06/10/2022
السلام عليكم ورحمة الله وبركاته 🥰🥰
النهاردة إن شاءالله هنتكلم عن تانى حالة طوارئ ألا وهى النزلة المعوية.
هتلاقى العيان داخل عليك الحقنى يا دكتور بطنى وجعااانى اوووى، ومش قادر استحمل.
تعالو نعرف مع بعض ايه الأعراض، والأسباب، وإزاى اتعامل معاه فى المستشفى والبيت؟؟؟
أولاً الأعراض:
1: ألم فى البطن 😱ودى اللى هتخليه يجى المستشفى اصلا.
2: الإسهال "وهو زيادة عدد مرات دخول الحمام عن الطبيعى بتاع الشخص"، وممكن يكون عبارة عن ماية او فيه دم.
3: حاسس بغثيان🤢 ومعاه ترجيع🤮🤮.
4: ارتفاع درجة الحرارة ،ودى مش مع كل الحالات.
ثانياً الأسباب:
الأسباب غالبا بسبب عدوى فيروسية او بكتيريا، والأشهر الفيرس.
طب إزاى أفرق بين البكتريا والفيرس؟؟؟؟؟
الفيرس: مفيش معاه حرارة ،والاسهال شبهه الماية.
البكتيريا: هتلاقى الحرارة مرتفعة، والاسهال ممكن يكون فيه دم.
باقى الأسباب ممكن يكون بسبب أكله زى الفسيخ مثلا😲😯 ،وممكن من المبيدات الحشرية.
ثالثاً المضاعفات:
ودى غالبًا بسبب الإسهال لانه بيدخل فى جفاف هيقولك شفايفى ناشفة وريقى ناشف 😐😐.
دى الحاجة الوحيدة اللى ممكن تتدخل فيها بسبب النزلة المعوية.
رابعًا: ازاى اتعامل معاه فى البيت والمستشفى؟؟؟
*فى البيت*
1: هديله حاجة للترجيع زى primpran.
2: هديله حاجة للأم زى Buscopan.
ولو عرفت اركبله محلول يبقى تمام اووى معرفتش يبقى فى المستشفى.
*فى المستشفى*
1: هركبله محلول علشان الجفاف ringer.
2: مضاد حيوي لو فى عدوى بكتيرية
Cefotax 500mg مرتين فى اليوم.
3: Antinal.
4: primpram.
5: Buscopan.
6: panadol أو paramol.
وبس كدا♥️♥️
