Chus Rodríguez

06/11/2025

Que sorte que pararas en Lugo aquel día e escolleras o Sanxillao para formar a tantas alumnas e alumnos, na hostalería, mais seguro que tamén na vida.
Compañeiro leal, traballador, activista, loitador, sensible e xeneroso, máis que un camarada es un amigo.
Aledas e alumeas co teu sorriso calquera tarde gris e solventas cunha aperta enorme calquera incidente.
Hoxe déixame enviarche un destello de luz para soportar algo mellor esta escuridade.
Moita forza, amigo Diego, ben querido

23/10/2025

Hai poucas veces en que a vida, a ideloxía e o traballo conflúan desta maneira.

Orgullo de compañeiras e agradecida de pasar esta mañá coa Ministra de Infancia e Xuventude Sira Rego, en sintonía coas demandas para a defensa dos dereitos da infancia de Esquerda Unida e a Plataforma de Organizacións de Infancia de Galicia.

Acoller ben é posible e necesario.

A infancia é unha prioridade

26/09/2025

Acoller ben é posible.
Ante a chegada das crianzas e adolescentes migrantes a Galicia, aínda estamos a tempo, ou deberamos, de sentarnos e facer as cousas ben e evitar máis discursos e condutas incendiarias.
Podedes ler a miña tribuna de opinión que onte publicaron en O Salto aquí

Houbo tempo para preparar a acollida e abrir novos recursos. A Xunta optou por separar “o problema”, cun discurso xenófobo e ra***ta.

12/09/2025

Esta señora Conselleira, Fabiola García, ademais de mentir non sabe de que fala, sendo a máxima representante pública de Política Social da Xunta.
Dicir que como van vir estas crianzas e adolescentes de Canarias, Ceuta e Melilla, migrantes non acompañados, despois dun ano previsto, van ter que abrir un centro exclusivo urxente para eles, separándoos do resto da nosa infancia desprotexida e alegando que esta acollida "urxente" supón, precisamente, que non se integren cos demais nenos e nenas porque é unha imposicion do goberno central .. É tan grave e insultante como falaz.
Quen os separa e non acolle en igualdade de condicións, e non respecta a Convención dos Dereitos da Infancia, é a Xunta, por escornarse partidistamente contra o goberno do Estado español.
Resumo e conclusión: a Xunta propón crear guetos para a acollida das crianzas e adolescentes desamparadas das CCAA que xa non poden soportar esta acollida.
Queda absolutamente claro, que o goberno do PP desta a nosa Galicia prefire desprotexer para confrontar co goberno do Estado, que amparar e defender os dereitos da infancia.
Fabiola dimisión xa.

09/09/2025

Os dereitos da infancia hai que defendelos desde todos os estamentos públicos.

🔴 Esquerda Unida reitera a sua denuncia ante a actitude insolidaria da Xunta e o bloqueo do PP ante a necesaria acollida solidaria de menores migrantes.

👉🏼No día de onte, Lino Costas, coordinador nacional de Esquerda Unida, xunto a Chus Rodríquez, responsable de Política Institucional, mantiveron unha xuntanza coa Plataforma de Organizacións de Infancia de Galicia (POIG). Na mesma, as representantes de EU e da Plataforma abordaron cuestións como a sobreocupación e o colapso do sistema de protección, feito xa recoñecido polo presidente da Xunta, Alfonso Rueda, quen asumiu que na actualidade “non hai prazas de acollida”.

⚠️ EU esixe diálogo real co Ministerio e investimentos en centros de acollida, familias acolledoras, profesionais especializados e recursos educativos, sanitarios e laborais.

🗣 Lino Costas: “A dereita galega asume sen pudor este discurso, sen presentar alternativa algunha, e bloqueando calquera avance. Mentres tanto, Canarias, Ceuta e Melilla seguen soportando unha presión insostible”.