Dr. Nada ElGebaly / اخصائية التغذية العلاجية ندى الجبالي (2026)

28/05/2024

كتير قررت تبدأ دايت بس المسؤليات من شغل و مفيش وقت في اليوم 👨‍💼👩‍💼 او مش هتقدري تسيبي اطفالك و تنزلي 👩‍👧‍👦
او مشوار الدكتور بعيد 🤷🏻‍♀️
كل ده من أسباب كتير كانت بتخليك تأجل قرار انك تبدأ دايت
بس دلوقتي العيادة معاك اونلاين هتوفرلك وقتك و تريحك من الزحمة و المشوار
و هتضمنلك المتابعة و الدعم المستمر 👩🏻‍⚕️♥️
—————————————————————

للحجز و الاستعلام عن مواعيد المتابعة اونلاين يرجي التواصل على رسائل الصفحة
متنسوش تسألوا عن العروض المتاحة 😊

13/08/2023

عشان دايمًا بنسعى لراحتكوا 🤝
عيادة التغذية دلوقتي موجودة في مستشفى مطروح العسكري
د/ ندى الجبالي
- اخصائي التغذية العلاجية و السمنة والنحافة .
- عضو الجمعية العربية للتغذية الاكلينيكية للأطفال .
- دبلومة التغذية العلاجية باعتماد دولي من الجمعية الأمريكية للتعليم الطبي المستمر .

🗓 مواعيد العيادة و الحجز :
ايام السبت و الاثنين و الاربعاء من كل اسبوع
من الساعة ٧:٣٠ للساعة ١٠:٠٠ مساءًا .

١-متابعات السمنة و النحافة .
٢-تغذية و متابعة مرضى السكر.
٣- تغذية و متابعة مرضى الكبد .
٤- تغذية و متابعة مرضى الكلى.
٥- تغذية و متابعة مرضى القلب و الضغط.
٦-تغذية و متابعة الاطفال و الفئات العمرية المختلفة.
٧- تغذية و متابعة الحوامل و المرضعات و حالات تكيس المبايض .
٨-تغذية و متابعة الرياضين .
٩-تغذية و متابعة مرضى الاورام.
١٠- تغذية و متابعة مرضى الجهاز الهضمي .
١١- تغذية و متابعة كبار السن.

هنكون معاكوا خطوة بخطوة لاستعادة صحتنا و تظبيط وزننا من خلال نظام غذائى مناسب لكل حالة بدون اي حرمان 🤝💪🏻.

24/07/2023

الاشواجندا مكمل غذائي مفيد و لا مجرد تريند و ظهر ؟🤔

الاشوجندا نبات موجود من زمان في دول اسيا .

الاشواجندا بتشتغل على تحسين وظايف الجسم عامة و تحسين عمل الغدد و الهرمونات

- و من اهم الهرمونات هو هرمون الكورتيزول او المعروف "بهرمون التوتر" .
الدراسات اثبتت ان الاشواجندا بتشتغل على تقليل هرمون الكورتيزول و بالتالي فهي بتقلل التوتر و القلق و الاجهاد و التقلبات المزاجية و بتساعد علي الاسترخاء

و في دراسة تانية اتعملت على بعض الاشخاص اثبتت ان اللي تناولوا 300mg من الاشوجندا مرتين في اليوم جودة النوم عندهم اتحسنت اكتر من الفئة التانية اللي ماخدتش الاشواجندا

و عن طريق توازن الكورتيزول بتساعد الاشواجندا في حالات مقاومة الانسولين و تكيسات المبيض

- و بتستخدم كعلاج مساعد في السمنة لانها بتساعد في عملية الحرق و بالتالي نزول الوزن

- و كمان بيستفيد منها اصحاب الضغط العالي لانها بتساعد في خفض ضغط الدم

- و من الهرمونات اللي بتساعد الاشواجندا في تحسين عملها هي هرمونات الغدة الدرقية زي هرمون T3 و T4

- و كمان ليها دور في الاستشفاء العضلي و تحسين الاداء في التمرين و بناء الكتلة العضلية

- و رفع مناعة الجسم

🛑 و بالرغم من كل فوايد الاشواجندا لكن في بعض الدراسات وضحت ان استخدامها لفترات طويلة و الجرعات الكبيرة منها ممكن يؤدي الي اضطراب الجهاز الهضمي و الامراض المناعية حيث تحفز الجهاز المناعي

عشان كده لازم تلتزم بالجرعة المحددة و باستشارة الطبيب المعالج ✅

❌❌ يمنع تناولها للحوامل و المرضعات
و باستشارة طبية من مرضى الجهاز الهضمي

12/04/2023

رمضان خلاص بيخلص و بقا شائع جدًا اننا نسمع ⬇️

١- خلاص انا اتعودت على الصيام و مش محتاج اتسحر 🤷🏻‍♀️
وجبة السحور الكاملة اللي بتاخدها بتكون مسؤلة بشكل كبير عن الحفاظ علي مستوي سكر الدم طول فترة الصيام و تقليل الشعور بالاجهاد و الخمول و العطش
كمان الحفاظ علي انتظام حركة الامعاء و ده بيقلل من مشكلة الامساك

٢- انا بوظت الدنيا في اول رمضان خلاص مش هاخد وجبة السحور عشان الحق انزل وزني 🤷🏻‍♀️
علي عكس المعروف الانتظام علي تناول وجبة السحور بيرفع من معدلات الحرق و نزول الوزن بشكل صحي
السحور مش هو السبب في اي مشكلة من دي
اختيارك لبعض الاكلات الغلط هو سبب المشكلة زي :
اللحوم المصنعة و المخللات و الجبن المالحة و المقليات و الحلويات و القهوة و الشاي و الاكلات المعلبة لان بيكون فيها نسبة عالية من الاملاح

فلازم نبدل كل الاختيارات اللي فاتت دي باختيارات صحية اكتر شاملة كل احتياجات الجسم تخليني استفيد من وجبة السحور زي :
١- البروتين : من اهم العناصر في وجبة السحور سواء البروتين الحيواني زي البيض بطرقه الكتير
او الجبن الطبيعية زي القريش و الحلوم
البروتين النباتي زي الفول و الحمص
٢- النشويات الغنية بالالياف: بتساعد على الشعور بالشبع لمدة طويلة زي الشوفان و الجرانولا و العيش القمح الكامل
٣- منتجات الالبان: بتساعد علي تقليل الشعور بالعطش و كمان غنية بنسبة عالية من البروتين
٤- الخضار و الفاكهة : الغنية بالالياف و المياه زي الخيار و الخس و التفاح و الموز و التمر
٥- الدهون الصحية : زي الطحينة و المكسرات النية غير المملحة الغنية بالمعادن و الالياف اللي هتساعد في الشبع لفترة اطول .

07/04/2023

نعمل ايه مع حلويات رمضان ، الكنافة بكل انواعها و اختراعاتها و القطايف و كل الحلويات اللي لازم تكون موجودة في رمضان !!!

طيب هو لازم عشان احافظ علي الدايت و اخس امنع نفسي من كل الحاجات دي ؟

لا ، مش لازم تحرم نفسك من عادات انت متعود عليها مع اسرتك او تكون انت الوحيد في العزومة اللي مش بتاكل معاهم بس مش معني كده اني اخد كميات و لازم اجرب من كل صنف و نوع
طيب المعادلة دي نظبطها ازاي ؟

قطعة صغيرة "تقريبًا قد نص كف اليد" من الحلويات و نحاول نختار نوع يكون سكره اقل شوية بعد وجبة الفطار في خلال ساعة
و نحاول متبقاش كل يوم "يوم و يوم او كل يومين ".
و احاول ابدل بين الحلويات و بين سناك خفيف زي طبق سلطة فواكه "مكون من ثمرتين فاكهة مع معلقة عسل صغيرة و مكسرات مش محمصة"
و نزود من المياه والرياضة في يومنا .

05/04/2023

دايمًا بننصح بكسر الصيام علي التمر
لأنه سنة عن الرسول صلى الله عليه وسلم:
عن سلمان بن عامر الضبيِّ يبلغ به النبيﷺ قال :"إذا أفطر أحدكم فليفطر على تمر إنه بركة، فإن لم يجد فعلى الماء فإنه طهور "رواه الترمذي

و ده اللي اكدته الأبحاث و الدراسات:

- التمر مصدر مناسب جدًا للالياف و السكريات الطبيعة اني ابدأ فطاري عليه .
- التمر احسن اختيار بعد صيام جاف حوالي ١٤ ساعة تلجأله عشان يبدأ ينظم حركة الامعاء بعد توقف كل ساعات الصيام.
- علي عكس المنتشر عن التمر انه بيساعد علي زيادة الوزن التمر فيه نسبة عالية من فيتامين B بيحسن من معدل الحرق طول ما انا ملتزم بالكمية المناسبة ليا .
- علي عكس العصائر اللي بترفع سكر الدم بصورة عالية و سريعة جدًا ، التمر مؤشره الجليسيمي مش عالي اوي "بشرط الحفاظ علي الكميات المسموحة "
- غني بالالياف و مضادات الاكسدة زي السيلينيوم و النحاس و الماغنسيوم و البوتاسيوم.
و ده بيساعد علي تنظيم هرمونات الجسم ،و تقليل الالتهابات ،و زيادة المناعة ،و تقليل الكوليستيرول، و الدهون الثلاثية ،و تنظيم ضربات القلب ،و حركة العضلات.

- من احسن الاختيارات لكسر الصيام بطريقة صحية و الاستفادة الكاملة من فوائد التمر :
التمر مع اللبن "من تمرة ل ٣ تمرات مع نص كباية لبن" : لان اللبن فيه نسبة بروتين و دهون بتقلل من نسبة ارتفاع سكر الدم اللي بيسببه التمر .
" و خاصة لحالات مقاومة الانسولين و ما قبل السكري و مرضى السكر ".

03/04/2023

العصائر الرمضانية دايمًا ليها مكانها علي سفرة الفطار و بنستناها من السنة للسنة.
بس انها تكون اول حاجة تفطر عليها دي مشكلة كبيرة .🤯
معظم العصاير بيكون سكرها عالي جدًا فلما تشربها بعد تقريبًا ١٤ ساعة صيام جاف ، سكر الدم هيعلى جدًا و ده هيحفز البنكرياس انه يفرز كمية عالية من الانسولين عشان يسيطر على ارتفاع السكر اللي حصل .
فسكرك زي ما ارتفع بسرعة هينزل بسرعة جدًا
طيب ايه المشكلة في حاجة زي كده ؟ 🤷🏻‍♀️
المشكلة هتكون احساسك بنهم شديد للحلويات و السكريات ده غير احساسك بالوخم و الكسل و الهبوط و انك مش قادر تتحرك و عايز تنام و يبقا كده ضيعت عليك باقي يومك بعد الفطار .
طيب ازاي محرمش نفسي من العصائر دي و في نفس الوقت مضرش نفسي ؟
تقدر تختار نوع العصير اللي بتحبه و تشرب منه كباية 240ml بس اهم حاجة متكسرش صيامك عليها
ممكن تشربها بعد الوجبة في خلال ساعة او اثناء الوجبة . و نحاول ميكونش كل يوم ممكن يوم اه و يوم لا ، او كل يومين .

28/03/2023

فاضل 5 دقايق علي الفجر 🙆🏼‍♀️ الحق اشرب ازازتين المياه🏃🏻 💦
انت مش جمل ! 🐪❌
شربك لكمية كبيرة من المياه قبل آذان الفجر مش هيحميك من الاحساس بالعطش تاني يوم بالعكس المياه دي كلها انت بتفقدها كلها بعد فترة قليلة علي هيئة عرق ، او الدخول المستمر للحمام و ده رد فعل طبيعي للكلى انها تخرج كميات مياه زيادة عشان توازن ضغط الدم و لزوجته .

طيب ازاي نحافظ علي نفسنا من الاحساس بالعطش و نستفيد بالمياه اطول فترة ممكنة:

١- انك تظبط وجباتك خلال فترة الفطار و معاهم نقسم كبايات المياه عشان متنساش تشرب "ممكن من كباية ل كبايتين مياه قبل الوجبة و بعدها "
٢- نعتمد بشكل كبير الخضار و الفاكهة في اكلنا كجزء نعوض بيع نسبة المياه زي : الخس و الخيار و الفلفل و النعناع و القرنبيط و الجزر و السبانخ و اللفت و الليمون و التفاح و البرتقال و الاناناس و الفراولة.
٣- نزود في الفطار بتاعنا الشوربة " بس تكون قليلة الدهون و معمولة بطريقة صحية"
٤- نقلل وقت الافطار من الحلويات و المقليات اللي بتخلي جسمنا في حاجة للمياه.
٥- مننساش في السحور ناخد زبادي و جبنة قريش اللي بيمدوا الجسم بحوالي 80% من المياه .

26/03/2023

من اكتر الاسئلة اللي بتجيلي من الامهات الفترة دي
انا برضع او انا مصومتش رمضان اللي فات و مش عايزة اضيع صيام رمضان ده كمان 🤱🏻🤷🏻‍♀️!!!
من الناحية الطبية :
لو طفلك لسه مولود او لسه مكملش 6 شهور
فهو كده اعتماده الكامل على الرضاعة فقط ؛ و دي اساسها السوائل و التغذية المناسبة فبالتالي لو اكلك اتأثر او نسبة السوائل اللي بتخديها قلت وده اللي بيحصل وقت الصيام ف اكيد غذاء الطفل الوحيد اللبن هيتأثر من كمية و جوده و بالتالي هيأثر على الطفل و صحته و نموه و ده مفيش اي ام تتمناه لطفلها
اما لو الطفل اكبر من 6 شهور
فده معناه انك بدأتي تدخلي الاكل علي الاقل من وجبة ل وجبتين ؛ فالرضاعة بالنسبة ليه جزء مش اعتماده الكلي فممكن ساعتها تصومي
بس لازم تاخدي بالك من شوية حاجات زي:

١-الراحة وعدم بذل مجهود كبير في فترة الصيام.
٢-فطارك يكون متنوع غني بالعناصر الغذائية الهامة وابدأي بالتمر.
٣- الجفاف مشكلتنا الكبيرة اللي لازم نتجنبها عن طريق شرب كمية مناسبة من السوائل و المياه من ٤:٣ لتر موزعة من الفطار للسحور .
⁦٤-نعتمد في اكلنا الخضروات والفواكه بنسبة كبيرة لما تحتويه من الياف و فيتامينات وسوائل.
٥- بين وجبة الفطار و السحور لازم ناخد وجبات صغيرة صحية مغذية .
٦- هنتجنب خالص المقليات و السكريات و المنبهات زي القهوة و الشاي .

و طبعًا لو حسيتي ان في تأثير على الطفل من عياط او جوع "كمية لبن غير مناسبة " او قلة نوم متنسيش ان ربنا اعطاكي رخصة للإفطار♥️🙏🏻

21/03/2023

رمضان كريم 🌙
كل سنة و انتم طيبين. احب افكركوا ان رمضان فرصة لا تعوض للتغير و اننا نبدأ من جديد فعشان كده لازم نستغله في نظام غذائي معمول مخصوص ليك يراعي حالتك الصحية و كمان اكلك اللي بتحبه بدون اي حرمان و تكسب عادات غذائية صحية تكمل معاك .
و عشان رمضان شهر الخير هيكون فيه خصم 20% علي المتابعات مستمر طول الشهر 💜💫

Dr. Nada ElGebaly / اخصائية التغذية العلاجية ندى الجبالي

28/05/2024

13/08/2023

24/07/2023

12/04/2023

07/04/2023

05/04/2023

03/04/2023

28/03/2023

26/03/2023

21/03/2023

Address

Telephone

Website

Alerts

Shortcuts

Share