25/05/2025
"ليه أسناني لونها بيتحول أصفر؟" 🤔 دا تقريباً أكتر سؤال بنسمعه
- إيه أهم أسباب إصفرار الأسنان؟
الأسنان لونها بيتغير للأصفر, البيج أو حتى البني, ودا بسبب البقع اللي بتتطور على سطح الأسنان (طبقة المينا) وكمان في العمق داخل الأسنان نفسها.
طبقة المينا هي الطبقة البيضا في أسنانك أما تحت المينا بيكون في مادة لونها بني إسمها الـDentin أو العاج, والطبقة البنية دي بتظهر بشكل أوضح لما طبقة المينا بتقل في السمك ودا اللي بيسبب تغيير لون الأسنان وتحولها ودا أمر طبيعي وبيحصل مع أغلب البالغين.
وكمان بسبب تآكل الأسنان نتيجة فقدان الأنسجة الصلبة وبعد كدا بتيجي أسباب تانية زي الشيخوخة, تناول الأطعمة اللي بتضعف طبقة المينا, أو عوامل وراثية
وبشكل عام دي أهم 10 أسباب ليه أسنانك بتفقد لونها الأبيض:
1. شرب الشاي أو القهوة بأستمرار أو كميات كبيرة على مدار اليوم.
2. التدخين هو أحد أهم أسباب تلون الأسنان بالنسبة للرجال.
3. التقدم في السن.
4. التقليل من الطعام, ودا بيشمل أكل الكتير من الأطعمة المصنعة أو اللي بتحتوي على احماض عالية, وكمان الصودا والمشروبات الغازية.
5. بعض المكملات الغذائية والأدوية بسبب إنها بتحتوي على نسبة عالية من الأحماض.
6. قلة شرب المياه اللي بيتسبب في جفاف الفم ودا بدوره بيضعف المينا.
7. التنفس عن طريق الفم أو إنسداد الأنف.
8. إستخدام المضادات الحيوية.
9. الأكثار من الفلورايد في الأسنان خاصة لو كان عادة منذ سن صغير.
10. وأخيراً عوامل وراثية.
- إزاي أقدر أحافظ على أسناني من الإصفرار؟
لو لاحظت أسباب إصفرار الأسنان هتلاقي إن أغلب العوامل اللي بتسرع معدل تلون الأسنان تقدر تتجنبها علشان تحافظ على بياض أسنانك عن طريق عكسها.
زي إنك تشرب معدل معتدل من الكافيين وكمية كافيه من المياه يومياً، وتتجنب التدخين تماماً، وتحافظ على نظام غذائي متوازن بيحتوي على الفواكه الطبيعية علشان تبعد أكتر عن السكر المضاف والضار جداً بأسنانك، وطبعاً الأهم إنك تحافظ على روتين رومي للعناية بأسنانك عن طريق تنظيفها بالفرشة والمعجون مرتين يومياً
Dentistree .. your Smile can change the world
teeth الأسنان
Remember to book and contact ☎️ Call : 01020910109
