05/05/2026
ጨጓራዎ የሚቃጠለው ከምግቡ ነው? ወይስ ከንፅህናው ጉድለት?
የምግብ ንፅህና አለመኖር ማለትም የኩሽና፣ የምግብ መስሪያ/መያዣ እቃዎች እንዲሁም የምግብ አዘጋጁ የንፅህና ችግር ከአሜባ እስከ የጉበት ጉዳት ሊያስከትል እንደሚችል ያውቃሉ?
የሚያስከትላቸው የጤና ችግሮች :-
✧ ምግብ ሰዉነት አለመሆን
የሆድ ዕቃ ኢንፌክሽን ስለሚያስከትል የተመጣጠነ ምግብ ብንመገብ እንኳን ሰውነታችን ቫይታሚን፣ ብረት የመሳሰሉ ንጥረ ነገሮችን በአግባቡ እንዳይጠቀም ይሆናል
✧ ድንገተኛ የምግብ መመረዝ
በባክቴሪያዎች አማካኝነት የሚመጣ ሲሆን፤ በድንገት የሚቀሰቀስ ከፍተኛ የሆድ ቁርጠት፣ ማስመለስ፣ ተቅማጥ፣ ትኩሳት እና የሰውነት ፈሳሽ መሟጠጥ ያስከትላል
✧ የጨጓራ በሽታ
በኤች ፓይሎሪ ባክቴሪያ የመያዝ እድልን በመጨመር ለጨጓራ በሽታ ያጋልጠናል
✧ የተዳከመ በሽታ የመከላከል ስርዐት
በተደጋጋሚ ኢንፌክሽን ስለሚፈጠር የበሽታ የመከላከል አቅምን ይቀንሳል
✧ የአሜባ እና ጥገኛ ትላትሎች ኢንፌክሽን
አትክልቶችን በሚገባ ሳያጥቡ መጠቀም፣ በቆሸሸ ውሃ ወይም በዝናብ ውሀ ምግብ ማዘጋጀት እንዲሁም ጥሬ ስጋ መመገብ እንደ አሜባ ያሉ ጥገኛ ተህዋሲያን ወደ አንጀት እንዲገቡ ያደርጋል። እነዚህም ለከፋ ተቅማጥ፣ ለምግብ ንጥረ-ነገር እጥረት እና ለክብደት መቀነስ ይዳርጋሉ
✧ የታይፎይድ እና ታይፎይድ መሰል ትኩሳቶች
እጅን በሳሙና በሚገባ ሳይታጠቡ ምግብ ማዘጋጀት የታይፎይድ ባክቴሪያ በቀላሉ ወደ ምግብ እንዲሰራጭ ያደርጋል። ይህ በሽታ ለከፍተኛ ትኩሳት፣ ለድካም እና ለከፋ የሆድ ዕቃ ችግሮች ይዳርጋል
✧ የድካም ስሜት
ተደጋጋሚ ኢንፌክሽን እና የንጥረ-ነገር እጥረት አቅም ማጣት እና የድካም ስሜት ያመጣል
✧ ተላላፊ የተቅማጥ በሽታ
በቆሸሸ አከባቢ የሚዘጋጅ ምግብ ሺጌላ የተባለ ባክቴሪያን ሊይዝ ይችላል። ይህም ደም ወይም ንፍጥ መሰል ፈሳሽ የተቀላቀለበት ተቅማጥ የሚያስከትል ሲሆን፤ በተለይ በጋራ የመመገብ (ገበታ) ልማድ ባለበት ማህበረሰብ ውስጥ በፍጥነት ይሰራጫል
✧ የምግብ መፈጨት ችግር
በተደጋጋሚ ንፅህና የጎደለው ምግብ መመገብ የሆድ ዕቃ መቆጣት እና የምግብ መፈጨት ችግር ያመጣል
✧ የጉበት ጉዳት
ከምግብ የሚመጡ መርዛማ ንጥረ ነገሮች እና ኢንፌክሽኖች ጉበት ላይ ጫና ይፈጥራሉ
