Kominikeeshinii Godina Shawaa Lixaa

19/09/2023

19/09/2023

Jala Bultiin Godina Shawaa Lixaa Aanaa Kabajame.

Fulbaana 07,2016 Godina Shawaa Lixaa Aanaa Walmaraa Ganda Bakakkaaf Qoree Oddootti Jala Bultiin Ayyaana Masqalaa bifa miidhagiina qabuun kabajame.

Bulchaa Bulchiinsa Aanaa Walmaraa kan ta'aan Kabajamoo Obboo Didhaa Gaarii akka jedhaniitti Mootummaan keenyaa Galma Badhaadhinaa qabachuun Ayyaanoota ummataa sagantaa jala Bultii bara haaraa irraa eegalee sadarkaa sadarkaan haala barbaachisummaa isaatiin kabajama jiraachuu Ibsuun Ayyaanni Masqalaa Ayyaana mootii Ayyaanoota akkuma jedhamu Birraan Bari'ee Abbaboon Daraaree fooliin birraa sisiphisee Dargaggoon ,Qeerroof Qarreen walgahuun waliin taphachuun Ayyaana kana waliin kabajuu sirna damaaraa gaggeessuu irratti argamaa Jiraachuu addeessaniiru.

Dabalataan mootummaan keenya mootummaan jijjiiramaa Ayyaanoota adda addaa kanaan duraa dhokaatan Aadaa ummataa oromoo gama hundaan akka muldhaatuuf hojii baldhaan gama paartii Badhaadhinaan hojjetama akka jiruu fi akkasumas gaaffiin ummaanni oromoo barootaan hedduuf gaafachaa turaan hedduun deebii argachuu irratti argamus jedhaniiru Obbo Didhaan.

Itti Gaafatamtuu Waajjira Aadaa fi Tuurizimii Godina Shawaa Lixaa Addee Shankooree Indaalaa akka jedhaniitti Ayyaanni Masqalaa Ayyaana masqalaa Mootii Ayyaanoota ganni darbee birraan yeroo gahuu kan kabajamu akkasumas firrii yeroo itti walqunnamu Dargaggoof Shamarraan yeroo itti walgahuun Ayyaan a taphataan waan ta'eef Ayyaanni kun Ayyaana ulfaata fi kabajamaa Aadaa fi safuu ummataa oromoo gama hundaan qabatee jiruu waan ta'eef sagantaan kun hawaasa Aanaa Walmaraan haala kanaan qophaa'uu isaatti gammachuu qaban ibsaniiru.

17/09/2023

----------
Gumiin Abbootii Gadaa haala kabaja Ayyaana Irreechaa bara 2016 ilaalchisee ibsa kennaniiru.

Haaluma kanaan Ayyaanni Irreechaa Hora Finfinnee Fulbaana 26 akkasumas Ayyaanni Irreechaa Hora Harsadee ammoo Fulbaana 27 kan kabajamu ta'uu ibsaniiru.

Ayyaanni Irreechaa Oromoon bacaqii Ganna irraa gara Booqaa Birraatti ce'uu issatiin waaqa isaa kan itti galateeffatu ta'uu himuun ayyaanicha nagaan kabajuuf ummanni Oromoo qophii taasisuu akka qabu dubbataniiru.

Ayyaanni Irreechaa ayyaana galateeffannaafi ayyaana araaraa waan ta'eef ummanni aadaafi duudhaa Oromoon qabuun kabajuu akka qabuus dhaamaniiru.

Safuufi safeeffannaa Oromoon qabu addunyaaf beeksisuuf uffata aadaatiin faayamuun kabajuun Irreecha ummata addunyaaf beeksisuun ta'uu akka qabus yaadachiisaniiru. Guyyaan Irreechaa ummata Oromoof guyyaa addaati kan jedhan Gumiin Abbootii Gadaa guyyaa addaa kana hunduu nagayaan kabajuu qaba jedhan.

Ayyaanichi duudhaafi sirna mataa isaa kan qabu ta'uu kan kaasan Gumiin Abbootii Gadaa duudhaafi sirna qabu hordofuun ayyaanichi kabajamuu qaba jedhaniiru.

Ayyaanni Irreechaa ayyaana araaraa, Oromoofi leellistoonni Ayyaana Irreechaa Kaabaa, Kibba, Bahaafi Lixarraa walitti dhufuun kabajaan garaa qulqulluun araaraafi dhiifamaan akka ta'uu qabus ibsaniiru.

Ayyaanicharratti ilaalcha siyaasaa kamiyyuu calaqqisiisuun kan hin danda'amneefi alaabaa Abbaa Gadaa qofa qabaachuun kabajamuu qabas jedhameera. Ummanni Oromoofi sabaafi sablammoonni Ayyaana Irreechaa irratti hirmaatan hunduu ergaafi gorsa Abbootii Gadaafi Haadholii Siinqee kabajuun safuufi safeeffannaan kabajuu akka qabanis Abbootiin Gadaa yaadachiisaniiru.

Irreechi amantaafi siyaasa kamuu irraa bilisa ta'uu hubachuun bakka faaya Rabbiin itti goonfachiise kanatti tokkummaafi jaalala Oromoon itti calaqqifamuu ta'uu hubachuun ayyaanichi nagaan akka xumuramu gahee keenya bahuu jedhan.

16/09/2023

"Godinni Shawaa Lixaa Godina Waan hundaa Oomishuuf mijaataa ta'edha.

Godina Shawaa Lixaa Aanaa Jibaatiitti Buna Sanyii Filatamaa ta'e Qonnaan Bultootaaf Raabsamee jiru Sadarkaa gaarii irratti argama.

03/09/2023

Dhaabbanni Fayyaa Integrated Development ( FIDO) Godina Shawaa Lixaa Aanaa Ada'aa Bargaatti Duula hubannoo uumuu Gaggeesse.

Hagayya 27 fi 28/2015 haala ajaa'ibsiisaa ta'een duulli hubannoo uumuu dhaabbata FIDOtiin hojjetamaa ooleera. Duulli bubannoo kunis Qabiyyeewwan kanneen akka Miidhaa koorniyaa Bu'uureffatee fi goosoota isaa akkasumas Kunuunsaa fi Eegumsa Daa'immanii irratti barumsa ummata isaaf aantummaadhaan dabarsaa ooleera. Kunis kan raawwate magaalaa Mugaritti guyyaa Sanbata bakka uumatni baay'inaan argame bakka gabaatti yoo ta'u magaalaa Incinniittis Dilbata guyyaa gabaarra raawwatamaa ooleera . Duula kana kan adda godhu Ayyaana bara haaraan wal qabatee hawwaasni heddumminaan bakkoota garaagaraa irraa bakka gabaa guddaa kanaatti kan hirmaate dha.

Haaluma kanaan dhaabbanni FIDOs carraa kanatti fayyadamee Duula hubannoo uumuu kana haala miidhagaa fi hawwataa ta'een dabarsuu danda'ee jira. Akkasumas Baanerii fi Biroosheriin barreeffamoota hedduu miidhaa koorniyaa ibsuu fi qabiinsaa fi kunuunsa daa'immanii akkasumas akkaataa gargaarsa xiinsammuu jalqabaa kan of keessatti qabate hawwaasaaf raabsamee jira. Kunis karaa Qindeessaa Dhaabbata FIDO, S/workera fi Psychologist A/A/Bargaatiin Konkolaataa fi Sagalee guddiftu fayyadamuudhaan hojjetamaa ooleera. Akkasumas Tola ooltota 10 kan hirmaachise yoo ta'u Haaluma kanaan dhaabbanni FIDO Duula hubannoo guddaa uumuu danda'ee jira.

Dhaabbanni FIDO shammaran miidhaan koorniyaa irra ga'eef tajaajila qindaa'aa akka argatan gochuu irratti argama. Akkasumas tajaajiloota gorsoota xiinsammuu jalqabaa fi Daa'imman balaaf saaxilamoo ta'a gargaafuu fi hordoffii gochaafii kan jirudha.

24/08/2023

Waajjirri Dargaggoo fi Ispoortii Aanaa Ada'aa Bargaa Dargaggoota Tajaajila Lammummaatiin Ganna Barattoota Barsiisaa turaniif Badhaasaa fi beekamtii kenne.

Hagayya 18,2015 Waajjirri Dargaggoo fi Ispoortii Aanaa Ada'aa Bargaa DargaggootaTajaajila Lammummaatiin Mana Barumsaa Sadarkaa 2ffaa Incinniitti Ganna Barattoota Barsiisaa turaniif Badhaasaa fi beekamtii kenneefi jira.

Dargaggoonni Aanaa Ada'aa Barg hojii tajaajila Lammummaatiin Mana harka qalleeyyii ijaaruu, Magaalaa qulqulleessuu, Biqiltuu dhaabuu fi hojilee hedduu fakkeenya ta'an hedduu hojjeechuuu kan eeran itti gaafatamaan Waajjira Dargaggoo fi Ispoortii Aanaa Ada'aa Bargaa Obbo Tolasaa Dhaabaa ganna kanas Dargaggootaa Mana Barumsaa Incinniitti barattoota tola barsiisaa turan galateeffachuun badhaasaa fi beekamtii Kennaniifi jiru.

Itti Aanaan Itti gaafatamaa Waajjira Barnootaa Aanaa Ada'aa Bargaa Obbo Shuumii Jamamaa sirna badhaasaa fi beekamtii kennuu kanarratti argamanii hojii fakkeenyummaa guddaa qabu dhaloota egereef yaadanii hojjetaniif dargaggoota yoo galateeffatan hojiin bifa kun itti fufinsa akka qabatuuf Waajjirri Barnootaa dargaggoota waliin qindoominaa kan hojjetu ta'us himaniiru.

13/12/2022

Tiyaatirri "Ilmoo Waaqaa" eebbifame

Mudde 4, 2015 Tiyaatirri mata duree "Ilmoo Waaqaa" jedhuun qophaa’e Finfinnee Galma Tiyaatira Biyyaalessaatti har’a eebbifameera.

Tiyaatirichi Sirna Gadaa Oromoo keessatti aadaa, duudhaa fi falaasama waldhabdeen ittiin hiikamu irratti xiyyeeffachuun Yuunivarsiitii Ambootti Giddugala Qo'annoo fi Qorannoo Aadaa Looreet Tsaggaayee Gabramadiniin hojjatame kan dhiyaate ta’uun eerameera.

Tiyaatiricha, Yunivarsiitii Ambootti Gargaaraa Piroofeesaraa Saamu'eel Leeykuniin kan barreeffamee fi Tafarraa Itichaa fi Alamaayyoo Tasfayeen qopheessan ta’iin ibsameera.

FBC

13/12/2022

21/08/2022

Amboo, Hambaa lafaa
Maal godheen sirraa hafaa
Anaa waaru yawaroo
Yaawaaroo gaafa bokkaa
Waaroon bokkaaf qorichaa
Anaa haadhu yaa haadhoo
Yaa haadhoo gaafa morkaa
Haadhoon morkaaf qorichaa !

12/08/2022

Haaromsa Guddicha 🙏

12/08/2022

Injifannoo Adowaa 2ffaadha.

Jiraattonni magaalaa Amboo Hidhi Haaromsa Guddicha Itiyoophiyaa tarbaayinii lammaffaa maddisiisuun biyya keenyaaf Injifannoo Siyaasaafi diinagdee guddaa mul'isaa jedhan.

Hidhichi humna dabalataa maddisiisuun kan isaan gammachiise ta'uu ibsuun yeroo Qormaanni biyyakeessaafi alaan biyya keenya numuudatetti Injifannoo Adowaa 2ffaa galmeessuun tokkummaa sabootaafi sablammoota Itiyoophiyaa kan mirkaneesse ta'uu himan.

Guutinsi hidha laga Abbay biyyoota yaa'a gadiif bu'aa malee miidhaa kan hin qabne ta'uu ibsuun, birmadummaa biyyaa keenyaa tiksuufi injifannoo siyaasaa biyya keenyaafis gahee ol'aana qabaachuus akeekan.

Xumura hidha laga keenyaaf ammas unumatu jira waan ta'eef arjoomaafi boondii bituun hawaasni keenya gumaacha itti fufaa tasisuun xumursiisuuf hirmaannaa gochuu qabnaas dhaaman.

26/07/2022

Karoora hojii bara 2015 milkeessuuf...
****************
Qormaata hedduun marfamnee injifannoowwan karoora bara 2014 keessatti galmeessifne karoora hojii bara 2015 keessattis sadarkaa olaanaan raawwachuuf haamilee guutuun hojiitti galla.

Mootummaan Naannoo Oromiyaa bara hojii 2014 keessa rakkoowwaaniifi qormaatiilee hedduu keessummeessus, harka tokkoon rakkoo furaa harka biraan hojii misoomarratti hojjetameen injifannoowwan fayyadamummaa ummata keenyaa mirkaneessan hedduun galmaa'aniiru.
Injifannoon dhufe kun aarsaa hoggansi naannichaa sadarkaan jiru taasiseen ta'uun mirkana.

Bara xumurame kana hojii hojjetame keessatti ciminnoonni akka; Karooraan hogganamuu danda'uu, Qormaata keessatti hojii misoomaa milkeessuu, Hooggansa haalaaf hin jilbeeffanne horachuu,Waan jalqabne xumuruufi Hooggansa aarsaa kamuu kanfaluuf duubatti hin jenne horachuun danda'ameera. Kun ciminoota gurguddoo bara kana galmaa'anidha.

Bara Hojii haaraa kanatti hanqinoota hoogganaa ta'anii gahee ofii wallaaluu,Waan xixxiqqoon gammaduufi dafanii abdii kutuu, tajaajila si'ataa kennuu dadhabuu, Qisaasama yeroo, maallaqaafi humna namaafi kanneen biroo furuun nageenya hawaasa keenyaa eegsisuun hojii misoomaa eegalame daraan itti fufsiisuurratti fuulleffachuun kan hojjetamu ta'a.
Karoora hojii bara,2015 milkeessuuf hoggansifi ummanni keenya kutannoofi murannoo olaanaan ammumarraa eegalee sochiitti galuuf of qopheesseera.

Oromiyaa ni ijaarra❗

26/07/2022

Tajaajilli Humna Elektirikaa Naannoo Oromiyaatti Distiriktiin Amboo bara baajata 2014tti lakkooftuu ibsaa kuma 15 ol galchuun hawaasa fayyadamaa taasisuu beeksise.

Itti Aanaan daarikteraa Tajaajila Elektirikii Distiriktii Amboo Obbo Taaddalaa Nagaash distirikti kun erga gara giddu galeessaatti gadi dhufee as hawaasaa keenya maagaalaa fi baadiyyaa jiran wal geettii humna ibsaafi ciccituu hanbisuun hojii guddaa hojjeteera jedhan.

Bara baajata 2014ttis baajata qarshii Mil.44.5 ol baasuun lakkooftuu kuma 15fi 69 maamilootaaf galchuu, sarara ibsaa gara garaa KM 651 diriirsuufi Tiraanisfoormerii 184 dhaabuu Obbo Taaddalaan ibsaniiru.

Gama biraatiin ibsaan siyaasa kamirraayyuu bilisa kan jedhan Obbo Taaddalaan sababa nageenyaan qarshii Mil.9 tti kan timaamu tiraanisfoormerii miidhuu, sarara kukkutuufi poolii mummuruun kisaaraan muudateera jedhan. Kanas hawaasni keenya faayidaa dhuunfaasaa miidhamaa jiru ta’uu beekee misooma qe’eesaa kunuunsuufi tifkachuu qabu jedhan.

Maamiloonnis kufaamni isaan irratti ta’uun taarifa ol’aanaa keessa akka hin galletti gatii ibsaa isaan bira jiru yeroon kanfaluu qabuus himan.

Bara 2015 ttis baajata bara darbee ol karoorsuun walgeettii ibsaa babal’isuufi hawaasa keenya fayyadamaa gochuuf hojiitti gallee jirra kan jedhan Obbo Taaddalaan tumsi hawaasaa, bulchiinsa godinaafi magaalotaa daran murteessaa ta’uu akeekan.

Walii galatti akka Tajaajila Elektirikii Distiriktii Ambootti maamiloonni kuma 115 fi 300 ol fayyadamtoota ta’uu ragaan dhaabbaticharraa arganne ni mul’isa.

10/07/2022

Sirnaa eebba manna barumsa Ifaa boru bultii addaa magaalaa
Amboo

Bulchiinsa Magaalaa Ambootti jiili Pirezidaantii Bulchiinsa Mootummaa Naannoo Oromiyaa Obbo Shimallis Abdisaa, Hooggana Biiroo Barnoota Oromiyaa Dr. Tola Bariisootiin Durfaamuu Pirojektiwwaan gurguddaa akka magaalaa keenyaatii bara kana hojjatamani Xumuraman Eebbisan.

kanaa irratti hooggansa Oromiyaa, hooggansa Godina, Magaaloota, Aanalee, Jaarsoollee Biyyaa, Abbootii Amanta, Dargaggoota fi Hawaasa baldhaan Simatamaniru.

Barumsaa ifaa boru Ebbiisuun Siidan Onismoos Nasiib manaa Barumsichaatti ijaaramee Eebbisun akkasumas moraa mana Barumsichaa Dawwaachuun Biqiltuu Dhaabani jiran.

07/07/2022

Amboo!

Handhuura qabsoo Oromoo fi qe’ee goototaa kan taate magaalaan Amboo bara bajata 2014tti bajata mootummaa fi hirmaannaa ummataatiin pirojektoota 24, baasii qarshii miiliyoona 390n ijaaramaa turan xumuruun jila eebbaatiif qophooftee jirti.

Pirojektoota xumuraman keessaa muraasni kan armaan gadiiti.

1. Mana Barumsa Ifa Boruu Bultii Addaa Amboo

2. Bilookii dabalataa Hospitala Walii Galaa Amboo

3. Ibsaa Daandii irra Km 2.68

4. Magariisuu magaalaa (greenery)

5. Giddu gala gabaa

6. Sheedii IMX

7. Daandii dhakaa bocamaa km 2.23

8. Ijaarsa bo’oo lolaa Km 1

9. Riqicha xixiqqaa 3

10.Ijaarsa kaalvartii jaha

11. Daandii Cirachaa hirmaannaa Uummataa Km. 24.8

Waan eegalle ni xumurra, haaraas ni eegalla!

Addisu Arega Kitessa

18/06/2022

Istaadiyeemiin Yuunivarsiitiin Amboo Ijaarsisaa jiru harka 91 irra gahuun himame.

Istaadiyeemiin kun Dirree Kubbaa Miilaa Sadarkaa 'CAF' , tiraakii fiigichaa sadarkaa olompiikii guutuu kan of keessaa qabuudha.

Pireezdaantiin Yuunivarsiitii Amboo Dr. Baayyisaa Lataa, Istaadiyeemichi Magaalaa Amboo bira darbee Oromiyaafi biyyaaf bu'aa olaanaa qaba jedhan.

Ijaarsa istaadiyeemii kanaaf hanga ammaatti birrii Miiliyoonnii 500fi miiliyoonni 40 baasii ta'eera jedhame.

Istaadiyeemiin kun sadarkaa 'CAF' gaafatu guutee Gareen Kubbaa Miilaa Biyyaalessaa Itiyoophiyaa irratti taphachuu akka danda'u Yuunvarsiitichi humna guutuun hojjetaa jira jedhameera.

OBN