08/06/2025
بعض المعتقدات الخاطئة الشائعة حول حروق الشمس عند الأطفال
🧴 1: "قليل من حروق الشمس لا يضر، هتختفي بسرعة."
الحقيقة:
حتى الحروق الخفيفة ممكن تسبب ضرر دائم بخلايا الجلد وتزيد من خطر الإصابة بسرطان الجلد في المستقبل، خاصة عند الأطفال.
🌥️ 2: "لا يمكن أن يحدث حرق شمس في الجو الغائم."
الحقيقة:
تصل نسبة 80% من الأشعة فوق البنفسجية إلى الجلد حتى في الجو المغيم، وبالتالي يمكن أن يُصاب الطفل بالحرق حتى في الأيام اللي الشمس مش طالعه فيها.
⏰ 3: "وضع واقي الشمسي مره واحده يكفي طوال اليوم."
الحقيقة:
يجب إعادة وضع واقي 🌞 كل ساعتين، أو أكثر ...لو مش بنعمل كده يبقى مش بنعمل حاجه اصلا
👕 4: "الملابس تحمي الطفل تمامًا من الشمس."
الحقيقة:
مش كل الهدوم بتوفر حماية كافية. الأقمشة الخفيفة أو الرقيقة أو المبلوله قد تسمح بمرور الأشعة الضاره
🌞 5: "هنحتاج الواقي فقط عند البحر أو البسين"
الحقيقة:
التعرض للأشعة فوق البنفسجية بيحصل كل ما خرج الطفل في النهار – في النادي / المدرسة. وعلشان كده الحماية يوميًا مهمه
👶 6: "يمكن استخدام الواقي الشمسي للأطفال دون 6 أشهر."
الحقيقة:
يُفضل عدم استخدامه للأطفال أقل من 6 أشهر، لأن بشرتهم حساسة جدًا. الأفضل هو استخدام الظل والملابس الواقية والقبعات. يمكن استخدام كمية صغيرة من الواقي فقط عند الضرورة القصوى.
---
🧼 7 : لو الجلد مقشرش، فده مش حرقف حقيقي"
الحقيقة:
الاحمرار أو الحرارة أو الألم الخفيف = وجود حرق شمس، حتى لو لم يتقشر الجلد.
💣 معجون الأسنان أو الزيوت علاج فعال لحروق الشمس
الحقيقه أن استخدامهم ممكن يؤدي لضرر بالغ في الجلد ويزود حرق الجلد..رجاءا حارا منعملش كده...نعمل ايه طيب؟ الاجابه في البوست القادم
د.شيرين مصطفى
استشاري طب الأطفال - طب عين شمس
زميل الكليه الملكيه لطب الاطفال
استشاري دولي الرضاعه الطبيعيه
