Dr. Nagla El-Sherbeeny clinic
Psychiatrist
طبيب ومعالج نفسي - ماجستير الأمراض النفسية والعصبية
14/08/2025
الحب بدون احترام، مصيره الفناء
13/08/2025
12/08/2025
فيه حاجة اسمها " ملاحظة نقية" وهي شرح الموقف وكأنه تفريغ من تسجيل كاميرا بدون ما أحط عليه لمساتي. ده زي اللي موجود في المثال الأول ، الملاحظه النقية بتخلي الحديث هادي بعيد عن الأحكام اللي بتجيب عداوة وغضب.
ملاحظة: غبت أخر ٣ مرات.
حكم: انت مش ملتزم.
👍-أنت لم تحضر ثلاث اجتماعات.
دي ملاحظة هتشجع اللي قدامك يتكلم معاك.
🔕- أنت علطول بتغيب ومش ملتزم.
جملة فيها تعميم ومبالغة وحكم، هتخلي اللي قدامك يبدأ يدافع عن نفسه بدل ما نتكلم بحوار هادي ونناقش أسباب الغياب.
09/08/2025
نحاول نفهم
04/08/2025
عن الفقد والمواساة:
إنك تشوف حد بتحبه بيتوجع ده بيكسر قلبك، وعلشان كده في وقت الحزن الناس اللي بتحبك بتحاول بكل طريقة تهون عليك، فتقولك جمل زي: "إنت قوي وهتعدي"، "الوضع مش هيفضل كده"، "هتبقى كويس قريب"، أو يقترحوا عليك حاجات يعملوها لو كانوا مكانك.
ورغم إن نيتهم صافية، وقلوبهم فعلاً معاك، لكن ساعات الكلام ده بيكون عبء عليك بدل ما يخفف عنك.
ليه ده بيحصل؟
لأننا اتعودنا نشوف الحزن كأنه "عطل" محتاج يتصلح، أو "وجع" لازم نوقفه.
الحزن بيخوفنا، لأنه مؤلم، ولأننا بنربط الوجع دايمًا بحاجة "غلط".
فبقينا نشوف الحزن حاجة لازم نتخلص منها بأسرع شكل، بدل ما نعترف إنه رد فعل طبيعي جدًا على فقد أو خسارة.
وعلشان كده، الناس اللي حواليك بيفكروا إنهم بيساعدوك لما يقدملك حلول، أو يشجعوك على تجاهل الألم، لكنهم في الحقيقة بيسحبوا منك حقك في الحزن، كأنهم بيقولولك: “ماينفعش تحس كده دلوقتي.”
المشكلة إنك ممكن تبدأ تتظاهر إنك كويس عشان ما تقلقهمش أو تريحهم، وساعتها حزنك بيتحول لحِمل بتشيله لوحدك.
اللي محتاجينه فعلًا في وقت الحزن مش نصايح ولا حلول، محتاجين حضن، مساحة، وصمت آمن يسمح لنا نعيط، ننهار، نحس بالخسارة زي ما هي من غير ما نحس إن في حد مستعجلنا نعدي.
الحزن مش مشكلة. الحزن تجربة إنسانية محتاجة نعيشها بكل وجعها، ونلاقي اللي يفضل جمبنا واحنا بنعديها على طريقتنا.🫂
Be the first to know and let us send you an email when د. نجلاء الشربينى posts news and promotions. Your email address will not be used for any other purpose, and you can unsubscribe at any time.
