Amr Gaber Pharmacy

23/01/2020

التعب والارهاق Fatigue 😟😟

لو بتعاني في كثير من الأحيان من التعب والارهاق البدني.. خلينا نتعرف ايه ممكن يكون السبب الطبي وراء الأمر ده؟ 🤔

💫 أسباب التعب بتبقى عمومًا حاجة من ثلاثة:

نتيجة تغيير نمط الحياة اليومي Life Style:
زي: قلة الحركة، نقص النوم، السمنة المفرطة، شرب القهوة بكثرة، سوء التغذية، تناول بعض الأدوية

نتيجة اضطرابات بدنية Physical Disorders:
زي: الانيميا، والتهاب المفاصل، اضطرابات هرمونات الغدة الدرقية، الأرق، أمراض المناعة، أمراض القلب والكلية والكبد، مرض السكري،

نتيجة اضطراب عقلي Mental Disorders:
يعتبر فقدان الوزن نتيجة وأثر لبعض الحالات المؤثرة على العقل مثل: الاكتئاب، القلق

وبالتالي.. فتحديد السبب الرئيسي للتعب والارهاق.. هيساهم بشكل فعّال في معرفة سبب المشكلة وإيجاد الوسيلة الفعالة لعلاجها بإذن الله.. 👌

🌺

✨

17/01/2020

آلام الظهر Back Pain 🙁

تعتبر آلام الظهر من أكثر الآلام المنتشرة بين الناس واللي بتدفعهم لزيارة الأطباء أو بتكون سبب رئيسي للمكوث في البيت والغياب عن العمل..

طب إيه هي أعراض آلام الظهر، اللي ممكن الشخص يشعر بها؟ 🤔

🔹الشعور بالوجع في العضلات
🔹انتشار الألم إلى القدمين
🔹قد يزيد الألم مع المشي والحركة
🔹ربما تزيد بعض أنواع الألم مع النوم
🔹قد يظهر الألم أحيانًا كالنخز

يا ترى امتى الواحد المفروض يعتمد على العلاج في البيت، وامتى يتجه تلقائيًا لاستشارة الطبيب؟ 🤳

لو كان المريض لديه أي شيء من الآتي،، لابد فورا من الفحص واستشارة الطبيب 👇
⁦
1️⃣ ألم في الأمعاء أو المثانة
2️⃣ ارتفاع في درجة الحرارة
3️⃣ تعرض لإصابة أو حادث سابق
4️⃣ إذا لم يقل الألم مع الراحة
5️⃣ شعور بالتنميل في إحدى القدمين أو كليهما
6️⃣ فقدان الوزن فجأة بشكل غير مفسر

ربما تحتاج آلام الظهر إلى فترة تمتد من أيام إلى عدة أسابيع للوصول للحالة الأفضل مجددًا.. 😌

رزق الله الجميع الصحة والعافية 🌺

💊

14/01/2020

الأرق Insomnia 🥺😵

طبعًا كلنا عارفين إيه هو الأرق.. وإنه عدم القدرة على النوم عند الحاجة ليه.. أو الاضراب في النوم وعدم انتظامه.. والاستيقاظ بشكل متكرر كثيرًا في أثناء النوم..

بس إيه هي الأسباب اللي ممكن تؤدي للقلق؟! 🤨

🔹 نصف الأسباب اللي بتؤدي للأرق بتتعلق بالناحية النفسية والعاطفية للشخص وشعوره: بالقلق أو التعب أو الاكتئاب أو غيرها من المشاعر السلبية 😣

🔹 الأرق كذلك ممكن يكون مرتبط ببعض الحالات المرضية زي: الحساسية، مرض الربو، الشلل الرعاش، اضطراب هرمونات الغدة الدرقية، السرطان، وكذلك أي مرض يتسبب في الألم الجسدي المزمن للمريض

🔹 بعض الأدوية والعلاجات أعراضها الجانبية بتؤدي في كثير من الأحيان للأرق.. ومن أمثلة الأدوية دي: مضادات الاكتئاب، أدوية الغدة الدرقية، أدوية علاج ضغط الدم المرتفع لاسيّما المدرّة للبول، أدوية المسكنات التي تحتوي على الكافيين، وكمان وسائل منع الحمل.. وغيرها

وبتحديد السبب الأساسي في حصول الأرق لدى الشخص من ضمن الأسباب السابقة أو غيرها.. يمكن في هذه الحالة معرفة كيفية العلاج والتوصل إلى حالة أكثر راحة واطمئنانًا في النوم 😌👌

دمتم مطمئنين 💕

💊

13/01/2020

لو درجة حرارتي ارتفعت بشكل ملحوظ أو درجة حرارة ابني.. ايه العمل في الحالة دي؟! 🤔

⁦1️⃣⁩ أولا: على الفور لابد من استخدام كمادات جيل أو باردة أو أخذ دش من الماء مع تكراره.. لخفض درجة الحرارة إلى المستوى الطبيعي ⁦🌡️⁩

⁦2️⃣⁩ لو درجة الحرارة ما انخفضتش يمكن الذهاب للصيدلية، للحصول على دواء خافض للحرارة يناسب عمر المريض..
ومن أمثلة الأدوية الخافضة للحرارة Antipyretics..
🔹أدوية مضادات الالتهاب غير الاسترويدية Nsaids: واللي من أمثلتها: Ketophan, Bi-Alcofan, Cataflam, Olfen, Brufen
🔹أدوية الAcetaminophen ودي زي: Panadol, Adol, Cetal, Abimol

مع الملاحظة ان أدوية الAspirin لا توصف لصغار السن أقل من 12 عام.. نظرًا لأعراضها الجانبية عليهم ❌

ولابد من استشارة الطبيب أو الصيدلي لمعرفة الدواء المناسب، وصورته: هل أقراص أو شراب أو لبوس أو فوار أو نقط للأطفال

⁦3️⃣⁩ إذا ظلت درجة الحرارة مرتفعة لابد من استشارة الطبيب أو الذهاب إلى أقرب مستشفى 🏩

أتم الله عليكم عافيته 🌺

💊

12/01/2020

ارتفاع درجة الحرارة أو الحمى Fever 🤒

كل واحد فينا ربنا خلق فيه جهاز بيحافظ على درجة حرارتنا.. والجهاز ده هو مركز الحرارة في الغدة النخامية Hypothalamus في المخ 🧠

والطبيعي ان الطفل حرارته الطبيعية بتبقى 38 سيليزيوس.. والشخص البالغ بتبقى 37.5 سليزيوس.. وأي زيادة عن المعدل الطبيعي ده بيعتبر مؤشر لابد من تداركه، سواء بالعلاج او الاستشارة والمراجعة الطبية لا سيما لو زادت واقتربت من درجة حرارة 40 سليزيوس..

طب إيه الأسباب اللي ممكن تؤدي لارتفاع درجة الحرارة؟ 🤔

الأسباب عمومًا كثير.. ولكن ممكن نقول أشهر الأسباب واللي منها:
⁦1️⃣⁩ التسنين عند الأطفال من أول سن 6 شهور وحتى عمر سنة
⁦2️⃣⁩ الأمراض والعدوى، مثل: الانفلونزا، والالتهاب الرئوي، والتيتانوس
⁦3️⃣⁩ أمراض الالتهابات، زي: التهاب الروماتيزم
⁦4️⃣⁩ التعرض لأشعة الشمس لفترة طويلة
5️⃣⁩ تناول بعض أدوية المضادات الحيوية

طب هل فيه أعراض أخرى ممكن تبقى مصاحبة لارتفاع درجة حرارة الشخص وتنبّه الشخص لقياس درجة حرارته؟! 🤔

ممكن يلاحظ على الشخص عدة أمور زي: التعرق الشديد، الارتجاف الصداع، الجفاف، الضعف العام للبدن والعضلات

س: لو درجة حرارتي زادت أو درجة حرارة ابني زادت بشكل كبير.. إيه الحل في الوقت ده؟!!
ده هيبقى كلامنا البوست الجاي باذن الله 😄👌

😉
💊

10/01/2020

اتكلمنا البوست اللي فات عن أنواع الصداع المنتشرة بين الناس.. 😓

نبدأ بأول نوع ذكرناه وهنتكلم عن أصناف الأدوية اللي بتستخدم عادة وبيتم وصفها من قِبل الأطباء لعلاج الصداع 😕

العلاجات اللي بتساهم في تقليل ألم الصداع ده ممكن تبقى:

⁦1️⃣⁩ مسكنات الألم Pain Rellievers:
دي عادة بتبقى أول العلاجات المستخدمة لتخفيف آلام الصداع بشتى أنواعه بين الناس..

⁦1️⃣⁩ مجموعة متحدة من العلاجات Combinations:
ودي بتبقى أدوية مسكنة + بالاضافة انها تحتوي على مواد مهدئة Sedative Drugs عشان تدي إحساس للجسم بالراحة

⁦3️⃣⁩ الأدوية المخدرة Narcotics:
ودي بتتوصف من قبل الطبيب في الحالات الشديدة اللي بيكون اصحابها بيعانوا من عدة أنواع من الصداع في آن واحد.. زي الصداع النصفي والتوتري في نفس الوقت

طب دلوقتي هل ممكن تتوصف للمريض أدوية تحميه من الصداع اللي ممكن يحصله؟! 🤔

⁦1️⃣⁩ ممكن تساهم مضادات الاكتئاب Anti-Deppressant في منح حدوث الصداع التوتري عند كثير من الناس.. مع ملاحظة انها بيكون ليها بعض الاثار الجانبية البسيطة الخاصة بسوء الهضم أو جفاف الفم

⁦2️⃣⁩ برضه باسط العضلات Muscle Relaxant بيساعد على تجنب حدوث أنواع الصداع الناتجة عن آلام الرقبة وعضلات الكتف..

⁦3️⃣⁩ الأدوية المضادة لارتفاع ضغط الدم Anti-hypertensive Agents.. ودي بتساهم في تقليل أعراض الصداع الناتج عن ارتفاع ضغط الدم

⁦4️⃣⁩ الأدوية المضادة للتشنجات والصرع Anti-Seizures.. ودي بتساهم في خفض أعراض الصرع المصاحبة ليه واللي منها الصداع.. ولكنها بتكون مصحوبة ببعضا الاعراض الجانبية زي الدوخة والميل للتقيؤ

كدة خلص بوستنا انهاردة.. 😁👍
استنونا البوست الجاي وهنتكلن عن حاجة جديدة باذن الله ⁦✌️⁩👌

🍃

08/01/2020

الصدااااع.. Headache 😖

بتعاني من الصداع ووجع الراس ومش عارف السبب.. وكمان مش عارف إيه الأدوية اللي ممكن تاخدها وتساعد على علاجه؟ 😇

طبعًا الصداع ليه أسباب كثير جدًا.. ولكن خلونا نتعرف الأول في البوست ده على أبرز أنواع الصداع المنتشرة بين الناس..

1️⃣الصداع التوتري (Tension Headache)
وده أكثر أنواع الصداع انتشارًا بين الناس، وبيكون الألم بتاعه منتشر أسفل الرأس والرقبة.. ويأثر النوع ده من الصداع على عضلات الجسم
أسبابه متعددة منها ما يتعلق بحالة الإنسان المزاجية أو حتى البيولوجية.

2️⃣ الصداع النصفي (Migraine Headache)
وده بيحصل في نصف الرأس وبيكون مُصاحب بألم وخفقان في الرأس.. ومدته بتبدأ من 4 ساعات.. وممكن تزيد لعدة أيام..
الصداع النصفي أحيانًا كثيرة بيسبب القيء واضطراب المعدة وفقدان الشهية وحساسية ولغوشة في الرؤية.. وقد يؤدي في الأطفال لارتفاع درجة الحرارة

3️⃣الصداع العنقودي (Cluster Headache)
وده أشد أنواع الصداع لإنه بيكون مُصاحب بألم وانتفاخ حول العين مما يسبب دمع العين باستمرار، مع وجود احتقان في الأنف.
والنوع ده من الصداع ممكن يستمر مع المريض لحد عدة أسابيع أو شهور

4️⃣صداع الجيوب الأنفية (Sinus Headache)
والصداع ده بيتركز ألمه في الجزء الأمامي من الرأس.. لاسيما حول الأنف.. وهو ناتج عن التهاب الجيوب الأنفية.. ومن علاماته انتفاخ الوجه لاسيما في منطقة الخدين.. مع رشاح الأنف باستمرار

دي أبرز أنواع الصداع المنتشرة بين الناس..
طب يا ترى ايه سبل الوقاية أو العلاج من الصداع؟!
ده اللي هنتكلم عنه في البوست الجاي باذن الله 😉

18/08/2019

هاي بان شراب من خلاصة اوراق اللبلاب الطبيعية
يحسن وظائف الجهاز التنفسي في حالة الكحة الجافة
بداية من سن 3 سنوات
السعر : 22 جنيه
متوفر بصيدلية د/عمرو جابر

18/08/2019

17/08/2019

ينصح بشرب كوب كبير من الماء البارد على الريق 😍