25/07/2023
Anywaa dibwör acaara mar nyiman maro, be jina acaara mo yie bäär mo gi caatha køøre ki kany mo yie bäär keel ii caa mo rööma teeng man (ki køør plan margi man ni nut bangø en ø bëët).
Acaara manø gø bee en:-
bee man ugi oo raany gi paac køøre noo dak jiy paac gi öö ni pir gi mac.
noo kälgi gø noo tume ni margi, gi caga määnyö ki paac mør mo cak gi raanyø, mëëth mëëth këël Kanyo kälgi mïërï bëët.
So nee teeng manø gø nee ba täge piinø kir wic keere, Kee teeng mana waanggi udi, uudi moa waang manynya dwøk kargi ki kany mo yie cään.
Anywaa limaath maaybär , Anywaae moa en wøk këël ki moa en yaa apïrïka bëët ajwøk laar tïc ki kaa näk kare, i paac oo laari dwøk kare, kïpïl aciel aciel ni kar udï moa ränynyö bëët.
kiyie thøw cwøw moo en paac bëët manynya tïc ni gina cwøw kijöö jöö mo ngäc ( thaaak thaake). noo ba tiiö manøgø tumo niba beer kipirø. yie manynya kïththö ki puulïccï thøw.
Jiy moa en wøk këël jiy 2 margi geer ki kïpïl aciel aciel lany jigi nee oo manynyø, ongäya nga Gina u jwøkki ni kïth yïni kaagø kipire mør bee pir caa mo rööma teeng man. bïrrï kïth bäät tic ki caa mana nak kare, teeng kar kany ennø, këël jøa nut thøw gi gittö ngäädhe mar nguttö. këël dhaanhø doo kwär ni b**g pogi tiere b**ggø, ngaa ni lith pir paac ngäyö ni bee tiere gø oo jwungngö kanyo täk öölö bäät jøøy ni yie ii.
So pââr kuri ki jöö mana nut.
jur manøgø giba câdö bäät jammi moo tâgi ri ngaap, ba yïthgi mïnnï ki kanyo joot gi gina manygi ii nyim. mara köö nidi? mara köö ni ninäk kaagø owiiø oo joot gi ginamanygi, øköö ni gina manygi ajootgi ba ni manø ba tägë öö maal øbeet ni dwøgø piinø kare.
Jiing dëël mo dwøng cääth nyim, ni røø yøø maa ni teek nee ø ba bööt nyiman maro, ali ngääö øbëët acaac nyimän marø kipirø.
Nee piinø, abøøl itääng këël ki mïërï moa en bäät naamo opëënö øränynyö b**g jöör, nee jöör orängnyö b**g pinyudo, nee pinyudo øränynyö b**g dima, nee dima oränynyö mïërö mo bäät akööbö bëët ränynnyö , so nee manø gø otägö
1. Ateeng teek bëëtö mo nyïëdï noo tâgi ?
2. Ateenga adima mo nyïëdï noo tâgi?
3. Ateeng caarø mo nyïëdï noo tägï ?
Nee teeng manø gø nee ba tägë no many ngøøni, bee man dwöttö naa aciel, ni tiiö ni bee nyimän marø mana näk kare, ødoo männö kaa ajeeny ni tiiö kare ni bäär.
ii caa mo rööma teeng man këël jur mo kuc nyïa dëël ki jööra ngø jaak.
dhaanhø mo caara ränynyö mari keere keere këël jwøk ba caara ni yie mïnnø kigø ki jööra ngø ki jööra ngø!.
Ngatti man pââr kure ki jööra ngø ki jööra ngø ki jööra ngø, Otëëö ba joot paac jaak ki ngam dhøk ki lup mo duua araanya. ba løøi ki løøi lany man joodi yie.
yïththö kir mïnnö kipir pädhö ki ränynyö mar gina nut ni näk ngääa ni jina öölö møn, ba manynya man ngääö gø , man näk ni nak paac oränynyö party moø moøgi ni ngääö yøø ba lany muunyö run South Sudan Wala Kenya, Wala kanyo tumo ni øøna elëëw yie.
Nee manø gø ba täge teelø marø piny ki kaa näk kare, kaa teeng man ngääö bëët enø. Ajeeny ki pääng dëël paare b**ggø ba paare po ränynyö.
