20/10/2025
😔 ليه كده يا داليا؟!
مش قولنا لازم تستشيري الدكتور؟
تعالوا نعرف قصة داليا وقولولي رأيكم 👇
🧕 بعد ما داليا حست إن بشرتها باهتة وطاقتها قليلة، قررت تشتري فيتامينات حديد من الصيدلية عشان تستعيد نشاطها 💊
ومشت على الجرعة بالالتزام التام ✅
لكن بعد أسبوعين... الأمور اختلفت للأسوأ 😞
بدأت تحس بـ:
🤕 مغص
🥴 فقدان شهية
😵💫 دوخة مستمرة
👅 ولسانها بقى لونه غامق!
اتخضّت 😱 وقالت: “أكيد في حاجة غلط!”
وراحت للدكتور (وكان المفروض تروحي من الأول يا داليا 😅).
وهناك كانت المفاجأة:
التحاليل طلعت إن الحديد عندها طبيعي جدًا!
😶 والأنيميا اللي عندها مش بسبب نقص الحديد أصلاً!
🩸 الحقيقة اللي داليا – وكثير غيرها – مكنوش يعرفوها:
مش كل تعب أو دوخة معناها “أنيميا نقص حديد”.
الأنيميا ليها أنواع مختلفة 👇
🔹 أنيميا نقص الحديد – وده النوع الوحيد اللي الحديد بينفع فيه.
🔹 أنيميا نقص فيتامين B12 أو الفوليك أسيد.
🔹 أنيميا بسبب أمراض مزمنة أو التهابات.
🔹 أنيميا ناتجة عن فقد دم أو ضعف امتصاص الغذاء.
⚠️ الخطر الحقيقي بيبدأ لما ناخد مكملات الحديد من نفسنا من غير استشارة طبيب،
لأن ده ممكن يسبب 👇
💔 تراكم الحديد في الكبد أو القلب (وده خطر جدًا على المدى الطويل).
🤢 إمساك – غثيان – ألم في المعدة – واسوداد في البراز.
💊 تفاعل الحديد مع أدوية تانية يقلل امتصاصها أو يبوّظ تأثيرها.
🥴 تقليل امتصاص معادن مهمة زي الزنك والنحاس
💡 الخلاصة:
قبل أي مكمل غذائي – حتى لو “مجرد حديد” – لازم تسأل الطبيب 👩⚕️
هو الوحيد اللي يقدر يحدد إذا كنت فعلًا محتاجاه، ويختار الجرعة المناسبة ليكِ.
ولو فعلاً طلع عندك نقص حديد، خدها خطوة بخطوة وابدأ بالاكل:
🥩 كبدة – لحمة حمرا – عدس – سبانخ – بقوليات – تونة وسردين.
🍊 اشرب برتقال أو ليمون بعد الأكل عشان يساعدوا الجسم يمتص الحديد.
🚫 وابتعد عن الشاي والقهوة بعد الأكل بساعتين على الأقل، لأنهم بيقللوا الامتصاص.
🩸 مش كل تعب بيتعالج بقرص حديد.
استشير الطبيب 💛
👩⚕️ د. نهى عمر
استشاري التغذية العلاجية – جامعة أسيوط
معاك لحد ما تلاقي راحتك الحقيقية مع جسمك وصحتك 🌸
📍 مركز دار الصفوة
ميدان الميدوب – أمام مستشفى الشاملة – بجوار كشري عماد الدين
📞 01019999216 – 0882347999
