https://www.facebook.com/935850893240349/

Qotaa Najjoo., ASKO, Addis Ababa (2025)

24/11/2025

Warri Bojii Coqorsaatti harmee kana rasaasaan ajjeeftanii "Waraana bilisummaa Oromoo" of jettan ofitti qaana'aa! Ilmi haadha isaa ajjeesee sabaafi biyya bilisoomsu hin jiru. Kunuu mataan isaa gabrummaadha. Dhaloota haadhaafi abbaa ofiif kabajaa hin qabne.

Dhala abaarsaa! 😭

10/11/2025

Miracle’n makiinaa waaqarraa gadi buuse hin jiru; hin jiraatusi! 🚘🚖🚙

04/11/2025

Elaa humna media fi namummaa 😊
Obboleettiin kun sababa dhalootaan dudgishee banaa ta'ee dhalatteef fincaan qabachuu hin dandeessu.

Kanumaanis, ''Maaloo qarshii yaalaallee silaas hin qabu, garuu daayipperii bitachuun dadhabe" jettee boosse.

Obboleessi maqaansaa Master Abinet Kebede jedhamu kunis boo'ichashee dhagahee karaa Live Facebook fi Tiiktookii isaa seenee uummata kadhachuun eda halkan qofa qarshii Miiliyoona 4 sassaabeeraafi. Kana hojiin gaariin!
✍️Qotaa Najjoo

22/10/2025

Obbolaa hiyyummaan beelli gadadoon amantaa jijjirsise.Haga fedhe yoo rakkatan akkamitti ruuziif amantaa jijjiiru? 🤔

22/10/2025

Addaa!!!!
=========//======
Yaalii hannaa Finfinneetti tahe dhageessanii?

Akkas ture :-Dubartiin wayii konkolaataa DZIRE konkolaachisaa turte yeroo naannoo jallinsa Garjii geessu namoonni lama uffata danbii Poolisii Feederaalaa uffatan dhaabsisanii dubartitti harkisaanii konkolaataa keessaa buusanii daandii irratti darbatanii konkolaataa fudhatanii qajeelu.
Yeroo isaan kana godhan Poolisiin Tiraafikaa argee motora kaafatee duubaan laayinerii iyyisiisaa faana bu'e.

Hattoonni kun akka Tiraafikni kun isaan hordofaa jiru yeroo barani daandii isaanii gadhiisuun daandii faallaa isaaniitti seenuun konkolaataa Vitz daandii isaa qabatee konkolaachisu waliin walitti b'uun dhaabatani.

Bakka sanattis Poolisii fakkachuun girri girrii uumanii Poolisii Tiraafikii harkaa bahuuf yaalanis gargaarsa namoota naannoo sana turaniin qabanii yeroo qorataman hattuu uffata danbii Poolisii Feederaalaa fayyadaman malee poolisii akka hin taane barameera.

Keessumaa dubartoonni konkolaataa qabattan of eegganno godhaa.Yeroo konkolaachiftan barrii konkolaataa arfanuu qollofaa (lock) godhaa. Gooyomsaa hattuuf daftanii wareertanii hannaaf hin saaxilamiinaa. Poolisiin Tiraafikaa sun haa galatoomu.

Waarri kunimmoo hattuu ija baasanidha!
በጠራራ ፀሀይ😒

21/10/2025

Siin Tajjaabee Yaa Qomookoo....
Torbee Darbee Wallaaggatti Faannoon Nama Qaltee Gubdee jedhaan Yeroo Sana Ijoolleen Shawaa ,Ijoollee waallaggatti Qoosa Akkas jedhuu Qoosuu Turan Haadha kee Wallaaggatti Faannoon Qaltee Gubdii jedhanii itti Qoosu Turan. Garuu kan Qalamee haadha Wallagga Qofa miti Haadha Oromooti.
Kalleessa immoo Shawaatti Ummatnii Jumlaan Qalamee Jedhaan Kan Qalamee Ammas Haadha Oromootti Haadha Shawaa qofa miti .Gadheen Wal qoqqooduu keenyaa Argitee Mana keenyaatti Dhuftee Nuu Qaltii ....Ega Hanga Yoomitti Ummatnii Keenya Tokkoomuu dhabuun dhiigi isaa dachee Isa irraatti dhangala'aa..????
Haa tokkomnuu ,Wal qoodun Fafaa jechuun yaada kooti Galatooma.......

19/10/2025

Waqayyoo Si'aa Fayyisu Jedhani...
Waqayyoo Fayyisaadhatiii.....

15/10/2025

Lammiitu Lammiif akkuma jedhamu loomiin shantamni nama tokkoof ba'aadha; nama shantamaaf urgeeffannaadha jedhama mitiiree.
Phaawuloos Salbaanaa dhukkubsachaa turuun rifeerii gara Hospitaala Ispeeshaalaayizdii Naqamteetti yaalamaa turuun tajaajila fayyaa argachaa turuun dhibeensaa sadarkaa hamaarra geenyaan yeroo lammaffaaf rifeerii garuma Hospitaala Ispeeshaalaayizdii Naqamteetti yaala fayyaa argachaa osoo jiruu lubbuun isaa kan darbe ture. Phaawuloos Salbaanaa nama hawaasa isaa keessatti jaalala guddaa qabuuf nama jaalalaati. Egaa maal godhu mitii dacheen kun eeyyuuf garaa hin laftu mitiree.
Phaawuloos abbaa ijoollee lamaati durba tokkoo fi dhiira tokkoo ture.
Maarree ijoollee kanaaf deggersi waan barbachiisuuf hanga humni keenya danda'e bira haa dhaabbanu jenna.
Deggersi godhamu kunis koreen itti ijaaramee koree ijaarame keessaa immoo maqaa namoota sadiin account'n banamee kan jiruudha.
1, B/sa Habtaamuu Tarfaa
2, Obbo Gammachiis Naggassee
3, Obbo Tafarii Taaffasee
Account'n banamee jiru:
CBE, 1000723233775
Baankii Siinqee,1101963610114
Baankii Awaash, 013200755556700
Lakkoofsa bilbilaa:
+251991521618
+251913659645
+251915927475
Daa'imman kanaaf abbaa haa taanu.
Phaawuloos Salbaanaa nagaan boqodhu😭
Maatiif firoottan isaaf jajjabinni haa ta'u.
Koree deggersa gargaarsaa kana irraa.

15/10/2025

Qellem Ispoortiidhaan kan dursu hin jiru waan jette fakkaata.

Karaa kubbaa Miillaatiin boquu Oromiyaa kan ol qabee nu boonse bakka buhaan godinichaa kilabiin Urjii Lixaa shaampiyoonaa Pirimer liigii Oromiyaa tahuudhaan gara Liigii 1ffaa Itoophiyaatti guddachuun isaa kan yaadatamuudha.

Kunoo ammas Shaampiyoonaa kan biraa keessummeessine, Dargaggoo Duresa Solomon jedhama dhalataa magaalaa Dambi Doolloo ganda Biiftuu/05/ ti, Dorgommee Muaythai Box, lammii biyya alaa waliin godhee shaampiyoonaa tahee jira.

Itoophiyaa bakka buhee shaampiyoonaa tahuu isaaf gammachuu daangaa hin qabnetu nutti dhagahama baga gammaddan baga gammanne.

14/10/2025

: Ityoophiyaan warshaa boba'aa qulqulleessu jalqabde.

Warshaan Boba'aa Qulqulleessitu kan Gode kun Doolaara biiliyoona 2.5 tahu kun, kan Chaayinaa Golden Concord Guruppin durfamu ijaarsa eegale. Warshaan qulqulleessituu kun waggaatti boba’aa toonii miiliyoona 3.5 kan oomishu yoo ta’u, warshaan boba’aa teessoo maasii Hilalaa irraa kan hojjetuudha.

Pirojektiin kun qaama invastimantii guddaa Doolaara biiliyoona 10 tahuun Naannoo Somaalee keessatti kan hojjetamu yoo ta’u, kunis warshaa xaa’oo fi pirojektii Ogaden LNG kan of keessatti hammatuudha, dandeettii anniisaa fi industirii guddisuuf kan kaayyeffateedha

13/10/2025

Gucicha Gam-Lixaa.
******** **********
Profeeseroota 5'n keessaa tokko( Profeeser Sanbataa Guuttataa).
******** ******** *************** ******
Seenaa barnoota ammayyaa keessaatti Oromiyaan keessattuu gamni lixaa qoodi isaanii akka biyyaatti darbees akka Addunyaatti ba'atan laayyoo miti. Dhufaatii warra Misiyoonotaan wal qabatee manni Barnootaa ammayyaa innichi jalqaba Ethiopia kan , fi , qaanqeen qaroominaa fi Barnootaa tokko jechuun qabsiisan sabi Oromoo gurmuu nama kamiittu utuu ol hin ba'iin Addunyaatti akka mul'atuuf qoodi isaanii salphaa hin turre.

Har'a seenaa prof. Sanbataa Guuttataa isiniif qoodaa irraa baradhaa. Prof Sanbataa Guuttataa abbaa isaanii obbo Guuttataa Abdiisaaf haadha isaanii aadde Jiituu Adam irraa Caamsaa 9 bara 1976 Lixa Oromiyaa, Qelleem wallaggaa Aanaa ganda Horroo dhaayee jedhamtutti dhalatan. barnoota isaanii sad. 1ffaa kutaa 1-6 Gidaamii Amartii Kumboo. Achiis kutaa 7-12 Dambi Doolloo mana barumsaa BESStti xumuran. Booda barnoota Medicine Jimmaa University'tti bara 1994- 2001 Itti fufuun University Finfinneetti " Internal Medicine specialists 2004- 2007, Itti dabaluun " Cardiologist specialist Christian medical college India fi University Finfinneetti 2011-2014 yoo baratan gara biyya Xaliyaaniitti imaluun Brescia University bara 2018-2019 barnoota isaanii golabanii jiru.

Prof Sanbataan Ogummaa Barsiisummaa fayyaan University Haramayaa 2001 -2003, Assistant Profeeseraa ta'uun University Finfinneetti 2007-2014, Associate Profeeseer ta'uun achuma University Finfinneetti bara 2016-2023tti hojjechaa jiru. kana birattis Dr. Massalech Asaggid Roorroo waliin bultii Ijarrachuun Ijoollee durbaa lama Eebbisee fi Jaallannee waliin horanii jiru. Gidduu kana University Finfinnee namoota 5'f profeesera guutuu kenne keessaa Prof. Sanbataan tokko. Egaa jabaatanii hojjenaan rakkoo keessaatti Maqaa fi Mataa sabaa fi biyya ofii ol qabuun ni danda'ama. kun tokko kaanis gaaf tokko.
*******

12/10/2025

Tiraamp gara Gibxiitti

Qotaa Najjoo ( Onkololeessa 12/2025) Finfinnee

Hoggantoonni addunyaa 20 ol ta’an Masrii keessatti walga’ii dhukaasa dhaabuu Gaazaa irratti mari’achaa jiru.

Yaa’iin Masrii magaalaa Shaarm el-Sheek keessatti gaggeeffamu preezdaantii Doonaald Tiraamp fi preezdaantii Masrii Abdel Fattaah Al-Siisii waliin kan durfamu ta’a.

Doonaald Tiraamp karoora qabxii 20 waraana Gaazaa xumuruuf irratti mari'atu jedhamee kan eegamu yoo ta'u, Israa'elii fi Falasxiinota gidduutti nagaa waaraa fiduu danda'a jedhanii abdatu.

Walgahiin Wixataa dhufu gaggeeffamu kun siyaasa addunyaa fi Baha Giddu Galeessaa irra deebiin ni boca jedhamee eegama.

Nageenyaa fi tasgabbii naannichaa buusuu keessatti, gaheen hooggantootaa siyaasa bira darbee seenaa keessatti kan galmaa'u ta'a jedha gabaasni miidiyaalee.

Ministirri Muummee Biriteen Keeyir Istaarmar, Ministirri Muummee Xaaliyaanii fi Ispeen Joorjiyaa Meeloonii fi Peedroo Saancheez yaa’ii kana irrattis ni hirmaatu jedhameera.

Barreessaan olaanaa Dhaabbata Mootummoota Gamtoomanii Antooniyoo Gutereesii fi preezdaantiin Faransaay Imaanu’eel Maakroonis magaalaa Shaarm el-Sheek keessa ni argamu jedhamee eegama.

Prezidaant Doonaald Tiraamp Baha Giddu Galeessaatti nagaa buusuuf gahee taphachaa akka jiran himamaa jira, kunis seenaa keessatti hoggantoota dhiibbaa guddaa qaban keessaa tokko isa taasisa.

maddii Aljaazira

Qotaa Najjoo.

24/11/2025

10/11/2025

04/11/2025

22/10/2025

22/10/2025

21/10/2025

19/10/2025

15/10/2025

15/10/2025

14/10/2025

13/10/2025

12/10/2025

Address

Website

Alerts

Contact The Practice

Shortcuts

Share