مركز السيف للاستشارات النفسية والتدريب والتاهيل

24/09/2025

البداية يوم السبت القادم
مركز هيفين للاستشارات والتدريب
فرصه كويسه جداً لكل الي عايز يحصل على محتوى مميز للمقاييس النفسية للاطفال
@أبرز المعجبين

14/09/2025

11/09/2025

مقال الاسبوع 2
( أمتى أبدأ أعاقب وايه افضل عقاب )

ده سؤال يعتبر من اهم وأعم الاسئلة الي دائماً الامهات بالذات بتسأله
وعلشان نجاوب علية لازم نركز في المقال ده كويس اوي اوي اوي اوي اوي

بصي يا ماما .. الطفل الي هو ابنك او بنتك لما بيوصل لمرحلة إنه يمسك الحاجه بأيده ويوجها ناحية بؤه بتكون في 6 شهور وبعد كده
فكل حاجه قدامة ليها طريق واحد بس في التعامل معاها وانه يحطها في بؤه سواء دي حاجه تفيده او تضره وهو غير مدرك ليها تماماً يعني مش فاهم خااااالص ده

طيب وده معناه ايه بقا ؟؟؟؟؟؟

معناه ان اي تواصل معاه ان دي (غلط - كخ - وحشة )هو مش فاهم ولا ساكت
ويبدأ بقا في مرحلة الزحف ثم المشي ويكتشف بقا ويخرب بقا وبرده كل الي هو بيعمله ( فضول وحب أستطلاع )
بس مش عامل حسابة للخطر او الغلط ولما نمنعه يبدأ
يُظهر وسائل التواصل بقا وهيا
عياط بقا - وشحتفه - وزن - ومرمغه على الارض - وبتوصل كمان لمد الايد

يعني ايه انت تقصد إن كل الحاجات دي وسائل تواصل طبيعية في نموه مش غشومية او غباء او عنف

ايوه بالضبط كده دول وسائل التواصل بتوعه الطبيعيين
لما حضرتك بقا تعززي التواصل ده برد فعل زيهم يبقى هنا الغلط الكبيييييييير

يبقى كده انتي بتوصلي رساله ليه ان اعمل كده كل مره لحد ما تحصل على الي انت عايزه ويبدأ يعمم الوسائل دي مع الغير سواء في البيت او الحضانه بتاعته
فتلقيه بيضرب غيره ويتف ويشتم ويعض من غير ما الطفل التاني يعمل كده

وكل مره الامر بيزيد وحضرتك تبدئي تشعري إن خلاص الامور بدأت تخرج عن السيطرة
الواد بقا بيزعق ليا
البنت بدأت تعلي صوتها عليا
الواد ضربني بالعصاية على دماغي جامد
البنت بدأت تتكلم معايا بأسلوب وحش
الولد بدأ بعيب على كلامي
البنت بدأت تتعنف على اختها الي اصغر منها
وهكذاااااااااا من وسائل التواصل الي للاسف عززناها عندهم وبيستخدموها في تصرفاتهم

طيب والحل ايه ( انا كده مش عرفت اربي مثلاً )

لا خالص يا ماما :-
المهم اولاً إنك عرفتي هما ليه بيعملو كده ودي اهم حاجه
لو طبقتي من غير ما تفهمي الهدف مش هتعملي حاجه خالص

اولاً واحده واحده كده
☝🏻 : لازم الاول تقتنعي ان كل مرحلة وليها التدخل المناسب ليها ( يعني في بداية الامر لما ابنك او بنتك تعيط على حاجه او تزن او تتمرمغ في الارض )

التعامل المناسب . وش حضرتك الاول لازم يكون مبتسم وبعدها بأسلوب هادي جداً تتجاهلي عياطه وتطبطبي عليه لحد ما يسكت ولو مد ايه تمسكي ايده من بعد الكف مسكه ولا هيا خفيفة اوي ولا هيا قويه اوي
وبهدوووء خالص تقولي هات بوسه لماما مره و 2 و 3 و 4

الطرق دي بتعلم الطفل إن ممكن وسائل التواصل الي انت بتعملها تغيرها وتعمل غيرها
وإن العياط والضرب مش هو الحل

وبكده تكوني ضربتي 🐦🐦 بحجر واحد

منها اتعلمتي تمسكي نفسك وقت ما هو يعمل او تعمل حاجه
ومنها بتربيهم على تغيير رد الفعل

✌️: لازم وضروري يكون في اتفاق مسبق بينك وبين باباهم الي هو زوج حضرتك إن لما ابنك او بنتك تعمل حاجه نتصرف معاهم كده علشان نكون متفقين على طريقة واحده

🤟 : لازم وضروري قبل النوم نحكي ليهم حدوته قبل النوم
ويكون فيها سلوكيات شبه الي هما عملوها ونقول اتغيرت ازاي ومش ننسى الحضن قبل تصبحو على خير

كده نبدأ نضمن إن هيكون في تغيير في طرق التواصل وده امر هيريح ماما كتيييييييييييييير اوي

أستنونا في مقال جديد الخميس القادم
دُمتم بخير
اه نسيت
سؤال المقال :::

ياترا الطفل ( ولد او بنت ) الي بيدمر شخصيتهم اكثر

الحرمان الزائد ولا التدليل الزائد

ابعت إجابتك على الخاص واتساب :- 01023756549

وهيكون ليك هدايا كتير اوي

ُسري


@أبرز المعجبين

06/09/2025

إعتذرو لأولادكم مِن باب التربية

أسفين اننا زعلناكم وقت ما كُنا غضبانين

أسفين إننا تجاهلناكم وقت ما كُنا مشغولين

أسفين اننا سكتناكم وقت ما كُنا مضغوطين

أسفين إننا مش فهمنا قصدكم وقت ما كُنا مش فاهمين

أسفين إننا حرمناكم وقت ما كُنا موجوعين

أسفين إننا خلفنا وعدنا معاكم لما كُنا متوعدين

أسفين إننا ربطنا حبنا بنجاحكم بس على طول السنين

كلمة - أسف - بسيطة بس ليها الف داعم معنوى لأولادنا

@أبرز المعجبين

ُسري

05/09/2025

قولو شكراً لأولادكم

على كل حاجه بيعملوها فيها إسلوب من التربيه

شكراً إنك حافظت على سر ماما ومش قلت لحد

شكراً إنك جبتي حاجه لماما بتحبها علشان تفرحيها

شكراً أنك أخت بالك من الحاجه الي تزعلني ومش عملتها

شكراً إنك مش عملتي صوت عالي وانتي بتلعبي علشان تخليني انام كويس

شكراً أنك لما لقيت فلوس واقعة من حد جيت قلتلي ومش اخدتها وصرفتها

شكراً إنك طبطبتي عليا لما لقتيني متضايقة وقولتيلي متزعليش يا ماما

شكراً أنك بتهتم بنظافتك ولبسك علشان ديماً تكون نظيف قدامي

شكراً إنك دافعتي عن أخوكي ومش رضيتي باباه يضربه

شكراً أنك خليت بالك من اختك وحامتها من الغلط

شكراً إنك بتسمعي كلامي لما اقولك يلا نامي علشان مدرستك

شكراً أنك بتخلي بالك من أدواتك وبتحافظ عليها

كلمة - شكراً - كلما ليها الف دافع معنوي

@أبرز المعجبين

ُسري

04/09/2025

04/09/2025

مقال الاسبوع الاول ( 1 )
ياترا الطفل الي بيعمل مشاكل ديماً ( السبب أيه )
الولد او البنت بيكون عندهم حاجه اسمها ( ضعف تقدير الذات ) والي هيا بتظهر في مجموعة حاجات كده زاي
مفيش إهتمام بنفسهم -
مش نظاف -
مش منظمين ولا بيتعلمو حتى من النظام
بالبلدي كده مش بيحبو نفسهم وشوفي بقا يا ماما ويا بابا لما تكون مش حابب نفسك اكيد هتاخد كل كلمة وكل بصه وكل حركة من الناس ليك على انها نقد ولوم وعتاب وسخرية والكلام ليكي برده يا ماما
المهم نرجع لموضوعنا
الاولاد دول بقا بيعملو مشاكل من اللاشيئ يعني تدورو على السبب تلاقي السبب وهمي ولو في سبب بيكون سبب بسيط
ويكذبو ويقولو حاجات مش حصلت علشان الناس تركز معاهم وفي منهم الي على طول مزاجه سيئ يعني يضحك ساعه وينكد يوم كامل ويعملو العمله ومش بيحسبو النتيجة بتاعتها

طبعاً لما تكون السلوكيات دي بالشكل ده اكيد هيقابلو
إعتراض من الي حواليهم ورفض وعدم رغبة في التعامل معاهم
في البيت : لازم يعترضو ويأوحو ويرفضو ويعلو صوتهم وينضربو ومش بس كده وممكن يتسببو في ضرب غيرهم وبيكونو فرحانين اوي لما غيرهم ينضرب بسببهم

وفي المدرسة : ديماً بيشتتو زمايلهم والمدرسين بيشتكو منهم على طول ومش محبوبين في الفصل

وكل الحاجات الي اتذكرت دي بيعملوها علشان حاجاين
" يثبتو أنهم أقوياء لما يرفضو الامر
" ويثبتو للي أكبر منهم إنهم واثقين من نفسهم بالعند

والحاجتين دول يخلونا نروح لحته تانيه مهمة وهيا

إنهم بيهربو من الالم ( الضعف ) بالتحدي والمقاومة

ومن هنا بنكون حددنا مربط الفرس وهو

إنهم ضعاف وعايزين يثبتو للعالم الخارجي ( البيئة ) إنهم أقوياء

وبالتالي :- الخطوة العلاجية بتبدأ لما نحدد 3 حاجات

إنهم عايزين يثبتو انهم أقوياء
بيهربو من الالم الي جواهم ( الضعف )
عايز ين يشعرو بالامان

يبقى احنا كدا وصلنا إن كُل السلوكيات الظاهريه سببها مشاكل ذاتية داخليه قوية

ومن هنا بنبدأ إحنا كأخصائيين تربويون بنعرف ايه الحاجات الي بيكونو محتاجنها
( لانهم مش بيقولو عنها بصورة مباشره )
وبنبدأ نمارس معاهم طرق علاجية مهمة زاي

1- كروت المشاعر . للتنفيس عن المشاعر السلبية
2- لعب الادوار . لفهم طرق رد الفعل وتعديلها
3- كتابة الاولويات الحياتية او تسجيلها
4- الدعم ثم الدعم ثم الدعم ( من الاهل )
5- ننمي المهارات الايجابية حتى لو كانت قليلة

وسؤال مقالانا هنا

هو الطفل ( ولد / بنت ) بيتولد صفحة بيضا ولا بيولد مكتسب السلوكيات ؟

الي هيجاوب على السؤال صح - هيكون ليه فرصة إنه

يكتب مقال وينزل على الصفحة بأسمة وصورته

ليه خصم مميز لأي دورة او كورس حابب يشترك فيه

@أبرز المعجبين

ُسري

01/09/2025

شوية ملاحظات كده قبل اي جلسه ( نركز )

1- ضروري كأخصائي تتعلم تبتسم اول ما الجلسه تدخل

مش ينفع الطفل تقابله وانت وشك مكشر او غضبان او متضايق ( لازم تعرف ان ده جزء من رسالتك )

2- لازم تكون عارف رد فعل الولد او البنت الي داخل
من تاني او تالت مرة وتكون مجهز اسلوبك الي هتبدأ بيه

هيفرق معاك كتير اوي .. يعني في جلسه الهزار والضحك بيجيب نتيجة ويخلي الوقت لذيذ أبدأ بيه بس مش على مدار الجلسه كلها

وفي منهم الي بيحب يشتغل على طول يبقى ابدأ على طول انشطة أفصل لحظات وارجع تاني

وفي منهم الي داخل وناوي ولا يشتغل ولا يعمل اي حاجه
وده بقا تبدأ معاه وده بيكون بسبب فلازم توصل للسبب علشان تعرف تتصرف

في النهاية لكل جلسه وليها إسلوبها ومداخلها وطرق التعامل معاها كُل ما كنت متنوع ومرن هتعرف تتعلم وتفيد وتستفيد

شاركونا أرأكم على ايه الطريقة الي بتطبقوها مع اولادكم وبتجيب نتيجة بأسرع وقت

@أبرز المعجبين

ُسري

26/08/2025

جانب من تقييمات اولادنا للذكاء بالمركز

مهم جداً إننا نعرف نجدد نقاط القوة والضعف ومدى تطور مستوى الاداء لأولادنا خصوصاً قبل مرحلة الدراسة

مركز السيف للاستشارات النفسية والتدريب والتاهيل
بيقدم خدمات العلاج والتقييم بشكل علمي
وفرصة اولادنا للتطور بتكون أفضل وأحسن

مع مركز السيف حياه افضل لينا - ولاولادنا

@أبرز المعجبين


ُسري

25/08/2025

في إنتظار متابعينا لمتابعة كُل خميس مقال جديد ومهم
في العلاج السلوكي والارشادي

دُمتم بكُل خير 😊

@أبرز المعجبين

ُسري