Doctor M Home Ccare service (2026)

26/01/2025

ሰላም

06/05/2023

የጥርስ ጤና አጠባበቅ
___________

👉ጤናማ ጥርስ እና ድድ እንዲኖረን ማድረግ ያሉብን ነገሮች

1) በቀን ሁለት ጊዜ ጥርሳችንን መቦረሽ

👉 ጠዋት ቁርስ ከበላን በኋላ እና ማታ ደሞ እራት ከተመገብን በኋላ ወይም ከመተኛታችን በፊት ማፅዳት አለብን ስንቦርሽ ጥርሳችንን ቢበዛ ከ 3 ደቂቃ መብለጥ የለበትም።

2) ጥርሳችንን በቀን አንድ ጊዜ ፍሎስ ማድረግ

👉 ክር መሳይ ገመድ (dental floss) በመጠቀም በጥርሶቻችን መካከል የሚገኙ ትናንሽ ምግቦችንም ሆነ ቆሻሻዎችን የጥርስ ብሩሻችን ሊያፀዳው ወይም ሊደርስበት ስለማይችል በፍሎሱ ማፅዳት እና ጥርሳችን በጊዜ ሂደት እንዳይቦረቦር መከላከል እንችላለን።

3) የጥርስ ብሩሻችንን ከ 3 እስከ 6 ወር ባለው ጊዜ ውስጥ መቀየር ይኖርብናል ።

👉 ብሩሻችን ከላይ ከተጠቀሰው ጊዜ በላይ የምንጠቀምበት ከሆነ የመሰባበር እና በፊት የነበረውን ቅርፅ ይዞ ስለማይቀጥል ጥርሳችንን በስርዓት አያፀዳልንም በዛም ላይ ድዳችንን በመጉዳት እንዲደማ ያደርገዋል።

4) በ 6 ወር አንድ ጊዜ የጥርስ ሀኪም ጋር መታየት

👉 በእኛ ሀገር ብዙ ጊዜ ካልታመምን ወደ ሀኪም ቤት የመሄድ ልምዱ ባይኖረንም ግን በጣም አስፈላጊ እና መለመድ ያለበት ነገር ቢኖር ወደ ጤና ተቋም መሄድ ይኖርብናል።
👉አፋችን ውስጥ በቀላሉ ለእኛ ያልታዩን ወይም ቀላል ነው ብለን ያሰብናቸው ነገሮች ሊኖሩ ይችላሉ።
ለምሳሌ
#የጥርስ መቦርቦር ,
#መጥፎ የአፍ ጠረን ,
#የድድ መድማት እና የመሳሰሉት...
እነዚህ ነገሮች በጊዜ መፍትሄ ማግኘት እየቻሉ ሀኪም ቤት ሂደን ባለመታየታችን እና ሀኪም ባለማማከራችን ጥርሳችንን እስከማጣት እና ቀላል የነበሩትን የጥርስ ሕመሞች ወደ ከባድ ችግር ያደርሳቸዋል።
👉ስለሆነም በየስድስት ወሩ ወደ ጥርስ የህክምና ማእከላት በመሄድ ቅድመ ምርመራ በማድረግ ጤናማ ጥርስ እንዲኖረን እናድርግ።

5) የአመጋገብ ስርዓታችንን ማስተካከል

👉 # በጥርስ ላይ የሚጣበቁ እና ጣፋጭነት ያላቸውን ምግቦች መቀነስ በተለይ ህፃናትን ከእነዚህ ምግቦች ማራቅ ካልሆነም በልተው እንደጨረሱ እንዲቦርሹ ማድረግ ይጠበቅብናል።

የሚጣበቁ ወይም ጣፋጭ ምግቦች ውስጥ
#ከረሜላ ,
#የለውዝ ቅቤ ,
#ቸኮሌት ,
#ማርማራታ
#ጣፋጭ መጠጦች.... የመሳሰሉት ይገኙበታል።

👉 # በተቃራኒው ደሞ የካልሺየም ይዞታቸው ከፍተኛ የሆኑ ምግቦችን ስንጠቀም ጥርሳችን ጠንካራ እና ጤናማ እንዲሆን ይረዳናል።
ከነዚህ ምግቦች መካከል
#ጎመን ,
#የወተት ተዋፅኦ ,
#ሰላጣ እና .... የመሳሰሉት ይገኙበታል ።

#ጤና ሚኒስቴር

10/08/2022

በጠዋት ዉሃ የመጠጣት ልምድ አላችሁ ?

በጠዋት ከእንቅልፍ እንደተነሱ በባዶ ሆድ ውሃ የመጠጣት 8 ጥቅሞች :-

💧አንጀትን ያጸዳል፣ ንጥረ ምግቦችን በቀላሉ ለመምጠጥ ያስችላል።

💧የኩላሊት ጠጠርን ለመከላከል ይረዳል እንዲሁም አንጀትዎን እና ፊኛዎን ከተላላፊ በሽታዎች ለመጠበቅ ይረዳል።

💧የእርስዎን የንቃተ ህሊና፣ የማስታወስ እና የአዕምሮ ብቃትን ይጨምራል።

💧የአዲስ የጡንቻ ሴሎችን እና የደም ሴሎችን መመረት ይጨምራል፣

💧ክብደትን ለመቀነስ ይረዳል።

💧የሚያበራ ቆዳ፤ ውሃ ከደም ውስጥ መርዛማ ንጥረ ነገሮችን ለማጽዳት ይረዳል፣ ይህም ቆዳዎ ብሩህ እና ንጹህ እንዲሆን ይረዳል።

💧ጤናማ አንፀባራቂ ፀጉር እንዲያድግ ያበረታታል ።

💧የሰውነትን በሽታ የመከላከል ስርዓትን ያጠናክራል እና የሊምፍዎን(lymph) ሚዛን ያስተካክላል፣ እነዚህ እጢዎች የእለት ተእለት ተግባራትን እንዲያከናውኑ፣የሰውነትዎን ፈሳሽ ማመጣጠን እና ኢንፌክሽንን ለመከላከል እና ለመዋጋት ይረዳሉ።

ሼር በማድረግ ለሌሎች እንዲደርስ ያድርጉ!!

ተጨማሪ ጤና ነክ መረጃወች ከቴሌግራም ቻናላችን ያግኙ።
https://t.me/Doctormhomecare

08/08/2022

ኩላሊታችን ጉዳት ላይ መሆኑን የሚያመለክቱ 5 ምልክቶች

የኩላሊት ህመም በአለማችን ለበርካቶች ሞት ምክንያት የሆነ በሽታና ነው፡፡

ተመርምረው በሽታው እንዳለብዎ ካወቁ በኋላ ጥንቃቄ የሚሻም ነው፡፡
እስኪ ምልክቶቹን እንመልከታቸው

1. መጠነኛ የጀርባ ህመም ስሜት
ጀርባችን አካባቢ ህመም በተደጋጋሚ ከተሰማን እና ምቾት ከነሳን ፤ኩላሊታችንን መታየት እንዳለብን አመላካች ነውና ጥንቃቄ እናድርግ ፡፡
ይህ የኩላሊት ሕመም ምልክት በሁለቱም ጎኖቻችን ሊከሰት ይችላል፡፡
ነገር ግን ቀድሞ የግራ ጎናችን ሕመም ስሜት ካሳየ ፤ ወዲያው በአጭር ጊዜ ውስጥ የቀኝ ጎናችንም ሳለባ ይሆናል፡፡
ችግሩን ግን ወዲያው ወዲያው በመሽናት ማስቀረት እንደሚቻል የሄልዝ ሄርብ መረጃ ይጠቅሳል፡፡

2. የሽንት ሁኔታ
ሌላው ጥንቃቄ የሚያስፈልገው ጉዳይ ፤ ሽንታችን ሲመጣ የምንወስደው ጊዜ ነው ፡፡አንድ ሰው ሽንቱ እንደመጣ ቢሻና ይመከራል፡፡
ሳንሸና ረጅም ጊዜ የምንቆይ ከሆነ ደግሞ ፤ ለኩላሊት ህመም የመጋለት እድሉ ይሰፋል፡፡
ስንሸና የማቃጠል ስሜት ፤ ያልተለመደ የሽንት ጠረን ፤ አንዱ ምልክት ነው ይለናል የሄልዝ ሄርብ መረጃ፡፡
3. እብጠት

ኩላሊት ስራውን በአግባቡ መከወን ካልቻለ፤ ከሰውነታችን ውስጥ አላስፈላጊ ቆሻሻ ማስወገድ የማይችልበት ደረጃ ላይ ከደረሰ እብጠት ይከሰታል፡፡
እብጠቱ እግር; ቁርጭምጭሚት፤ እና ፊት ላይ ሊከሰት ይችላል፡፡ ሲዉል ሲያድር ደግሞ ወደ ልብ እና ሳንባ ይዛመታል፡፡
4. የቆዳ ችግር
ኩላሊት ስራዉን በአግባቡ ካልሰራ በሰውነታችን የተለያዩ ቦታዎች ላይ ድርቀት, ሽፍታ, እና ከባድ የማሳከክ ሁኔታ ሊከሰት ይችላል፡፡

5. ኦክሲጅን
ኩላሊት ኢሪትሮፖይት ሆርሞን የማምረት ስራ ያከናውናል፡፡
ኢሪትሮፓይት ሆርሞን በበኩሉ ኦስሲጅን ተሸካሚ የቀይ ደም ሀዋስ ያመርታል፡፡
የቀይ ደም ሴል ወይም ህዋስ እጥረት በሰውነታችን ውስጥ ሲከሰት ፤አኔሚያ (iron deficiency) ወይም የብረት እጥረት እንዲከሰት ያደርጋል፡፡
በአንድ ግለሰብ ላይ የአይረን መጠን መቀነስ ፤ሰውየው ሞቃታማ ስፍራም ሆኖ ብርድ ብርድ የሚል ስሜት እንዲሰማው፤ ብሎም ስር ለሰደደ ድካም እንዲጋለጥ ያደርገዋል፡፡
የኩላሊት ጤና ለማሻሻል ምን ማድረግ አለብን ?
-ሲጋራ አለማጨስ
-ፈሳሽ አብዝቶ መውሰድ
-በአካላዊ እንቅስቃሴዎች ተሳትፎ ማድረግ ጥቂቶቹ መከላከያ ዘዴዎች ናቸው፡፡

ሰናይ ቀን ይሁንላችሁ‼️

ስለጤናወ ተጨማሪ መረጃ ከቴሌግራም ቻናላችን ያግኙ።
https://t.me/Doctormhomecare

24/05/2022

#ጤናመረጃ

ቲማቲም ለፊት ጥራት ያለው አስደናቂ ጥቅም!!

ቲማቲም ለቆዳችን እጅጉን ጠቃሚ ነው፡፡ ቲማቲም ከፍተኛ መጠን ያለው ቤታካሮቲን፣ ላይኮፔን እና ፍላቮኖይድስን አለው፤ ይህን ንጥረ ነገር ደግሞ ለፊት ጥራት ተብለው በውድ ዋጋ የሚሸጡ መዋቢያዎች ይጠቀሙበታል፡፡

በቀላሉ የምናገኘው ቲማቲምን በመጠቀም ቡጉርን፣ የቆዳ ጥቁረትንና ጥቁር ነጠብጣቦችን ከፊታችን ላይ ለማጥፋት ይረዳናል፣ በተጨማሪም ቲማቲም የቆዳን እርጅና እና መሸብሸብ ፍጥነትን የመቀነስ ችሎታ አለው፡፡

ለማዘጋጀት አስፈላጊ ነገሮች -

- 1 ቲማቲም
- 2 የሻይ ማንኪያ ስኳር
- 2 የሻይ ማንኪያ ማር
- 1 መለስተኛ የቡና ሲኒ >>

አዘገጃጀት

1) በመጀመርያ የፊታችን የቆዳችን ቀዳዳዎች መከፋፈት ስላለባቸው ፊታችንን በሙቅ ውሀ እንፋሎት መታጠን፡፡

2) ቲማቲሙን ይቆርጡና በሲኒ ላይ ይጨምቁታል፡፡
3) ጭማቂው ላይ ቅድሚያ ስኳሩን ቀጥሎ ማሩን ይጨምሩና ያዋህዱታል፡፡

4) ውህዱን ፊትዎ ላይ በስሱ ይቀቡታል ፡፡
5) ለ 2 ደቂቃ በዝግታ ያሹታል፡፡
6) ለተጨማሪ 2 ደቂቃ ደግሞ ባለበት ይተውታል፡፡

7) ባጠቃላይ ከ 4 ደቂቃ በኋላ በ ቀዝቃዛ ውሀ ይታጠቡታል፡፡ ማስጠንቀቂያ:- ለቲማቲም ሆነ ከላይ ለተጠቀሱት ውህዶች አለርጂክ ከሆኑ እንዲጠቀሙት አይመከርም፡፡ .....
በተጨማሪም ቲማቲም ለቆዳ ጤንነት ያለውን ጥቅም በቀላሉ ሞክሮ ማየት ካስፈለገ የሚከተለውን ማድረግ ይቻላል።

👉ከ8 እስከ 12 የሚሆኑ ቲማቲሞችን ልጦ የልጣጩን የውስጠኛ ክፍል ፊት ላይ መለጠፍ፡፡ ቢያንስ ከ10 ደቂቃዎች በኋላ ልጣጮቹን አንስቶ ፊትን መታጠብ፡፡ ከዛም ይህንን በተደጋጋሚ በማድረግ ለውጡን ማስተዋል እንችላለን።

ጠቃሚ ነውና ለወዳጆ ያካፍሉ! ሼር!

ተጨማሪ የጤና መረጃ ከቴሌግራም ቻናላችን ያግኙ።
https://t.me/Doctormhomecare

22/05/2022

የጆሮ ኢንፌክሽን ምልክቶች

የጆሮ ኢንፌክሽን (otitis media) ማለት የመሀለኛው የጆሮ ክፍል በኢንፌክሽን ሲጠቃ ነው፡፡ ይህ ህመም ብዙውን ጊዜ ህጻናትን ያጠቃል ሆኖም ግን አዋቂወችንም ሊያጠቃ ይችላል፡፡
በአብዛኛው በባክቴሪያ ይመጣል ነገር ግን በሌሎች ተዋስያንም ሊመጣ ይችላል፡፡

የጆሮ ኢንፌክሽን (otitis media) አይነቶች
👉1 አጣዳፊ የጆሮ ኢንፌክሽን (acute otitis media) ማለት በ 15 ቀን ውስጥ የሚፈጠር የመሀል የጆሮ ክፍል ኢንፌክሽ ሲሆን የጆሮ የመሀለኛውን ክፍል ያጠቃል፡፡
👉 2 የጠና የጆሮ ኢንፌክሽን (chronic otitis media) ማለት ከ 15 ቀን በላይ የቆየ የጆሮ ኢንፌክሽን ሲሆን ብዙውን ጊዜ መግል የመያዝ ነገር ይኖራል ::
👉 3 ኢፊውዥን የጆሮ ኢንፌክሽን (otitis media with effusion) ይህ ከአጣዳፊ የጆሮ ኢንፌክሽን በሆኋ ወይም የህመሙ ምልክቶች ከጠፉ በሆኋ ፈሳሽ እዛው የመሀል የጆሮ ክፍል ሲቀር ነው፡፡

ምልክቶች ህጻናት ላይ
🔺 ማልቀስ ከወትሮ በተለየ
🔺 መነጫነጭ
🔺 እንቅልፍ ማጣት
🔺 የጆሮ ህመም
🔺 ራስ ምታት
🔺 የአንገት ህመም
🔺 ከጆሮ ፈሳሽ መውጣት
🔺 ትኩሳት
🔺 ማስመለስ
🔺 ተቅማጥ
🔺 የመስማት ችሎታ መቀነስ
🔺 የሰውነት ሚዛንን መጠበቅ አለመቻል

ምልክቶች አዋቂ ሰዎች ላይ
🔺 የጆሮ ህመም
🔺 ከጆሮ ፈሳሽ መውጣት
🔺 ለመስማት መቸገር

ምክንያቶች
🔺 አለርጂ (allergy)
🔺 ጉንፋን
🔺 የሳይነስ ኢንፌክሽን (sinus infection)
🔺 የሳንባ ምች (pneumonia)
🔺 ማጂራት ገትር (meningitis)

አጋላጭ ሁኔታዎች
🔺 ከ6 ወር እስከ 3 አመት እድሜ ክልል ውስጥ የሆኑ ህጻናት
🔺 ጡጦ መጠቀም
🔺 ለተበከለ አየር መጋለጥ
🔺 በተደጋጋሚ ለሲጋራ ጭስ መጋለጥ
🔺 ቀዝቃዛ የአየር ንብረት

መፍትሄ
🔺 ማንኛውንም ኢንፌክሽን ሲኖር ቶሎ መታከም በተለይ የመተንፈሻ
አካል ህመም ሲኖር
🔺 አጋላጭ ሁኔታዎችን መቀነስ
🔺 የህመሙ ምልክቶች ሲኖሩ ቶሎ ወደ ህክምና ተቋም መሄድ፡፡

ለተከታታይ የጤና ነክ መረጃዎች
https://t.me/Doctormhomecare

30/04/2022

የደም አይነት እና የአመጋገብ ስርአት
**

የሰው ልጅ ደም በቀይ የደም ሕዋሳት ላይ ያሉትን ንጥረ ነገሮች መሠረት በማድረግ ኤ (A) ፣ ቢ (B) ፣ ኤቢ (AB) እና ኦ (O) ተብሎ በአራት ይከፈላል፡፡ የተመገብነው ምግብ በአንጀታች ውስጥ ከተፈጨ በኋላ በደማችን አማካኝነት ወደተለያዩ የሰውነታችን ክፍሎች ይሠራጫል፡፡ በዚህም ሂደት ውስጥ ምግባችን ውስጥ ያሉ የተለያዩ ንጥረ ነገሮች ከደማችን ጋር ኬሚካላዊ ግንኙነትና ውሕድ ይፈጥራሉ፡፡ ይህንንም ተከትሎ ከደማችን ዓይነት ጋር የሚስማማ ምግብ ከተመገብን የምግብ የመላም ሂደት ሊፋጠን፣ አላስፈላጊ ክብደት ልንቀንስ፣ የላቀ ጉልበት ሊኖረን እንዲሁም የበሽታ የመከላከል ዓቅማችንም ሊዳብር ይችላል፡፡ከዚህ በመቀጠልም ከእያንዳንዱ የደም ዓይነቶች ጋር የሚጣጣሙ የምግብ ዓይነቶችን እንጠቅሳለን፡፡

1) የ ኦ (O)ደም ዓይነት የአመጋገብ ስርዓት

ይህ የደም ዓይነት ከሌሎች ቀድሞ የነበረ ጥንታዊ ሲሆን ከእንስሳት አዳኞች የተወረሰ የደም ዓይነት ነው፡፡ የዚህ ደም ባለቤቶች ዓሣ፣ የባህር ምግብ፣ ቀይ ስጋ፣ ጨው፣ ዶሮ፣ ሲኳር ድንችና የመሳሰሉትን ምግቦች እንዲያዘወትሩ ይመከራል፡፡በዚያውም ልክ እንቁላል፣ የእንስሳት ተዋጽኦዎች፣ ስንዴና ባቄላን ከገበታቸው ማራቅ አለባቸው፡፡

2) የ ኤ (A) ደም ዓይነት የአመጋገብ ስርዓት

ይህ የሰው ልጆች ወደ እርሻ ሲገቡ በተፈጠረው የአመጋገብ ለውጥ ምክንያት የተከሰተ የደም ዓይነት ነው፡፡ በዚያ ዘመንም የሰው ልጆች ለመኖነት ፊታቸውን ወደ አትክልቶች በማዞራቸው ምክንያት በጊዜ ሂደት እጅግ የዳበረ የምግብ ማላም ስርዓትን አዳበሩ፡፡ በአንጀታችው ውስጥ የሚገኙት የባክቴሪያዎች ዓይነትና ቁጥርም እጅግ ተበራከተ፡፡ የዚህ ደም ባለቤቶች ፖም፣ አቮካዶ፣ ሰላጣ፣ ካሮት፣ ነጭ ሽንኩርት፣ ባቄላ፣ እርጎ፣ የስንዴ ዳቦና ፓስታ እንዲመገቡ ይመከራል፡፡ ነገር ግን እንቁላል፣ ስጋ እና ሌሎች የእንስሳት ተዋጽኦዎችን በተገቢው መንገድ ለማብላላት አንጀታቸው አልዳበረም፡፡

3) የ ቢ (B) ደም ዓይነት የአመጋገብ ስርዓት

የጥንቶቹ አዳኞች ወደ ሒማሊያስ ተራሮች በመሰደድ እንስሳትንም በማላመድ የአርብቶ አደር ሕይወትን መምራት ሲጀምሩ የተፈጠረ የደም ዓይነት ነው፡፡ ቀይ ስጋ፣ ዓሣ፣ እርጎ፣ ዓይብ፣ ወተት፣ ሙዝ፣ አረንጓዴ ቅጠላማ አትክልቶች፣ ወይንና አናናስ ተስማሚ ከሚባሉት ምግቦች መካከል ሲጠቀሱ ዶሮ፣ ስንዴ፣ ቲማቲም እንዲሁም ለውዝ እንዳይመገቡ ይመከራል፡፡

4) የ ኤቢ (AB) ደም ዓይነት የአመጋገብ ስርዓት

ኤቢ የደም ዓይነት በቅርብ ጊዜ የተከሰተ ሲሆን ከዓለም ህዝብም በአምስት ፐርሰንቱ ውስጥ ብቻ ይገኛል፡፡ የዚህ ደም ባለቤቶች ስጋንና ሌሎች የእንስሳት ተዋጽኦዎችን መፍጨት ቢችሉም የጨጓራቸው አሲድ መጠን ዝቅተኛ በመሆኑ ምክንያት የተመገቡት ምግብ በስብ መልክ ይከማቻል፡፡ ፍራፍሬዎችና አረንጓዴ አትክልቶች፣ ሀብሀብ እና ወይን፣ እንደ ቱና እና ሰርዲን ያሉ የባህር ምግቦችን ማዘውተር ተገቢ ሲሆን ከበቆሎ፣ የበሬና አሳማ ስጋ እነዲሁም ከአልኮሆልና ቡና መራቅ ያስፈልጋቸዋል፡፡

(የወዳጅዎን የደም አይት ያውቃሉ? እንግዲያውስ ሼር ያድርጉት)

ተጨማሪ መረጃ ከቴሌግራም ቻናላችን ያግኙ።
https://t.me/Doctormhomecare

04/04/2022

የጨጓራ_ቁስለት

• በተለምዶ ጨጓራ (የጨጓራ በሽታ) ይባላል። ይህ ችግር የጨጓራና የቀጭን አንጀት የላይኛው ክፍል የውስጥ ግድግዳ በመላጡ ወይም በመቁሰሉ የሚፈጠር ችግር ነዉ።
• እንደሚታወቀው በማንኛውም ሰው ጨጓራ ውስጥ በተፈጥሮ ሀይድሮ ክሎሪክ አሲድ (HCL) የሚባል አደገኛ አሲድ አለ። ይህ አሲድ ማንኛውንም የሰውነት ክፍል ከነካ ከፍተኛ ጉዳት ያስከትላል።
• ጨጓራ የሚባለውም ችግር የሚፈጠረው በተለያየ ምክንያት የጨጓራና የቀጭን አንጀት የውስጥ ግድግዳ በትንሹ ሲላጥ ወይም ሲሸነቆር አሲዱ ግድግዳውን በመጠኑ በመንካቱ ነው። ይህ አሲድ በሆድ (ጨጓራ) ውስጥ የተገደበ ነው። ወደ ላይ ወደ ጉሮሮም ሆነ ወደ ታች ወደ አንጀት መውረድ አይችልም። ይህ ባይሆን ኑሮ ጉሮሮም ሆነ አንጀት አይኖረንም ነበር። የመበጣጠስ አቅም ስላለው።
• የጨጓራ ግድግዳንም ቢሆን ከቅንጣት በላይ ታክል ከነካው እራስ እስከመሳትና ደም እስከማስታወክ ያደርሳል። በተፈጥሮ የጨጓራ ግድግዳ ንፍጥ መሳይ ዝልግልግ ፈሳሽ (Mucus) ስለተሸፈነ አሲዱ ግድግዳውን መንካት አይችልም።
ሁለት አይነት ቁስለት አለ።
• የጨጓራ ቁስለት እና የቀጭን አንጀት የላይኛው ክፍል ቁስለት ናቸዉ፡፡ አንድ ሰው በአንድ ጊዜ ሁለቱም አይነት ቁስለት ሊኖሩት ይችላሉ። ሁለቱን የሚያሳዩትን ምልክትም መለያየት ይቻላል፡፡
የጨጓራ ቁስለት ምልክቶች፡-
• ህመም ስሜት (ከቆሰለው ቦታ በርቀት ላይ ሊሆን ይችላል)
• ማቅለሽለሽ፣
• ማስታወክ፣
• ሆድ መንፋት፣
• ቃርና የደረት ማቃጠል ሲሆኑ እየከፋ ሲሄድ ደግሞ ጥቁር ከሰል መሳይ ሰገራ፣ ራስን መሳት፣ ደም የቀላቀለ ትውከት፣ ትንፋሽ ማጠር፣ ድካም፣ ጀርባን ማቃጠልና ውጋት ይከሰታል፡፡
1. የቁስለቱ ዋነኛ ምክንያት ኤች ፓይሎሪ የሚባል ባክተሪያ ነው። ባክቴሪያው የጨጓራንና የቀጭን አንጀት ግድግዳ የሸፈነውን ሽፋን (Mucus) በመቦርቦር አሲዱ በቀላሉ ቀጣዩን ሽፋን እንድያገኘው ያደርጋል።
2. በተጨማሪም የተለያዩ መድሀኒቶች እንደ አስፕሪን፡ አይቡፕሮፊን፡ ነፕሮሲን፡ አሲታሚኖፊን፡ ዋርፋሪንና ሌሎችም መድሀኒቶች በአግባቡ ካልተወሰዱ፣
3. እድሜ መጨመር፡ በተለይ ከ70 አመት በላይ፣
4. አልኮል ጠጭ መሆን፣
5. ማጤስና አካላዊ ጉዳት ለቁስለቱ ምክናየቶች ናቸዉ፡፡
የጨጓራ ቁስለት የሚያነሳሱ ነገሮች፡-
• አመጋገብ፣
• ብስጭትና ንዴት
• መድሀኒቶች
• ምግብን በስአቱ አለመመገብና የአኗኗር ዘይቤ ናቸዉ፡፡
የምርመራው_አይነት
• ከታማሚዎች መረጃ በመሰብሰብ፣
• በደምና ሰገራ ምርመራ፣
• የባክቴሪያውን መኖር አለመኖር በማየት፣
• ትንፋሽን በመሳሪያ በማየትና ሌሎችም ናቸዉ፡፡
ህክምናው ምንድን ነው?
• በባለሙያ ከታዩ በኋላ እንደ ህመሙ አይነት፣ ደረጃና ምክንያት ህክምናው ይሰጣል። የሚታዘዙትም መድሀኒቶቹም ይለያያሉ። ያልታከመ የጨጓራ በሽታ ከባድ ችግር ሊያስከትል ይችላል።
• ከፍተኛ ደም መፍሰስ፣
• የደም ቱቦዎች መሸንቆርን ሊያስከትልና ለካንሰርም ሊያጋልጥ ይችላል።
• አለማጤስ፣
• አለመጠጣት፣
• አለመበሳጨትና የአኗኗር ዘይቤን ማስተካከል የችግሩን ክብደት በከፍተኛ ደረጃ ይቀንሱታል።
• ፕሮቲን ምግቦችን በመቀነስ ሀይልና ሙቀት ሰጭ ምግቦችን በመጠቀም የቁስለት ደረጃው እንዳይባባስ ማድረግ እና እንድያገግም ያደርጋል። ምክንያቱም ፕሮቲን የሚፈጨው ጨጓራ ላይ ስለሆነ ያባብሰዋል። ካርቦሀይድሬት ደግሞ ጨጓራ ላይ ስለማይፈጭ እረፍት ይሰጣል።

ተጨማሪ ከቴሌግራም ቻናላችን ያግኙ።
https://t.me/Doctormhomecare

26/10/2021

የጨጓራ ህመምና አመጋገብ

ጨጓራ ህመም (peptic ulcer disease ...PUD) የጨጓራችን እና የላይኛዉ አንጀት መቁሰል ሲሆን ከቀላል ማጋሳት እስከ አንጀት መበሳትና ከፍተኛ አደጋ ሊያደርስ የሚችል የብዙ ሰዎች ህመም ሲሆን በአግባቡ ህክምናና ጥንቃቄ ከተደረገ ከ6- 8 ሳምንታት ዉሰጥ የአንጀት ቁስሉ ሊድን ይችላል። በዋነኝነትም ህመሙን ከሚያስከትሉ ምክንያቶች መካከል አንዱ እና ዋነኝው የጨጓራ በክቴሪያ ነው ።

የጨጓራ ህመም ምልክቶች

ቀላል ህመም ምልክቶች

📌 የማቃጠል የሆድ ህመም ፣
📌 ከ2-3 ሰዓት ምግብ ከተመገቡ በኋላ ሆድን ምቾት መንሳት ፣
📌 የምግብ ያለመፈጨት ስሜት ፣
📌 የምግብ ፍላጎት መቀነስ
📌 ማቅለሽለሽ ፣
📌 ማጋሳት እና ማታ ላይ እና በባዶ ሆድ ሰዓት ላይ የሚባባስ የሆድ ሀመም

ከባድ ህመም ምልክቶች

📌 ድንገተኛ የሚወጋ የህመም ስሜት (Sharpe and increasing type of pain)
📌 የሆድ ህመም
📌 ደም ወይም ቡና ቀለም ያለዉ ቱከት ወይም ሰገራ

ጨጓራ ህመምተኞች ማድረግ ያለባቸው ነገሮች

📌 ቅመም የበዛባቸዉ ምግቦች ቀይ ስጋንም ጨምሮ ማስወገድ አለባቸዉ።
📌 በአንዴ ከመመገብ ትንሽ ትንሽ ብዙ ጊዜ መመገብ
📌 ሲጋራ ፣ ቡና ፣ አልኮል እና ለስላሳ መጠጦች
📌 ቲማቲም እና ሲተረስ አትክልቶች (ሎሚ ብርትኩዋን)
📌 ጭንቀት መወነስ
📌 ሊተኙ ሲሉ ከ2-3 ሰዓት በፊት አለመመገብ
📌 በቀን ቢያንስ 30 ደቂቃ ሰፖርት መስራት
📌 የታዘዙ መዳኒቶችን በአግባቡ በመዉሰድ
📌 ምግብን ተረጋግቶና በደንብ አኝኮ መመገብ
📌 ማሰታገሻ መዳኒቶችን አብዝቶ አለመጠቀም እናቨ ነጭ ፣ ዳቦ ፣ ፓስታ ፣ ሞኮሮኒ የመሳስሉ ምግቦችን መቀነስ

ለበለጠ መረጃ ቴጃችን ይዎዳጁ የቴሌግራም አድራሻቾንንም ይቀላቀሉ።
https://t.me/Doctormhomecare

23/10/2021

📌 ዘና የሚያደርግ እንቅስቃሴ እናሳይዎ!

የመተንፈስ እንቅስቃሴ (Breathing Exercise) ስለሚባል ነገር ሰምተው ያውቃሉ?

👉 የመተንፈስ እንቅስቃሴ (Breathing Exercise) ወደውስጥ አየር በደንብ እየወሰዱ ወደ ውጪ በመተንፈስ ወደአእምሮ የመረጋጋት እና ዘና የማለት መልዕክት እንዲላክ በማድረግ ሰውነትን ዘና እንዲል ያደርጋል::

👉 የመተንፈስ እንቅስቃሴዎች አእምሮን ለጊዜው የሚያስጨንቁት ነገሮች ላይ ትኩረትን ማረግን ትቶ ትኩረቱን በአተነፋፈስ ስርአት ላይ እንዲሆን በማድረግ ጭንቀትን እንደሚቀንስ ይታመናል::

👉 በርካታ የመተንፈስ እንቅስቃሴ አይነቶች ያሉ ሲሆን ከእነዚህ መሀል ስለ አንድ ቀለል ስላለ 4-7-8 የአተነፋፈስ ዘዴ (4-7-8 Breathing technique) ስለተሰኘ እንቅስቃሴ እንንገራችሁ :: ይህ 4-7-8 የአተነፋፈስ ዘዴ (4-7-8 Breathing technique) በሌላ ስሙ ዘና የሚያደርግ ትንፋሽ ( Relaxing Breath) በመባል ይታወቃል:: ይህ እንቅስቃሴ ጭንቀትን ለመቀነስ አልያም እንቅልፍ እንቢ ላላቸው ሰዎች እንዲተኙ ለማገዝ በጤና ባለሞያዎች ይመከራል ::

👉 ይህን እንቅስቃሴ አንድ ቀን አርጎ ከመተው ይልቅ በየቀኑ መስራት የበለጠ ጠቃሚ እንደሆነ የአእምሮ ጤና ባለሙያዎች ይናገራሉ::

እስቲ ይህን እንቅስቃሴ ከእኛ ጋር ይስሩ:-

✔️ ይህን እንቅስቃሴ በጀርባ ተኝቶ አልያም ቁጭ ብሎ መስራት ይቻላል::

Step 1 :- ለመጀመር አንድ እጅዎን በሆድዎ ላይ ሌላኛውን ደግሞ በደረትዎ ላይ ያኑሩ::

Step 2:- የምላሶትን ጫፍ በላይኛው ፊት ባለው ጥርስዎ ጀርባ ያድርጉ

Step 3 :- አሁን በዝግታ በአፍንጫዎ በኩል አየር በደንብ ይውሰዱ :: አየሩን እየወሰዱ በውስጥዎ ከአንድ እስከ አራት ይቁጠሩ

Step 4 :- ከዛ አየሩን ይዘው በውስጥዎ ከ1 እስከ 7 ይቁጠሩ

Step 5 :- ከዛ በውስጥዎ ከ1 እስከ 8 እየቆጠሩ ማውጣት የሚችሉትን አየር ሁሉ ወደውጪ በደንብ ያስወጡ::

✔️ይህንን እንቅስቃሴ በአንድ ዙር የመረጋጋት ስሜት እስከሚሰማዎ በተከታታይ እስከ ከአራት ጊዜ ያህል ይስሩ::

✔️ ለጀማሪዎች ይህንን እንቅስቃሴ በአንድ ዙር በተከታታይ ከአራት ጊዜ በላይ እንዲሰሩ አይመከርም::

✔️ በቀን ውስጥ የዚህን እንቅስቃሴ 2 ዙር ይስሩ በተጨማሪም በመሀል ፈታ ማለት ካስፈለግዎ እስከ 2 ዙሮችን መጨመር ይችላሉ::

📌 Help Others By Sharing this Post

👉 ከላይ በፅሁፍ የተገለፀው ግልፅ ካልሆነ ከታች ያለውን መስፈሪያ በመጫን ቴጃችን ይዎዳጁ የቴሌግራም አድራሻቾንንም ይቀላቀሉ።
https://t.me/Doctormhomecare

11/10/2021

የ እናት ጡት ወተት በምን ምክንያት ይቀንሳል?

• ልጅሽ እንደተወለደ ወዲያው ጡት ካልጠባ
• ልጅሽ በትክክለኛ ባልሆነ አያያዝ እና አጠባብ ጡት የምትሰጭው ከሆነ
• ልጅሽን ቶሎ ቶሎ በሰዓቱ ካላጠባሺው
• የአዕምሮ ዉጥረጥ መጨናነቅ እና አለመረጋጋት ካለ
• በቂ እረፍት ካልወሰድሽ
• በቂ ምግብ እና ፈሳሽ ካልወሰድሽ
• ልጅሽ ከእናት ጡት ወተት ዉጭ ሌላ ወተት የሚወስድ ከሆነ
• ማንኛዉም ሱስ ካለብሽ
• መድሃኒቶች የምትጠቀሚ ከሆነ በተለይ የእርግዝና መከላከያ መድሃኒቶች
• ደም ግፊት እና ከመጠን ያለፈ ዉፍረት
• ከፍተኛ የካፌን ንጥረ ነገሮች ያላቸዉን ምግቦች እና መጠጦችን(ቡና ሻይ ለስላሳ መጠቶች) የምታዘወትሪ ከሆነ

የጡትሽ ወተት በቂ ከሆነ ልጅሽ ላይ የሚከተሉትን ምልክቶች ይታያሉ፡፡

✍️ ልጅሽ ጠብቶ በቀን ቢያንስ 5 ወይም 6 ጊዜ ሽንት ይሸናል፣
✍️ 2 ወይም 3 ጊዜ ይጸዳዳል፡፡
✍️ ኪሎው እየጨመረ ይሄዳል(በቀን 30 ግራም)
✍️ በደንብ ይተኛል (ቢያንስ 2 ሰዓት)

✍️ በደንብ ሲጠባ እና ሲውጥ ላንቺም ይታወቅሻል

የጡት ወተትሽ በቂ እንዲሆን ማድረግ ያለብሽ ነገሮች፡፡

1. ከላይ የተዘረዘሩትን የ ጡት ወተት የሚቀንሱ ነገሮችን አስወግጂ:
2. ጡትሽ ቶሎ ቶሎ ማለብ ወይም ማጥባት
3. ልጅሽን ደረትሽ ላይ ዳይፐር ብቻ አርገሽ አስተኝው
4. ለብ ባለ ዉሃ የተነከሩ 2 ፎጣዎች ከጡትሽ ከላይ እና ከታች ይዘሽ ቀስ ብለሽ ከላይ ወደ ታች ማሳጅ ማድረግ በቂ እና የተመጣጠነ ምግብ መመገብ በቂ ፈሳሽ መውሰድ በተለይ ከአትክልት እና ፍራፍሬ ፓፓያ, ብርቱካን, ሃባብ ማንጎ መውሰድ
5. በተቻልሽው መጠን በቂ እንቂልፍ እና እረፍት ማድረግ
6. አለመጨነቅ

እነዚህን ሁሉ አርገሽ ምንም ለውጥ ከሌለ ወይም ልጅሽ ትኩሳት እና በጣም መነጫነጭ ካመጣ እንደራበው ጡትሽን ቀድመሽ ትሰጪና ቀጥሎ በንፅህና የተዘጋጀ የጣሳ ወተት መስጠት ትቺያለሽ፡፡ ይህ ግን የ መጨረሻ አማራጭ ብታደርጊው መልካም ነው::
ለበለጠ መረጃ ቴጃችን ይዎዳጁ የቴሌግራም አድራሻቾንንም ይቀላቀሉ።

Doctor M Home Ccare service

26/01/2025

06/05/2023

10/08/2022

08/08/2022

24/05/2022

22/05/2022

30/04/2022

04/04/2022

26/10/2021

23/10/2021

11/10/2021

Address

Telephone

Website

Alerts

Shortcuts

Share