Jima Arjo Health Office

04/02/2026

Mee Waa'ee nyaata kanaa dhaggeeffadhaa!

https://vm.tiktok.com/ZS91cqveHwrBw-XC9xK/ This post is shared via TikTok Lite. Download TikTok Lite to enjoy more posts: https://www.tiktok.com/tiktoklite

15.4K likes, 476 comments. “ ”

28/01/2026

Haa Dubbifamu
https://www.facebook.com/share/r/1Gbwb9LyBW/

25/12/2025

"BOLOQQEE NYAACHUU HAMMA LUBBUU MIIDHUTTI GEESSISUU DANDA'A!"
Boloqqee ykn baaqelaa (beans) nyaachuun faayidaa hedduu qabaatus, namoota tokko tokko irratti miidhaa ykn dhukkubbiilee garaa garaa fiduu danda'a. Miidhaawwan ijoo ta'an kanneen armaan gadiiti:

Dhuufuu fi Iita'iinsa Garaa (Gas and Bloating): Boloqqeen sukkaara 'oligosaccharides' (keessattuu raffinose) jedhamu of keessaa qaba. Sukkaarri kun mar'imman xiqqaa keessatti waan hin diccamneef, yommuu mar'imman furdaa gahan baakteeriyaan achi jiru isaan diccaasa; kun immoo gaasii uumuun garaa nama dhuufsiisa ykn namatti iitessa.

Antinutrients (Farra-soorataa): Boloqqeen qabiyyee akka 'Lectins' fi 'Phytic acid' jedhaman of keessaa qaba. Isaan kunis qabiyyee soorataa kan akka ayiranii (iron), kaalsiyeemii fi ziinkii qaamni keenya akka hin xuuxne dhorkuu danda'u.

Summii (Toxicity): Boloqqeen dheedhii ykn inni sirriitti hin bilshanne summii 'phytohaemagglutinin' jedhamu qabaachuu danda'a. Kunis keessattuu boloqqee diimaa (red kidney beans) keessatti baay'ee waan jiruuf, yoo sirriitti hin affelamin haqqisiisuu, garaa kaasuun fi dhukkubbi garaa hamaan nama qabuu danda'a.

Madaallii Kaarboohaayidireetii: Boloqqeen pirootiniin ala kaarboohaayidireetii (carbohydrates) guddaa waan qabuuf, namoota sukkaara qabaniif ykn madaallii soorataa eeggatanitti ulfaachuu danda'a.

Miidhaa kana hir'isuuf:

Boloqqee nyaachuu keessatti itti fufuun dura bishaan keessa bulchuu (soaking) fi bishaan sana dhangalaasanii bishaan haaraatti fayyadamuun 'raffinose' fi 'lectins' hir'isa.

Sirriitti affeeluun ykn bilsheessuun summii qabiyyee keessaa jiru akka badu godhaa.

Hamma nyaatan xiqqeessanii suutaan dabalaa deemuun garaatti akka baru godhaa.

19/12/2025

Bara adurreen mana fincaaniitti fayyadamtu keessa, mee uummata keenya ilaalaa! Ptuuuuuuuuuuuu! hin jirtani yaa 70!

11/12/2025

Aanaa JimmaaArjootti, Duullii Talaalli Ittisa Dhibee Pooliyoo/Laamshessaa Marsaa 4ffaan Muddee 3-6/2018 Daa'iimman Umurii Waggaa 5(Shanii) gadi Ta'aan Hundaaf Manaa Manatti Ni Kennama.

Dhukkubni Pooliyoo ykn Laamsheessaan akka biyya keenyatti dhukkubbii, miidhaa qaamaa fi du’aatii daa’imman hedduuf dhukkuboota sababa ta’aan keessaa isa tokko dha.
✍ Dhukkuba Pooliyoo ittisuun kan danda’amu daa’imman talaallii pooliyoo idileedhaan akkasumas bifa duulaatiin dabalataan kan kennamu talaalchisuudhaani.

✍Kanumarraa ka'uun duulli talaallii ittisa dhibee Pooliyoo marsaadhaan kennamuun isaa ni yaadatama.

✍ Haaluma kanaan, aanaa JimmaaArjoo Gandoota keenya hunda keessatti duulli qindaa’aan talaallii Pooliyoo marsaan 4ffaa Muddee 3-6/2018 tti waan kannamuuf, guyyoota duulaa kanatti ogeessonni(gareen talaallii) talaallii kana manaa manaatti waan kennaniif, maatii fi guddistoonnii hundi daa’imman umuriin isaanii waggaa 5 gadi ta’an kanaan dura talaallii pooliyoo talaalamanis talaalamuu baatanis yeroo duula kana akka talaalchiftan isin hubachiifna.

Daa'imman Talaalii Argachuuf Mirga Qabu!
Maatiin Daa'imman Talaalchiisuuf Dirqama Qabu!

Waajjira Fayyaa Aanaa JimmaaArjoorraa

10/12/2025

Muddee 3-6tti akka naannoo keenyaatti duulli talaallii pooliyoo ni geggeeffama. kanaaf daa'imman keessan akka talaalchifattan.
Talaalliin kun kan kennamu ogeessotni manaa mana deemuudhaani. kanaaf kaardii talaallii daa'immanii qopheessitanii akka eegdan isin Yaadachiifna!

09/12/2025

07/12/2025

Guyyaa 28/2018
👍👍👍👍👍👍👍👍👍👍
Jiraattota Aanaa Jimmaa Arjoo fi naannawa isheetti argamtan maraaf!
Duullii talaallii pooliyoo marsaa 4ffaa Muddee 3-6/2018 irraa jalqabee daa'imman umuriin isaanii waggaa shanii gadi ta'eef manaa mana deemuudhaan waan kennamuuf hawaasni hundi daa'imman keessan talaalchisuuf qophii akka taasistan isiniin jenna. Dabalataanis, gandootni aanaa keenyaa qophii dursaa karaa qindaa'aa ta'een taasisuun qophaa'uu qabdu. Isaanis:-

👉🏽 Koree hojicha hordofuu dhaabuun hojicha hordofuu

👉🏽Sosochii hawaasaa gaggeessuu/ergaalee duulaa karaa carraawwan jiran hundaan dabarsuu ( Manneen barnootaatti, manneen amantaa, ijaarama hawwaasaa adda addaatti hawaasni hundumtuu daa'imman waggaa shanii gadii gabda keessan keessa jiran harcaatii tokko malee talaalchisuuf akka qophooftan isin hubachiisna!!
👉 Talaalichi kan kennamu ogeessotni manarra deemanii waan ta'eef haadholiin torban sana daa'ima fudhattanii karaa akkan deemne.
*** Carraa kanaan Haadholii rakkoo fincaan qabachuu(fiistullaa) qaban adda baasuufi galmeessuun gara tajaajila yaalaatti qunnamsiisuu,
***Daa'immaniifi namoota Hidhii fi laagaan uumamaan baqaqe qaban adda baasuufi galmeessuun gara tajaajila yaalaatti qunnamsiisuu,
*** Daa'imman rakkoo miilaa jallachuu(Clubfoot) qaban adda baasuufi galmeessuun gara tajaajila yaalaatti qunnamsiisuu,
***Daa'imman talaallii hin jalqabne(Zero dose)fi jalqabanii adda kutan adda baasuufi talaallii eegalchiisuu

Waajira Fayyaa Aanaa Jimmaa Arjoo!
Gaaffii fi yaada, rakkoo fayyaa kamiifuu

📞 0917283295 bilbiluu dandeessu!

Talaalliin mirga daa'immanii
talaalchisuun dirqama maatiiti!

05/12/2025

Duula pooliyoo sadarkaa biyyaalessaattii gaafa mudde 3-6, 2018 waan gaggeeffamuuf qaamni hundumtuu tumsa barbaachisaa akka nuigootan isin waammanna!

19/11/2025

DHUKKUBA GAGGABDOO (Epileptic Seizure)

Dhukkubni gaggabdoo kan uumamu, sababa yeroof jeeqamuu weerara elektiriikawaa sammuutiinidha. Taateewwan kunis daqiiqaa muraasaaf ofwallaaluu, hollannaa to'annoon ala ta'e, akkasumas irra deddeebiin yookiin yeroo muraasaaf dhukkubsatichi akka kufu ykn akka fajaju taasisa.
Dhibeen kun namarraa namatti kan hin dabarre, yeroo dheeraaf dhibee namarra turudha.
Mallattoon dhukkuba kanaa baay'inaan hollachiisuu, kuffisuu fi ofwallaalchisuu yoo ta'u, gosoota isaa irratti hundaa'ee mallattoolee biroos mul'isuu danda'a.

ILAALCHOTA DOGOGGORAA DHIBEE KANAAN WAL QABATAN

DHUKKUBNI GAGGABDOO:-
👉 Abaarsa miti.
👉 Tuttuqqii fi hafuuraan, gorora / hancufaan, hindaddarbu.
👉 Umurii, amantaa fi saala hinfilatu.
👉 Yaala qaba
👉 Dhukkubsatichi yeroo dhukkubsatutti arrabasaa ciniinuu nidanda'a garuu arrabasaa hinliqimsu. Kanaafuu, waa afaan keessa kaa'uun dhorkaadha.

WANTOOTA DHUKKUBA GAGGABDOOF NAMA SAAXILAN

✓ Sababoota kanneen akka infekshinii, istirookii, jijjiirama caasaa sammuu fi kkf.
✓ Balaan tasaa sammuu irra ga'uu (trauma)
✓ Dheerachuu fi miixuu rakkisaa yeroo da'umsaatiin rakkoo harganuu (hanqinni oksijiinii) uumamuu.
✓ Sanyiidhaan (maatii ykn fira dhihoo keessaa namni dhibee kana qabu yoo jiraate).
Hub: Hammeenyi dhukkuba gaggabdoo mallattoo kamiinuu osoo hin agarsiisin, yeroo fi bakka kamittuu uumamuu danda'a. Sababootni dhukkubsatoota irratti miidhaa hir'ina qaamaa fi du'aatii geessisan yeroo hollachuu, kufuu fi ofwallaaluu rakkoowwan uumamanidha.

AKKA TASAA NAMNI GAGGABDOO QABU YOO NUBIRATTI KUFE MAAL GOONA? (GARGAARSA YAALA DURAA)

@ Hollannaa / hurgufamuu sababii gaggabdoo kanaan dhufu dhaabuuf yeroon nama sana qaban nimul'ata. Kun dogoggora.

@ Dhukkubsatichi bakka hammaataa (miidhaa geessisuu danda'u) tti yoo kufe, yeroo gangalatu/dhiittatu ofiisaa akka hinmiine bakka akkasiirraa fageessuu fi olkaasanii qabuun deeggarsa taasisuu.

@ Wantoota miidhaa geessisuu irra fageessuu

13/11/2025

Dhaamsa!
Ibsa kaleessaa galgala baaseen Ministirri Fayyaa dhukkubni ammaaf maalummaan isaa guutuutti adda hin baane Naannoo Kibbaa, Magaalaa Jinkaa keessatti mudachuu ibsee jira. Weerarri dhukkuba haaraa Naannoo Kibbaatti mul’ate kun saffisaan babal’aataa jira. Dhukkubni kun ammaaf maalummaan isaa adda bahuu baatus, dhukkuba lubbuu namaa yeroo gabaabaa keessatti galaafatuu agarsiisa. Hangaa ammatti namoonni dhukkubichaan qabaman tokkolleen irraa baraaramuu hin dandeenye. Akka ogeeyyonni Hospitaala Jinkaa himanitti, torbee kana namoonni shan dhukkubichaan qabamanii lubbuun isaanii dabartee jirti. Isaan lubbuu dhaban keessaa lama ogeeyyota fayyaa (doktara tokko fi narsii tokko) kan dhukkubsattoota waldhaanaa turaniidha. Dhukkubni kun mallattoolee akka hoo’a qaamaa, qola ijaa diimessuu, baasaa dhiiga makate, dhiigni irga, afaan, funyaanii fi qaama biraatii dhangala’uu fa’a qaba. Weerarri dhukkuba kanaa haala kanaan yoo itti fufe lubbuu namoota hedduu galaafachuun miidhaa guddaa fida. Kanaaf tatamsa’ina isaa ittisuurra yoo hin xiyyeeffanne, gaaga’ama guddaa fiduu danda’a. Dhaamsa kana walitti qoodaa.

Waa’ee dhukkubichaa waan muraasa!
Maalummaan dhukkubichaa guutuutti adda bahuu baatus, dhukkubni kun VHF ta’uu akka hin oolle mallattoolee inni agarsiisaa jiruun shakkamaa jira. "Viral Haemorrhagic Fever" jechuun walitti qabaa dhukkuboota vaayirasii garaagaraatin dhufaniidha. Vaayirasiiwwan kunneenis:

Ebola virus

Marburg virus

Yellow fever

Lassa fever
isaan ijooodha. Dhukkuboonni kun hedduumminaan naannoo tropical area tti deddeebi’anii mul’atu; weerara fiduudhaanis beekamu.

Mallattooleen dhukkuba kanaa maali?

Qaama gubaa

Dhukkubbii buusaa

Ballaqamsiisa gadi teessuma (kan dhiiga makate ta’uu danda’a)

Dadhabbii qaamaa

Dhiiga garaa qaawwa qaamolee garaagaraa (afaan, funyaan, gurra fi kkf)

Dhukkubni kun akkamiin daddarba?

Nama dhukkuba kanaan qabame waliin tuttuqaa qabaachuu

Dhangala’aa namoota dhukkubichaan qabamanii waliin tiqamuu

Bookee busaan

Hargansuudhaan

09/11/2025

Yoo fayyaa qaama keetiif kan yaaddu taate, gorsa armaan gadii hubadhu itti fayyadami.

1. Fayyaa Somba keetif 🚭
Tamboo aarsuu dhiisi. Namni tamboo si cinaatti aarsuus hin hayyamin.

2. Fayyaa Onnee keetif ❤️
Ashaboo/soogidda xiqqeessi, bishaan heddummeessi, sochii qaamaa hojjadhu.

3. Fayyaa Tiruu keetif 🩺
Cooma, alkoolii, nyaata mi’aawaa xiqqeessi. Kudura fi muduraa baay’isi. Keemikaala fi dawaa habashaa irraa fagoo dhaabbi.

4. Fayyaa Garaacha keetif 🤰🍽️
Nyaata qabbanaawaa xiqqeessi, yeroo nyaataa sirnaan hordofi. Yoo gastritis qabdu taate nyaata sirrii filadhu.

5. Mar’imaan kee fayyaa akka ta’uuf 🌿
Kudura, muduraa fi fiber baay’ee nyaadhu. Bishaan gahaa dhugi.

6. Fayyaa Kalee keetif 💧
Guyyaa bishaan hedduu dhugi, halkan xiqqeessi. Rafuu dura fincaani.

7. Fayyaa Sammuu keetif 🧠
Hirriba sa’aatii 8 rafi. Yaada negative irraa of qusadhu.

8. Ija keetif 👀
Kompiyuutara fi bilbila yeroo dheeraa hin ilaalin. Qilleensa qulqulluu keessa socho’i.

9. Jabina Lafee keetif 🦴
Kaalshiyemii, maagmizhiyeemii fi zinkiin badhaadhe nyaadhu.
Sochii qaamaa godhi.

10. Gogaa bareedaa qabaachuuf ✨
Bishaan baay’ee dhugi, vitamin C & E nyaadhu. Aduu irraa of eegi, lotion fayyadami.

★★★★★★★★★★★★★★★★★★

Galatoomaa!
Horaa Bulaa Deebanaa!
Fayyaa fi Nagaa hin dhabinaa!
© Dr Abdi K Gada