01/06/2025
🌿 مين يكسب؟ Agiolax ولا Picolax؟
كتير بييجي حد الصيدلية يقولك:
> "عاوز حاجه تريح بطني بسرعة"
أو
"بطني مش مرتاحة بقالها أيام ومش نافع معايا حاجة"
وساعتها بييجي السؤال اللي محتاج فهم ووعي:
🧠 أديه Picolax ولا Agiolax؟
تعالى نبسط الموضوع👇
💧 أولًا: Picolax Drops – بيكولاكس نقط
🔸 النوع: Stimulant laxative – مُلين محفّز
🔸 المادة الفعالة: Sodium Picosulfate – بيكوسلفات الصوديوم
🔸 بيشتغل على القولون، يحفز حركته ويطرد الفضلات
🔸 المفعول: بعد 6 لـ 12 ساعة
📌 مناسب لـ:
✅ الإمساك المؤقت
✅ التحضير قبل الأشعة أو المنظار
✅أثناء الرضاع الطبيعيه
⚠️غير مناسب لمين؟
◀️ حالات انقباص الامعاء المصاحب انسداد الامعاء
◀️الأمراض الالتهابيه الحاده للجهاز الهضمي
◀️الأطفال تحت سن ٤ سنوات
◀️في حالات الحمل
⚠️ مهم:
استخدامه لفترة طويلة ممكن يعمل كسل في القولون – lazy bowel، فبنكتفي بيه كحل مؤقت.
🌾 ثانيًا: Agiolax Granules – أجيولاكس فوار
تركيبة ذكية وطبيعية بتشتغل بنظام مزدوج:
Bulk-forming + mild stimulant
🔹 المكونات الفعالة:
1. Plantago ovata seeds – بذور البلانتاجو (بذور السيليوم)
2. Ispaghula husks – قشور الإسباغولا (الألياف)
3. Tinnevelly Senna pods – ثمار نبات السنا
(ملين نباتي طبيعي)
📌 ازاي بيشتغل؟
✅ الألياف بتمتص المياه، تزود حجم الفضلات، وتلين البراز
✅ السينا تنوّلي تحفز القولون بلُطف
🔸 المفعول: بعد 8 – 12 ساعة، وأحيانًا يوصل لـ 24 ساعة
📌 مناسب لـ:
✔️ الإمساك المزمن
✔️ كبار السن
✔️ الناس اللي بتدور على حل طبيعي وأمان على المدى الطويل
⚠️غير مناسب للحمل و الرضاعه
⚠️غير ناسب للأطفال اقل من ١٢سنه
⚠️ لازم يشرب ميه كتير جدًا معاه، عشان الألياف تشتغل صح ومتسببش انتفاخ أو انسداد.
