14/05/2025
Yoo fayyaa qaama keetiif kan yaaddu taate, gorsa armaan gadii hubadhu itti fayyadami.
1. Fayyaa Somba keetif – Tamboo aarsuu dhiisi. Namni tamboo si cinaatti aarsuus hin hayyamin.
2. Fayyaa Onnee keetif – Ashaboo/Soogidda nyaachuu xiqqessi, madaala dhangala’aa qaama keessaa eeguf bishaan dhuguu heddummeessi. Dandeettii onnee kee dabaluuf sochii qaamaa hojjadhu.
3. Fayyaa Tiruu keetif – Cooma nyaachuu, alkoolii dhuguun fi nyaata mi'aawaa xiqqeessi. Kudura fi muduraalee nyaachuu baay'isi. Keemikaalota garagaraa fi dawaa habashaa irraa fagaadhu.
4. Fayyaa Garaacha keetif – Nyaata qabbanaawaa nyaachuu xiqqeessi, yeroo nyaataa sirnaan hordofii nyaadhu. Yoo dhukkuba garaacha (gastritis) qabda ta’e, nyaata haala sirrii ta’e sooradhu.
5. Mar’imaan kee fayyaa akka ta’uuf – Kuduraafi muduraa nyaachuu baay’isi, dhangala’aa sirrii dhuguun garaa goguu ittisi. Nyaata raafeejii hin xuuxamne (Fiber) qaban soraadhu
6. Fayyaa Kalee keetif – Guyyaa guyyaa bishaan dhuguu heddummeessi, garuu halkan dhuguu xiqqeessi. Rafuun dura fincaani.
7. Fayyaa Sammuu keett – Hirriba gahaa (guyyaatti yoo xiqqaate sa’aatii 8) rafi. Jechoota negative fi yaada sodaachisaa irraa of qusadhu.
8. Ija keetif – yeroo dheeraa Kompiyuutara fi bilbila ilaaluurraa of qusadhu. Qilleensa qulqulluu keessa socho’uun ijaa kee fayyisa.
9. Jabina Lafee keetif – Nyaata kaalshiyemii, maagmizhiyeemii fi zinkiin badhaadhe sooradhu. Qaama kee sirnaan sochoosi, sochii qaamaa (exercise) hojjadhu.
10. Gogaa bareedaa qabaachuuf – Bishaan baay'isanii dhuguun gogaa kee miidhageessa. Nyaata vaayitaamin C fi E badhaadhe sooradhu. Gubaa aduu ofirraa eegi. Lotion ykn dhangala’aa gogaa kee eegu itti fayyadami.
★★★★★★★★★★★★★★★★★★
Galatoomaa!
Horaa Bulaa Deebanaa!
Fayyaa fi Nagaa hin dhabinaa!
Dr
