيدة لو الدكتور وصفها عشان تخفف أعراض نزلات البرد أو الجيوب الأنفية...
بس خلي بالك، لو تم استخدامها بشكل غلط أو أكتر من المدة اللي قال عليها الدكتور ، ممكن تسبب مشاكل كتير زي إن الأنف يتعود عليها، و ساعتها الاحتقان يبقى أسوأ لما نبطلها. كمان استخدام جرعات زيادة ممكن يسبب تهيج في الأنف أو مشاكل صحية تانية.
علشان كده مهم نستخدم البخاخات زي ما الدكتور يقول بالضبط، ومتبالغش في الاستخدام، ولو عندك أي شك، ارجعى للدكتور فورًا. صحة أطفالنا أمانة، و مسئوليتنا نحافظ عليها ✋
انا و طفلى و الشقاوه 😭
طفلى اللي مش بيقعد دقيقة على بعضها ، وبيسأل في كل حاجة منطقية و غير منطقية ، و بيطلع ع الحيطة زي سبايدر مان مش عارفه اروح منه فيه ✋
متقلقيش ي ست الكل … الشقاوة دى دليل على إن مخه شغال 24 ساعة ما شاء الله !
العلم بيقول إن الأطفال اللي عندهم نشاط عالي و كلامهم كتير و مفيش حد يستحملهم (زي طفلك كدة 😂) ، غالبًا بيكون معدل الذكاء عندهم فوق المتوسط، و بيحتاجوا نوع تعامل مخصوص 😃
و مش عارف اقول من سوء حظك و لا من حسن حظك إن الموضوع دا ملوش علاج غير انك تصبري و تحتسبي عند ربنا 😂 و تحاولى تفرغي طاقته و تنظمي يومه و تتكلمي معاه كتير و يا حبذا لو تاخديه يتمرن سباحه او جمباز بدل ما يتحول ف يوم للرجل الوطواط ✋
الحلويات و ما أدراكي ما الحلوياااات...
مش هقولك أكتر من إن مصاصة واحدة بس ف اليوم كفيلة إنها تفقد ابنك أو بنتك شهيتهم طول اليوم! 😟
ما بالك بقى بالكيك؟ والشيكولاتات؟ والبسكوتات؟ والمقرمشات؟!
الموضوع مش هزار…
السكر اللي في الحلويات مش بس بيبوّظ الشهية، ده كمان بيثبّط جهاز المناعة 💔
وبيخلّي الطفل عرضة للإصابة بأي مرض ييجي في السكة! 🤧
لو إنتي أم جدعة و واعيه 💪
اعملي الصح وخلي الحلويات في أضيق الحدود...
وهتشوفي ابنك اتحوّل لحاجة تانية خالص:
نَفَس حلو، صحة أحلى، ومناعة حديد 🔥
Be the first to know and let us send you an email when دكتورة حسناء محمود رزق - استشاري طب الأطفال و حديثى الولادة posts news and promotions. Your email address will not be used for any other purpose, and you can unsubscribe at any time.
Contact The Practice
Send a message to دكتورة حسناء محمود رزق - استشاري طب الأطفال و حديثى الولادة:
