Evana Pharmacy

15/05/2024

በመድኃኒት ቤቶችና መደብሮች ላይ አስገዳጅ ደረጃ ሊተገበር ነው
አዲስ አበባ፤ ግንቦት 6/2016(ኢዜአ)፦ በሀገር አቀፍ ደረጃ የመድኃኒት ቤቶችና መድኃኒት መደብሮች ላይ አስገዳጅ ደረጃ በቅርቡ ሊተገበር መሆኑን የኢትዮጵያ ምግብና መድኃኒት ባለሥልጣን ገለጸ።
የባለሥልጣኑ ዋና ዳይሬክተር ሄራን ገርባ ለኢዜአ እንዳሉት፤ የመድኃኒት ቤትና መድኃኒት መደብር ላይ ቁጥጥር ለማድረግ ሀገር አቀፍ አስገዳጅ ደረጃ ወጥቷል።
አስገዳጅ ደረጃው መድኃኒት ቤትም ሆነ መድኃኒት መደብር ምን ዓይነት ባለሙያዎች ሊኖሯቸው ይገባል፣ ምን ዓይነት መድኃኒት ይይዛሉ፣ የመድኃኒት ቤቱ ወይም መደብሩ ስፋት የሚለውንና ሌሎች ተያያዥ ጉዳዮችን ያካተተ መሆኑንም ገልጸዋል።
ክልሎች ለመድኃኒት ቤትና መድኃኒት መደብር ፈቃድ የሚሰጡበት መስፈርት የተለያየ መሆኑን አንስተው፤ ወጥነት ያለው ለማድረግ ደረጃው መዘጋጀቱን ተናግረዋል።
ደረጃው መውጣቱን ተከትሎ አሠራሩ እስኪተገበር ድረስ ለአዲስ መድኃኒት ቤትና መድኃኒት መደብር ፈቃድ እንዳይሰጥ መደረጉንም አንስተዋል።
የባለሥልጣኑ ምክትል ዳይሬክተር ስዩም ወልዴ በበኩላቸው፤ ከዚህ ቀደም በአገር አቀፍ ደረጃ መድኃኒት ቤቶችና መደብሮች ላይ ደረጃ ወጥቶ ሲሰራ ስላልነበር በክልል ቁጥጥር አካላት ወጥ የሆነ የቁጥጥር ሥርዓት መዘርጋት ሳይቻል ቀርቷል ብለዋል።
ስለሆነም በሁሉም ተቆጣጣሪ አካላት ሊተገበር የሚችል ሀገራዊ መስፈርት ማውጣት አስፈላጊ መሆኑ ታምኖበት ከኢትዮጵያ ደረጃዎች ኢንስቲትዩት ጋር በመተባበር ደረጃው መውጣቱን ገልፀዋል።
በደረጃው የተቀመጡ መስፈርቶች ላይ መመሪያ ተዘጋጅቶ ለክልል ተቆጣጣሪ አካላት ሥልጠና መሰጠቱን ጠቅሰው፤ ተግባራዊ ለማድረግ ዝግጅት መጠናቀቁን ተናግረዋል።
ደረጃው አዲስ በመሆኑ በወጥነት እንዲተገበር ባለሙያዎችንና ባለድርሻ አካላትን የማሰልጠን ተግባር ይቀጥላል ብለዋል።
https://l.facebook.com/l.php?u=https%3A%2F%2Fwww.youtube.com%2Fwatch%3Fv%3DC2Cwyr6eaPE%26fbclid%3DIwZXh0bgNhZW0CMTAAAR1c-oj2KLdV4ijTprOHhy2em-EU1D4t5_EMahlsS_Ss3q3fY7zcXgfgwMI_aem_AcfUA2T5_sibU0DgVY2ktRt3rL07aYdJ5_KLrjz2RXHUB7ki8ZK564ix_ObqBYj4wg-pGxJMfF71qGgsMcVAFiPf&h=AT1V8u45FB9Amf8qFSSAUW5YIsH_f8aUb1qTqbip11PQAj6yS9-FALs4Qr5zZl2k0PjyjyuqImh0AP_jB5NMy2lmnxoR3GHQrzADlLVOJ69wF_9d86RG8BNq36HDcP_E69r6&__tn__=-UK-R&c[0]=AT2YDjQBWcuALUfnSVCWnilzcLPgG9PEnNJtsyvmFeYOUPXj4KZHvOn5SgR7vfxzO-TJujQjRP6LQtBk8oE27WqiIkE9xVE7EAwSzhA7k8jdoT38M4sMoxeg49aUop4WiXxaldUtmrIQB9HR8y9QeRqkxXtlk5ALtdL_HuDRRsMvSmhmgMNO3l34ODC7FtcpW92Iz-gIblfN3LSLM2pl0t9O7xnl7vajfSoW

#ኢዜአ

23/04/2024

የፋርማሲስቱ የፍቅር ደብዳቤ

[ Dispensary ቆሜ antibiotic ልትገዢ ለመጣሽው ልጅ....]

ዛሬ interpret የማደርግልሽ special prescription ምን ያህል እንደ narcotic እና psychotropic drugs ወድጄሽ addicted እንደሆንኩብሽ ለመግለጽም ጭምር ነው።

የኔ diazepam አንቺን ሳላስብ እንቅልፍ አልወስድክ አለኝ!! በእርግጥ tolerance እንደፈጠርሽብኝ ልንገርሽ አስብና አንደበቴ ይተሳሰራል ወይስ ketamine ልወጋና ልቀባጥርልሽ?? ደግሞ ከርቀት ሳይሽ በውበትሽ ተገርሜ atropine እንደተወጋ pt ዓይኔን የማፈጠው ነገርስ። ግን ምን ያደርጋል ከኩራትሽ የተነሳ የማሳልፈው nightmare የተሞላበት ሕይወት Efavirenz ነሽ እንዴ ብዬ እንድጠራጠር አድርጎኛል።

ፍቅርሽን በdonation ካልሰጠሽኝ በስተቀር እንደ ድህነቴ በprocurement purchase ላደርግሽ አልችልም። ደግሞ አንቺ ላይ invest ያደረኩትን reimburse የሚያደርገኝ ያለ እንዳይመስልሽ። አንቺ የኔ Brand ምን አለበት በኔ አቅም Afford ብትደረጊ አንቺ? ለእኔ እንደ promethazine 1st line እና potent እንደሆንሽ ነበር የማስበው፤ አንቺ ግን Antidote እንደሌለው Barbiturate toxicity ሆነሻል!!

ቢሆንም እንደ Digoxin ጠባብ therapeutic index የለኝም፤ በሰፊው Pencillin ልቤ እጠብቅሻለሁ ግን የማልደብቅሽ ነገር ቢኖር አንቺን በቀን QID ማሰቡ ታክቶኛል። endpoint እንደ ሌለው reaction እስከ መቼ Titrate ልታደርጊኝ አስበሻል?? የ Tubocurarine structure ማንበብ እራሱ እንዳንቺ አልታከተኝም።

ልቤን በኩራትሽ mortal and pestle sizun reduce፤ በንቀትሽ base እና በግልምጫሽ spatula levigate አድርገሽ ointment ካደረግሽኝ ሰነባብተሻል።
ከLeujocum aestivum የተገኘውን Galanthamine ካልወሰድኩ ስለምረሳ ይህንንም ፅፌልሻለሁ። Minimal Change disease(MCD) steroid sensitive እንደሆነ እኔም ላንቺ sensitive ሆኛለሁ ግን ከpoor prgnosis ጋር!!

ቆይ አንቺ ማነሽ?? ሰውስ 'እንደ Erythromycin መራራ ናት ትቅርብክ!' ለምን አለኝ?? ለምንድነውስ BBB Cross እያደረግሽ CNS Disturbance የምታመጭብኝ??

ወይ ደግሞ ልብሽን ስጭኝና Macerate አድርጌው ፍቅርን Extract ላድርግ.. ካንቺ ጋር ሆኜ የምኖረው QALY በእርግጥም አንቺ ከሌለሽበት ሕይወት ይሻላል።

አስቢበት እኔ Chiral ስለሆንኩ dosage form ቀይሬ ሌሎች ጋር መሄድ አያቅተኝም። አዎ አስቢበት እንደ TDF+3TC+ EFV ዕድሜ ልኬን ላስብሽ አልፈልግም። እኔ በcGMP ስለምመራ Flexible እሆንልሻለሁ።

አታስቢ ፍቅርሽን ከinfusion ወደ bolus ብትቀይሪው Red man syndrome አይፈጠርብኝም። የፍቅርሽ Bioavailabilty 100% እንደሆነ በዚሁ አጋጣሚ ልነግርሽ እወዳለሁ። ስለዚህ የኔ ፍቅር Updated, Recent and Reliable የሆነ Goal of Therapyሽን ንገሪኝና Treatment approach ወስኜ ላንቺ ያለኝን Pharmaceutical care ላሳይሽ።

ያንቺው Milly: ከፋርማሲ
Telegram:

04/12/2023

#ለጥንቃቄ

የተከሰተው ጉንፋን መሰል በሽታ በከፍተኛ ሁኔታ የመሰራጨት ባህሪ ስላለው በመከላከያ መንገዶች ላይ ትኩረት ማድረግ ያስፈልጋል ሲል የአዲስ አበባ ጤና ቢሮ አሳስቧል።

ቢሮው ምን አለ ?

- በከተማው በተለይ ከጥቅምት ወር መጀመሪያ ጀምሮ በብዙ ሰዎች ላይ ጉንፋን መሰል በሽታ ተከስቷል።

- ይህ ወቅታዊና በየዓመቱ ከቅዝቃዜ ጋር ተያይዞ የሚከሰት ሲሆን፤ በወረርሽኝ መልክ የሚገለጽ አይደለም።

- የተከሰተውን የቫይረስ አይነት ለመለየት ከትምህርት ቤቶች፣ ጤና ተቋማት እንዲሁም ከፍተኛ መተላለፊያ በሆኑ ቦታዎች ላይ ከሚገኙ ከ178 ሰዎች ናሙና ተወስዶ ምርመራ ተደርጓል። በዚህም 17 በመቶ በላይ የኢንፍሉዌንዛ ቫይረስ እና 3 በመቶ የሚሆነው ከኮቪድ-19 ቫይረስ ጋር የተገናኘ መሆኑ ተረጋግጧል።

- ይህ ህመም በተለይም እድሜያቸው ከ5 ዓመት በታች የሆኑ ህጻናት ላይ የሚከሰት ሲሆን፤ ከመቶ ሰዎች መካከል ሃያ የሚሆኑት ላይ ይስተዋላል።

ምልክቶቹ ፦

° ከፍተኛ ራስ ምታት፣
° ሳል፣
° ከአፍንጫ ብዙ ፈሳሽ መውጣት፣
° ጉሮሮን የማቃጠል ስሜት፣
° ጡንቻ አካባቢ ህመም፣
° የድካም እና የምግብ ፍላጎት መቀነስ የመሳሰሉት ናቸው።

- ምልክቶቹ ሲታዩ ወደ ህክምና ተቋም በመሄድ እራስን ከከባድ ህመም መከላከል ያስፈልጋል።

- በበሽታው የተያዙ ሰዎች አፋቸውን እና አፍንጫቸውን ሳይሸፍኑ ሲያስሉ ወይም ሲያስነጥሱ እንዲሁም ቫይረሱ ያረፈባቸውን ነገሮች ከነኩ በኋላ አፍን፣ አፍንጫ ወይም ዓይንን መንካት ቫይረሱ እንዲሰራጭ የሚያደርጉ መንገዶች ናቸው።

የመከለከያ መንገዶች ምንድናቸው ?

▫ትምህርት ቤቶች እንዲሁም ሰው በተሰበሰበበት ቦታዎች የአፍና አፍንጫ መሸፈኛ ጭምብል ማድረግ፣

▫በሕዝብ ማመላለሻ ትራንስፖርት ውስጥ መስኮቶችን መክፈት፣

▫የእጅን ንፅህና በአግባቡ መጠበቅ

▫በንክኪ ወቅት እጅን በመታጠብ በሽታውን በቀላሉ መከላከል ይቻላል።

* በሽታው በከፍተኛ ሁኔታ የመሰራጨት ባህሪ ስላለው በመከላከያ መንገዶች ላይ ትኩረት ማድረግ ያስፈልጋል።

በበሽታው የተያዙ ሰዎች ማድረግ ያለባቸው ምንድነው ?

በበሽታው የተያዙ ሰዎች ህክምናው ከቤት የሚጀምር ሲሆን ህመሙን ለመከላከል እና ለማስታገስ ፦
☑ በቂ እረፍት መውሰድ፣
☑ ፈሳሽና ትኩስ ነገሮች መጠቀም
☑ በአካባቢው በቂ የአየር ዝውውር እንዲኖር ማድረግ ከዚህ በተጨማሪ ተገቢውን ህክምና በማግኘት ስርጭቱ እንዳይስፋፋ ማድረግ ይገባል።

#ማሳሰቢያ ፦ በሽታው ከአንድ ሳምንት በላይ የሚቆይ ከሆነ በአቅራቢያው ወደሚገኝ የህክናምና ተቋም በመሄድ አስፈላጊውን አገልግሎትና የጤና ባለሙያዎች ምክረ ሃሳቦች ማግኘት ይገባል።

Via : ቲክቫህ ኢትዮጵያ መረጃው ከኢትዮጵያ ፕሬስ ድርጅት ነው ያገኘው።

30/11/2023

አዲሱ የኤች አይቪ መድሃኒት ውጤታማ መሆኑ ተረጋገጠ

| ኤች አይቪን የሚከላከለው መድኃኒት ውጤታማ መሆኑ በጥናት ተረጋገጠ፡፡

ዌልስ ውስጥ በሙከራ ላይ የነበረውና በሰውነት ውስጥ የኤችኤይቪ ቫይረስ ሥርጭትን የሚገታው መድኃኒት ውጤታማ መሆኑ በጥናት መረጋገጡ ታውቋል።

የመድኃኒቱ ውጤታማነት የተረጋገጠው በመላው እንግሊዝ ከተውጣጡ እና በጥናቱ በተካተቱ ከ24 ሺህ በላይ የመድሃኒቱ ተጠቃሚዎች ላይ ምርመራ ከተካሄደ በኋላ ነው።

በእንግሊዝ በሺዎች የሚቆጠሩ ሰዎች ፒአርኢፒ የተሰኘውን ይህን መድኃኒት ከሥነ ተዋልዶ ጤና ክሊኒኮች እየወሰዱ ይገኛሉ።
ከቼልሲ እና ዌስትሚኒስትር ሆስፒታል ጋር በመሆን የመድኃኒቱን ውጤታማነት ለማረጋገጥ የተደረገውን ሙከራ የመራው የዩናይትድ ኪንግደም የጤና ደኅንነት ኤጀንሲ፣ ጥናቱ በዓይነቱ ከዚህ ቀደም ከተሰሩ ጥናቶች ሰፊ መሆኑን ገልጿል።

ጥናቱ ከአውሮፓውያኑ ጥቅምት 2017 እስከ ሐምሌ 2020 ባሉት ጊዜያት እንግሊዝ ውስጥ በሚገኙ 157 የሥነ ተዋልዶ ጤና ተቋማት ላይ ተካሂዷል።

ይህ ጥናት ‘ፕሪ ኤክስፖዠር ፕሮፍላክሲስ (ፒአርኢፒ)’ የተባለው መድኃኒት ጥቅም ላይ እንዲውል ማረጋገጫ የሰጠ ሲሆን መድኃኒቱ በኤችአይቪ የመያዝ ዕድልን በ86 በመቶ ይቀንሳል።

በክሊኒክ የተደረጉ ሙከራዎች እንዳመለከቱትም መድኃኒቱ 99 በመቶ ውጤታማ ነው።

የዩኬ ጤና ደኅንነት ኤጀንሲ የመድኃኒቱ ውጤታማ መሆን የአገሪቷ መንግሥት በ2030 የኤችአይቪ ሥርጭትን ዜሮ ለማድረስ ያስቀመጠውን ግብ ለማሳካት ይረዳል ብሏል።(BBC)