Fayyaan faaya

18/05/2025

Dhugaan ilmoo Waaqaati:

Gaafii ogeeyyota fayyaa duuba wanti jiru— BEELA!
Dr. Nuredin Luke🙏

17/05/2025

17/05/2025

17/05/2025

15/05/2025

"የጤና ባለሙያዎች መንግስትን መፍራት ያቆሙት፣ ኑሯቸው ከመንግስት በላይ ስለሚያስፈራ ነው።"

15/05/2025

Gaafilee Ogeeyyii fi Hojettoota Fayya Itoophiyaa Illachisee Ibsa Ejjennoo Kongireesii Federalawaa Oromoo (KFO) Irraa Kenname
*******
“Gaafilee Seerqabeesaa fi Haqumma Hojjetootni Fayyaa Itoophiyaa Kaasan Iftoominaan Deebisuu Malee, Burjaajessuu, Hidhuu fi Gochaan Humnaa Furmaata Waaraa Hinfidu”
========
Kongireesiin Federalawaa Oromoo (KFO), ogeeyyi fi hojjetoota fayyaa Itoophiyaa kanneen haala hojii mijataa, kaffaltii haqaa fi argama qabeenya fayyaa ummata tajaajiluuf barbaachisu ilaalchisee gaafilee kaasan cinaa dhaabbata. Ogeeyyiin fayyaa kunniin dadhabbi fi nuffii tokko malee addadurummaan tajaajila fayyaa irratti kan hojjetan yoo ta'u, gaafileen amma dhiyeessanis rakkoolee dhuunfaa isaanii qofa furuuf osoo hin taane, sirna fayyaa lammilee miliyoonotaaf murteessaa ta'e cimsuuf akka ta'e hubatamuu qaba.

Gaaffiin ogeeyyii fayyaa komii ariifachiisoo fi seera-qabeessa ta’e irratti kan hundaa’e ta’uu hubanna. Mootummaan gaaffii isaanii sirnaan ala akka ta’e fi fedhiin siyaasaa adda duuba akka jiru fakkeessuun sochii ogeeyyii fayyaa seerummaa dhabsiisuuf carraaqqii walirraa hin cinne taasisuun isaa hedduu nu gaddisiiseera. Ilaalchi akkasii, hanqina baajaataa, hanqina galtee fayyaa fi rakkoolee iddoo hojii mijataa dhabuu dabalatee, rakkoolee sirnaawaa damee fayyaa keessa jiraniif xiyyeeffannoon akka hin kennamne taasiisa. Rakkoolee kanneen iftoominaan furuun, wal-amantaa tiksuufi ittifufiinsa tajaajila fayyaa mirkaneessuuf barbaachisaadha jennee amanna.

Mootummaan bakka bu'oota ogeeyyii fayyaa waliin iftoominaan marii gaggeessuun rakkoolee ka'aniif furmaata akka laatu gaafanna. Walitti bu'iinsi amma mul'atu bu'uuraan furuuf waliigalteefi tumsi barbaachisaa ta'uu ni amanna. Tarkaanfii sodaachisaa, adabbii fi humna caalaa, mala waloo hordofuun faayidaa hojjettootaas ta'e kan ummataa caalmatti kabachiisa. Wal-diddaan yeroo dheeraa fudhatu, kenniinsa tajaajilaafi amantaa ummataa miidhuu danda’a.

Kanarraa ka'uun KFOn mootummaan Itoophiyaa tarkaanfilee armaan gadii atattamann akka fudhatu gaafata:

1/Seerrummaa fi haqumaa gaaffii hojjetoota fayyaa hubachuufi beekkamtii kennuun, gochaa burjaajessuufi jechaan laaffisuu, hidhaa fi gochaa humnaa ogeeyyii fayyaa irratti amma gaggeeffamaa jiru irraa akka of qusatu.

2/Komiiwwan jiran furuuf bakka bu'oota hojjettoota fayyaa waliin marii hunda galeessaafi iftoomina qabu akka mijeessuu.

3/Mirga hojjettoonni seeraan gurmaa’uu fi sodaa tarkaanfii haalobahannaa fi maqaballeessi tokko malee mirga isaanitiif falmachuuf qaban kabajuu.

4/Ramaddii baajataa irraa kaasee damee fayyaatiif xiyyeeffannoo barbaachisu kennuun, baajata gahaa ramaduun, hojattoota fayyatiif kaffaltii haqummaa kaffaluu, haala hojii mijataa uumuu, raabsama galteewwan fayyaa fedhii irratti hundaaye fi sirna itti-gaafatamummaa irratti fooyya’iinsa waaraa fiduuf kutannoo qabaachuufi tattaffii gahaa gochuu qaba.

5/Damee kanaaf furmaata waaraa fi haq-qabeessaa ta'e qopheessuuf, waldaalee ogeeyyii fayyaa,hawaasa siiviliifi qaamolee dhimmi ilaallatu waliin ta'uun hojjechuu qaba.

Gaafileen mirgaa hojjetoonni fayyaa yeroo ammaa kaasan, hawwii bal'aa hawaasni keenya haqaaf, ulfinaaf, fi sirna bulchiinsa ittigaafatamummaa qabu horachuuf qabu kan calaqqisiisu. Dhimmoota kanneen walhubannoon furuun sirna fayyaa Itoophiyaa cimsuun guddina biyyaa jabeessa jennee amanna.

KFOn gama isaatiin Itoophiyaa naga-qabeettii, haqa-qabeettii, federaalaawaa fi dimookiraatawaa taate, kan mirgi fi fayyummaan lammiilee hundaa keessatti kabajamu ijaaruuf kutannoo qabu carraa kanaan irra deebiin mirkaneessa.

Kongireesii Federalawaa Oromoo (KFO)
Caamsaa 7, 2017
Finfinnee, Oromiyaa, Itoophiyaa

15/05/2025

Oduu: Lagannaa hojiin walqabatee ogeeyyiin fayyaa hedduun to’annoo jala ooluu waahillan isaanii himan

Lagannaa hojii gartokkee ogeeyyiin fayyaa gaggeessaa jiraniin walqabatee ogeessonni fi barattoonni fayyaa hedduun kutaalee adda addaatti hidhamuu himame. Ogeessonni fayyaa Koolleejjii Fayyaa Hospitaala Phaawuloos sadi Wiixata galgalaa fi Kibxata hidhamuu ogeessi hospitaalicha keessa hojjetu tokko himeera.

Rezidantiin (barataa ispeeshaalistummaa) Hospitaala Ispeeshaalaayizdii Xiquur Ambassaa keessa hojjetu Dr. Nabiyuus hidhamuu fi yeroo ammaa maalirra akka jiru akka hin beekamne ogeessi hospitaalichaa kan biraan himeera. Naannoo godinaalee Gondar, Walloo Kaabaa fi Agaw keessattis ogeeyyiin fayyaa hidhamuu himameera.

Dhimma kana ilaalchisee Poolisii Federaalaa, Biiroo Fayyaa Magaalaa Finfinnee, Komishinii Poolisii Magaalaa finfinnee, fi Ministeera Fayyaa qunnamuuf yaaliin Addis Standard irra deddeebiin taasise hin milkoofne.

https://addisstandard.com/Afaanoromoo/?p=6229

13/05/2025

Gaaffileen ogeeyyii fayyaa gaafii jiraachuuti gaafii waayee qananii ykn meeshaa qaqqaalii qabachuu miti.
Our question is about survival not about luxury goods.

13/05/2025

Oduu: Ogeessonni fayyaa mormii hojii dhaabuu gaggeessuuf yaalan doorsisni isaan mudachuu himan

Ogeeyyiin fayyaa kutaalee biyyattii garagaraa keessa argaman har’a Kibxata Caamsaa 13, 2025 mormii hojii dhaabuu gartokkee gochuuf yeroo yaalanitti aang’oota irraa doorsisni isaan mudachuu himan.

Ogeessi fayyaa naannoo Hospitaala Riferaala Yuunivarsiitii Madda Walaabuu Goobbaatti hojjetu tokko ogeessoonni fayyaa hojii dhaabuuf yaalan aangawoota irraa dhiibbaan isaan mudachuu himeera. "Doorsifni nu mudachaa jira." Naannoo keessattis haala walfakkaataan jiraachuu ogeeyyiin himaniiru.

Magaalaa Addis Standard Hospitaala Ispeeshaalaayizdii Waliigalaa Miniliik II dabalatee hospitaalota sadii keessatti daawwii kan taasise yoo ta'u, hospitaalota kanneen keessatti ganama gartokkeen hojiin dhaabbatee kan ture ta'uus waaree booda tajaajilli idilee kennamaa ooluu hubateera.

Gabaasa dabalataaf: https://addisstandard.com/Afaanoromoo/?p=6217