Loitamos por visibilizar a ELA e as necesidades tanto das persoas que a padecen como das súas familias, para mellorar e manter a súa calidade de vida 💚
28/02/2026
Comparte as túas cores 💚
Hoxe, no Día Mundial das Enfermidades Raras, dende AGAELA unímonos á campaña oficial de para encher o mundo de cor, esperanza e conciencia 🌈
Detrás de cada diagnóstico hai persoas afectadas, coidadoras e familias que precisan apoio, investigación e compromiso social
Hoxe alzamos a voz para sensibilizar, crear conciencia e xerar un cambio real: únete, comparte as túas cores e axúdanos a visibilizar.
Porque xuntos somos más fortes 💪🍀
26/02/2026
As enfermidades raras afectan a millóns de persoas no mundo pero ¿que é unha enfermidade rara? 🤔
✅ Afectan a menos de 5 por cada 10.000 persoas en Europa
✅ Máis de 6.500 identificadas
✅ Só o 6% teñen tratamento
✅ Moitas familias agardan anos por un diagnóstico
Segundo a Organización Mundial da Saúde (OMS), a ELA é unha delas debido á súa baixa prevalencia e ás súas características clínicas particulares:
✅ Baixa indicencia e prevalencia
✅Orixe complexo e multifactorial
✅ Síntomas específicos e progresión rápida
A Federación Española de Enfermidades Raras impulsa a sensibilización sobre estas enfermidades e promove os dereitos de quenes conviven con elas.
Dende AGAELA traballamos cada día para acompañar, orientar e dar visibilidade ás persoas con ELA en Galicia.
Porque cada pERsona importa 🍀
24/02/2026
Día Mundial da Psicoloxía 💚
Hoxe queremos recoñecer o valor esencial do acompañamento emocional no proceso da ELA.
A ELA non so afecta á saúde física senon que tamen supón un profundo impacto psicolóxico, social e familiar. Afrontar o diagnóstico, adaptarse aos cambios e convivir coa incerteza require apoio especializado, sostido e humano.
En AGAELA contamos cun servizo de psicoloxía a domicilio, co obxectivo de garantir unha atención accesible, personalizada e continuada. Desprazámonos ós fogares para ofrecer intervención profesional ás persoas con ELA e tamén ás súas familias e persoas coidadoras, acompañando en cada etapa do proceso.
A súa labor vai máis alá da intervención terapéutica: implica tamén a detección de necesidades emocionais e psicosociais, a orientación ás familias e a coordinación e derivación a outros profesionais e recursos cando é preciso, favorecendo unha atención integral e adaptada a cada realidade.
Hoxe poñemos en valor a labor das nosas psicólogas, Elena e Yolanda, porque coidar da saúde mental é mellorar a calidade de vida.
Estamos aquí para acompañar 🍀
23/02/2026
AGAELA será galardoada cos Premios Nigrán 2025, concedidos polo Concello De Nigrán 🍀
Recibimos este recoñecemento con profundo agradecemento, especialmente por proceder de Nigrán, terra da nosa vicepresidenta in memoriam, Susi Seoane. O seu compromiso, a súa entrega e a súa loita polas persoas con ELA seguen marcando o camiño da nosa entidade.
Este premio simboliza o traballo colectivo de persoas afectadas, familias, profesionais e voluntariado que cada día suman esforzos por unha atención digna e maior visibilidade para a ELA.
Grazas por este recoñecemento que leva o nome de tantas persoas que loitan en silencio, e leva tamén a memoria de Susi. Grazas por camiñar ó noso carón.
Seguimos traballando co mesmo compromiso, ca mesma forza e ca mesma esperanza 💪🏽💚
19/02/2026
A importancia da fisioterapia na ELA 💪🏽🍀
A fisioterapia desempeña un papel fundamental para as persoas con ELA e as súas familias. Dende as fases iniciais da enfermidade, a fisioterapia pode axudar a manter a mobilidade e a forza, permite educar sobre os coidados e contribúe a previr ou retrasar a aparición de determinados síntomas.
Somos conscientes dos gastos que conleva acudir ás sesións necesarias con regularidade, por iso a través do noso proxecto VivELA Digna ofrecemos fisioterapia a domicilio adaptada ás necesidades de cada persoa, e co noso copago de rehabilitación asumimos unha parte do custo dunha sesión semanal, facilitando a continuidade terapéutica sen que supoña unha carga económica excesiva para as familias.
Para coñecer máis sobre o papel da fisioterapia na ELA e ver a formación completa sobre técnicas e recomendacións, visitade a nosa canle de Youtube 🔗
📹 “Convivir coa ELA: comprender, coidar e acompañar”
19/02/2026
Na temos á venda as camisetas solidarias de que contan co deseño de
Tallas desde 7-8 ata ###L
Con só 10 € podes apoiar a esta xente loitadora. ANÍMATE!
E agora tamén os suadoiros (con ou sen cremalleira)
Tallas desde S ata XXL por só 30 €
12/02/2026
VII Copago de Rehabilitación 🍀
Dende AGAELA seguimos traballando para estar ao lado das persoas con ELA e das súas familias. Por iso lanzamos unha nova convocatoria do noso copago de rehabilitación, unha iniciativa que nace co obxectivo de axudar a sufragar os gastos que supoñen as sesións de rehabilitación.
A rehabilitación é fundamental para manter a calidade de vida, preservar a mobilidade e favorecer o benestar das persoas con ELA. Sabemos que estes tratamentos implican un esforzo económico constante e queremos contribuír a que ninguén quede sen o apoio que precisa.
📅 O prazo para presentar as solicitudes remata o vindeiro martes 17 de marzo.
Se o precisas, poder solicitar esta axuda no seguinte enlace 🔗
Seguimos traballando para mellorar a calidade de vida das persoas con ELA e das súas familias 💪🏽💚
06/02/2026
Se trata de camas articuladas, grúas de traslado o sillas de ducha
03/02/2026
Na xa temos á venda as camisetas solidarias de que contan co deseño de
Tallas desde 7-8 ata ###L
Con só 10 € podes apoiar a esta xente loitadora. ANÍMATE!
Sé el primero en enterarse y déjanos enviarle un correo electrónico cuando Agaela Galicia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.
ASOCIACIÓN GALEGA DE ESCLEROSE LATERAL AMIOTRÓFICA - AGAELA
A asociación galega de afectados de esclerose lateral amiotrófica, AGAELA, é unha entidade sen ánimo de lucro que opera en todo o territorio galego.
Os nosos obxectivos son:
Ofrecer un servizo sociosanitario dende un enfoque multidisciplinar e integral, que garantice a proximidade, calidade, eficacia á hora de satisfacer as necesidades que teñen unha persoa con ELA e a súa familia.
Sensibilizar aos diferentes sectores implicados no proceso da enfermidade, a opinión pública e a administración dos problemas de prevención e tratamento destas enfermidades, así como promover os cambios de actitude social que permitan unha mellora na calidade de vida dos enfermos crónicos.
Estimular e promover a investigación científica, para mellorar as posibilidades terapéuticas e rehabilitadoras.
Dar a coñecer os seus dereitos e beneficios a todos os niveis, tanto a enfermos como a familiares, potenciando a utilización de todos os canais de información e sistemas de axuda, para proporcionar a plena integración.
Promover actuacións que favorezcan a superación e o alivio das barreiras físicas e/ou psicolóxicas que conleva a enfermidade.
Cubrir as necesidades de información, asesoramento e orientación sobre todo o relacionado coa ELA, así como atender directamente aos diversos problemas físicos, psicolóxicos, rehabilitadores, sociais, laborais, xurídicos, de formación, ocio, etc… que conleva esta enfermidade.
