Servicis Assistenciaus Integrats d'Aran

Casa
España
Viella
Servicis Assistenciaus Integrats d'Aran

Sistèma sanitari e sociau integrat deth Conselh Generau d'Aran.

28/01/2026

🧑‍🧑‍🧒‍🧒 D’ençà des Servicis Assistenciaus Integrats d’Aran deth Conselh Generau d’Aran seguim en tot aufrir eth programa “En Familha”.

👉 “En Familha” ei un recors especializat e preventiu qu’aufrís informacion, orientacion, atencion e assessorament as familhes deth territòri sus desparièrs aspèctes d’interès enes diuèrses etapes dera vida.

👍 Ei un espaci d’arencion familhara, d’atencion gropau, a on s’amien a tèrme talhèrs e charrades, en tot fomentar un hilat de comunautat suenhadora.

👌 Un espaci adreçat a tot tipe de familhes: damb o sense mainadèra, damb persones granes o depenentes, e tà persones adultes en desparièrs moments vitaus.

🤳 Mès informacion e consulta prealabla: enfamilha@aransalut.com e en 973642560.

21/01/2026

🖼️👩‍🦰⛰️ Er Espitau Val d’Aran acuelh era exposicion “Dona i càncer al món rural: Apropant distàncies”, impulsada pera Associació Contra el Càncer a Lleida.

Ua exposicion itineranta que preten visibilizar, precisaments, ara realitat dera hemna damb càncer en entorn rurau, a compdar deth testimòni d’un totau de 7 hemnes. Ei disponibla en catalan e castelhan, e incorpòre còdis QR damb contenguts en aranès, damb era voluntat de garantir era accessibilitat lingüistica.

Aguesta iniciativa gessec der Ajuntament de Soriguera (Palhars Sobiran), e que compde damb eth supòrt dera Associació Contra el Càncer en Palhars Sobiran, e a estat possibla gràcies a ua subvencion dera Deputacion de Lhèida e deth Departament d’Igualtat dera Generalitat de Catalunya.

Era exposicion se pòt veir ena planta baisha dera bastissa principau der Espitau Val d’Aran enquiath pròplèu 6 de hereuèr.

07/01/2026

Era iniciatiua Angels, qu’ei un programa internacionau avalat pera Societat Europèa der Ictus e era World Stroke Organization, reconeish era operativitat e tractament que se ne hè der ictus en Espitau Val d’Aran.

Era iniciatiua trabalhe damb mètges, infermières e personau d’ambulàncies entà crear hilats d’atencion as accidents cervèth-vasculars agudi, optimizar eth tractament e eth diagnostic e aplicar es melhores practiques. Gràcies ara Iniciatiua Angels, es equipes multidisciplinares d’ictus de tot eth mon pòden accedir a procèssi de formacion, estruments d’estandarizacion, assessorament, comunitat e contraròtle de qualitat. Açò les permet actuar damb major rapiditat entà minimizar era carga deth ictus ena vida des pacients.

Rebrembam que d’ençà de noveme deth 2024, s’a començat a utilizar eth sistèma de Teleictus, que permet un milhor diagnostic e tractament der ictus ena Val d’Aran, en tot amendrir considerablaments es tempsi d’intervencion e tractament, çò que permet ua màger recuperacion neuronau, que supause ua milhora recuperacion foncionau des pacients afectadi, en aguest tipe de patología. Eth slogan ei: TEMPS=CERVÈTH.

23/12/2025

Deseme ei un mes magic, pr’amor qu’arribe Nadau e ena Residéncia Geriatrica “Sant Antòni” de Vielha, s’i an amiat a tèrme un ensem d’activitats. Vos aufrim un amàs de çò que s’a realizat.

Bon Nadau a toti!

Fotografies:

1- Visita des Patges des Reis d’Orient.
2- Charrada de Rosa Mari Salgueiro sus era Istòris dera Val d’Aran.
3- Liurament de nadalets per part dera mainadèra de Caritas.
4- Actuacion der alumnat dera Associacion Culturau Arània.
5- Nadalets interpretadi per escolanat dera Escòla Alejandro Casona de Les.
6 e 7- Liurament de detalhs hèti per escolanat dera Escòla Alejandro Casona de Les.
8- Nadalets interpretadi per escolanat der INS d’Aran.

22/12/2025

🚶‍♂️🚶‍♀️ Entà Nadau, ath delà de hèr a tier compde damb es dinars, tanben ei important auer ua prevision de mantier quauqui abits saludables en çò que tanh a activitat fisica, entà evitar digestions pesades. Damb er objectiu de previer molèsties digestiues e mantier un avient estat de salut, vos facilitar quauques recomanacions realizades pera nòsta fisioterapeuta d’atencion primària, Eri Sakamoto.

19/12/2025

🍎🧃 Arribe Nadau, qu’ei un moment entà compartir e gaudir, tanben ath torn dera taula. Damb er objectiu de previer molèsties digestives e mantier un avient estat de salut vos facilitam quauques recomanacions realizades pera nòsta nutricionista Esther Carmona.

✨🌲 Bones Hèstes!

18/12/2025

🧠 Era Val d’Aran priorize era salut mentau ena session comunitària damb mès de 30 participaires.

Eth passat 18 de noveme, era Sala Sociau de Betren, acuelhec era session de priorizacion des principaus besonhs de salut qu’afècten ara poblacion aranesa.

Era trobada amassèc ara equipa de comunitària d’Aran Salut, professionaus, representants deth teishut asociatiu dera Val d’Aran e ciutadania interessada damb ua participacion de 40 persones.

Era session permetec validar es besonhs identificadi en diagnostic de salut comunitària:

- Salut mentau
- Obesitat e suberpés
- Isolament sociau
- Retencion deth talent
- Accès as servicis publics especializadi
- Abitatge
- Léser

Dempús d’un espaci de reflexion conjunta, es persones assistents votèren quini besonhs
consideren prioritaris entà començar a trabalhar. Es resultats son:

- Salut mentau
- Isolament sociau
- Léser

A compdar d’aguesti resultats se crearàn grops de trabalh especifics, un sus salut mentau, e un aute d’isolament sociau e léser.

Es grops s’iniciaràn pendent eth prumèr trimèstre de 2026 e son dauridi a tota era comunautat. Quinsevolha persona interessada pòt somar-se a participar en bastiment d’ua Val d’Aran mès saludabla, coesionada e participatiua.

15/12/2025

☕🗣️ En marc deth Dia Internacionau des Persones Migrantes, que se celèbre eth 18 de deseme, d’ençà deth servici pes Drets deth Conselh Generau d’Aran vos convidam ath “Cafè Migrant”, un espaci segur, pròplèu e participatiu a on compartir experiéncies, emocions e reflexions sus eth procès migratòri.

Dirigit a persones migrantes majors de 18 ans residentes ena Val d’Aran interessades en participar, independentaments dera sua situacion administrativa, país d’origina o temps de permanéncia en país.

[CAST] ☕🗣️ En el marco del Día Internacional de las Personas Migrantes, que se celebra el 18 de diciembre, des del servici pes Drets del Conselh Generau d’Aran os invitamos al “Café Migrante”, un espacio seguro, cercano y participativo donde compartir experiencias, emociones y reflexiones sobre el proceso migratorio.

Dirigido a personas migrantes mayores de 18 años residentes en la Val d’Aran interesadas en participar, independientemente de su situación administrativa, país de origen o tiempo de permanencia en el país.

13/12/2025

🟣 Aguesta setmana an finalizat es actes commemoratius deth 25N: Dia Internacionau dera Eliminacion dera Violéncia contra es Hemnes.

Vos aufrim un amàs de fotografies sus es diuèrses activitats e talhèrs que s’an amiat a tèrme en noveme e deseme.

Des des Servicis Assistenciaus Integrats d’Aran arregraïm a toti/es era vòsta participacion.

10/12/2025

😷 A compdar d’aué, 10 de deseme, ei obligatòri er emplec dera masqueta enes diuèrsi centres sanitaris e era Residéncia Geriatrica dera Val d’Aran.

Eth Departament de Salut dera Generalitat a establit, nauaments, eth caractèr obligatòri der emplec dera masqueta en toti es centres sanitaris e residenciaus.

Normes e recomanacions en vigor en Espitau Val d’Aran:

· Emplec obligatòri dera masqueta en toti es airaus assistenciaus.
· Maximal d’1 acompanhant per pacient ingressat, laguens der orari de visites establides.
· Mantier es vacunes ath dia, especiuaments gripa e COVID-19.
· S’as simptòmes respiratòris, empleos era masqueta tanben en d’auti espacis publics.
· Evitar anar entar espitau se non ei estrictaments de besonh.
· Igièna de mans e respècte as indicacions deth personau.

Entre toti ajudam a protegir as pacients, as persones mès vulnerables e ara nòsta equipa sanitària.

Masqueta Prevencion SalutPublica

09/12/2025

👩‍⚕️🤝 Aguest mes de deseme auem realizat ua naua amassada damb es familhars des persones que demoren ena residéncia de Sant Antòni de Vielha e es persones usatgères deth centre de dia.

👏 Aguesta amassada a estat fòrça ben arrecebuda pes familhaus que lèu i an assistit toti e an arregraït era convocatòria e auer era oportunitat de tractar aspèctes que les preocupen atau coma implicar-les enes dinamiques d’atencion as sòns familhars residents. Era reünion a estat dinamizada per tota er equip tecnic professionau dera residéncia qu’a explicat eth detalh des dinamiques e activitats que darrèraments s’an implementat.

📅 🏨 Se prepausèc era creacion d’un conselh de participacion damb familhars, persones residentes e usatgèrs entà trabalhar es aspèctes de milhora e seguiment des acòrds.

02/12/2025

Simulacre d’actuacion ena assisténcia ath pacient politraumatic.

Recentaments, er equip d’Urgéncies der Espitau Val d’Aran a trabalhat ena actualizacion deth Protocòl deth Còdi PPT (pacient pllitraumatic).

Eth passat 18 de noveme se realizèc en Servici d’Urgéncies un excercici de simulacion d’assisténcia ath pacient politraumatic, damb era participacion de toti es professionaus que intervien en aguesti casi (Pompièrs-Emergéncies, Servici d’Urgéncies, Mètged Especialistes, Servici de Radiologia, Servici de Laboratòri, Servici de Quiròfan e personau administratiu der Espitau Val d’Aran).

A estat un exercici practic que met en valor eth trabalh en equip coma pilar fondamentau entà arténher era excelléncia assistenciau, en tot favorir era comunicacion e coordinacion entre toti es equips implicadi e era milhora enes tempsi de responsa, damb er objectiu prioritari d’aufrir una atencion integrau de qualitat, centrada ena persona e damb es mès nauti estandars de qualitat enes moments mès critics.

Dirección

Carrèr Deth Espitau, 5
Viella
25530

Teléfono

+34973640004

Página web

https://salut.conselharan.org/

Notificaciones

Sé el primero en enterarse y déjanos enviarle un correo electrónico cuando Servicis Assistenciaus Integrats d'Aran publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto El Consultorio

Enviar un mensaje a Servicis Assistenciaus Integrats d'Aran:

Atajos

¿Quieres que tu consultorio sea el Clínica mas cotizado en Viella?