Dr. Ginbaru Psychiatry Specialty Clinic /Jadber/

17/03/2022

የቀጠለ...
የባይፖላር ዲስኦርደር መለያ አብይ ገጽታዎች ፦
ህመሙ በዋናነት መገለጫው በዉስጡ ሁለት የህመም ስሜቶችን አቅፎ መያዙ ነው ።
እነዚህም የህመም ስሜቶች ሽቅበት (ማንያ) እና ድባቴ ይባላሉ የሽቅበትና የድባቴ ስሜቶች እራሳቸውን ችለው በሰዎች ላይ የሚከሰቱበት እድል ያለ ቢሆንም ባይፓላር በሆነ ታማሚ ሰው ላይ ግን በተለያዩ ጊዜያት በመፈራረቅ የሚከሰቱ በመሆናቸው ለዚህ የአእምሮ ህመም አብይ መገለጫዎች ናቸው ።
የሽቅበት(ማንያ) ህመም መገለጫዎች(ምልክቶች )የሚከተሉት ናቸው ፦ ከመጠን ያለፈ ደስታ ፤እራስን ከፍ ከፍ ማድረግ ፤ከመጠን በላይ መቅበጥበጥና መናገር ፤እንቅልፍ ማጣት፤መዝፈን /መዘመር ማብዛት ፤እጅግ አብዝቶ ብስጩ መሆንና መረበሽ፤ ባልተለመደ መልኩ የተዛባ አመለካከትና የተሳሳተ እምነት መያዝ ፤ለወሲብ ያለ ተነሳሽነት ከልክ በላይ መሆን ፤ ለአደንዛዥ እፆች የበዛ ፍላጎት ማሳየት ፣የጠበኛነት፤የበጥባጭነት፤ጣልቃ ገብነት ሀይለኝነትና የቁጡነት ባህሪ ማሳየት ፤ ገንዘብ ያለአግባብ ማጥፋት ፤ሌሎች የማይሰሙትን ድምፅ መስማት ሲሆኑ በቀጣይ የድባቴ ምልክቶችን እናያለን ።
ይቀጥላል
ያለ አእምሮ ጤና ጤንነት የለም ።!!!

15/03/2022

ባይፖላር ዲስኦርደር ምንድን ነው ?
ባይፖላር ዲስኦርደር ተፈራራቂና ተለዋዋጭ ስሜት በታማሚው ላይ የሚያሳድር የአእምሮ ህመም ነው ።
የዚህ ህመም ተጠቂ የሆነው ሰው በበዛ የሀዘን ስሜት ውስጥ ተውጦ አይተነው ብዙም ሳይቆይ ከፍ ወደ አለ የደስታ ስሜት ተሸጋግሮ ልናገኘው እንችላለን ።
የተጠቂው ባህሪ ብዙን ጊዜ ከአንደኛው የደስታና የብስጩነት ጥግ ወደ ሌላኛው የሀዘንና የድባቴ ብሎም ተስፋ መቁረጥ ስሜት ጫፍ መካከል በተደጋጋሚ በመመላለስ አብዛኛውም ጊዜውን ቢያሳልፍም ፤አንዳንዴ ታማሚው ለአፍታ ቆይቶም ቢሆን ጤነኛ መስሎ ሊታይ ይችላል ።
ይቀጥላል...
ያለ አእምሮ ጤና ጤንነት የለም !!!

15/03/2022

ባይፓላር ዲስኦርደር/Bipolar Disorder

11/03/2022

ሁኔታዎችን መቆጣጠር መጀመር ያለብህ ከውስጥህ እንጂ ከዉጪ አይደለም !!
የአንተን ሕይወት እንዴት መምራት እንዳለብህ የሚወሰኑት ጓደኞችህ ፣አባትህ ወይም ስራህ አይደለም። ሕይወትህን መምራት የምትችለው አንተ እና አንተ ብቻ ነህ።
አእምሮህ ያንተ ነው ፤ ከአንተ በስተቀር ማንም መቆጣጠረው አይገባም። ሃሳቦችህም ቢሆኑ እንኳ አንተን እንዲቆጣጠሩህ ስልጣን አትስጣቸው። ተረጋግተህ አስተውላቸው፤አትደንግጥ ፣አትፍራ ፣ነገ ዓለም ትጠፋለች ስላሉህ ብቻ ዓለም አትጠፋም ።!!!
ደስ ከሚለኝ😀😀😀 ጭንቅላትህን አፅዳ ከሚለው መፅሐፍ የተወሰደ😀😀😀

18/12/2021

የድብርት ህመም ህክምና እንዳለው ያቃሉ?
የድብርት ህመም እንደ ማንኛውም የህመም አይነት የትኛውንም የህብረተሰብ ክፍል ሊያጠቃ ይችላል ።
ህመሙ አስተሳሰብን ፣ስሜትን ፣ አካላዊ ጤንነትና ባህሪን እለት ተእለት ክፉኛ ሊያውክ ይችላል ።
ድብርት በሚኖርበት ጊዜ የሚከተሉት ምልክቶች ከሁለት ሳምንት ለበለጠ ጊዜ በየቀኑ ሊባል በሚያስችል ሁኔታ ከታዬ የሀኪም እርዳታ ያስፈልጋል ። የከፋ የሀዘን ስሜት ቀድሞው በሚያስደስቱን ነገሮች አለመደሰት የእለት ተእለት ተግባራትን ለማከናወን መቸገር ክብደት መቀነስ የእንቅልፍ ማነስ ወይም መብዛት ድካም እና ጉልበት ማጣት እራስን ዝቅ አድርጐ ማየት ወይም የጥፋተኝነት ስሜት መሰማት ትኩረት ለማድረግ እና ለመወሰን መቸገር ደጋግሞ ስለ ሞት ወይንም እራስን ስለመጉዳት ማሰብ
ድብርት ህክምና አለው !
ያለ አእምሮ ጤና ጤንነት የለም !
ዶክተር ግንባሩ ስነአእምሮ ልዩ ክሊኒክ

04/12/2021

ድህረ አደጋ የሚከሰት የስሜት መረበሽ እና የባህሪ ለውጥ (Post traumatic stress disorder )፦
አንዳንድ ሰዎች አሰቃቂ አደጋ ወይም ገጠመኝ ከአጋጠማቸዉ ወይም ከተመለከቱ በኋላ ሊከሰት የሚችል የባህሪ ችግር ነው ።
የባህሪ ለዉጦች ስለ ተፈጠረው ነገር ደጋግመው ማሰብና ገጠመኙን እንዲያስታውሱ ሊያደርጉ የሚችሉ ነገሮችን ለመሸሽ መሞከር ናቸው ።
ጉዳት ወይም አደጋ ሲባል የሚከተሉትን ያካትታል ሰው ሰራሽ እና ተፈጥሯዊ ።
ሰው ሰራሽ ሲባል፦ የቤት ውስጥ ጥቃት ፣ ወሲባዊ ጥቃት ፣ድንገተኛ ጥቃት፣ ዝርፊያ፣ መፈናቀል እና ጦርነት ሲሆኑ
ተፈጥሯዊ ሲባል፦ የመሬት መንቀጥቀጥ ሲደርስ፣ አውሎንፋስ ፣ጎርፍ አና ሌሎች በተፈጥሮ የሚመጠጡ አደጋዎች ናቸው
ምልክቶቹ ምንድን ናቸው ?
1. የተፈጠረው ዘግናኝ ሁኔታ ትውስታ በህልም ወይም በእውን በተደጋጋሚ መምጣት ፤
2. ማንኛውም ከአደጋው ጋር የተያያዙ ነገሮችን መሸሽ፣ አደጋው የተከሰተበትን ቦታ፣ በተከሰተበት ወቅት የነበሩ ሰዎችን ፣ተመሳሳይ አደጋ የተከሰተባቸውን ሰዎች ፣ስለ አደጋው መጠየቅና መወያየትን ተመሳሳይ የሆኑ ታሪኮች መስማትን አለመፈለግ ወይንም መሸሽ ናቸው፤
3. ከአደጋው በኋላ ግለሰቡ ስለሁሉም ነገር አሉታዊ የሆነ አስተያየት እና ስሜት መኖር ፤
4. አደጋዉ እየተከሰተ እንዳለ ሆኖ ይሰማዋል (ግለሰቡ አደጋው አሁን እየተከሰተ እንዳለ ሁሉ ሊጮህ ወይም ሊፈራ ይችላል )፤
5. አደጋውን የሚያስታውሱ ነገሮችን ሲያይ በከባድ ጭንቀት ወይም ፍርሃት መዋጥ ፤
ከላይ የተጠቀሱት ምልክቶች ከአንድ ወር በላይ ጊዜ ከወሰዱ የባለሙያዎች እርዳታ ያስፈልጋል ።
ያለ አእምሮ ጤና ጤንነት የለም !
ዶ/ር ግንባሩ ስነአእምሮ ልዩ ክሊኒክ

03/12/2021

የአእምሮ ጤና
የአእምሮ ጤና ማለት አእምሮአችን ተግባራትን በተሳካ ሁኔታ ማከናወን መቻል ማለት ነው ።
እነዚህም ተግባራት ከአስተሳሰብ፤ ከስሜት እንዲሁም ከባህሪ ጋር የተያያዙ ሊሆኑ ይችላሉ። እነዚህን በትክክል ማከናወን መቻል፣ምርታማ እንዲሆኑ፣ከሰዎች ጋር የተሟላ የአእምሮ ተግባራትን በተሳካ ሁኔታ ማከናወን መቻል ማለት ነው ። እነዚህም ተግባራት ከአስተሳሰብ ፣ከስሜት እንዲሁም ከባህሪያት ጋር የተያያዙ ሊሆኑ ይችላሉ ።
እነዚህን በትክክል ማከናወን መቻል፣ምርታማ እንዲሆኑ፣ከሰዎች ጋር የተሟላ ግንኙነት እንዲኖራቸውና ችግሮችን የመቋቋም ብቃት እንዲያዳብሩ ይረዳል ።
ያለ አእምሮ ጤና ጤንነት የለም
ዶ/ር ግንባሩ ስነአእምሮ ልዩ ክሊኒክ

03/12/2021

20/08/2021

የአዕምሮ ህመምን እንዴት እናክመው ?
በፋና ጤና ፕሮግራም ላይ ከዶ/ር ግንባሩ ገ/ማርያም ጋር የተደረገ ውይይት ።

11/08/2021

በአሁኑ ጊዜ ከ 360 በላይ የሚሆኑ ልዬ ልዬ የአእምሮ ህመሞች እንዳሉ የተረጋገጠ ሲሆን እያንዳንዱ የአእምሮ ህመም የተለያዬ ህክምናዎች አሉት ፡፡
ህክምናዎቹም ልዬ ልዬ የምክር አገልግሎት እና ልዬ ልዬ የመድሀኒት ህክምናዎች ናቸዉ፡፡
ይቀጥላል
ዶ/ር ግንባሩ ገ/ ማርያም
(ኤክስፐርት ሳይካትሪስት)

11/08/2021

11/08/2021

ስለ የአእምሮ ጤና ምንነት
የአእምሮአዊ ጤንነት የአጠቃላይ ጤንነት አካል ነው፡፡አንድ ሰው ሙሉ ለሙሉ ጤነኛ ነኝ ሊል የሚችለው አካላዊ ጤንነቱ ስለተሞላ ብቻ ሳይሆን ስነ ልቦናዊና ማህበራዊ ጤንነቱ ሲሞላም ጭምር ነው፡፡

አንድ ሰዉ የአእምሮ ጤና አለው የሚባለው ውስጣዊ ሰላም እና ደህንነት ሲሰማው፣ያለውን (ያላትን ) እምቅ አቅም ሲያውቅ(ስታቅ) ፤በየለቱ የሚገጥሙ የኑሮ ችግሮችን መቋቋም ሲችሉ፤ አመርቂና ፍሬአማ ስራ ሲሰሩ ከሰው ጋር ያላቸው ግንኙነት ጤናማ ሲሆንና ለህብረተሰቡ ትርጉም ያለው አስተዋፅዖ ሲያበረክቱ ነው፡፡

የአእምሮ ህመም እንደማንኛውም ህመም ከግለሰቡ ፍላጎት ውጪ የሚከሰት ሳይንሳዊ ህመም ነው፡፡ ሳይንሳዊ በሆኑ ልዬ ልዬ ምክንያቶች ይፈጠራል፡፡ ጠቅለል ባለ መልኩ የአእምሮ ህመም ሶስት ዋና ዋና ምክንያቶች አሉት እነሱም፡ ስነልቦናዊ,ማህበራዊ እና ስነፍጥረታዊ ተብለው ይፈረጃሉ፡፡

የአእምሮ ህመሞች ከክብደታቸው አንፃር ቀላል ፤መሀከለኛ እና ከባድ ተብለው ይከፈላሉ፡፡ በአሁኑ ጊዜ ከአራት ሰዎች አንድ ሰው በአእምሮ ህመም እንደሚጠቃ ተረጋግጦአል፡፡
አንድ ግለሰብ በሂወት ዘመኑ በከባድ የአእምሮ ህመም የመጠቃት እድሉ 2 % ነው፡፡
በልዩ ልዬ የህክምና ተቋማት በተመላላሽነት ከሚታዬት ህሙማን ውስጥ 20-30% የሚሆኑት ህሙማን ልዩልዬ የአእምሮ ህመሞች እንዳላቸው ሳይንሳዊ ጥናቶች ያሳያሉ፡፡

ያለ አእምሮ ጤና ጤንነት የለም!

ዶ/ር ግንባሩ ገ/ማርያም
(ኤክስፐርት ሳይካትሪስት)
እናመሰግናለን

ይቀጥላል፡፡