Radwa Ahmed - Relationship Coach, Emotional Therapist & Healer

01/04/2025

عيد فطر سعيد 🤍🎊🎈🎉🌷🌸✨

29/05/2023

Get rid of the stereotype pic of “Romantic Relationship”!!!

From my video "A Romantic Relationship Is NOT All There Is!". Watch on YouTube at https://tealswan.com/videos/relationships/romantic-partner/Get Support on y...

11/03/2023

03/03/2023

From my 2022 Copenhagen workshop. Watch in full at https://tealswan.com/premium-workshops/n2022/cph/Get Support on your Journey with Teal's Spiritual Tools, ...

24/12/2022

This full 2022 Basel "Self Love" workshop is available at https://tealswan.com/premium-workshops/n2022/basel1/Five FREE Guided Meditations by Teal to Support...

02/12/2022

You can use this sound healing while you are doing your Heart Chakra meditation 🧘🏻‍♀️ 🧘🏻

Tune into the music of plants with PlantWave. (http://plantwave.com)In this video, we'll listen to four plants playing in harmony together. Each plant is con...

11/11/2022

Unpopular opinion:
شيرين تعمل اللي هي عايزاه.. حياتها دي نتيجة أفكارها ومعتقدتها ومشاعرها وصدمتها ونفسيتها.. محدش ليه أنه يحكم عليها أو يقول رأيه لأن دي رحلتها هي بس.. لا أنا متفقة ولا رافضة أنها رجعت لحسام حبيب ولا زعلت ولا أنبسطت..

بس نصيحة بقى بعد ما أتعلمت حاجات كتيرة في العلاج الشعوري والوعي وشغلي على نفسي اليومي ورحلتي في التطوير الذاتي من سنين كتيرة أوي أعمل كده Self Reflection أو الإنعكاس للخبر ده عليك.. يعني الخبر ده سمّع أو داس على زراير إيه جواك!!!!!!

-داس على ملف الإهانة؟!!!!
-داس على ملف الabusive relationships أو العلاقات المؤذية أو المسيئة؟!!!!!

وجعك الخبر ده أزاي؟!!!
أعتقد ده الملف اللي محتاج أنت أو أنتِ تشتغلوا عليه ❤️‍🩹
❤️‍🩹❤️‍🩹







#العلاقات
#الإستشفاء

05/10/2022

أد إيه الEmotional Therapy مهم وفرق في حياتي كتيييييير أوي في تخطي حاجات كتيرة برده أوي كانت وجعاني وأد إيه برده أتعلمت كتير من وراء الوجع ده.. الصدمات النفسية اللي بتحصل في الطفولة بيفضل أثرها عميق في النفس لفترة طويلة ومحتاجة جرأة واستعانة بربنا عشان تلمس الوجع ده عشان يتحرر.. بس لما بيتحرر بيحصل أرتقاء ووعي وإمتنان لكل التجربة وبعدها بيحصل إتصال أعمق مع الله ومع النفس ومع الكون كله 🤍🤍🤍🤍🤍🤍🤍






#الإستشفاء

31/08/2022

A MUST WATCH VIDEO 🤍🤍🤍

10/06/2022

"الخوف من الرفض"✋🏻😞

للأسف فيه ناس كتير دلوقتي مش بتحب وتخاف أنها تأخد خطوات في حياتها عشان بتخاف أنها تترفض أو بتحس بإهانة شديدة تجاه الانتقادات ورأي الناس..

ده بيكون على مستوى الشغل واتخاذ قرارات حياتية والجواز والحياة بشكل عام..

تلاقي حد مثلا شاطر جدا في توصيل المعلومات للناس وهو حد عنده معرفة وثقافة كبيرة وده شغفه وتيجي تقترح عليه وتقوله أنه يعمل فيديوهات على السوشال ميديا يقدم فيها المعلومات دي بشكل بسيط عشان الناس تستفيد فهو يرفض ويكون خايف من النقض أو خايف أن الناس ترفضه..

تلاقي حد تاني عايز يتجوز بس بيخاف يروح يتعرف على بنت عجباه عشان خايف ليترفض منها وده هيحسسه بإهانة في رجولته..

تلاقي حد تالت خايف يفتح المشروع اللي طول عمره بيحلم بيه عشان خايف من الفشل..

ونماذج كتيرة موجودة حوالينا وأنا كنت واحدة من الناس دي!!! 🙋🏻‍♀️

لحد ما أشتغلت على نفسي وأشتغلت مع مختصيين وعرفت السبب الحقيقي وراء كل الخوف ده..
والحمدلله قدرت أسترد ثقتي في نفسي تاني والألم القديم تجاه الرفض بقى تقريبا مش موجود لأني فهمت أن الرفض ده مش موجه ليا أنا شخصياً..

طيب هو ايه بيكون عندنا ألم الرفض ده كبيييير وبيوجعنا أوي كده؟! 🤔⁉️

ده بيكون ليه علاقة مباشرة بربط قيمتي وحبي لنفسي وقبولي وتقديري ليها بقبول الناس ليا ووضع أهمية أرائهم فيا بمقدار حبي وقبولي وأحترامي لذاتي وده بيكون حصل في الطفولة على شكل:
- صدمة أو صدمات
-نمط pattern أو مواقف متكررة كانت بتُمارس على الشخص في الطفولة من باباه أو مامته أو care giver ليه على شكل إنتقاد مستمر أو كلام سلبي أثر على ثقة الشخص بنفسه
-أتعرض لتنمر أو إساءات أو ممارسات عنيفة في المدرسة أو المكان اللي ساكن فيه

طيب ده علاجه إيه؟! ❤️‍🩹

علاجه:
أولاً: أن الشخص اللي بيخاف أو بيرفض أنه يترفض أو يُنتقد يعرف أن الرفض أو الإنتقاد ده مالوش أي علاقة بيه هو شخصياً.. زي مثلاً أنا مش بحب المانجا ده مش معناه خالص أن المانجا فيها عيب أو مش فاكهة حلوة بالعكس ده رأي شخصي وذوق وتفضيل خاص.. وده بالضبط اللي الشخص المفروض يفهمه أن رأي الناس بيكون هوى أو تفضيل شخصي وده لا يعيب الشخص اللي أتوجهله الرفض أو الانتقاد على الإطلاق..

ثانياً: الشخص المتألم ده محتاج يشتغل على طفله الداخلي مع مختص عشان يضبط معاه المعتقدات والمفاهيم الغلط اللي أتكونت عنده لوقت طويل ويحرر المشاعر السلبية القديمة عشان يرجّع حبه وثقته بنفسه تاني من جديد






#التشافي

#الوعي

27/04/2022

تعرفوا أن ألة الزمن موجودة!!!!

أيواااااااا موجودة حرفياً عند كل حد فينا.. وربنا هو اللي مدينا كلنا الإرادة الكاملة أننا نستخدمها ونرجع بالزمن..

عارفين أزاي؟!!!

طيب فكروا معايا كده 🤔
إيه الفكرة اللي دايما بتصدرهالنا الأفلام والمسلسلات اللي بيتكلموا على الرجوع بالزمن لوراه؟! 🔙⏮

دايما بيكون الهدف أو الغاية من الرجوع بالزمن أنهم يصلحوا أو يغيروا حاجات في الماضي عشان الحاضر والمستقبل يكون أحسن ❤️‍🩹

تعرفوا أن ده هو هدف ال Healing أو التشافي أصلا!!! 😉

إحنا في رحلة التشافي بنرجع لمواقف وذكريات قديمة حصلت في الطفولة عشان نصلح الأثر اللي سببته المواقف دي واللي مأثرة علينا دلوقتي واللي هيكون ليها أثر في المستقبل للأسف سلبي لو مغيرنهاش جوانا..

وأنا مش بتكلم هنا من فراغ.. من رحلتي اللي بدأت في ٢٠١٥ طبعا في الأول لا كنت أفهم يعني إيه وعي ولا يعني إيه تشافي.. اللي خلاني أعمل كده أني لقيت أني مش مبسوطة.. فيه نعم كتيرة حواليا مش قادرة أحس بجمالها ولا بقيمتها.. عايزة أحقق أهداف مش عارفة أحققها.. عندي مشاكل عمالة تتكرر ومش عارفة هي بتكرر ليه!!!

بدأت واحدة واحدة أفهم أن ده حصل بسبب وجود مشاعر سلبية أحتفظت بها من الطفولة لوقتها واللي أتكونت عليها معتقدات كنت متخيلة ساعتها أنها صح أو كونت كمان ميكانيزمات حماية مبنية على مخاوف كتيرة وسيناريوهات مخيفة مش حقيقية وفي دماغي أنا بس.. ساعتها بس بدأت أفهم وأحاول أغير أثار ما حدث ليا في طفولتي..

وهنا بدأت الرحلة للشفاء ❤️‍🩹❤️‍🩹❤️‍🩹

هي رحلة تبان في الأول أنها صعبة جدا وبتوجع وفيها مشقة كتيرة 😢😔😩😓

بس بعد ٧ سنين أقدر أقولكم أني بشكر ربنا جدا 😊 أنه كان ليه الفضل عليا كبير أوي أني أتعلم وأدرك حاجات كتيرة أوي.. وأني أتغير بفضل الله للأحسن وكمان ربنا دلني على الناس اللي ساعدوني وسخرلي جنود كتيرة من خلقه..

كمان حابه أشكر "رضوى" كتير أوي أوي أوي أوي أوي ♥️♥️♥️

كل ما أقعد أفتكر هي كانت بتعمل إيه عشان عايزة تغير واقعها اللي مش عاجبها.. رحت مشاوير وحضرت كورسات ودفعت فلوس وقضيت وقت ومجهود كبير في إني أفهم وأتعلم وعملت الحمدلله كل ما في وسعي عشان أكون كده النهاردة الحمدلله 🥰

بشكرها كمان عشان صمدت وعافرت كتير وسط ناس كتيرة حواليها قللوا من مجهودها وعارضوها وتفهوا من اللي عملته وقالوا عليها مجنونة وأتريقوا عليها وقالولها أنك بتضيعي فلوسك ووقتك على الفاضي.. ساعاتها ماكنتش عارفة أنا هوصل لفين ولا لإيه..

بس كنت بطلب من ربنا 🤲🏻 ومتشعلقة في كرمه أن حياتي تتغير للأحسن وأتخلص من المعيقات اللي مش مخلياني أعيش متمتعة بنعمه عليا ومتصلة بحال الحمد والرضا والسلام معاه 🤍🤍🤍

طيب حد هيسألني إحنا ليه بنعمل ده أصلا!!! 🤔

👇🏻
لأن:
- بالأساس رحلة التشافي هدفها الوصول لربنا وأنك تشيل العوائق اللي مغلوشة على أتصالك بيه..
لأن:
-أهمية الرحلة هي تهذيب وإصلاح للنفس من كل الوعي الجمعي والمعتقدات الغلط والصدمات المتوارثة من الأجداد اللي بتظهر أثارها في حياتنا اليومية
لأن:
-لما نتصل بربنا هنعيش حياة حلوة وبفضل الله وبكرمه هندخل جنة الدنيا والأخرة ♥️✨





#التشافي

_الإتصال_بالله
ُفتح_الأبواب_ويظهر_المعلم
#الوعي

#حب

20/04/2022

وأنا جاهزة 🙋🏻‍♀️🤩🥰😍😅😂🤣✨