17/01/2022
معلومات سريعه
⛔ الكارديو مش مهمته انه يخسسك خالص ،، ملوش علاقه ،، ملوش دخل بالفكره دي خالص ،، مش مهمته ،، مش بيخش يحرق الدهون معاك بشكل مباشر
⛔ تعال اشرحلك وافهمك 😀
تمارين الكارديو مهمتها الاساسيه انها تقوي عضله قلبك ،، قلبك عضله بيحصلها انقباض وانبساط زي كل عضلات جسمك ،، بس الفكره انها من النوع اللي انت مبتقدرش تتحكم في انقباضها ولا انبساطها ،، ومدفونه في المكان ده حفاظا عليها ،، لانها اهم عضله تقريبا في جسمك
⛔ الدهون بتتحرق ازاي ؟!
ابعت دم للمنطقه دي عليه اكسجين ،، يتفاعل مع الدهون اللي كيميائيا مكونه من الكربون ،، يطلعلك من المعادله ميه في شكل عرق ،، ثاني اكسيد كربون مع النفس وطاقه
معادله عارفها اي واحد درس كيميا عضويه
ويرد الدم تاني بالمخلفات دي ومخلفات الخلايا العضليه يتفلتر من جديد
⛔ طايب عاوز تقلل الدهون دي ،، تعمل ايه ؟!
بسيطه ⤵️
١_ زود الاكسجين اللي رايح للمناطق دي ،، بانك تزود كميه الدم وقوه ضخه للمناطق دي ،، وده مش هيحصل الا لو قلبك صحته كويسه وهنا تبان اهميه الكارديو ، وان الرئه تكون سليمه يعني متكونش مدخن
يعني انت بتلعب كارديو بتقوي قلبك ،، فضح الدم بالاكسجين اقوي فالحرق اعلي ،، يعني انت بتحرق ٢٤ ساعه مش في ال نص ساعه الكارديو اللي بتلعبها بس
٢_ قلل فرصه تخزين دهون جديده ،، يعني اظبط اكلك ودي اهم من رقم ١
او اعمل الاتنين مع بعض وتاخد نتايج مضاعفه
⛔ يبقي الكارديو اهميته كلها وتاثيره انه يقوي عضله قلبك
لكن انت ممكن تخس بدونه وتطبق الشرط التاني بس ،، بس صحيا انت بتضر بقلبك وبنفسك
⛔ الكارديو مهم تضخيم تنشيف مهم ،،
⛔الااهم انه علاج فعال جدا جدا لو نفسيتك سيئه ،، افضل حل انصحك بيه ،، صلي الفجر والبس هدومك وانزل في الشارع اجري والهاند فري في ودنك بتسمع قران بصوت حد بتحبه وشالتغيير اللي هيحصل ولو بسيط
وشكرا ♥♥
