Riham Saleh - Specialist in mental health and family counseling

19/02/2022

20/01/2022

( الإساءة العاطفية )

لها نماذج كتير :

1-الإذلال : و ديه أشهر الأنواع و اللي بتظهر غالبا مع الزملاء ، لما يكون فيه زميل بيعاني من ازمة نقص بيتعمد السخرية او الإسفاف علي زميل تاني ليه .. فيبتدي بتعامل مع فكرة إهانته علي اساس انها امر مضحك او مسلي سواء لباقي المجموعة من الزملاء او حتي ناس غريبة عنهم .. و طبعا بتقي قاسية اوي لو اتعملت بين اتنين المفروض انهم بيحبوا بعض زي زوج و زوجة و طرف منهم يتعمد التهكم الجارح مع الشريك التاني ،،، اللي هما المفروض روح واحدة فازاي روح تنقض علي ذاتها و تذل نفسها !!

2- التسلط : و ديه ساعات بنتخيل انها حاجة عادية و خصوصا انها مشهورة اوي بين الاهالي و اولادهم .. فمفيش إساءة اصعب من فكرة ألغاء كيان الشخص و التحكم في قرارته تحت اي مبرر كان .. فالإساءة هنا هي تجريده من ابسط حقوقة كانسان !

3-اللوم : بتظهر كتير الطريقة ديه في الإساءة بين الشركاء و خصوصا الشركاء عاطفيا زي المتجوزين مثلا .. تلاقي راجل بدون اي منطق او أحقية بيرمي اللوم علي الست بطريقة مؤلمة و قاسية او العكس .. ففكرة لوم الاخر بمثابة ادانته بتهمة هو برئ منها بس لمشكلة ما جواك انتا قررت تحولة متهم و كمان تحسبه ..

4-الإهمال : في ناس كتير بتتخيل ان الاساءة العاطفية اني اواجه حد او اهينه بطريقة مباشرة ،، بس الحقيقة أن ساعات التجاهل و الإهمال بيكون من اقسي انواع الإساءات العاطفية و خصوصا لما يكون من شخص انتا كنت بتقدر اهتمامه و حرصه بيك زي .. فعاوز توجع حد بتحبه اوي و تسيئ لذاته .. متشتموش او حتي تأذيه جسديا ، إنما كفاية انك تتجاهله و تعامله انه اقل من مجرد انه يكون علي بالك ..!

5- التورط : و الحقيقة إن المصطلح ده مستحدث و خصوصا في علم النفس فاول واحد قاله هو Salvador Minuchin و اللي كان بيقصد بيه تورط الاشخاص في نسيج عائلي بدون اي صورة فردية ليهم ...او بمعني اصح هو تعامل بعض الاهالي او اولاياء الامور مع اولادهم انهم يعتبروا extension ( إستكمال ليهم ) .. فهنا القضية مش قضية تسلط و إجبار إنما محو كامل لفردية الإنسان .. ساعات بيكون برضة الموضوع ده مع الازواج فنقطة تعامل الزوج مع مراته انها extension منه و بكدة تبقي محكومة بصفاته و خلفياته الثقافية ..

في النهاية لو انتا إنسان بتمارس اي نوع من أنواع الإساءات العاطفية لاي شخص و متخييل انه موضوع عادي ، لا الحقيقة هو أمر مؤلم جدا مش بيدي اي دلالة علي قوة شخصيتك او سيطرة جدية ليك انما هو مؤشر علي هشاشتك الداخلية و فشلك في التعامل الناضج مع الاخر فبتلجأ لاسلوب مبتذل زي تكسيره او تحطيمه عاطفيا عشان تحس بهيمنة مزيفة و قيمة مغشوشة ليك .. أما لو انتا شخص بيتم ممارسة الاساءات العاطفية تجاهك فيستحسن تتكلم و تعبر عن مدي رفضك للسلوكيات ديه ، حتي لأضعف الايمان لو مقدرتش تغيرها بسبب ظروف ما .. علي الاقل متحسش كل مرة و انتا بتتعرض للإهانة ديه انك راضي و خانع ، انما في إحترام لكيانك متمثل في رفض و مقاومة ... ففعلا محدش حيحترم انسانيتك لو مكنتش انت في الاساس بتسعي ليها ...

منقول

13/01/2022

سياسة قلب الترابيزة من أسوء الحِيَل النفسية والتكتيكات الخداعية اللى بيمارسها أحد طرفي العلاقة على الآخر ، هي حيلة الضعفاء اللي لا بيملكوا لا حجة ولا منطق ولا ضمير ، سياسة بيعهَد فيها لقلب الحقايق بأسلوب شديد الهجومية نظرا لموقفُه الضعيف وإفتقارُه للمبرر المنطقي (سياسة خدوهم بالصوت ليغلبوكوا ) ، الشخص ده عنده مبررات سابقة التجهيز لكل شئ تقريباً ، وعنده قدرة رهيبة على المجادلة لدرجة تفقدك أعصابك وتيأّسك من جدوى النقاش معاه من أصله ، الإعتراف بالغلط شئ مستحيل تنتظرُه منه ، والإعتذار خطيئة كبرى بالنسبة له ، والموضوعية والإنصاف دي بنود أُولى في قايمة ممنوعاته الشخصية ، لكن هتستقبل منه صفات تانية خالص زي شلال الكِبر والمكابرة اللي مابيخلصش ، وتلبيس الباطل توب الحق بعين قوية جدا بالإضافة للقدرة الرهيبة على تحوير الكلام والمماطلة اللانهائية وفي ثانيه هتلاقي نفسك تحولت من خانة المجني عليه لخانة الجاني وقد يتطور الأمر إنه يوصلك لمرحلة إنك تبدأ تتشكك في نفسك فعلا وتكلم نفسك وتقول هو أنا صح ولا غلط زي ما هو بيقول !!

الخلاصة🎖
سياسة قلب الترابيزة حيلة بترتكز على أسلوب الإستدراج يا إما للنرفزة وللغلط وبالتالي بقيت إنت الغلطان ، أو إستدراجك لتفاصيل فرعية فَيشتِت عقلك عن الموضوع الأساسي وفجأة تلاقي نفسك إنت اللي مُتهَم وأنت اللي بتبرر ، الشخص ده من أكتر الشخصيات غير المريحة واللي قادر بالوقت يِنقطَك ويجيبلك سكر وضغط ، فَلو لسه في بداية العلاقة حاول تطلَّع الشخص ده من دايرتك فورا ولو وجودُه مفروض عليك يبقي لازم تتحلي بكل ألوان الثبات الإنفعالي عشان كل اللي شرحتهولك وعشان متديلوش فرصة يستدرجك للاشئ ويضيع حقك ويتلِف أعصابك وهو بيبتسم فى قرارة نفسة إبتسامة خبيثة على سذاجتك المثيرة للضحك .

25/12/2021

معاناة الطفل الحركي ....
الطفل الحركى محب للعناق جداً،
حنون جداً
عانقيه كثيراً
كثرة القفز والحركة نتيجة لمشاعر داخلية لا يجيد الإفصاح عنها،

الطفل كثير الحركة ليس مريضاً ولا شاذا ،
بل يمتلك ذكاء كبيرا ويتظاهر بعدم التركيز.

أشركيه في مهام المنزل .. يصلح شيء .. يركّب .. يفك ...

وأثناء المذاكرة
📌احرصي على عدم وجود مؤثرات تشتت الانتباه حوله
📌لا تأخذيه من شيء هو مشغول به كلعبة مثلا ، حددي له وقت ثم انتظري حتى ينتهي .
📌أثناء المذاكرة أعطيه كرة صغيرة في يده يحركها أو اعملي فشار و اقعدي كلي معه😊
المهم اتركيه يتحرك اثناء المذاكرة و ستتفاجئي إن كل معلومة تقوليها بتدخل صح
يقعد على عجلته ، او يتحرك ذهابا وايابا في الحجرة و أنت تحفظيه درسه او تشرحيه ثم دعيه يسمع لك .....

حبسك له أثناء المذاكرة و ربطه في الكرسي سيتعبك و يتعبه و محصلة التحصيل ستكون ضعيفة جدا

هذا نمط تعليمه،
حاولي تكسبي طفلك... لا تخسريه

الطفل الحركي اللي كل الناس بتشتكي من شقاوته ومحدش بيبقي مستحمله ، بيكون احن واغلب طفل بجد
واكتر حد دايما متصاب بسبب الكلام عليه، دايما مبتلي لانه شقاوة ولسان ع الفاضي

لما تشوفوا طفل شقى بدل ماتقولوا ده صعب ولا ده قرد ولا انتي عايشه معاه ازاي ولا........
ده مش طفل طبيعي

ادعموا والدته بكلمة طيبة ولو مقدرتوش ادعوا لها سرا " ربنا يعينك عليه ويهديه "

فى النهاية هو طفل 💙

# منقول

22/12/2021

‏قليل من الأيام لديك لتتخلص من ذلك الشيء الذي لا يستحق أن ينتقل معك إلى عامك الجديد
ربما شخص ، عادة ، فكرة أو شعور

20/12/2021

علشان تحافظ على السلام الداخلى اللي جواك لازم من فترة للتانية تفكر في نفسك شوية ، ولازم تفهم و تتأكد أن ربنا ما بيعملش حاجة وحشة فيك ابدا !!

يعنى مثلا المكان اللى أنت فيه دلوقتى أنسب حاجة ليك في الوقت الحالي و القرار اللى للأسف اخدته وأكتشفت بعد فترة انه غلط ماتزعلش عليه لأنه كان درس مهم في حياتك عشان تتعلم منه كويس اوي ..والمواقف الصعبة اللى شايفها ابتلاء غرضها تنشف عضمك قصاد الدنيا و تقويك عشان تكمل، و الناس اللى غدرت بيك وسابتك في أسوأ ايامك مفيهومش خير ليك و عشان ربنا بيحبك بعدهم عنك كل البعد !!

و ال ٢٤ قيراط بتوعك هتاخدهم بس متقسمين !!

اللى كان نفسك فيه ومجاش أكيد هيتعوضلك فى حاجة تانية أفضل ما كنت متوقع ... ربك كريم و الرزق فى ايده هو وبس أحنا مجرد أسباب ربنا بيسخرلنا لبعض مش أكتر

سيدنا علي بن أبي طالب قال :
" اطلبوا الحاجات بعزةِ الأنفُس، فإنَّ قضاءَها بيدِ الله "
يعني متزلش نفسك لأي مخلوق !!

في سن معين، هتلاقي نفسك بعدت عن المشاحنات وهتحط سلامك الداخلي وراحتك النفسية على رأس أولوياتك بل من أشدها أهمية !!

الخلاصة !!
السلام الداخلي الذي يكون دون مدد من أحد، بل من الله يسكب في قلبك !!

19/12/2021

لما حد بيكدب عليك ..ليه بتشوف أنك غبي وعبيط
مع أن المنطق أنك تشوف الكداب هو اللي ضعيف وخايف . تصديقك لشخص وحسن نيتك قوه مش اي حد يقدر عليها. صراحتك ووضوحك بترعب الضعيف المستخبي واللي جواه حاجات مخبيها حتى عن نفسه ومش قادر يواجه أو يقول اللي عايزه غير بالمراوغه . انت مش ساذج وهو مضحكش عليك. انت حقيقي وهو معرفش يكون حقيقي زيك فلجأ للكدب والمراوغه. يبقى لو هيصعب عليك حد يبقى هو اللي يستاهل الشفقه مش انت. انتصاره عليك مزيف .

19/12/2021

سُئل حكيم: من أين يبدأ الحب ومن أين ينتهي؟
فأجاب: يبدأ الحب من العين وينتهي منها، فقيل له و كيف ذلك؟
قال: يبدأ بنظرةٍ من العين وينتهي بدمعةٍ من نفس العين..
لا يكبر "الحبُ" بطول المدةّ وإنما يكبر بجمال المواقفِ حتى لو كانتُ لحظات..
فالحب ليس أن تتحدث عن الحب وإنما أن تتصرف بحب و أن تتقي اللهَ فيمن تُحبُّ..

19/12/2021

‏ بعض الصدمات التي تمر عليك ..
وظيفتها تعديل نظرتك للأشخاص في حياتك .. وترتيبهم حسب الأولوية بالطريقة التي يستحقها كل منهم

18/12/2021

ما تمارسه يومياً سوف تتقنه بكفاءة..
الي بيتمارض هيمرض....الي غاوي قلق هيفضل علطول قلقان ...
الي شايف الضلمة عمره ما هيلمح النور...
🌞وفي المقابل...
الي متفائل خير هيلاقي الخير.....
والي مستنى الف*ج ربنا هيفرحه....
والي ظنه بربنا خير هيشوف الخير....
والي بسمته على وشه رغم كل ابتلاءاته ومعاناته ربنا هيعوضه خير ...
👌 انت حصيلة الي بتقوله لنفسك ....
ريحوا قلوبكم بشوية أمل ...شوية تفاؤل .... حسن الظن بالله ....
افتكروا مواقف كتير عدت عليكم كانت الأمور مقفولة تماماً لكن بكرم الله اتحلت ...
احنا محتاجين نمارس الطمأنينة ....التفاؤل....حسن الظن بالله والتوكل عليه 💙

15/12/2021

‏الأيام التي تكسرك هي ذاتها التي تصنعك،
أنت حصاد اللحظات التي اعتقدت أنها لن تمر ومرّت…

14/12/2021

زي ما المستقبل فيه مخاوف، وفيه مشاكل...
فيه برده ف*ج ويسر ورحمة وستر ومغفرة من الله كما هو الحال اليوم.

فيا حامل الهم أبشر!
متى ضيعك الله ليضيعك غداً؟
متى كشف الله عنك ستره ليكشفه غدًا؟
متى منع الله عنك رزقًا ليمنعه عنك غدًا؟
متى كنت عبدًا ولم تجده لك ربًا كريم خبير عليم حكيم؟

وعزته وجلاله هو الأحق بأن تحبه وأن تثق به وأن تحسن الظن به

10/12/2021

بحب أفلام فريد شوقي وخاصة فيلم ( كلمة شرف )
والنهاردة حظي وقعني في فيلم ليه اسمه ( لاتبكي ياحبيب العمر )
عن قصة حقيقة لطبيب جراح توفي ابنه الوحيد وهو بيعمل له عملية ..
الفيلم بيعرض فكرة عظيمة جداً جداً بحبها وبحب افتحها واشرحها لأننا كلنا مرينا بيها بس الكل بيخاف يتكلم عنها
فكرة ( الشك في الإيمان )
إنك فجأة تفقد إيمانك في لحظة يأس ، وترمي كل قيمك وأفكارك وراك ..
فريد شوقي في الفيلم عرض فكرة الطبيب المتدين الي بيصلي ومابيلعبش قمار وبيتصدق وبيعمل عمليات مجاناً للمحتاجين وفجأة يتحط في أصعب امتحان وهو مرض ابنه ، ويناجي ربه في مشهد رائع وهو بيقول :
( أنا عمري ما أغضبتك وعشت طول عمري أرضيك راضيني فيه )
ويدخل ابنه العمليات ويقف قلبه ويموت الابن الشاب ، ويخرج الأب من أوضة العمليات واحد تاني
واحد كافر بكل الي أمن بيه ، هايلعب قمار ويسكر ويسهر ويشرب ويتحول لأطلال إنسان ويبقي بيردد جملة واحدة طول الوقت :
( الي عملت كل ده علشانه راح )
وفي نهاية الفيلم بيتعرض الأب للطعن وحياته تبقي ع المحك لكن يتم إنقاذة علي يد طبيب شاب من تلامذته ، ويعرف وقتها إن له دور في الحياه إنه يعلم ويطلع دكاترة مهرة وإن لو ابن ليه راح ربنا عوضه بمليون ابن من الطلبه بتوعه ويدعي ربنا يسامحه ع زلته بكلمة واحدة تنهي الفيلم :
( يارب )..
الفيلم رائع كأفلام الرائع فريد شوقي ويقال إن الفيلم ده أبكي الرئيس الراحل أنور السادات ، وهو بالفعل يبكي الحجر ومشاهد الكسرة الي في عين الأب بعد وفاة ابنه الوحيد تبكي الحجر ، لكن العبقرية رغم بساطة الحدوتة ألا الفكرة الي وراها متميزة..
كل واحد فينا مر بلحظة يأس وشك في الإيمان ، رغبتنا الشديدة إننا نفهم حكمة ربنا رغم أنها مش لازم تتفهم طول الوقت
السر إنها تبقي مش مفهومة بس نقبل ونرضي بيها ونعرف إن كله للخير
( التسليم ) هو السر
تسلم رغم سؤالك الي عمال يخبط جواك .....طب ليه ؟!
غصب عننا كلنا سألنا في يوم :
( طب ليه ؟! )
( إشمعني أنا ؟!)
كلنا وقفنا مخبطين ومحبطين ومش عارفين نسيطر ع الشعور الي جوانا ده إزاي
السيطرة ع الشعور بتكمن في ( التسليم )
إنك تسلم لله ، تسلم وأنت مقتنع إن لله حكمة مش لازم تفهمها
ومش معني ده إنك ماتحزنش لو حصلك موقف صعب !!
لأ من حقك تحزن ، من حقك تبكي ، من حقك تتعب وتقول اه أنت بشر وده حقك
لكن في النهاية ارجع للتسليم
تسلم بروح وقلب وعقل
تسلم علشان ترتاح وتشوف ب نور الله الي نور عينك عمره ما هايجيبه
تسلم وتعرف إن دورك في الحياه أكبر بكتير من الدور الي أنت حاصر نفسك فيه ..
دورك مستمر طول ما فيك نفس ، دور ع دورك وكمل في رحلة الحياه ...
مساءكم تسليم ♥️

04/12/2021

راقت لي
"من اجمل الروايات اللى كتبها
"الاديب طه حسين "كانت رواية اسمها "شجرة البؤس" و لمن لم يقراها فهى تحكى عن شاب و شابة تزوجا عن طريق اهلهم الذين كانت تربطهم صداقة و علاقة عمل ...

تزوجا و رغم قبح زوجته الشديد فان الزوج لم يرَ امرأة سواها و لم يعرف زوجة غيرها فلم يتذمر يومًا من قبح زوجته الشديد...بل ربما لم يخطر بباله يوما انها قبيحة..هي زوجته و كفى...يحبها بشدة لانها تمثل له السكن و المودة و الرحمة و التراحم فلم يفكر يومًا ان كانت جميلة او قبيحة هو يحبها لانها زوجته و هذا كاف بالنسبة له...

مرت الايام و ولدت الزوجة طفلة تشبهها فى قبحها الشديد و لكن فرحة الزوج كانت عارمة فقد رزقه الله ابنة... و قد صارت قرة عينه و شغله الشاغل..و عاش الزوج و زوجته و طفلتهما سعداء و اغدق الاب ابنته فى الدلال و الحب حتى لم ينقصها حبًا و لا رعاية...

ثم جاء اليوم الذى وضعت فيها زوجته طفلة اخرى..و لكنها هذه المره بارعة الجمال...و للمرة الاولى يرى الزوج ما لم يراه من قبل!!!!
انارت له طفلته الجديدة عينيه فيرى للمره الاولى كم ان زوجته شديدة القبح هى و ابنته الاولى مقارنة بطفلته الثانية...و منذ تلك اللحظة بدأ يزرع بذرة البؤس فى بيته حتى تتملك شجرة البؤس بيته... فلم يعد سعيدًا كما كان!!!!

لم تعد زوجته الحبيبة ترضيه و لم يملك الا ان ينفر من طفلته الاولى و هو ينظر لطفلته الثانية رائعة الجمال....
تكبر شجرة البؤس و تنمو يوما بعد يوما و تنتهى القصه باستمرار بؤس تلك الاسرة عندما تحل على الزوج لعنة المقارنة بين طفلتيه فيبدا فى التفريق فى المعاملة بينهما و يتغير فى معاملته لزوجته التى لا ذنب لها سوى انها ولدت طفلة تشبهها فى قبحها و طفلة بارعة الجمال.....

اتذكر تلك الرواية كلما اطلق احدهم السؤال الخالد: ترى ما هو سر السعادة فى الدنيا؟؟؟
الحقيقة ان كل انسان يصنع سعادته بنفسه عندما ينظر دائمًا للجانب المشرق فى كل امر فى حياته..عندما يرضى بما قسمه الله له و يتعامل معه على انه افضل شيئ له...
ذلك الزوج فقد السعادة فى اللحظة التى تخلى فيها عن رضاه عما يملك...ربما كانت زوجته قبيحة..لكنها صالحة...ربما له ابنة قبيحة لكنها تحبه...
لم ينظر للحظة ان الله اكرمه بطفلة ثانية جميلة و هى نعمة من الله...لقد نسى نعمة الله عليه و تعامل معها على انها اظهرت له شيئا ينقص حياته...
لقد قسم الله الارزاق للناس و لم يعطِ احدا كل شيئ... ليساعد الناس بعضهم بعضا و يكملوا بعضهم بعضا....
فإن
كنت تبحث عن السعادة فكف عن المقارنة بين ما تملك و ما لا تملك...
كف عن احصاء ما يملكه غيرك و ليس عندك و ابدأ في عد ما منحه الله لك و ارضى به...فالرضا فى حد ذاته فضلًا و نعمة..

لا تزرعوا فى حياتكم بذرة البؤس.....

واحمدوا الله..

01/12/2021

فى مسلسل لعبة نيوتن أخر حلقه ، مؤنس قال كلمه مهمه جدااااا لحازم فى التليفون قاله:

"انت راجل خااايب أخرك جواب صايص ، اللى بيحب حد بيهد الدنيا عشان يوصله و يبقي معاه"

تقريباً دى أحلى حاجه قالها مؤنس فى المسلسل ..
اوعوا تصدقوا الكلام الحلو بس ... الكلام اللي من غير فعل قصاده ده بيبقي كلام رخيص ... عودوا نفسكوا انكوا تعملوا كل فتره "كشف حساب"... قيموا علاقتكم بالأشخاص اللي حواليكم سواء حبايب، قرايب ، صحاب، زمايل او جيران ، قيموها بالأفعال ، يعني ببساطه شديده جداا لو شلنا الكلام من معادلة كشف الحساب ، هل هنطلع تمام و لا هنطلع هُبل ؟!

مش كل واحد قالك انه بيحبك يبقى بيحبك فعلاً..
اللى بيحبك هايهد الدنيا عشانك ومافيش حاجه هاتوقفه ♥️

30/11/2021

لهفة البدايات ... ليست حب
لا يحب الإنسان ... بأسبوع أو شهر
لا يمكنك أن تحب البحر و أنت تقف على الشاطئ
يجب أن تغوص أعماقه ... تضربك أمواجه
تضرب قدمك صخرة ... وترى قاعه المظلم
فتلمس عيوبه ... و ترى ظلماته و تعرف ... كيف يغضب
و بعدها ... فقط إما أن تحبه كله ... أو تكرهه كله
" يبدأ الحب عندما ... ينتهي الشغف "

30/11/2021

حبّ اللى يخليك تحبّ نفسك بتفاصيلها ويزيدك للأفضل ... حبّ اللى يديلك طاقة على التحمُّل والسعي ورا أحلامك من غير ملل ....
حبّ اللى يفهمك من تصرفاتك وردود أفعالك عشان يوم ما يعاتبك مايظلمَّكش ....
حبّ اللى يقدَّرك ويعرف قيمتك كويس جدًا عشان روحك متتهانش معاه ....
حبّ اللى حنيِّتُه وجدعنتُه تخليك تروحلوا فى كل صغيرة وكبيرة وأنت مش خايف تكون بتقّل عليه ...
حبّ اللى يشاركك يومك ويطيّب خاطرك بكل محبة ....
حبّ اللى يراعي ربنا فيك ويخاف يخسرك ....
حبّ اللى يهوّن عليك متاعب الدنيا ومشاكلها ويقاسمك الوحش قبل الحلو ....
حبّ اللى يستحملك ويشجعك ويصبر عليك ويرضى بعيوبك قبل مُميزاتك ...
حبّ اللى أول ما تشوفو تحس إنه شبهك وقلبك إتطمن لُه...

29/11/2021

هناك أربع هرمونات مسؤولة عن تحديد مستوى سعادة الإنسان ، و هي :
1- Endorphins 🥰
2- Dopamine 🥰
3- Serotonin 🥰
4- Oxytocin 🥰
#أولاً : Endorphin
عندما نذهب للنادي الرياضي أو نمارس الرياضة فإن الجسم يفرز هذا الهرمون كي يتغلب على إحساس الألم التي تسببه التمرينات و هذا هو سبب الإحساس بالمتعة عند ممارسة الرياضة، كما أن الضحك طريقة جيدة لإفراز الإندروفين.
نحن نحتاج على الأقل 30 دقيقة يومياً مشاهدة أشياء مضحكة و مسلية أو ممارسة الرياضة كي نحصل على جرعتنا اليومية من الإندروفين.

ثانياً : Dopamine
في رحلة الحياة كل منا يحقق مهام كثيرة سواء كبيرة أو صغيرة ، شعور الإنجاز هذا يتسبب في إفراز الدوبامين بنسب متفاوتة و كذلك عندما نتلقى التقدير مقابل أي عمل أنجزناه ، كما أن أي عمل يجعلنا نشعر بالفخر فإن الجسم يفرز هذا الهرمون و الذي بدوره يرفع مستوى شعورنا بالسعادة.

هذا ما يوضح لماذا ربّات المنزل في أغلب الأحيات يكنَّ غير سعيدات (لأنو نادراً ليحصلوا على التقدير والعرفان المناسبين لكمية المجهودات اللي بيبذلوها كل يوم )

#ثالثاً : Serotonin
يأتي عندما نفيد الآخرين ، أي عندما نتخطى أنفسنا و نكون قادرين على العطاء للطبيعة أو للمجتمع، حتى ولو كانت مشاركة معلومة مفيدة مع الغير أو كتابة بوست مفيد على الإنترنت أو إجابة شخص على سؤال ما ، جميع ما ذكر يجعل الجسم يفرز السيروتونين و بالتالي تسبب الإحساس بالسعادة .
#رابعاً : Oxytocin
يتم إفرازه عند التقرب من الأشخاص ، عند المصافحة ، عند الحضن .. و لهذا السبب يجب علينا حضن طفل صغير 🥺 مزاجه مضطرب كي يزداد لديه هذا الهرمون و يشعر بالسعادة من جديد .

ملخص لما سبق :
ببساطة علينا :
🎴 أن نمارس الرياضة كل يوم من أجل #الأندروفين.
🎴 أن نحقق إنجازات ولو صغيرة كل يوم من أجل #الدوبامين.
🎴 أن نكون نافعين لغيرنا من أجل #السيروتونين.
🎴 أن نحضن الأولاد أو الأصدقاء و الأهل من أجل #الأوكسيتوسين.

29/11/2021

هناك أربع هرمونات مسؤولة عن تحديد مستوى سعادة الإنسان ، و هي :
1- Endorphins 🥰
2- Dopamine 🥰
3- Serotonin 🥰
4- Oxytocin 🥰
#أولاً : Endorphin
عندما نذهب للنادي الرياضي أو نمارس الرياضة فإن الجسم يفرز هذا الهرمون كي يتغلب على إحساس الألم التي تسببه التمرينات و هذا هو سبب الإحساس بالمتعة عند ممارسة الرياضة، كما أن الضحك طريقة جيدة لإفراز الإندروفين.
نحن نحتاج على الأقل 30 دقيقة يومياً مشاهدة أشياء مضحكة و مسلية أو ممارسة الرياضة كي نحصل على جرعتنا اليومية من الإندروفين.

ثانياً : Dopamine
في رحلة الحياة كل منا يحقق مهام كثيرة سواء كبيرة أو صغيرة ، شعور الإنجاز هذا يتسبب في إفراز الدوبامين بنسب متفاوتة و كذلك عندما نتلقى التقدير مقابل أي عمل أنجزناه ، كما أن أي عمل يجعلنا نشعر بالفخر فإن الجسم يفرز هذا الهرمون و الذي بدوره يرفع مستوى شعورنا بالسعادة.

هذا ما يوضح لماذا ربّات المنزل في أغلب الأحيات يكنَّ غير سعيدات (لأنو نادراً ليحصلوا على التقدير والعرفان المناسبين لكمية المجهودات اللي بيبذلوها كل يوم )

#ثالثاً : Serotonin
يأتي عندما نفيد الآخرين ، أي عندما نتخطى أنفسنا و نكون قادرين على العطاء للطبيعة أو للمجتمع، حتى ولو كانت مشاركة معلومة مفيدة مع الغير أو كتابة بوست مفيد على الإنترنت أو إجابة شخص على سؤال ما ، جميع ما ذكر يجعل الجسم يفرز السيروتونين و بالتالي تسبب الإحساس بالسعادة .
#رابعاً : Oxytocin
يتم إفرازه عند التقرب من الأشخاص ، عند المصافحة ، عند الحضن .. و لهذا السبب يجب علينا حضن طفل صغير 🥺 مزاجه مضطرب كي يزداد لديه هذا الهرمون و يشعر بالسعادة من جديد .

ملخص لما سبق :
ببساطة علينا :
🎴 أن نمارس الرياضة كل يوم من أجل #الأندروفين.
🎴 أن نحقق إنجازات ولو صغيرة كل يوم من أجل #الدوبامين.
🎴 أن نكون نافعين لغيرنا من أجل #السيروتونين.
🎴 أن نحضن الأولاد أو الأصدقاء و الأهل من أجل #الأوكسيتوسين

27/11/2021

فية ناس انت بالنسبالهم "هدف" .. مجرد ما يوصلولة بتفقد قيمتك في عينيهم .
وفيه ناس انت بالنسبالهم "مصلحة" اول ما ياخدوها، بتبقى مالكش لازمة ليهم .
وفيه ناس انت بالنسبالهم "انبهار" اول مايقربوا منك ومع الوقت ، بتتحول لشخص عادي وينبهروا بغيرك ويسيبوك .
وفيه ناس انت بالنسبالهم "المتاح" مافيش غيرك دلوقتي يلجأولك ، اول مايلاقوا بديل بيستغنوا عنك .
وفيه ناس انت بالنسبالهم "قيمة و حب" بتفضل دايما في عينيهم مهما طال الزمن واختلفت المسافات والاماكن هو نفس الشخص اللي مش ممكن يستغنوا عنه .
هتلاقي في رحلة حياتك كل انواع الناس دية..
لكن الانسان الحكيم اللي مايقفش قدام تصنيف انواع الناس اللي بتقرب منه ، لكنه بيستمتع ويتعلم من خلال أمانته وصدقه ومحبته لكل انواع الناس اللي بيقابلهم .
خليك امين في كل علاقاتك وماتزعلش ولا تلوم نفسك على اي موقف إيجابي أنت عملتة مع حد .
أفرح وأفتخر بنفسك وبصدقها وقوتها ، وسيب كل واحد حر في الطريقة إللي يقرر يشوفك بيها ويقرب بيها منك .

23/11/2021

‏ولا تسترجع من أبعدته يد الله عن أيامك ....
لله تدابيره ....
وبعض الفقد فيه رحمة 💙💙

23/11/2021

عارفين ثقافه البمبوني

خطأ شائع بنعمله مع اولادنا

و الاجداد بيعملوه مع احفادهم

ان تعبيرنا عن الحب و الاهتمام او المكافئه و التحفيز.. بيبقي من خلال تقديم البمبوني و الحلويات

و للاسف مش بس علي المستوي الاسري

كمان في للمدرسه
المدرسين بيعملوا البمبوني حافز للاولاد علشان يلتزموا..
او مكافئه لشطارتهم

الموضوع ده
بيسيب اثر جوانا

و لان المخ بيلجأ دايما للحيل الي يعرفها لجلب الشعور بالسعاده

فكل مره هنكون محتاجين نحس بالحب او الاهتمام .. و كل مره هنحب نطبطب علي نفسنا
هنلجأ للاكل

و ده يتحول
ال Emotional eating
او النهم العاطفي

في الحاله دي..بنلجأ للاكل علشان نطبطب علي نفسنا
او نكافئ نفسنا
سواء علي مجهود بنعمله.. او علي ظروف بنتحملها
او للتشويش علي حاله توتر ..او لمجرد الرجوع لحاله الطفوله البريئه
حيث الامسؤليه و الدلع كله

و نفضل نلف نلف في الدائره المفرغه
لا واعيين احنا بنعمل ايه
ولا عارفين نخرج من الدوامه دي ازاي

و كل ده
بسبب اننا واحنا صغيرين
كانت الحلويات مصدر حب او اهتمام و تقدير من الي حوالينا

علشان نقدر نغير و نتغير
محتاجين نمسك الخيط من اوله
و نبني ثقافه جديده
علشان صحه افضل لينا و لاولادنا
و طاقه احسن
و تركيز و مود
و هدوؤ نفسي
محتاجين نستوعب ان العادات الغذائيه في الصغر
هي الاساس
وان بناء عادات غذائيه سليمه منذ الصغر لاولادنا
هيوفر عليهم معاناه كبيره بعدين
معاناه تحديات التغيير
الي احنا عيشينها و بنواجهها كل يوم

طب الحل فين ؟
الحل في اننا نتعلم اساليب جديده للتعبير عن الحب و الاهتمام و التشجيع و التحفيز غير تقديم الحلو

و اننا نفهم مفاتيح اولادنا و نستخدمها للوصول للتعاون المرجوا
و لتوصيل الحب و الاهتمام

وان قبل كل ده..نستوعب ان السكر سم قاتل

و نتعلم نقرأ مكونات الاكل عامتا و الحلويات خصوصا..قبل ما ناكلها و ناكلها لاولادنا

الي يحب حد..بيخاف عليه و يحميه..مش يضره

خلينا نتعاون
علشان صحتنا و صحه ولادنا
علشان نربي جيل قادر يشعر بالحب و التقدير بجد
مش بالحلويات و البمبوني

خلينا نتعاون علشان نوصل للتوازن و نحقق الصحه و السعاده

لو بتدخلي في حالات اكل عاطفي
لو مش عارفه تتخلصي من حبك للحلويات و المعجنات
لو بتدخلي في حالات جلد ذات بعد الاكل
لو تعرفي حد بيحصل معاه كده
و نفسك تحمي ولادك من الدوامات دي

ساعديني ننشر الفكر
و نحوله لثقافه
و نتخلص من نوبات جلد الذات
و نتخلص من كراكيب الوزن الزايد
و العادات الغذائيه الخاطئه
و نبني للمستقبل
جيل جديد..عنده وعي و قدره علي قياده حياته
بصحه و سعاده

23/11/2021

اذا أردت أن تكون في الحياة ذا شأن ....فلا تكن محض رقم ولا مجرد شخص ....
بل كن قيمة...كن فضيلة ...كن فكرة ...
وساعتها لن تكون بحاجة للتعريف بنفسك 👍🏻

23/11/2021

رسالة أب ل إبنته:

"أخاف عليكِ من رجل تقليدي، لا يحفظ تاريخ لقائكما الأول ويوم تعثركم سويًا ووقوعكم في الحب ..
لا يكترث لِيوم ميلادك ولايغني لك "happy birthday .." بِحُجة أن صوته ليس جميلًا.

أخاف عليك من رجل آخر، لا يهمه تعلقك بِالتفاصيل الصغيرة ومدى شغفك بِالرسائل الورقية ..
لا يكترث لِخرافاتك التي تؤمنين بها ويسخر منها، ولا تُثير ضحكتك السعادة في قلبه ..
أنا يا صغيرتي أخشى عليك من شخص يرى بك جسدًا وآلة ، أن لا يخاطب عقلك أو يعمل بِنصيحتك ولايخوض معك مناقشات سياسية، و حول الأدب و التاريخ و الدين ..
أن لا يُقَبل جبهتك قبل أن يخرج صباحًا😔..
أخاف عليك من مغفل ما، عندما يسأله الأصدقاء عنك فيجيب "أم الأولاد" !
أن لا يشاركك عملك وواجبات المنزل، أن تشيخي وتذبل الورود في أحشائك، و ينسى كليًا ذكرى زواجكما ..
أن لا يراقصك على أغنيتك المفضلة، لايحدق بعينيك ويبتسم، ولا يسرح لك خصلات الشمس النائمة على كتفيك ..

يخيفني وجودك مع شخص كتوم، لايفضي إليك بما يقلقه ويثير الخوف في نفسه، لا يبوح ويلقي برأسه بين يديك، لِينسى ثقل هذا العالم وبشاعته ..
أن لا يكلف نفسه عناء قطف الورود لك، حتمًا هو لايعلم أن التوليب الأرجواني هو نوعك المفضل، أن لايخرج للمشي معك ليلًا، يغضبه الركض تحت المطر وينام فور جلوسه على السرير ..
لا يسألك عن تفاصيل يومك المُملة ولا يستمع لها بِحرص، يرى في أحلامك سخافة غير معقولة، ولا يسعى لإسعادك بِمساعدتك في تحقيق أي منها ..

ما يُثير الرعب في نفسي فكرة أنه يخيفك، أن يصرخ في وجهك ولا تمزق قلبه معالمك الطفولية، أن لا يتكدر عيشه لِبكائك و يرى في الاعتذار منك انتقاصًا لرجولته ..
أنا يا كُل العمر أخاف عليك رجلًا آخر
لا يشعرك أنك الأنثى الوحيدة في هذا الكوكب ..
ملاذه الآمن من قسوة و بؤس هذا العالم
ولا يحبك بالطريقة التي تحبين :)) "

منقول

23/11/2021

👌وحده بتسأل صاحبتها.. تعرفي أزاى أن جوزك بيحبك فقالت..
👈عرفت إنه بيحبني لما سابني سنة كاملة أروح أخدم أُمي العيانة م الفجر للعشا وأرجع البيت ع النوم وكان هو بيروق البيت ويأكل الولاد وعمره ما أشتكى من حاجة أو حسسني إنى مقصرة ف حقه
👈عرفت إنه بيحبني من أيام خطوبتنا لما عملت حادثة وقعدت ف المستشفي شهر والدكاترة قالوا إن إحتمال ممشيش تاني ولما والدى قاله كان رده حتى لو ممشيتش خالص أنا مش هسيبها وهفضل معاها
👈عرفت إنه بيحبني لما كنت ألاقيه سايبلى على باب التلاجة رسالة بيفكرني بمواعيد الدواء وبيقولي أوعى تنسي تخديها لما كان يرجع من شغله يقولي إرتاحي إنتى وأنا هدوقك أكل عمرك ما كلتيه
👈عرفت إنه بيحبني لما كنا نبقي ماشيين مع بعض وبمجرد ما عيني تقع على حاجة أو تعجبني ألاقيه تاني يوم جبهالي، لما ربنا كرمني بأول مولود وأمي قالتله هخليها تيجى عندي عشان أخد بالي منها فقالها أنا أخدت من الشغل أجازة وهقعد أنا أخدمها متشغليش بالك
👈فقالت الزوج الصالح مش معناها الملتحى اللى داخل طالع م المسجد اللى ماسك المصحف ليل نهار وبس
👈الزوج الصالح هو اللى فاهم ما أكرمهن إلا كريم وما أهانهن إلا لئيم
👈هو اللى فاهم أستوصوا بالنساء خيرا
👈هو اللى فاهم يعنى أيه الرسول صل الله عليه وسلم يشبه النساء بالقارورة
👈الزوج الصالح هو اللى تحسى معاه بالأمان والسكينة حتى ف عز مشاكلكم
👈هو اللى تلاقى نفسك مش قادرة تعيشى من غيره
👈هو الكريم ف فلوسه معاكى وأخلاقه معاكى وأحترمه ليكى وحبه وأحتوائه
👈هو مش ملاك نازل م السما وليه غلطاته اللى ف أوقات كتير هتضايقك جدا بس هتلاقى نفسك بتتجاوزيها أو تتغافلى عنها مش علشان الحياه تمشى لأ علشانه هو وعلشان هو بجد ليكى زوج صالح
👈هو اللى بيحفظ زوجته وبيصونها ف تعاملاته مع باقى البنات وف نظرته ليهم
👈الزوج الصالح اللى هيصلح منك بلطفه ورحمته عليكى مش بعقابه ليكى
👈هو اللى فاهم ان ليكى عقل يوزن بلد بحالها ولازم يقدره
👈وهو اللى فاهم أن عندك عاطفه بتغلب عقلك ده ف أوقات كتير
👌م الأخر الزوج الصالح مش لحيه وبس،
الزوج الصالح هو راجل عنده عقل وشعور، الزوج الصالح ده نعمة من ربنا ملهاش شكل محدد، عشان كده لما تلاقوا أشخاص بيعملوا كده إسجدو سجدة شكر على النعمة اللى إنتم فيها لإن ده هو عين الحب

منقول

22/11/2021

كتب السيد Wegdan Mohammed عن الزواج الثاني بنظره محايده بعيده عن التحيز لرجل او أمرأه.. نظره واقعيه لا تقف ضد الشرع و لا تضيع الحقوق

https://www.facebook.com/wegdan.mohammed.7

الكلام الجاي مش مزايدة و لا شخصنة و لا رومانسية زايدة ...

امبارح كومنتات الشباب على قصة الزواج الثاني بعد الماديات ما بتتحسن كانت كلاسيكية جدا ... و انا بقول ده لاني جاي من نفس المكان و الفكر و كنت مكانكم في يوم ما.. اللي هو حقه و حلال ... و الحلال محدش يقدر يحرمه

بس نصيحة للشباب اللي لسه صغير ... فيه حاجات غير الحلال و الحرام و الورقة و القلم اسمها ديون

اغلبنا كشباب في مصر بيبتدي حياته و الامور معاه زفت ... الست اللي بترتبط بيها ممكن تتنازل عن حاجات كتير من أحلامها في مقابل انها تبقى موجودة معاك ... تحط من فلوسها عشان انت متضغطش ... تحط من مجهودها البدني و تضغط نفسها نفسيا عشان مستقبلكم

الحاجات دي بتبقى دين في رقبتك للاسف مش هتعرف تسدها ابدا مهما عملت بعد كده ...

الامور بتبقى متجاوزة علاقة زواج بالورقة و القلم ... فيه طرف ضحى بأحلامه و وقته و جهده و شال مسئوليات معاك نفسيه و مادية و جسدية مش بتاعته شرعا بردوا ... و دي تمنها مش هتعرف ترده

انا فاهم محاولات الدفاع عن حق الزواج التاني كأنه دفاع عن الاسلام ذاته ... الحلال حلال غصب عن أي حد و مش دي المشكلة

المشكلة الحقيقية في الديون اللي بتعلقها الست الاصيلة في رقبتك و مبيبقاش منها فكاك طول العمر .... لان اللي بتدفعه هي ليك وقت الضيق و الفقر و التعب مش هيساوى اللي هتديه ليها و انت مرتاح ... المجهود اللي بيتعمل في الشدة عمره ما يساوى المجهود اللي بيتعمل في الراحة

ليه بنشرح ده ... عشان الشباب الصغير يفهم يعني ان مش كل حاجة ورقة و قلم و حقي و حقك ... فيه ديون مش فلوس بس ... متداينش لمراتك لو عرفت و ابقى اعمل اللي انت عايزه

21/11/2021

انت مش بتختار الظروف اللى بتحصل معاك
المواقف الوحشه اللى بتصادفك فى يومك مفيش حد عاوز يكون حزين مفيش حد بيحب الوحده ولا حابب ينعزل عن الناس والعالم
كلنا بندور على الامان بندور على الراحه والسعاده بنحاول نعدى كل الوحش اللى بنواجهه وبنحاول نلاقى وقت نفصل فيه من كل الضغوطات دى اللى من الناس او من نفسك، افكارك وكل اللى جواك بيمثل ضغط كبير عليك
الحاجه الوحشه هتحصل هتواجه وهتتعلم
وهتشوف الحلو كمان
بس اهم حاجه واجه نفسك وصلح الوحش اللى جواك واتصالح مع نفسك وحبها وخلى عندك إيمان ان ربنا معاك دايما♥️.

21/11/2021

سألت إحدى الطالبات عالمة الأنثروبولوجيا مارغريت ميد ذات مرة عما تعتبره أول علامة على الحضارة في ثقافة ما. توقعت الطالبة أن تتحدث عالمة الأنثروبولوجيا عن الفؤوس أو الأواني الفخارية أو الأحجار ، لكن قالت ميد إن أول علامة على الحضارة في ثقافة قديمة هي إثبات وجود شخص شفي من كسر في عظم الفخذ.
أوضحت ميد أنه في مملكة الحيوان ، إذا كسرت ساقك ، تموت. لا يمكنك الهروب من الخطر ، أو الذهاب إلى النهر لشرب الماء ، أو الصيد لإطعامك. تصبح لحمًا طازجًا للحيوانات المفترسة. لا ينجو أي حيوان من ساقه المكسورة لفترة كافية لشفاء العظم. إن كسر عظم الفخذ الذي تم شفاؤه دليل على أن شخصًا ما قضى وقتًه في البقاء مع الشخص الذي سقط ، وجبره ، ووضع الشخص في مكان آمن واعتنى به حتى تعافى. "مساعدة شخص ما في مواجهة الصعوبات هي نقطة انطلاق الحضارة "، الحضارة هي تكاتف المجتمع.

21/11/2021

يمكننا دائمًا البدء مرة أخرى .

21/11/2021

‎عندما سألت صديقتي عن سبب إنفصالها وحبيبها السابق أخبرتني أنهما كانا يتسوقان سوياً ذات يوم، وكان دائماً ما يسبقها بخطوات تاركاً إياها خلفه دون أن ينتبه إليها وسط الزحام ..كانت تمشي خلفه، تنظر إليه، وفكرت لأول مرة منذ عرفته هل هذا هو الرجل الذي ستعيش معه بقية حياتها
‎بعدها بأيام كانت غير قادرة على مواصلة الحديث معه لأكثر من دقيقة، وكأن شيئا ما قد انتهى ودفن للأبد، وهكذا إنفصلا ..

‎فكرت كثيراً كم يبدو من الغبي والمضحك في الآن نفسه أن إمرأة قطعت علاقتها برجل فقط لأنه سبقها بخطوات أثناء التسوق، وكم كان صادماً له عندما أخبرته بذلك، لا شك بأنه نعتها بالمريضة أو المجنونة ..
‎تذكرت يومها مشهداً من فيلم شاهدته منذ فترة، إذ كانت بطلة الفيلم ترفض كل شخص يتقدم لخطبتها وحدث أن كانت في واحدة من المواعيد مع رجل يريد أن يتزوجها، وكان مصراً في طلبه رغم رفضها القاطع، أثناء حديثهما عندما كان النادل يضع فناجين القهوة فوق الطاولة إنزلق أحد الفنجانين من يده نحو يد بطلة الفيلم، ودون تفكير مد الرجل (العريس) يده لتسقط القهوة الساخنة عليه بدلاً منها، لقد كان تصرفاً عفوياً دون تفكير أو حسابات بغريزة عاشق، وكان ذلك سبب موافقتها على الزواج منه.
‎لاحقاً وعندما سألها عن سبب موافقتها أخبرته الحكاية قائلة "لقد كانت تلك المرة الأولى التي يفضلني فيها أحدهم على نفسه" ..

‎إنها التفاصيل التي لا يمكن أن يمنحها أحد وزناً لكنها تغير شكل العلاقة، فإما أن تمنحها الحياة أو أن تدفنها ..
‎لا يمكن لأي رجل أن يصدق بأن إمرأة قد تتركه فقط لأنه سبقها بخطوات وسط الزحام، أو أنها قد توافق على الزواج منه فقط لأنه مد يده لتحترق بدلاً منها ..

‎لكن للنساء أحكام كهذه ..
‎قد تضع الكون بين يديها لكنها ترفضك لأنك نسيت كم قطعة سكر تحب أن تضع في فنجانها، وقد تحبك فقط لأنك لا تنسى أبداً أنها تفضل الحلوى بطعم الفراولة لا الفانيليا ..
‎تصنع الفرق وحدها تلك التفاصيل التي لا ينتبه لها أحد..

20/11/2021

مش مهم تكونى ست شاطره .. المهم تكونى ست مبسوطه 🌹❤

20/11/2021

النساء هن أعمدة البيوت 💕

20/11/2021

هتلف وتروح وتيجي وتطحن نفسك في شغل وسفر ... هتعمل فلوس وتبعزقها و تتزنق في فلوس مرة وتحوش تاني ... هتحب وتكره وتكون صداقات و معارف هنا وهناك و هتفارق..
بس مع الوقت هتكتشف إن السعادة موجوده في الحاجات العادية .... زي النوم بطريقة طبيعية ... ضحكة من القلب بجد.... الشغل من غير ضغط نفسي ....الخروجات العاديه مع ناس مريحه... كلامكم مع بعض من القلب لا متزوق ولا فيه وعود وضحك علي بعض ولا منظره علي بعض.
هترتاح لما تبطل إنبهار بالناس و تتصالح مع فكرة إنك شخص عادي وصاحب عادي و مش لازم تكون الأول ولا الأشيك ولا الأهم ولا الأظرف .
ساعتها هتقتنع إن أكبر نعم ربنا علي الإنسان إنه يعيش حياة عاديةهاديه و مستقره..... و إن اليوم لما يعدي عادي نعمه وراحه من عند الله.