Lubabah Clinic عيادة لبابة

09/03/2025

https://youtu.be/n94JKlD6fzo?si=a1o4s4GlTiqTR7lk

Ramadanaa fi Fayyaa Interview Ogeessa Fayyaa Hawaasaa Abdallah Yuusuf Kutaa 1'ffaa

22/12/2024

Tonsillitis / dhukkubbii Qoonqoo

Tonsillitis ykn dhibeen qoonqoo (tonsils) yeroo baay’ee vayrasii ykn baakteeriyaan weeraramuuf saaxilamuudha.

Sababoota Tonsillitis
Vayrasoota:
Vayrasoota akka rhinovirus, influenza, adenovirus, fi Epstein-Barr virus.
Baakteeriyaa:
Baakteeriyan Streptococcus group A dhibee kanaaf sababa hangafaa ti.

Mallattoolee Tonsillitis

Dhukkubbii fi dhiibbaan yeroo nyaata liqimsan.
Qoonqoo fi kokkee diimachuu ykn ho’a uumuu.
Qufa (dachaa ykn akka malee) fi yeroo baay’ee deddeebi’a.
Dhukkubbii mataafi qaamaa.
Ho'a qaamaa (leeydaa) fi dafqa hamaa.
Yeroo baay’ee tonsils irratti boolawwan xixiqqoo yookaan adii mul’achuu danda’u.

Dhibee Qoonqoo fi Rakkoo Deddeebi’uu

Dhibeen qoonqoo yeroo baay’ee deddeebi’ee mul’achuu danda’a, kunis onnee fi qaama giddugalaa miidhuu danda’a.
Rakkoolee walxaxaa yeroo dheeraa akka:
Dhiibbaan Streptococcal (Rheumatic Fever).
Qalqaloota onnee fi kalee miidhu.
Qaama Gadi Rarraatu Muruu (Uvulectomy): Miidhaa fi Rakkoo Isaa
Qaama gadi rarraatu (uvula) muruun dhibee qoonqoo hir’isuuf hin ta’u. Akka malee rakkoolee hedduu uuma:
Uvula muramuun rakkoo liqimsuu fida.

Balaa Infekshinii:
Meeshaalee aadaa ittiin muruun dhiiga qulqulluu keessa dhukkuboota akka HIV/EEDsii fi hepatitis dabarsuu danda’u.
Haga Lubbuu dabarsuutti:
Dhiiguu ykn baakteeriyaan hamaa dhiiga keessa seenuun lubbuu namaa balaa geessisuu danda’a.

Yaala Tonsillitis
Hordoffii fi Daawaa Yaalaatiif:
Ijoollee ykn namoota tonsillitis deddeebi’ee qabaatanii mana yaalaa dhaqanii hordoffii godhuu barbaachisa.

Qoricha:
Qorichoonni baakteeriyaa irratti hojjetan (antibiotics) yeroo baay’ee gargaaru.
(antipyretics) fi qoricha dhukkubbii hir’isu barbaachisa.

Tonsillectomy (Muruun Tonsils):
Rakkoon tonsils deddeebi’ee yeroo hunda balaa hamaa geessisu yoo ta’e, yaalii baqaqsanii yaaluu barbaachisa.
Garuu yeroo baay’ee haala duraa hordofanii barbaachisummaa isaa mirkaneessuun barbaachisa.
Namni mallattoolee salphaa qabu bishaan ga’aa dhuguu fi nyaata salphaa sooruu qaba.
Yeroo jalqaba mallattoowwan mul’atan mana yaalaa dhaqanii qoricha barbaachisu fudhachuudhaaf irratti hojjachuu.

Hubachiisa
Qaama gadi rarraatu ykn tonsils muruuf kaayyoo tokkollee yoo hin qabne miidhaa caalaa hin qabu.

17/11/2024

29/05/2024

Jireenya fayya-qabeessa jiraachuuf;
✍Nyaata gahaa soorachuu, waanuma qabdu karaa miidhagaan yeroo yerootti haala qulqullina isaa eeggateen soorachuu.
✍Sochii qaaamaa taasisu/Sport ; Sochiin qaamaa baayyee murteessaadha. Keessayyuu Namoota umuriin isaanii deemeef kanneen dhibee yeroo dheeraaf waliin jiraatan kan akka dhiibba dhiigaa/HTN, Dhukk. Sukkaraa/DM fi kanneen biroos.
✍ Yaadaan ilaalcha gaarii qabaachuu; dhiphachuu irraa fagachuu.
✍ Boqonnaa gahaa fudhachuu,hirriba gahaa rafuu.
✍Tamboo Aarsuuf dhugaatiiwwan Alkoholii garaa garaa irraa of fageessuu.
✍Gara mana yaala deemuun Ogeessa fayya mariisisuu. Biyya keenyatti Namni yoo dhukkubsate qofa gara mana yaala dheema kun ammoo sirrii mitii. Namni yeroo kamiyyuu fayyaan isaa maal irra akka jiru yeroo kamiyyuu beekuun murteessaadha. kanaaf gara bufata fayya deemuun fayyaan keenya maal irra akka jiru beekuun akkaan barbaachisaadha.
📌 Fayyaan qabeenya gabaa irraa hin bitamne.

24/05/2024

📌Xiyyeeffannoo Haadholee Ulfaaf.

Hordoffii Yeroo Ulfaaf Taalaallii fudhatamuu qaban.
💉T T ykn Tetatanus toxoid Vaccination:

T T Vaccination Talaallii Teetoonosii Fi Difteeriyaa,

✴️Teetaanoosiin; dhukkuba hammaataa fi jabaa baakteeriyaa clostridium tetany (klostridiyam teetaanii) jedhamu irraan kandhufudha. Bakki jireenya baakteeriyaa kanaas biyyoo, quttoo, gororaa fi kkf dha.

✴️Difteeriyaa kan jennu ammoo funyaan keessaa fi qoonqoo keessaa yoo jiraatu, innis dhukkuba hamaa sirna hargansuu kan miidhu.
Kan inni dadarbus karaa, qufaa, haxxiffuu fi gororaatiini.

💉Talaallii Teetaanosii...
✍Yeroo ammaa WHO n (Dhaabbatni Fayyaa Adunyaa) Talaallii T T jedhu gara TD tti akka jijjiiramuufi dhukkubawan lammaan ykn Teetaanoosi Fi Dipiteeriyaa kan jedhamanif haadhooleen akka hinsaaxilamne Fi yoo saaxilamteetti ta'e gara Ulfaan daa'imatti karaa handhuuraatiin Akka hindarbineef qopheesanii jiru.

✍Haaluma kanaan, haati ulfaa tokko yeroo ulfa taate irraa kaasee hanga deessutti yoo xiqaatte Talaallii TT ykn TD si 'a 2 argachuu qabdi. Yoo yerootti dhaabbata Fayyaa deemtee hordoffiishee jalqabdeef hanga dahumsaan duraatti si'a 3 argachuutu mala.
Talaalliin jalqabame Kunis dahumsaan booda itti fuufiinsaan fudhatamuun xumuramuu qaba .

💉Waliigalli Talaallii TD 5 dha. Namoonni baayyeensaanii erga mucaa argatan booda talaallii jalqanillee kan hin cumurre yammuu ta'u sagantaasaanii ulfa itti aanurratti akka haaraa jalqabuudhaan itti fuufu. Kunimmoo qulqulina tajaajila kennamuufis ta'e fudhannaa Talaallii tartiiba hin qabneef nii saaxila.

📌Kan sababa tokko tokkoof osoo hin fudhatin turtanillee ammas yeroo kamittuu buufata fayyaa naannoo keessan jiru deemuun fudhachuun daa'imas ta'e ofii keessan dhukkuboota yaadeessoo kana irraa baraarama.
Gaaffii kanaan wal qabatu yoo qabaattan comment jalatti nuuf barreessa.
Galatooma.
✍ https://t.me/Dr_Fayyaa

21/05/2024

Dhukkuba Saree maraatuu/ Rabies.

Dhibeen kun Rabies kan jedhameef jecha Greeks maraatummaa irraa kan maratummmaaf nama Saaxiludha. Dhukk. Kun Bineeldota kannee akka Adurree, Saree fi Simbra halkanii irraan gara namaatti darba.
Kanaaf namoonni bineeldota qaban horsiise bultoonni fi Qonnaan bultoonni irra caalaatti dhukkuba kanaaf saaxilamoodha.
Mallattoon dhukk. Kanaas;
✅Hoina qaamaa,
✅mataa bowwuu,
✅dadhabbii,
akkasumas Virus kun gara sammuutti baballachuun,
✅dhiphachuu,
✅lamsha'uu.
✅wa wal- namarkaa dhahuu,
✅waan hin jirre namatti fakkeessuufii
✅Qilleensaa fi Bishaan sodaachuun mallattoolee dhukk. kanaa isaan muraasa.
Ittisa dhibee kanaa, Beelladootas ta'ee ofiif Talaallii fudhachuu.
❗️Yeroo tokkoof dhukkuba kanaan qabamnaan irraa fayyuun waan hin dandahamneef of eeggannoo taasisuun murteessaadha.
✍

20/05/2024

📌Hordoffii ulfaa (Pre natal/ Anti natal care) fi Faayidaalee isaa:

👌Biyyi keenya akuma beekamu du'a haadhooleetiin biyyoota caqasaman keessaa isii tokko ta'uun nii beekama.
🌟Haaluma kanaan Biyya keenya keessatti Waggaatti yoo xiqqaate haadhooleen 13,000 sababa ulfaa fi dahumsaatiin walqabatee ni du'u jechuun qorannaan yeroo dhihoo nii mul'isa.
Kana jechuun hojiileen haadhoolee irratti hojjatamaa Jiru hammas gahaa akka hintaane nu agarsiisa.
Kanaaf hordoffiin Haadholee Ulfaa fi hubannoon jaraaf kennamu akkaan murteessaadha.

❤️Prenatal/ Yeroo ulfa ta'an irraa kaasee hanga da'umsa dura jiru jechuudha.

❤️Prenatal care /Tajaajila haadhoolii ulfaatiif yeroo ulfi sun garaa jaraatti hafe irraa kaasee hanga dahumsaan duraatti kennamuuf jechuudha.

❤️Faayidaalee Hordoffii ulfaa(ANC follow up) Fi yeroo isaanii :

👌Hordoffiin ulfaa faayidaawwan gara garaa yammuu qabaatan isaan keeessaas muraasa isaanii yoo ilaallu;

⭐ Fayyaa haadhaa Fi Daa'imaa hordofuuf,
⭐ Rakkoo (Complication) dhufuudhaan duratti nageenya lamaanii itti fuufsisuuf, -
⭐ Yoo rakkoon jiraates dafanii adda baasuun furmaata kennuuf (Early detection).
⭐ Guddina Hamilii (Daa'imaa) ilaaluuf Dawaa guddina hamilii(Daa'imaa) tiif fayyadu akkasumas dawaa hirrina dhigaa ittisu kennuu,Talaallii Teetaanoosii kennuu, Mallattoolee balaa hamaa akka isan addaan baasanii fi Haala sorannaa isaanii irratti barsiisuu fi kkf dha.

✍Walumaa galatti Fayyaa haadhaa Fi Daa'imaa itti fuufinsa qabu argamsiisuun du'aatii haadhooliifi Daa'immanii hirrisuudhaaf Qaamnob Fayyaa Adunyaaleessaa ykn WHO n dubartiin tokko yeroo ulfa ta'uusii beekte irraa kaasee hanga dahumsaatti yoo rakkoon addaa (high risk ) hinjiraanne yeroo 8f gara buufata Fayyaa itti dhihaatutti deemuun hordofuu qabdi jedha.

Yoo high risk ykn rakkoo addaa ulfa sanaratti qabdi ta'e Sanaa ol haala Ogeessi Fayyaa beellameen argamuu qabdi jechuudha. Kuni barbaachisummaa hordoffiin ulfaa qabu keessaayyi. Kanaratti wanti ifa hintaane Fi gaaffiin yoo jiraate ilaalcha adeemsaa qabdan waliin nuuf maxansaa jechaa kabajaan isin gaafanna.Bakka jirtanutti nagaan nuufturaa.

"By Dr. Roza Seid, Midwifery.

https://t.me/Dr_Fayyaa

18/05/2024

hemorrhoid/ Kintaarotii

Kintaarotiin dhiita karaa Ulaa boolii teessuma gubbaan ba'udha.

Innis Sababa gara garaatiini.
1. Mana fincaanii yeroo dheera turuu, sunis dhiibba Dhiigaa gara Re**al irratti ta'uun dhiita'uuf sababa taha.
2. Garaa kaasaa yeroo dheeraaf, kunis Rigata Re**al irratti uumuun Kintaarotiif nu saaxila.
3. Yeroo dheeraaf dhaabbachuu ykn yeroo dheeraaf taa'uu: dhiibbaan dhiigaa gara rectal/anus ulaa booliitti akka baayyatuuf dhiitahu taasisa.
4. Ulfa, dubartiin ulfaa keessahu ji'a 7 booda, kanaaf saaxilamoodha. Sababni isaas dhiibbaan dhiigaaf jijjiramuu horomoonii irraa kan ka'e.
Furmaata;
Akka furmaatatti
✍Bishaan hedduu dhufuu fi Kuduraa soorachuu heddummeessuu.
✍ Coomaa soorachuu xiqqeessuu.
✍ Sochii qamaa gochuu.
✍Mana fincaanii turuu dhiisuu, jechuun achirratti yeroo dheeraa taahanii ittanuun dhiibbaan dhiigaa gara sanatti baayyachun rakkoon kun akka hammataa deemu taasisa.
🔕 mana fincaanii taa'uu Moobayilii/ internet fayyadamuun yeroo dheeraa achitti dabarsuun sababa taha.