19/07/2025
يعني ايه OPT تدريبات اورال موتور
هو اختصار لمصطلح Oral Placement Therapy
وهي طريقة علاجيه حديثة تعتمد علي مجموعة من التدريبات الممنهجه باستخدام ادوات محددة لتحفيز الاحساس والحركة لتحسين القدرة الوظيفية لاعضاء النطق وفي ٣ وظائف رئيسية معنيه بالتدريبات دي وهما (التنفس -التغذية -النطق والكلام )
مين هم الحالات المستفدين او المستهدفين منها ؟
** اي شخص عنده ضعف في حركة اعضاء النطق و الكلام لاي سبب عضوي او وظيفي 😍
**الاطفال اللي بيعانو من اي مشكلات حسية او حركيه متعلقة باعضاء النطق🥰
زي مين ؟؟
** المتلازمات بانواعها وخصوصا متلازمة داون down syndrome
** الاصابات الدماغية باشكالها زي CP و BDMH والديثارثيا
** حالات الحبسة الكلاميه الناتجه عن الاصابات الدماغية من الجلطات او الحوادث
** الابراكسيا والديسبراكسيا اللفظية
** اضطراب طيف التوحد
**اللدغات احيانا
** اضطرابات الطلاقهفى الكلام
ازاي بنشتغل بالطريقة دي 😍
بإستخدام تقنية امريكيه بادوات ال Talktools الاجنبيه الحديثة
😊وهي عبارة عن مجموعه من الادوات المبهجه والمسلية للاطفال ومقسمة لمجموعات للعمل وكل مجموعه بتستهدف قدرة معينه وليها تدرج هرمي ومعايير محدده للنجاح لزيادة الوعي الحسي وتحسين القدره الوظيفية لحركه اعضاء النطق (الفك واللسان والشفاه و الخدين .)
هل الشغل بالادوات دي بيكون عشوائي ؟؟
لاااااا طبعا لازم تقييم صحيح وممنهج وبعديه نعمل خطة علاجية بتشتغل علي جوانب الضعف اوالقصور
امتي ابدأ اشتغل مع ابني بالادوات دي ؟ 👨👩🦰
من الميلاد للحالات المشخصة مسبقا وكلما كان التدخل مبكر كلما كانت النتائج افضل واسرع لان الطريقة دي بتحتاج وقت وجهد كبيييير 💪💪
اتمني الافاده ... دمتم بخير 💖💖
