Dr.Solomon, MFM ዶ/ር ሰለሞን ልዮ የነፍሰጡር እናቶች ህክምና

01/01/2023

እንኳን ደስ ያላችሁ!!! Congratulations!

በጎንደር ዩኒቨርሲቲ ህክምና ጤና ሳይንስ ኮሌጅና አጠቃላይ ስፔሻላይዝድ ሆስፒታል የማህጸንና ጽንስ ትምህርት ክፍል ላለፉት አራት አመታት በጽንስና ማህጸን ህክምና ስፔሻሊቲ (Specialty in Gynecology and Obstetrics) ትምህርት ያሰለጠናቸውን ሀኪሞች አስመርቀናል።

መላው አስተማሪዎቻችሁ እና የት/ት ክፍሉ የተሰማንን ከፍተኛ ደስታ እየገለፅን ቀጣዩ የስራ ዘመናችሁ በስኬት የተሞላ እንዲሆን እንመኛለን።

እንኳን ደስ ያላችሁ!!!

Congratulations!

08/06/2022

በፐሬድ ወቅት የሚፈሰው የደም መጠን መብዛት

ፐሬድ የሚበዛባቸው ምክንያቶች ምንድናቸው?

ይሄ እንደ ሰዉ ሁኔታና ከሰው ሰውም ምክኒያቱ ይለያያል።አብዛኛውን ጊዜ ምንም ምክኒያት ሳይኖር የወር አበባ ሊበዛ ይችላል።

የፐሬድ መብዛት የሚያስከትሉ ሁኔታዎች የሚከተሉትን ያካትታሉ።

● ከኦቫሪዎቹ አንዱ ለአንድ ወር ወይም ከዚያም በላይ እንቁላል ማዘጋጀት ካቆመ

● የማህጸን እጢ

● በደም መርጋት ችግር

● አንዳንድ የወሊድ መቆጣጠሪያዎች ወይም ደም ለማቅጠን የሚወሰዱ መድሃኒቶች የጎን ተፅዕኖዎች

● ከየታይሮይድ ዕጢ ጋር (ሆርሞኖችን የሚያመነጭ ዕጢ) ጋር የተያያዙ ችግሮች

● የማሕጸን ካንሰር

በፐሬድ ወቅት የሚፈስ የደም መጠን የተለመደው ምን ያህል ነው?

የተለመደው የፐሬድ ጊዜ ከ 8 ቀናት ያነሰ ነው። ከስር የተዘረዘሩት ፐሬድ የበዛ መሆኑ የሚያሳዩ ምልክቶች ናቸው

● ሙሉ በሙሉ እየራሰ በ1 ወይም 2 ሰአት ውስጥ አንድ ሞዴስ የቀየሩ እንደሆነ

● ከፍተኛ መጠን ያለው ደም (የረጋ ደም) የፈሰሰ እንደሆነ

የፐሬድ የደም መፍሰስ ድንገተኛ ወይም አደገኛ የሚሆነው ምን ሲሆን ነው?

የፐሬድ የደም መፍሰስ አደገኛ ሊሆን የሚችለው

1. በ 2 ሰዓታት ውስጥ 4 ወይም ከዚያ በላይ ሙሉ በሙሉ የራሰ ሞዴስ ከቀየሩ ሃኪምዎን ያማክሩ ወይም ወደ ድንገተኛ ክፍል ይሂዱ።

2. ነፍሰ ጡር ከሆኑና ደም ከፈሰሰም ድንገተኛ ነው

በፐሬድ ወቅት ዶክተር ወይም ነርስ ማየት ያለብኝ ምን ስሆን ነው?

● ነፍሰጡር ነኝ ወይም ልሆን እችላለሁ ብለው ካሰቡ

●ፐሬድዎ ከ 8 ቀናት በላይ የሚቆይ ከሆነ

● ሙሉ በሙሉ እየራሰ በ1 ወይም 2 ሰአት ውስጥ አንድ ሞዴስ የቀየሩ እንደሆነ

● ብዙ ደም እየፈሰሰዎት ስለሆነ ሁለት ሞዴሶች ደራርበው መጠቀም ካስፈለግዎት

● ለሊት ተነስተው ሞዴስ መቀየር ካስፈለግዎት

● ከ 1 ኢንች የበለጠ የረጋ ደም የፈሰሰ እንደሆነ

● ፐሬድ ከጨረሱ በኋላ በድጋሚ ያለጊዜው ፐሬድ ካዩ

● በፐሬድወቅት የሆድ ህመም ካለ

● መጸነስ እየፈለጉ ካልቻሉ

● ቢያንስ ለአንድ አመት ፐሬድ ሳያዩ ከቆዩ በኋላ ደም ከፈሰሰ ፤ ማለትም ካረጡ በኋላ ደም ካዩ

● ከላይ የተጠቀሱትን ምልክቶች ከታዩ እና የደም ማነስ ካስከተለብዎት

የደም ማነስ ምልክቶች የሚከተሉት ናቸው
አቅም ማነስ
ከፍተኛ የድካም ስሜት
ራስ ምታት
በአካል ብቃት እንቅስቃሴ ጊዜ የመተንፈስ ችግር
የልብ ምት መጨመር

ላደርጋቸው የሚገባኝ ምርመራዎች አሉን?

የሚያስፈልጉት ምርመራዎች በእድሜ ፣በህመሙ ሁኔታ እና በግለሰብ ሁኔታዎች ይወሰናል። ምርመራዎቹ የሚከተሉት ሊያካትቱ ይችላሉ።

● የደም ምርመራዎች

● ከማህፀን ናሙና ተወስዶ ምርመራ

● አልትራሳውንድ

● ሂስተሮስኮፒ

የፐሬድ መብዛት ህክምናው ምንድን ነው?

ህክምናው እንደ መንስኤው ይለያያል። አብዛኛውን ጊዜ ሕክምና ላያስፈልግ ይችላል።ካስፈለገ ግን ህክምናዎቹ የሚከተሉትን ሊያካትቱ ይችላሉ።

● ሆርሞኖች ያላቸው የወሊድ ቁጥጥር ዘዴዎች

● የደም መቅጠን የሚቀንሱ መድሃኒቶች

●እብጠት የሚቀንሱ መድሃኒቶች

● ፕሮጄስቲን የተባለ ሆርሞን ያላቸው መድሃኒቶች

● ኦቫሪዎችን ለአጭር ጊዜ ሥራቸውን እንዲያቆሙ
የሚያደርጉ መድሃኒቶች

● በቀዶ-ጥገና የማህጸን እጢ ወይም ሌሎች እባጮችን ማስወገድ

በስነተዋልዶ ጤና ዙሪያ ጠቃሚ ጽሁፎች ለማንበብ ገፃችን "ላይክ" ያድርጉ::

ስልምንሰጣቸው የህክምና አገልግሎቶች መረጃ ለማግኘት በ 0961999109 ይደውሉ::
ሐበሻ የጽንስና የማህጸን ልዩ ክሊኒክ
አድራሻ:- ጎንደር ሪፈራል ሆስፒታል ፊት ለፊት ላመርገየር ሆቴል ጀርባ
ስልክ ቁጥር 0961999109/0582116658
ጎንደር ኢትዮጵያ

08/06/2022

በእርግዝና ጊዜ የሚከሰት ማቅለሽለሽና ትውከት

በእርግዝና ጊዜ የሚከሰት ማቅለሽለሽና ትውከት ምንድን ነው?

ይህ ብዙውን ጊዜ ከእርግዝና ጋር የሚከሰት ሲሆን ጠዋት ጠዋት ብቻ፣ ቀትር ላይ ፣ ከሰአት በኋላ ወይም ቀኑን ሙሉ ያለማቋረጥ ሊከሰት የሚችል ነገር ነው።በእርግዝና ጊዜ የሚከሰት ማቅለሽለሽና ትውከት አብዛኛውን ጊዜ በመጀመሪያዎቹ 3-4 የእርግዝና ወራት ውስጥ እየቀነሰ ሄዶ ይቆማል።

በእርግዝና ጊዜ የሚከስት የማቅለሽለሽና ትውከት ስሜት እንዲቀንስልኝ ምን ማድረግ አለብኝ?

የሚከተሉት በእርግዝና ጊዜ የሚከሰት ማቅለሽለሽና ትውከት እንዲቀንስ ይረዳሉ

● ቅባት የበዛባቸውና ቶሎ የማይፈጬ ምግቦችን አለመመገብ

● በቀን ውስጥ አነስ አነስ ያሉ ምግቦችን ቶሎ ቶሎ መመገብ

● ጥዋት ሲነሱ ከመኝታ ሳይወርዱ ደረቅ ዳቦ መብላት

● ሎሚ መምጠጥ

● ቀጭን የቅርንፉድ ሻይ በቀን 3 ጊዜ መጠጣት

● በሃኪም የሚታዘዙ የትውከት መድሃኒቶችን መውሰድ

ሃኪም ማየት ያስፈልገኛል?

ከማቅለሽለሹ ጋራ አብሮ ማስታወክ ካለ፣ በዚህም ምክኒያት ምግብ የማይረጋ ከሆነና የክብደት መቀነስ ካስከተለ ሃኪም ቤት ሄዶ ህክምና ማድረግ ያስፈልጋል።

በተጨማሪም ከስር የተጠቀሱት ምልክቶች ከታዩ ሃኪም ማማከር አስፈላጊ ነው

● ደም የቀላቀለ ትውከት

● ከባድ የሆድ ቁርጠት ወይም ህመም

● የሰውነት የፈሳሽ መጠን መቀነስ ምልክቶች ለምሳሌ የሽንት መጠን መቀነስ ፣ የሽንት መቅላት ፣ ከተቀመጡበት ሲነሱ መንገዳገድ

እንዲህ በሚሆንበት ጊዜ በደም ስር የሚሰጥ ፈሳሽ እና የትውከት ማስታገሻ መድኃኒት መውሰድ አስፈላጊ ሊሆን ይችላል ።

በማህፀንና ፅንስ ህክምና ዙሪያ ጠቃሚ ጽሑፎችን ለማንበብ ገጻችንን ይከታተሉ( like ያድርጉ)

ነፃ የመሴንጀር የምክር አገልግሎት ተጠቃሚ ይሁኑ

ስለ የምንሰጣቸው የህክምና አገልግሎቶች መረጃ ለማግኘት በ0961999109 ይደውሉ
ሐበሻ የጽንስና የማህጸን ልዩ ክሊኒክ
አድራሻ:- ጎንደር ሪፈራል ሆስፒታል ፊት ለፊት ላመርገየር ሆቴል ጀርባ
ስልክ ቁጥር 0961999109/0582116658
ጎንደር ኢትዮጵያ

08/05/2022

Habesha Obstetrics & Gynecology Clinic wish Happy Mother's Day to all moms out there!

07/05/2022

02/05/2022

Eid Mubarak to all muslim brothers and sisters from Habesha maternity clinic

24/04/2022

ለመላው የክርስትና እምነት ተከታዬች እንኳን ለ ብርሃነ ትንሳኤ በዓል በሰላም አደረሳችሁ