Dr.Bassant Ashraf

04/05/2025

لسه ضهرك بيوجعك ؟!!
طب الوجع بيروح ويجي ❗️
طب لسه مش عاوز تعرف اي السبب وتعالجوا

مركز الأسيل عندو الحل باستخدام برامج خاصه ليك علي حسب حالتك وأحدث الاجهزه

جرب وهتلاقي الفرق 💯
احجز جلستك مع د/بسنت اشرف
متواجده ايام سبت واتنين واربع من الساعه 3 عصراً حتي 10 مساءً

الزقازيق -مفارق المنصوره -أمام سجل البطايق -اعلي قهوه العندليب-الدور الثاني

للاستفسار والحجز /01550312822

16/09/2022

20/08/2022

أيها السادة ... انتبهوا قبل فوات الأوان ...

الصورة المرفقة موجودة في مجلة علمية اجنبية مكتوب عليها ...
This kidney stones because drinking alot of soda water
تعجبت كثيرا من الصورة!!!
ازاي المشروبات الغازية مهما كانت كميتها تعمل في الكلى بالشكل دا؟
الصور اوفر بشكل فظيع! هل يعقل كل دي حصوات من كولا؟؟

لكن لما بحثت عن الموضوع باستفاضة ... لقيت الموضوع صحيح ومنتشر كمان في اكتر من مصدر اجنبي اشهرها موقع
healthline , kidney stoners organization

🚩 المشروبات الغازية بتحتوي على حمض الفوسفوريك علشان يدي للمشروب الطعم ويخليه منعش
لكن المشكلة كلها في حمض الفوسفوريك لأنه المرتبط بحصوات الكلى
وده بسبب انه بيعمل وسط حمضي في "المجرى الكلوي"
البول في الحالة دي بيكون حمضي جدا ،، ودا بيسمح لتكون الحصوات بمنتهى السهولة

دكتور في southern illinois urology إسمه lawrence hatchett
أكد أن سبب تكون حصوات في حالات كتير بسبب الصودا والكولا بالأخص ونصح الناس بالحد منها خصوصا مع الوجبات السريعة
صحيح اللي اخترع الكو*لا صيدلي. .. واللي اخترع البيب*سى صيدلي ... لكن اخترعوهم كمشروبات منعشه ... مش مشروبات يومية بديلة عن الماء

الإهتمام بالصحة وتوعية الناس شئ مهم وخصوصا الأطفال اللي ادمنت المشروبات دي وهي صغيرة

وهنا الخطر - خطرين -
لان حمض الفوسفوريك نفسه مش هيضر الكلى بتاعتهم وهما صغيرين بس ... دا بيقلل امتصاص الكالسيوم في الجسم كمان وهيعرض - العظام والأسنان - بتاعتهم للخطر ... لما يكبروا ...غير سرطان المعده والقولون.
يا ريت نتعلم قبل فوات الأوان ...

19/02/2021

فيتامين د 🙈♥️

هو الحقيقه مش فيتامين خالص🧐 هو هرمون الجسم بيكونو ويفرزه من طبقات الجلد لما يتعرض للشمس 🤩
في ناس طبعا بحكم الظروف مبتعرفش تتعرض للشمس بطريقه مباشره بسبب الظروف 😞
الناس دي اكيد عندها نقص في الفيتامين ده 👌
لان يعتبر مفيش مصدر تاني غير الشمس النسب الموجوده في الاكل لاتذكر 👍

المفروض نسبتوا من ١٥:٢٥ فيعني يعتبر كويس
والطبيعي من ٢٥:٦٠
ويعتبر زايد لو عدي ١٥٠
وده طبعا نادر جدا عشان كده انت لو سليم ومعندكش امراض تقدر تاخدوا من غير استشاره الطبيب لانوا نادر جدا ان حد يكون عندو النسبه اعلي من ٣٠😘🥰

الحل ان ياما بتبدا تتعرض للشمس دقايق يعني مش كتير يعني لو ٣ مرات في الاسبوع كده ربع ساعه حتي لو انت في بيتك بس فتحت الشباك وقعدت تحت الضوء كده هتكفي بلغرض😻
او تاخد مكملات للفيتامين ده هي اقراص من الصيدليه وعادي آمنه جدا بس تسأل الصيدلي تاخدها كام مره
لان هي بتختلف من منتج للتاني في بيبقي ٨٠٠٠ وحده وفي ٥٠٠٠٠٠ فاسال علي الجرعه 😽

ويتاخد بعد الاكل مباشرًا 👊

👈طيب عماله تتكلمي كده واخدوا وبتاع هيعملي اي يعني ده 🤥

اولا الفيتامين ده بيساعد علي امتصاص الكالسيوم من الاكل 😶
ولو هو مش موجود ممكن جدا في وجبه مثلا الكالسيوم جسمك مش امتصوا ويسحبوا من العضم عشان يظبط المستوي في الدم ومع الوقت والغذا الغلط ممكن بسبب هشاشه في العظام او ضعف 🙄

ثانيا هو بيساعد جدا في التخسيس
فالو وزنك ثابت في الدايت جرب تاخد الحبوب دي 😚

غير بقي فوايد كتير اوي ليه
بس لو انت مريض وبتاخد ادويه سيوله مثلا فخلي بالك ومتخادوش غير باستشاره الطبيب 🥰

وبس كده ♥️



💜👑

07/01/2021

الشمر 🌝

?? شمر اي يابنتي هو انتي خلاص سبتي الينسون ومفضلش غير الشمر 😏🤣

اهدي بس ياحاجه انتي تعرفي ان الشمر ده فوايده طلعت اكتر من الينسون ذات نفسوا😍

?? لي يعني مش ده الي بيتحط علي القرقيش والباتون ساليه 🤨🧐

-اه 😂
تعرفي انو ليه دور في علاج كل الامراض تقريبا 😅

?? ازاي 🤔

يعني مثلا حلو جدا لمرضي الكوليستيرول العالي لان هو يعتبر خالي تماما من الكوليسترول 👌😻

كمان استخدامه بيساعد علي ارتخاء العضلات 💪
١-ده معناه انو بيخفف من الارق وبيساعد علي النوم الجيد لانو كمان بيساعد في تنظيم الميلاتونين وهو هرمون المسئول عن النوم 😴🥱

٢-وكمان معناه انو بيقلل من تشنج العضلات والالام الناتجه عن تشنج عضلات الحوض اثناء فتره الطمث والولاده عشان كده ممنوع المرأه الحامل انو تاخدوا لانو كمان بيزاود من هرمون الانوثه (الاستروجين) وده ممكن يعمل خلل في تكوين الاجنه يعني من الاخر ممتاز للمغص 😘😇

كمان بيساعد في ضبط مستوي ضغط الدم
وكمان بيقوي الاعصاب 👌💋

والحلو بقي انو بيساعد علي التخسيس لانو بيحسن عمليه الايض وهضم الاكل وبيمنع عسر الهضم وكمان فيه الياف يعني بيساعد علي الشبع فممكن يتاكل علي كوبايه ذبادي كده ويبقي احلي عشا😍
وبيدي نضاره للبشره ومظهر حلو 🧁 وبيعالج الامساك 🤨😉

كمان بيقلل من الانتفاخات الناتجه عن القولون وبيساعد في تقويه المناعه ومع الدوام يقلل الالتهابات🤩🥰

بس بقي 🥰
برضو منكترش عشان ميعملناش اي ضرر مع انو آمن جدا بس برضو الاحتياط واجب😉

بس كده ❤️‎﮼




👑💜

25/11/2020

الجلطه الدمويه 😵
مفيده ومهمه اوي في الجسم 😍

🤔ها. انتي بتقولي اي ...! 🧐

زي مابقولك كده في انواع كتير اوي من الجلطات 🤓
في اول نوع وهو المفيد 😍

وده الي بيحصل لو يعني حصل جرح او قطع في الشعيرات الدمويه والاورده 😫

مثلا لما بتتعور مش شويه كده والنزيف بيقف وتدنها تنشف وبعدين مع الوقت تكون قشره😀

اهو ده كده اسمها جلطه ولو الجلطه دي محصلتش كان هيفضل النزيف مستمر والجرح مفتوح وعرضه للتلوث 🙂

بس كل بقي الانواع الجايه مضره او لا هي تعتبر كارثه 😣

اولا كده خلينا نتخيل شكل الجلطه 🧐

الجلطه هي عباره عن كتل كده من الدم ( زي الكبد كده 🛑) بتتكون في شريان او وريد مثلا وبتحصل لما الدم يقف او ميتحركش لفتره فابيبدا يتجلط 😕

والجلطة بتتكون لو حصل تلف في بطانه الاوعيه الدمويه ( الوعاء الدموي الي هو زي الشريان او الوريد او غيروا بيبقي ملمسوا ناعم واملس جدا بدرجه انت متتخيلهاش ❗️بس اي حاجه بتحصل فيه زي تصلب الشرايين مثلا او اي حاجه تغير ملمسوا فاده بيحفز ان الدم يقف في الحته دي ومع الوقت بتتكون الجلطه 🩸)

الجلطه ممكن عادي تتكون في اي مكان بيمشي فيه دم زي الاوعيه الدمويه والقلب 😵

معظم الجلطات الي بتحصل في الاورده بتبقي ناتجه عن اسباب تانيه👌
👈👌اصل ( الدم بيخرج من القلب والقلب ده موجود في جسمنا من فوق وبعدين بينزل في الشرايين ويطلع في الاورده والوريد مفيهوش عضلات ولا نبض فالدم وهو طالع بيبقي صعب لان هو بيطلع عكس الجاذبيه الارضيه فبيبقي في صمامات في الاورده زي كده الباب بتفتح في اتجاه واحد بس 🤚فلما الدم بيطلع في الوريد الصمامات دي بتقفل عشان ميرجعش تاني وكمان الاورده بتكون قريبه من العضلات فالانقباض الي بيحصل لما نتحرك ده بيضغط علي الوريد فبتساعدوا بردوا ان الدم يطلع 👌😻)

فلو حصل خلل في اي حاجه من الي بتساعد ان الدم يطلع للقلب تاني ده بيخلي مرور الدم بطئ وده بيكون جلطات
يعني الي يحصلوا الحاجات دي دائما بيبقي عرضي للجلطات زي 👇

١- مشاكل ضعف الصمامات
٢- القعده او الثبوت في وضع معين لفتره طويله
٣- الوقفه الكتير
٤-التدخين 🚭
٥- السمنه 💮
٦-تقدم العمر خصوصًا فوق ٦٠ / والوراثة🧬

دايما في الحالات دي المريض بياخد ادويه السيوله عشان يمنع التجلط 🩸

وعلاج الجلطه الراحه والمتابعه مع الدكتور
لان لو ملتزمتش بلراحه واتحركت الجلطه ممكن عادي تتحرك من مكان للتاني 🤚😫

ولو راحه القلب او الرئه فكده يبقي خلاص الموضوع انتهي البقاء لله 😞

فالموضوع بيبقي صعب جدا ومينفعش التهاون فيه 😍

بس كده ♥️



👑💜

01/11/2020

ارتجاع المرئ

بنسمع عنو كتير بس هو اي 😅🧐

بص هو المرئ ده عباره عن انبوبه كده المفروض الاكل بيمشي فيها عشان يوصل للمعده وفي في اخروا حاجه كده زي عضله بتقفل عشان الاكل ميرجعش ويمشي في اتجاه واحد بس
فانو يحصل ارتجاع في الاكل من المعده للمرئ ده كده غلط 👌
وادام ما في حاجه حصلت غلط
يبقي حياه الانسان ده كلها غلط في غلط 😍
يعني المعده لما بتاكل بتفرز احماض معينه بتساعده في الهضم 😇
لو حصل ارتجاع ده ممكن يسبب

١- التهاب في الاحبال الصوتيه
٢- انك تشرق باستمرار اثناء النوم ده ممكن يعملك التهاب في القصبه الهوائيه او الرئه
٣-سنانك تبوظ عشان الحامض ده ممكن يعمل تاكل للاسنان وممكن بعض ادويه الضغط تتسبب في ارتجاع المرئ😍

طيب اي هي اعراضه
١-حرقان او حموضه
٢- الو في الصدر واحساس بالقئ 🤮

فالمريض لازم يلجأ في اسرع وقت لطبيب متخصص عشان الدوا وميعتمدش علي اي نوع دوا او وصفه غير تحت اشراف الطبيب
والنعناع من الاعشاب الي تزود التهيج والحرقان وكمان كل الاكلات الي فيها توابل او حراق 🥵 كتير 🙃😊

بس كده♥️



👑💜

#

28/10/2020

كل سنه وانتم طيبين بمناسبه المولد النبوي♥️

👑💜

27/10/2020

انا حرقي قليل وعاوزه اخس بسرعه 😶😶😶😶😶😶😶😶😶😶😶😶

طيب انت عرفت ان حرقك قليل ازاي 🤔🤔
عملت دايت يوم مثلا وملقتش نتيجه ولا اي 🧐

في حجات اكيد بتأثر علي الحرق ولو انت حلتها او اتجنبتها اكيد الحرق عندك هيتظبط 👌😍

اولا كده الاكل 😅
الدايت مش حرمان ياجماعه زي مانتو فكرين 😀
انت لو بتاكل كميات قليله خالص جسمك مش هيحرق جسمك حرقو بيعلا كل ماتاكل 😁

فانت لازم يكون نظامك متزن مع جسمك وحرقو ونشاطك اليومي 😇

تاني حاجه بتاثر علي الحرق

وهو الكتله العضليه
العضل يجماعه هو الي بيبدا يشغل معايا الحرق ويحرقلي الدهون فلازم نكبر الكتله العضليه عن طريق :-

١-انك تشرب ميا وتاكل بروتين 🤩
٢- انك تتمرن اولا التمارين بتزود معاك السعرات الي جسمك بيحرقها وكمان بيبني كتله عضليه 💪😎

تالت حاجه النوم الكافي
يعني منمش ٤ ساعات واقوم
ولا انام ١٥ :١٦ ساعه 🙂
لازم انام ساعات منتظمه يعني الشباب ٧ ساعات كفايه والكبار ٨:٩ حلوين 😍

لو انت عملت الحجات الي فوق دي ولقيت الحرق قليل او جسمك مبينزلش بسرعه فانت تعمل تحاليل 👇

١-تحليل الغده الدرقية لو عندك مشكله فيها هتقلل الحرق فانت هتاخد علاج وهتلقيها اتظبطت معاك 👌😻

٢- تشوف نسبه فيتامين D في جسمك عامله اي عشان لو عندك نقص فيه بيقلل من الحرق 😍

٣- تحليل السكر لان لو الانسولين عالي او مستواه مش متظبط فاده بيعمل مشكله في الحرق 🙂

٤- للبنات: تكيس المبايض عشان بيبقي في خلل في افراز الهرمونات الانثويه(الاستروجين-البروجسترون) وده بيقلل الحرق 😍

لو كل ده تمام فانت كويس وحرقك تمام
لو حاجه من الي فوق دي عندك فاتعالج منها او صحح العاده والحرق بتاعك يتظبط

بس كده♥️



👑💜

25/10/2020

الفول السوداني 🥜

معروف انو نوع من انواع المكسرات 👌
بس في الحقيقه هو من البقوليات
وكمان مش زي بقيت البقوليات بيتزرع في شجر مثلا 🙄
لا ده بيتزرع في الارض وبيبقي علي هيئه قرون كده وجواها بذور 😊

بس علي الرغم من ان سعرو رخيص 🥰

بس فيه كميه عناصر رهيبه 😍

اول حاجه هو سعراته عاليه يعني ١٠٠ جرام منه ممكن تدخل في حوالي٥٥٠ سعر مثلا 🙃

بس فيه نسبه بروتين ٢٨ جرام تقريبا ودي نسبه عالي جدا تقريبا متساوي مع بعض الاسماك واللحوم 🥺

ودهون صحيه بنسبه عاليه برضو ده غير الالياف والمعادن وغني بمضادات الاكسده 😘

وممكن تعمل ذبده الفول السوداني
حمص السوداني واطحنوا لحد ماينزل الزيت بتاعوا ويتجانس مع نفسو من غير اضافات 💜
وخد معلقه الصبح كده تبقي حلوه جدا وتفرق في نشاط بقيت اليوم♥️

بس كده♥️.

👑💜

23/10/2020

معروفه ان الشتا بيجي مع التخن 😂

معلومه كده مؤكده ومعروفه 👌
نقضي الشتا اكل نيجي نلبس هدوم الصيف نلاقيها مش داخله 😢☺️

طيب تعالوا بس كده نشوف الموضوع من حته تانيه 😀

اولا كده الحرق بيبقي عالي في الشتا 😘واعلي من الصيف لان درجه الحراره بتبقي منخفضه فجسمك بيبذل جهد عشان يعادل حراره جسمك الداخليه وميخلهاش تبرد 😘

يعني انت لما بتترعش دي بتبقي وسيله دفاعيه من جسمك عشان تدفي 🥺😍

بس الفرق ان الشتا ليلو طويل فابيخليك تكسل عن التمارين واعد تحت البطانيه عاوز تاكل وتشرب وخلاص وده كلو وانت اعد 🤩😊

دا حتي لو في اكل بتقعد تحت البطانيه تاكلو وبتكسل تخرج ايدك عشان تاكل بيها
الي هو انت متخيل المأساه الي انت فيها 🤔🥰

فطبيعي انك تتخن يعني 😅

طيب والحل 🧐🤔

انت فرصتك انك تخس في الشتا احسن بكتير من الصيف 🤗

انت بس ابعد عن السحلب خليه مره في الاسبوع 😶

وبدل بقي يعني يوم حمص الشام لطيف اوي ومفيد ومش هيتخنك يوم فشار يوم بليله 😘
وفاكهه الشتا تحفه
برتقال 🍊 ويسفي وجوافه 😍

كده يعني سيبك من الحجات الدسمه والي فيها سكر كتير 😇

لان انت لما بتدخل حاجه سخنه بغرض انها تدفيك جسمك علطول بيعادل حرارتها مع حراره جسمك يعني بتدفي لفتره قصيره اوي 🙃

والي بيفضل هي سعرات النشويات والسكريات الي كلتها ☹️

فانت يابن الناس اتحرك كده ومتكسلش ولما تعمل حاجه تاكلها او تشربها افتكر شكلك في اول لبس صيفي بتلبسوا بعد الشتا وانت نفسك هتتسد 😂😂

بس كده♥️.



👑💜