13/07/2025
فك شفرة اضطراب الشخصية الحدية
" الخطوات دي لا تغني عن العلاج النفسي لكنها تعتبر اسعافات أولية لحين العلاج "
دايمًا في سؤال بيطارد أي حد اشتبك مع تجربة اضطراب الشخصية الحدية سواء كحد عنده الـ Borderline Personality Disorder أو كحد بيحب أو بيرعى شخص بيعاني منه
هو فيه أمل؟
هل فيه طريقة نكسر بيها الحلقة المفرغة بتاعة الخوف من الهجر، النوبات الانفعالية، والفراغ الوجودي؟
الحقيقة أيوه مش بالأدوية بس ومش بالجلسات النفسية لوحدها الموضوع أعمق، أنضج ومحتاج شغل من نوع مختلف
وده اللي خلاني أكتب برنامج ال
10 خطوات لفك الشفرة النفسية والوجودية لـ BPD وزاي ما سبق ونبهت هو لا يغني عن العلاج النفسي
1_خرب السيناريو الأصلي
أغلب اللي عندهم BPD عندهم Core Script شغال تحت الوعي
"أنا مش محبوب وهيسيبني في أي لحظة"
سقط الفيلم ده مش بس تقول لنفسك العكس لكن اكتب سيناريو جديد بمعنى
امسك ورقة واكتب كل مرة حسيت إنك محبوب فعلا فصل المشهد كأنك بتكتبه كـ Screenplay ، كرره بصوت عالي لنفسك كل يوم ، الوعي بيحب القصص بيحب الحبكة الدرامية فاحكي له حكاية تانية حكاية محبوكة درامياً
2_ حوار سقراطي مع عقلك
عارف إنك بتخاف من الهجر؟
اسأله أنت ليه خايف؟
وهو هيقولك اللي مش قادر تقوله لنفسك
دي طريقة Imaginary Dialogue، بس إبداعية لأن سقراط كان يبحث عن الجوهر والمضمون المشاعر عمره شاف الأمور بسطحية
3_العب لعبة “Pause & Name”
في كل مرة ييجي الإحساس المندفع الـ Emotional Surg, اوقف و سمي الإحساس بصوت عالي كأنك بتتكلم مع طفل صغير "أنا حاسس إني مرفوض دلوقتي بس ده مش معناه إني مرفوض فعلا Name it to tame it تسميته هي أو خطوة لترويضه
4_ اختار هوس بديل
الحديين بيعيشوا هوس بالعلاقات أو الهجر أو حتى الألم لكن العقل البشري مرن جدا
اختار هوس جديد اكتشف نفسك في حاجة جديدة حاجة تنتمي ليها تاخد مساحة كبيرة من تفكيرك ممكن تكون
حياتك العملية _ عمل تطوعي _ نشاط اجتماعي _ هوايه _ البحث عن أشياء نادرة _ تعلم مهارة جديدة _ لغة جديدة _ تحسن نوع ذكاء معين _ التعمق في علم بعيد عن تخصصك
5_ العب "Role Reversal" مع نفسك
كل يوم لمدة ٥ دقايق إلبس شخصية اللي أنت خايف تكرهه مثلاً لو أنت حساس جدا للهجر إلعب دور الشخص اللي سايبك
واسأل نفسك لو أنا مكانه كنت بفكر في إيه؟
ده بيعمل حاجة عبقرية اسمها Cognitive Empathy Rewiring وبيخلي جزء منك يبص للعلاقات بطريقة أعمق وأهدى
6_ إكتب رسائل مستقبلية لنفسك
كل أسبوع ابعت لنفسك رسالة كأنك بعد 3 سنين
"أنا اللي نجيت من كل ده كنت فخور بيك وانت بتتعلم تقول لأ" ،الرسائل دي هتتحول مع الوقت لـ Internal Secure Attachment وده نوع من العلاقات الداخلية اللي بتبني الأمان جوه النفس
7_مارس اللا تفاعل المقدس
قانون ذهبي كل ما ييجي لك urge إنك ترد برسالة طويلة أو تبوح بمشاعر في لحظة انفعال ما تعملش حاجة خالص سمي اللحظة دي اللاتفاعل المقدس زي ما الزاهد بيقعد في حاله زهد من كل مثيرات الحياة
انت بتقعد مع نفسك في لحظة انفجار وتقول لنفسك أنا مش مضطر أرد دلوقتي
وده بيكسر حلقة الاندفاع
8_عالج نفسك بالفن
مش لازم تكون فنان ولا ترسم لوحة كاملة
بس امسك ألوان وخربش أكتب كلمات مش مفهومة إعمل كولاج بصور قديمة ده اسمه Subconscious Processing through Art العقل بيترجم الألم لحاجة مرئية وبالتالي مفهومة أكتر وبعدها مقبولة أكتر
9_ خد علاقة و فكهها
اختار علاقة قديمة أثرت فيك ومش شرط رومانسية وابدأ تفكيك نفسي ليها
إيه الرسائل اللي خدتهم من العلاقة دي عن نفسك؟
إيه اللي كنت بتصدقه عن الحب بسببها؟
إيه السلوكيات اللي اتعلمتها منها ولسه شغالة في حياتك؟
ده بيعمل Schema Repair وبيفك شفرات جواك عمرها ما اتفكت قبل كده
10_النذور النفسي
زي ما الناس بتعمل ندر لله إنت اعمل ندر لنفسك انا بوعد نفسي إني مش هسمح لأي إحساس طاير يقرر أنا مين الندر ده مش كلام وبس اكتبه علقه في أوضتك ارجع له وقت الأزمات إنت بتبني Self-Contract وده أقوى من أي علاقة خارجية
اضطراب الشخصية الحدية مش لعنة
هو طريقة تانية للحس وللفهم وللوجود بس محتاج تشوفه كده وتفك شفرته بنفسك مش زي ما الكتب بتقول لكن زي ما روحك تعرف
