ODUU DAWAA

11/12/2024

WAA'EE QORICHA SALBUTAMOL(ALBUTEROL) 2MG/4MG
||~~~~.
1️⃣.Qorichi Salbutamol maali?
✍️Salbutamol~Jechuun qoricha garee bronchodilator jedhamuu ta'ee kan maashaalee daandii qilleensaa gara sombaa dhaqu si'eessee addaan dhifee bal'isee qilleensi salphumati yeroo gabaabduu qofaaf rakkoo malee somba bira akka ga'u taasisuuf gargaara.

2️⃣.Qorichi salbutamol yeroo yaalaaf fayyadamnu bu'aalee akkamii qaba?
▪️Rakkoo hargansuu ittisuuf.
▪️Rakkoo hafuurri nama hanqachuu ykn ciccituu.
▪️Mallattoo Qufaa fi dhiphachuu qomaa sababa dhibee asmiitiin dhufu.
▪️Mallattoo dhibee asmii yaaluuf.
▪️Rakkoo daandiin qilleensaa dhippatee yeroo qilleensi keessa darbuu sagaleen hargansuu dhaga'amuu hir'isuuf .
▪️Mallattoo rakkoo dhibee daandiin qilleensaa gara sombaa deemu yeroo dheeraaf danqamee turuu(chronic obstructive pulmonary disease).
▪️Mallattoo rakkoo hargansuu yeroo sochii qaamaa hoojjatanii mul'atu fi kkf yaaluuf gargaara.

3️⃣.Qoricha Salbutamol yaalaaf fudhachuun durati maali godhuu qabna?
✍️Namoonni alarjii qoricha salbutamol qabu qoricha kana fayyadamuu hin qabuu.
✍️Namoonni haalota rakkoo fayyaa kanneen akka.....
▪️Dhibee tayirooyidii si'ataa ol ka'aa qabu.
▪️Namoonni dhibee dhiibbaa dhiigaaf yaala fudhataa turan.
▪️Namoonni seenaa dhibee onnee qabani.
▪️Dhukkubbii qomaa qabu.
▪️Rakkoo dha'annaa onnee qabu.
▪️Rakkoo tiruu qabu.
▪️Rakkoo kalee qabu.
▪️Hanqina elementii potaasiyeemii dhiigaa keessaa qabu.
▪️Dhibee sukkaaraa qabu.
▪️Dhiita'uu ujummoo dhiigaa qabaachaa ture.
▪️Namoonni sababa yaalaa baqaqsanii yaalamuutiif qoricha hadoochaa waliigalaa Barbaadu.
▪️Namoonni qoricha asmii fayyadamanii jidduun dhaabanii turan.
▪️Namoonni qorichoota biroo kamuu fayyadamaa jiran fi haalota kkf qabu qoricha salbutamol fayyadamuun durati rakkoo qabu ogeessa fayyaatiif himu malee qoricha kana jalqabuu hin qabuu.
✍️Namoonni qoricha ogeessi fayyaa ajajeef kanneen biroo ykn qoricha ofumaaf gabarraa bitee fayyadamaa ture,qoricha vaayitaaminii,qorichoota aadaa fi kkf fayyadamaa jiru ogeessa fayyaatiif himu malee qoricha salbutamol fayyadamuu hin qabuu.
✍️Yeroo rakkoo fayyaa birootiif qorichoota biroo kanneen akka...
▪️Qorichoota corticosteroids kan akka beclomethasone inhalation.
▪️Qorichoota Diuretic kan akka furosemide.
▪️Qorichoota dhiibbaa dhiigaa yaaluuf gargaaru kan akka atenolol fi propanolol.
▪️Qorichoota rakkoo dha'annaa onnee yaaluuf gargaaru kan akka digoxin.
▪️Qorichoota dhibee asmii yaaluuf gargaaru kan akka theophyline fi aminophyline.
▪️Qorichoota hadoochaa walii galaa( general anesthesia).
▪️Qorichoota rakkoo fayyaa sammuu yaaluuf gargaaru muraasa kan akka meclobemide,phenelzine,amitriptyline,clomipramide ykn imipramine fi kkf fayyadamaa osoo jirruu qoricha salbutamol yoo waliin fayyadamne qaama keessati wal nyaatinsa gaggeessee rakkoo fayyaa biroo fiduu wan danda'uuf ogeessa fayyaa beeksisnuu malee qoricha salbutamol jalqabuu hin qabnuu.
✍️Dubartiin ulfaa ykn ulfaa'uuf karoora qabdu qoricha salbutamol fayyadamuu hin qabduu yoo ogeessa fayyaa gaafattee hayyama argatte malee.
✍️Haati hoosiftu qoricha salbutamol fayyadamuu hin qabduu yoo ogeessi fayyaa hayyameef malee.

4️⃣.Qoricha salbutamol yeroo yaalaaf fayyadamnu akkamiti fudhachuu qabna?.
✍️Akkaatuma ogeessii fayyaa ajajeti sirriti hubannee fayyadamuu qabna.
✍️Qoricha salbutamol haala mallattoo dhibichaa fi umrii yaalamaa irrati hundoynee karaalee baay'een fayyadamuu kan dandeenyu yeroo ta'u san keessaa muraasa kan ilaalluu ta'a.
✍️Qoricha salbutamol maayikiroogiraamii (100mcg) meeshaa inhaler jedhamun gara afaaniin fudhachuun mallattoo dhibee offirraa balleessuuf yeroo barbaachisaa ta'eti yeroo (1~2) puff fudhachuu ni dandeenya.
Madda:

WAA'EE QORICHA SALBUTAMOL(ALBUTEROL) 2MG/4MG ||~~~~. 1️⃣.Qorichi Salbutamol maali? ✍Salbutamol~Jechuun qoricha garee bronchodilator jedhamuu ta'ee kan maashaalee daandii qilleensaa gara sombaa dhaqu si'eessee addaan dhifee bal'isee qilleensi salphumati yeroo gabaabduu qofaaf rakkoo malee somba...

22/11/2024

Qoricha “RELIEF” jedhamu hawaasni akka hinfayyadamne akeekkachiifame

Qoricha seeraan alaa “RELIEF” jedhamu fayyadamuurraa hawaasni akka of qusatu Abbaan Taayitaa Nyaataa fi Qorichaalee Itiyoophiyaa akeekkachiise.

Abbaan taayitichaa akeekkachiisaa baaseen qorichi seeraan alaa kun elementoota fayyaarraan miidhaa geessisuu danda’an akka qabu eeruun, faayidaaf akka hinoolle hubachiiseera.

Qorichichi gabaarratti bal’inaan dhiyaataa jiraachuu fi Abbaa Taayitichaan kan hingalmoofne ta’uun, qulqullinni, nageenyummaa fi bu’aa qabeessummaan isaa hinbeekamu jedheera.

Fedhii nyaataa dhabuu, teessisaa, dhukkubbii garaa, ol tuttuqaa, guraaruu, hirriba dhabuu, dadhabbii, sirriitti arguu dhabuu, raatessuu, dhukkubbii mataa, rakkoo gogaa, inzayimoonni tiruu dabaluu fi yeroo dheeraaf yoo fayyadaman miidhamuu kalee kan hordofsiisu ta’uun miidhaalee cinaa qorichichaa ta’uu ibseera.

Akkasumas carraa rakkoo tiruu, kalee, onnee , dhibbaa dhiiga sadarkaa olaanaa hamaan qabamuuf kan saaxilu danda’u ta’uu qorannoon mirkanaa’uu ragaan Abbaa Taayitichaarraa argame ni mul’isa.

Hawaasnis kana hubachuun qoricha kana fayyadamuurraa akka of qusatuu fi qorichichi faayidaaf wayita oolu yoo arge karaa toora bilbila bilisaa 8482’n bilbiluun abbaa taayitichaas ta’ee qaamolee to’annoof eeruu akka kennan waamicha dhiyeesseera.

07/11/2024

Of-eeggannoo godhaa

https://t.me/ethiopianfoodanddrugauthority/5595

29/09/2024

23/08/2024

Dachee irra jiraannu eeggachuun gahee hunda keenyaa ti.

26/01/2024

TALAALLII DHUKKUBA BUSAA
Dhabbatni fayyaa Addunyaa talaalliin dhukkuba busaa inni lammaffaa 'R21' jedhamu hojiirra akka oolu eeyyama kenneera. Talaalliin kun Talaallii Busaa isaa tokkoffaa akka bara warra Awurooppaatti 2021tti kan eeyyama argate isa 'S/AS01' jedhamutti aansee isa lammaffaa dha jedhameera. Talaalliiwwan lamaan kunneen fayyummaa fi bu'a qabeessuummaan isaanii kan mirkanaa'e dha jedhameera. Talaalliiwwan kunneen dhukkuba busaa ardii Afrikaa baay'ee hubaa jiruuf furmaata akka ta'u ni abdatama.
Biyyootni Afrikaa talaalliin kunneen irratti yaalamaa jiran keessaa Gaanaa, Keeniyaa fi Maalaawwii yoo ta'an, biyyi Kaameeruun immoo talaallii "RTS,S malaria vaccine" jedhamu ofitti fudhattee sagantaa talaallii biyyittii keessa galchuun daa'imman umriin ji'a 5 irraa eegaltee kennaa jirti. Talaalliin kun biyya Biritish*tti dhaabbata qoricha oomishuun beekamu 'British pharmaceutical GSK (GSK.L)' kan jedhamuun kan oomishame yoo ta'u maqaa 'Mosquirix' jedhamuun gabaarra ooleera.

The R21 vaccine is the second malaria vaccine recommended by WHO, following the RTS, S/AS01 vaccine, which received a WHO recommendation in 2021. Both vaccines are shown to be safe and effective in preventing malaria in children and, when implemented broadly, are expected to have a high public health impact. Malaria, a mosquito-borne disease, places a particularly high burden on children in the African Region, where nearly half a million children die from the disease each year.
Cameroon launched the world's first routine vaccine program against malaria on Monday. It is one of 20 African countries planning to introduce the drug this year, according to global vaccine alliance Gavi. The RTS,S malaria vaccine, developed by British pharmaceutical GSK (GSK.L), opens new tab and sold under the brand name Mosquirix, was backed by the World Health Organization in July 2022. It underwent trials in Ghana, Kenya and Malawi.

26/01/2024

BISHAAN fi FAYYAA
******************
● Bishaan nama tokkoof guyyaatti barbaachisu haga kana jechuun rakkisaadha. Sababni isaas, haala qilleensaa (ho'aa fi qorraa), haala hojii (hojii cimaa nama dafqisiisu fi hojii salphaa) fi kkf irratti hundaa'ee wal caala waan ta'eef. Haa ta'u malee namni ga'eessi tokko guyyaatti bishaan litira 2 haga 3 akka dhugu ni gorfama.
● Bishaan kan dhuguu qabnu osoo qaamni keenya "dheebodhe" jedhee nutti hin himiin ta'u qaba. Kana gochuun ammoo faayidaalee armaan gadii kana qaba!
*********************
1. Goguu mar’umaanii (constipation) ittisuu keessatti gahee qaba.
2. Dhukkuba kalee kan kidney stone jedhamu kan waanti akka cirrachaa kalee keessatti walitti kuufamuun hedduu nama dhukkubsitu dandeettii akka hin uumamneef gargaaruu qaba. Kana malees kaleen hojii xuraawaa qaama baasuu akka sirriitti hojjatu taasisa.
3. Hojii keenya guyyaa guyyaa keessumattuu warren hojii humnaa hojjatan hojii isaanii irratti akka hin dadhabne gargaara.
4. Mataa dhukkubbii ykn mataa bowwuu dandeettii nurraa ittisuu qaba.
5. Dandeettii waa yaadachuu fi yaaduu irratti sammuun keenya bishaan sirriitti argachuun baayyee barbaachisaadha.
6. Ulfaatina qaamaa humnaa ol ta’e hir’isuu irratti ni gargaara.
7. Namoota alkoolii dhuganiif miira nama jibbisiisu kan erga alkoolii dhuganii booda namatti dhufu (hangover) ni ittisa.

Dr. Gurmeessaa

23/10/2023

Fayyummaa Mooringaa(Shifarraa)
🌿🌿🌿🌿🌿🌿🌿
1. Infeekshinii ujummoo fincaanii ittisuu ni danda'a.
2. Dhiitoo fi bishaan qabachuu qaamaa hin barbaachifne ni ittisa(Anti inflammatory)
3. Carraa dafanii dulloomuu keenya ni hir'isa.
(Anti oxidants)
4. Qaamni keenya dandeettii ittiin dhibee ofirraa qolachuu danda'u ni dabala.
5. Qaamni keenya yoo madaa'e dafee akka fayyuuf ni gargaara.
6. Baakteeriyaa fi fangasiin akka qaamni keenya hin hubamne ni taasisa.
7. Guddina rifeensa keenyaa ni dabala. Fayya qabeessummaa rifeensa keenyaafis ni tola.
8. Fayyummaa gogaa keenyaaf
9. Farra kolestroolii ti.
10. Annisa ykn humna ykn jabina qaama keenyaaf ni kenna.
11. Fayyummaa ija keenyaa eeguun argaa keenya dabala.
12. Dhiibbaa dhiigaa keenya ni sirreessa.
13. Ulfaatina qaama keenyaa ni sirreessa.
14. Dhibee onneef akka hin saaxilamne gargaara.
15. Dhiitoo xannachoota dhibeef nu saaxilan malaan nurraa ittisa.
16. Bullaa'insa nyaataaf ni gargaara.
17. Mukaa'uu ittisee si'oomina uuma.
18. Qoncooruu fi dulloomuu yeroo malee gogaa keenyarraa ittisa.
19. Dhibbee gaastirik (Gastric,) ittisuuf fi fooyyessuuf gargaara
Haalli itti fayyadama isaa Baalli isaa daakamee akka shaayitti bishaan danfetti dabalamee dhugama. Guyyatti marsaa lamafi sadi fayyadamuu ni dandeeysu.
Fayyaan dhaladhaa
Fayyaan jiraadhaa
Dhala fayyaa argadhaa. Muhammad

15/08/2023

Waa'ee dhukkuba Koleeraaf ibsa hubannoo Biiroo Fayyaa Oromiyaan kenname

23/06/2023

Tiruu (The liver)
Tiruun qaamolee keessoo namaa keessaa isa baay’ee murteessaa fi qaama dhiiga qulqulleessuuf, hadhooftuu oomishuuf, hanga sukkaraa qaama namaa keessaa to’achuuf, fi qorichootni namni fudhatu walnyaatinsa akka taasisu gochuu fi qaama keessaa dhabamsiisuuf kan oolu dha.
Tiruun qofaa isaa of haaromsuu kan danda’u dha. Haa ta’u malee, namootni baay’een akkaataa kamiin fayyummaa qaaama kanaa eeguu akka qaban hin beekan.
Kanaafuu, of eeggannoo gochuu fi fayyummaa qaama kanaa eeguuf wantoota nyaachuu fi nyaachuu dhiifnu, wanta raawwachuu fi raawwachuu dhiifnu adda baasnee beekuun gaarii dha. Fayyummaa Tiruu keenyaa eeguuf nyaata madaalawaa kan kuduraa fi muduraa , nyaata dheedhii fi piroootina of keessaa qaban nyaachuun gaarii dha. Nyaata fayyummaa Tiruu eegan keessaa:
1. Nyaata kompaawundii summii Tiruu keenya irraa balleessuu danda’an of keessaa qaban kan akka Raafuu, Birookiliinii (broccoli), Nyaatawwan Omeegaa-3 of keessaa qabanii fi madaa’uu fi dhukkubsachuu Tiruu hir’isan kan akka Qurxummiilee nyaachuun gaarii dha.
Nyaatawwan kanneen alas haala jireenyaa keenya fooyyeffachuun fayyummaa Tiruu keenya eeggachuu dandeenya. Sochii qaamaa gochuun, Bishaan gahaa dhuguun fi hirriba gahaa rafuun fayyummaa Tiruu keenyaa eeguuf ni gargaara.
Nyaatawwan fayyummaa Tiruu keenyaa eeggachuuf nyaachuu dhiisuu qabnus jiru. Isaanis:
1. Alkoolii dhuguu dhiisuu
2. Nyaatawwan warshaalee keessatti oomishamanii Faattii (cooma)baay’ee of keessaa qaban, sukkaarrii fi soogiddi kan itti baay’ate, baa’isanii nyaachuu dhiisuu
3. Dhugaatiiwwan lallaafaa, fi sukkaara baay’inaan of keessaa qaban fa’a dhuguu dhiisuun gaarii dha.
Kana malees, tamboo aarsuu dhiisuu fi qorichoota baay’inaan fudhachuu dhiisuunis fayyummaa Tiruu keenyaa eeguuf ni fayyada.

20/06/2023

Saayinsistootni Jaappan Maashina MRI abjuu galmeessee ol kaa'uun hirribaa yeroo kaanu ilaaluuf nama gargaaru kalaqan