ጥዕና ይሃበለይ

06/02/2026

ካብ ኤችኣይቪ ካንሰር ን ክንምሕረኩም ኢልካ ንድፍረት ምውፃእ እንታይ ኣምፅኦ?
ድንቁርና ድፍረት ይወልድ!

05/02/2026

ኣብ ፍሕኛ ዶ ድንኩል ኣሎ እዩ?

‎👨‍⚕️ሽንቲ ዘይምቁፅፃር ፥ ደም ዝሓወሰ ሽንቲ ምሻን ፥ ሽንቲ ኣብ ዝሸነሉ ሓያል ቃንዛ ዝነበሮ ተሓካሚ ዕውት መጥባሕታዊ ሕክምና ተገይርሉ !
‎___________________________________
‎ሓደ ወዲ 23 ዓመት መንእሰይ ወለዱ ከመርዕውዎ ይደልዩ ።እንተኾነ ግን ንነዊሕ ዓመታት ዝፀንሐ ኣብ ህፃንነቱ ዝጀመረ ሕማም ሽንቲ ንምሻን የፀግመሉ ኔሩ ።
‎
‎ሽንቱ ምቁፅፃር ኣይከኣለን ።ካብዚ ሓሊፋ ድማ ኣብ ዝወፅእ ሽንቲ ናይ ርሳሓት/ ደም ዝሓወሰ ሽንቲ ከምኡ እውን ሽንቲ ኣብ ዝወፀሉ ሓያል ቃንዛ ስለዝነበሮ ባህላውን ሃይማኖታውን ርድኢት ብምትሕሓዝ ዘይተሞከረ ማይ-ፀሎትን ባህላዊ ሕክምናን ኣይነበረን ።
‎
‎ምስዚ ኩነታት ተተሓሒዙ ናብ ሰብ ክንሕውሶ ስለዘፀገመልና ንምንታይ ናይ መወዳእታ ሕክምና ዕድልና ኣብ ሆስፒታል ናትና ከይድና ዘይንምኩር ብምባል ናብ ሆስፒታል ናትና ይመፁ።
‎
‎ሆስፒታልና ድማ ኣድላዪ ዘበለ ምርመራ ብምግባር ሓደ ዓብዪ ኣብ መዋእል ስራሕ ልምድና ርኢናዮ ዘይንፈልጥ ፀፀር ፍሕኛ(Urinary Bladder stone)ንረክብ ።
‎
‎እዚ ተሓካሚና ብዶ/ር ብርሃነ ጥላሁን ( ስፔሻሊስት መጥባሕቲ ) ዝተመርሐ ጉጅለ ሕክምና ዕውት መጥባሕታዊ ሕክምና ተገይሩሉ ፥ ኣብ ፍሕኛ ሽንቲ ዝነበረ ፀፀር ተወጊድሉ ድሒኑ ናብ ገዝኡ ብሰላም ተሰዲዱ ይርከብ ።
‎
‎ካብዚ ንዓቀብ ዘሕጉስ እንታይ ኣሎ?
‎
‎ንዝበለፀን ምሩፅ ሕክምና ምርጫኩም ሆስፒታል ናትና - ኣክሱም ግበሩ።
‎_______________________
‎
‎ብዶ/ር ብርሃነ ጥላሁን ዝተመርሐ ጉጅለ መጥባሕቲ ብሽም ተሓካሚና ከም ሆስፒታል ናትና ምስጋናና ዕዙዝ 'ዩ፡፡
‎----------------------
‎ ሆስፒታል ናትና
‎ብሙሉእ ልቦም ዝግልገልሉ!
‎
‎🏩 ኣድራሻና፡- ከተማ ኣክሱም ጥቃ መነሃርያ ፊት ንፊት ብራና ሆቴል
‎
‎🏪 ንዝበለፀ ሓበሬታ ናብ ቁ.ስልክታትና 09-383-400-00 ወይ 09-255-111-11ይደውሉ፡፡
‎

05/02/2026

⭕ ባህላዊ ምቑራፅ ዓንቀር (Traditional Uvulectomy) ⭕

=================================

🕹 ኣብ ኢትዮጵያ ብዝተገበረ ሓፈሻዊ ናይ ፅንዓት ትንተና (meta-analysis) ካብ 10 ትሕቲ 5 ዓመት ህፃናት እቶም ከባቢ 4 ዝኾኑ(~44%) ሰለባ ባህላዊ ምቑራፅ ዓንቀር ይኾኑ።

📌 ወለዲ ንደቆም ዓንቀር ዘቑርፅሉ ምኽንያት፦

✅ ሕማም ጎሮሮን ስዓልን ንምክልኻልን ንምሕካምን

✅ ተምላስ ወይ ምስኣን ድልየት ምግቢ ንምሕካም(ጠጠው ንምባል)

✅ ምስ ዝተወሰኑ ሃይማኖታዊ ወይ ባህላዊ እምነታት ብዝተትሓሓዘ

- ✅ ፅዕንቶ ባህላዊ ሓካይም ወይ ድማ ናይ ከባቢ ማሕበረሰብ

👆እዞም ልዕል ኢሎም ዝተጠቐሱ ምኽንያታት ካብ ሳይንሳዊ ሓቂ ዝርሓቑን ኣብ ህፃናት ጉድኣት ዘስዕቡን እዮም።

⭕ ምቑራፅ ዓንቀር ከስዕቦ ዝኽእል ጉድኣት እንታይ እዩ ?

✍ ፅርየቱ ብዘይሓለወ መንገዲ ዝግበር ተግባር ምቑራፅ ዓንቀር ንህይወት ኣስጋእቲ ዝኾኑ ናይ ሓፂርን ነዊሕን ጎናዊ ሳዕቤናት ኣለውዎ። ካብዚኣቶም ገሊኦም ዝስዕቡ እዮም ፡-

🩸 ልዑል ደም ምፍሳስን ብሰንኩ ዝፍጠር ዋሕዲ ደምን ሞትን

🦠 ረኽሲ(Infection)

💉 ብደም ዝመሓላለፉ ሕማማት (ኤች.አይ.ቪ፣ ሕማም ወይቦ[ሄፓታይተስ]

🔒 ሕማም መንጋጋ ምቑላፍ (Tetanus)

🤕 ሕማም ምጥማም ክሳድ (Torticollis)

🗣️ ፀገማት ምትንፋስ

💔 ሞት

💥💥💥💥💥💥💥💥💥💥💥💥💥💥💥💥

📲 መልእኽቲ ንወለዲ፦

🕹 እዚ ጎዳኢ ልምዲ እዙይ ምንም ዓይነት ናይ ጥዕና ጥቕሚ ዘይብሉ ፤ ንህፃናት ከቢድ ናይ ኣካል ጉድኣት እስካብ ሞት ዘሳጥሕ ምዃኑ ብውነ ምፍላጥ የድሊ።

🕹 ስለዚ ኣብ ደቅና ዝኾነ ይኹን ናይ ጥዕና ፀገም እንተጋጥም ግዜ ተይወሰድናን ተይዘንጋዕናን ሽዑ ንሽዑ ናብ ዝምልከቶ ብዓል ሞያ ምኻድ የድሊ።

" ደቅና ካብ ጎዳእቲ ባህልታት ንሓልው !"

✍ፅሓፊ፦ ዶ/ር መላኩ ሞገስ (ስፔሻሊስት ህፃናትን ኣባፅሕን)
✍ተርጓሚ፦ ዶ/ር ወልዳይ ኣባዲ
(ስፔሻሊስት ክትትል ጥንስን ሕማማት ማህፀንን)

👩‍💻👩‍💻👩‍💻👩‍💻👩‍💻👩‍💻👩‍💻👩‍💻👩‍💻👩‍💻👩‍💻

👌ንዝበለፀ ናይ ጥዕና ሓፈሻዊ መልእኽትታት ብፍላይ ድማ ሓበሬታ ጥዕና ሕማማት ማህፀንን ጥንስን ናይ ፌስቡክ ፣ ቴሌግራም ፣ ቲክቶክን ዩቱብን ገፃትና ላይክ፣ ሼርን ፎሎውን ይግበሩ/ራ!

📷 ኣባላት ዝስዕቡ ገፃት ይኹኑ (Follow, Like & Share)

👉Subscribe👉AdoTube;https://www.youtube.com/.WeldayAbadi
👉https://www.tiktok.com/Welday Abadi Abayk.com/abadi.welday
👉https://www.facebook.com/profile.php?id=100063482869241
👉https://t.me/weldeabe

❇️ብ ዶ/ር ወልዳይ ኣባዲ
| ስፔሻሊስት ሕማማት ማህፀንን ክንክን ጥንስን |

゚viralシviralシfypシ゚viralシalシ

04/02/2026

ቅድሚ 20 ዓመት ጥቁር ኣምበሳ ካብ ዝተመረቑ ሓካይም መን ተለልዩ?

03/02/2026

እንኳዕ ደስ በለኪ ሲር ትርሓስ ገብረኪዳን !

ዓለም ለኻዊ ፈተና ኒክለስ ብብቅዓት ኣብ ፈለማ ሙከራ ስለዝሓለፈት። እዚ ንኸምኣ ዝበላ ነርስታት ኣብ ዓለም ተወዳደርነት ክህልወን ከምዝኽእል መርኣያ እዩ።

ምንም ትምህርቲ ከይወሰካ ፈተና ጥራይ ብምሕላፍ ኣብ ሃገራት ኣሜሪካን ካናዳን ነርስ ኮይንካ ምስራሕ ይከኣል እዩ።

ኣብነት እያ!

02/02/2026

ቃንዛ ፀጋማይ ከብዲ

ሰላም ዶክተር

ዛናይ ትርፊ ኣንጀት ብደንቢ ኣንቢበያ እየ። ተኾነ ግን ኣነ ክርደኣኒ ዘይከኣለ ናይ ትርፊ ኣንጀት ቓንዛ የማናይ ትሕቲ ሕምብርቲ እዩ፣

ኣነ ዘሻቕለኒ ቓንዛ ግን እኒሆ ንሱ ድማ ብፀጋማይ ጎኒ ጀሚሪ ትሕቲ ሕምብርቲ እዩ። ብኡኡ ኣንፈት ከ ክኾን ይኽእልዶ?

🩺 ዶክተር ኣቤል ግደይ

ጸጋማይ ታሕተዋይ ከብዲ ቃንዛ

❓ ቃንዛ ጸጋማይ ታሕተዋይ ከብዲ እንታይ እዩ?

ኣብ ታሕተዋይ ጸጋማይ ክፋል ከብዲ ቃንዛ ተሰሚዑ። ቅልል ዝበለ ወይ ከቢድ ክኸውን ዝኽእል ኮይኑ ካብ መዓንጣ፡ ሽንቲ ምፍሳስ፡ ጭዋዳታት ወይ ኣካላት መፍረ ክመጽእ ይኽእል።

⸻

🟢 ልሙዳት ጠንቅታት

✅ማህደር እንቋቁሖ ምጥዋይ

✅ ረኽሲ ሻምብቆ ሽንቲ (UTI) .

✅ረኽሲ ኣባላዘር

✅ኹላሊት ፀፀር

✅ ጋዝ ከብዲ

✅ ምውጥዋጥ ጭዋዳታት
•
✅ ዳይቨርቲኩላይትስ (ብፍላይ ዕድመ >40)

✅ ቁጥዐ መዓንጣ (IBS) .

✅ ጽኪ ማህጸን (ኣብ ደቂ ኣንስትዮ) .

✅ ሀርኒያ

✅ ሕማም መዓንጣ ወይ ረኽሲ መዓንጣ

🛑ሃንደበት እንተኾይኑ ካብ ማህፀን ወፃኢ ጥንሲ ክኽወን ይኽእል።

⸻

🚨 መዓስ እዩ ህጹጽ ኩነታት?

ብህጹጽ ናብ ሕክምና

• ከቢድ፡ ሃንደበታዊ ወይ ዝገደደ ቃንዛ

• ሰዓል፡ ቁሪ

• ቀጻሊ ተምላስ

• ደም ኣብ ሰገራ ወይ ጸሊም ሰገራ

• ቃንዛ ምስ ምሕንካስ ወይ ምድንዛዝ

• ሽንቲ ምሕላፍ ዘይምኽኣል

• ቃንዛ ኣብ እዋን ጥንሲ

⸻

🧪 ብኸመይ ይምርመር?

✍️ሓኪምካ ክገብር ይኽእል እዩ፤
• ኣካላዊ መርመራ
✅ምርመራ ኣባላዘር( ፆታዊ ርክብ ሕማማት )
• መርመራ ሽንቲ
• መርመራ ደም
• ኣልትራሳውንድ ወይ ሲቲ ስካን (ኣድላዪ እንተኾይኑ) .

⸻

💊 ሕክምና (ከከም ጠንቂ ይምርኮስ)

‼️ካብ ምህፀን ወፃኢጥንሲን ምጥዋይን ብ መጥባሕቲ ይሕከም።

📌 ምሕቃቕ መግቢ፡ ፈሳሲ፡ ፋይበር፡ መለስለሲ ሰገራ

📌 ቃንዛ ጋዝ፡ ለውጢ ኣመጋግባ፡ ሲሜቲኮን።

📌ረኽሲ ኣባላዘር፥ ባዕልኽን መፃምድኽን ምሕካም

📌 ረኽሲ ሽንቲ: ጸረ-ነፍሳት

📌 ዳይቨርቲኩላይትስ፡ ጸረ-ነፍሳት ± ክንክን ሆስፒታል

📌 ጸጸር ኩሊት፡ ቃንዛ ምቁጽጻር፡ ማይ ምውሳድ

📌 ምጭብባጥ ጭዋዳታት፡ ዕረፍቲ፡ ሙቐት፡ መቐነሲ ቃንዛ

🙏ጠንቁ ከይፈለጥካ ሓያል መቐነሲ ቃንዛ ፈጺምኩም ኣይውሰድን ።

⸻

🛡️ ምኽርታት ምክልኻል

✅ መዓልታዊ ካብ 8–10 ብርጭቆ ማይ ስተዩ

✅ ልዑል ጽሕጊ ዘለዎም መግብታት (ፍረታት፡ ኣሕምልቲ፡ ምሉእ እኽሊ) ምብላዕ .

✅ ስሩዕ ምንቅስቓስ ኣካላት ምግባር

✅ ኣዝዮም ስብሒ ዘለዎም ወይ ጋዝ ዘፍርዩ መግብታት ምውጋድ

✅ ንሕማም ምሕቃቕ መግቢ ሸለል ኣይትበል

✅ ጽቡቕ ጽሬት ሽንቲን ቤት ሽቓቕን ምልምማድ

🛑 ፆታዊ ርክብ እንትገብሩ መኸላኸሊ ተጠቐሙ። ረኽሲ ኣባላዘር ንምክልኻል ።

⸻

ኣነ ዘሻቕለኒ ቓንዛ ግን እኒሆ ንሱ ድማ ብፀጋማይ ጎኒ ጀሚሪ ትሕቲ ሕምብርቲ እዩ። ብኡኡ ኣንፈት ከ ክኾን ይኽእልዶ?
መልሲ

ማህደር እንቋቁሖ ምጥዋይ
ረኽሲ ሽንቲ
ረኽሲ ኣባላዘር
ኹላሊት ፀፀር ካልኦትን
ትርፊ ኣንጀትናይ ምዃን ዕድሉ ፀቢብ እዩ።

📌 መልእኽቲ

መብዛሕትኡ ቃንዛ ጸጋማይ ታሕተዋይ ከብዲ ብወሃቢ ክንክን ጥዕና ክምርመር ኣለዎ።ደቂ ተንስትዮ ብስፔሻሊስት ጥንስን ማህጸንን ወይድማ መጥባሕቲ

02/02/2026

ሆስፒታል ባና !
መቐለ ዓዲ ሓውሲ

02/02/2026

‎👨‍⚕️ሕማም / Appendicitis ከመይ ይሕከም ?(ብ ዶ/ር ብርሃነ ጥላሁን - ስፔሻሊስት ሓፈሻዊ መጥባሕቲ)
‎_____________________________
‎👉 ሕማም ትርፊ ኣንጀት - ነድሪ ኣብ ዓብዪ መዓንጣ ዝተተሓሓዘ ንእሽቶ ቅርፂ ቱቦ ዘለዋ ብልሙድ ትርፊ መዓንጣ/Appendix እናተብሃለት እትፅዋዕ ክፍሊ ኣካል ሰውነትና እዩ።
‎
‎📌 ምልክታት እዚ ሕማም 'ታይ እዮም ?
‎
‎* ቃንዛ ከብዲ፡-
‎- እዚ እቲ ብኣብዝሓ ዝርአ ምልክት ኮይኑ ኣብ ጥቓ ሕምብርቲ ዝጅምር ድሒሩ ናብ ታሕተዋይ የማናይ ክፋል ከብዲ (McBurney's point ) ዝሰጋገር ቃንዛ 'ዩ ።
‎
‎* ረስኒ ፤
‎
‎* ምቕናስ ሸውሃት መግቢ፤
‎
‎* ከምኡ’ውን ሓደ ሓደ ግዜ ተምላስ ክህሉ ይኽእል እዩ፡፡
‎
‎* ምልክታት ኣብ ፍልያት ኩነታት : - ኣብ እዋን ጥንሲ ፥ ኣብ ህፃውንቲ ፥ ሰብ ዕድመ ፀጋ ፥ ኣብ ናይ ኣእምሮ ፀገም ዘለዎም ምልክታት ዘይልሙዳት ክኾኑ ይኽእሉ ፡፡
‎
‎📌 ብኸመይ ይሕከም ?
‎
‎* መጥባሕታዊ ሕክምና - እቲ ዕውትን ዘላቅን ሕክምና (Gold Standard) ትርፊ ኣንጀት እዩ ፡፡
‎
‎*ዘይተሓላለኸ ሕማም ትርፊ ኣንጀት (Confirmed uncomplicated appendicitis ) ፀረ-ረኽሲ መድሓኒታት ተጠቂምካ ምሕካም ይኽእል እዩ ፡፡ እንተኾነ ግን ካብ 25–30% እቲ ሕማም ዳግማይ ተመሊሱ ክደግስ /Recurrence rate/ ይኽእል እዩ ፡፡ ልዑል ጥንቓቀን ክትትልን ዝሓትት እዩ ፡፡
‎
‎*ኩሎም ዓይነታት ሕማም ትርፊ ኣንጀት : መግሊ(abscess)ዝፈጠረን ካልኦትን ብመጥባሕቲ ክሕከሙ ይምከር ።
‎
‎* ብቕልጡፍ እንተዘይተሓኪሙ ( ግቡእ ሕክምና እንተዘይተገይሩ ) :-
‎
‎1) ናብ መግሊ ምቕያር(Appendiceal abscess)
‎
‎2) ምሕባጥ (Appendiceal mass)
‎
‎3) ምብስባስ፡(Gangrenous appendex)
‎
‎4) ኣብ ሙሉእ ከብዲ መግሊ ምዝርጋሕን ረኽሲ ሽፋን መዓናጡን (Peritonitis)ን
‎
‎5) ሞት(Death) ከስዕብ ይኽእል፡፡
‎
‎👉 የስተውዕሉ ፡-
‎
‎- ሕማም ትርፊ ኣንጀት / Appendicitis ብዙሕ ግዜ ምልክታቱ ምስ ናይ መዓናጡ ረኽሲ ( Mesenteric lymphadenitis) ፥ ሕማማ ከብዲ (Gastroenteritis) ወይ ረኽሲ ትቦታት ሽንቲ ( Urinary tract infection) ስለዝመሳሰል ብዙሓት ሰባት ናይ ረኽሲ መድሓኒት ጥራሕ ክወስዱን እቲ ሕማም ሕልክላኻት(Complications ) ክፈጥር ንዕዘብ ኢና ፡፡
‎
‎ስለዚ ግቡእ ምርመራን ሕክምናን ብዝሰልጠና ብዓል ሞያ ምግባር ኣገዳሲ እዩ ፡፡
‎----------------------
‎ ሆስፒታል ናትና
‎ብሙሉእ ልቦም ዝግልገልሉ!
‎
‎🏩 ኣድራሻና፡- ከተማ ኣክሱም ጥቃ መነሃርያ ፊት ንፊት ብራና ሆቴል
‎
‎🏪 ንዝበለፀ ሓበሬታ ናብ ቁ.ስልክታትና 09-383-400-00 ወይ 09-255-111-11ይደውሉ፡፡
‎

01/02/2026

#ኤች ኣይ ቪ ዝሓዘን #ኣዶታት ብኸመይ ደቀን ይመግባ?

ብዶ/ር ኣቤል ጊደይ

📌ኤች ኣይ ቪ ዝሓዘን ኣዶታት እንትጠንሳ ናብ ውላደን ከይሓልፍ ስግኣት ኣሎ።
📌ነገር ግን ቕድሚ ምውላድ ፥ ኣብ ወሊድን ድሕሪኡን ብዝግበር ጥንቃቐ ምሕላፉ ምቕናስ ይከኣል። ነፃ ዝኾነ 🔴ቖልዓ ናይ ምህላው ዕድለን እውን ዝሰፍሐ እዩ!

▶️ቕድሚ ወሊድ
# መድሓኒት ምውሳድ
ኹለን ኤች ኣይ ቪ ዝሓዘን ኣዶታት እንትጠንሳ ፀረ ኤች ኣይ ቪ መድሓኒት ክወስዳ ግድን እዩ።
# ጥንቁቕ ግብረስጋ
ካብ ኣቦ ዝሓልፍ ቫይረስ ነቱ ቖልዓ ስለዝጎድኦ ጥንቁቕ ግብረስጋ ብምግባር ሓዱሽ ቫይረስ ምቕናስ
# በላሕቲ ነገራት ዘይምውሕሓስ
#ጥቡቕ ኽትትል ጥንሲ ምግባር

↖️ኣብ ወሊድ
# ኹለን ኤች ኣይ ቪ ዝሓዘን ኣዶታት ኣብ ህክምና ክወልዳ ምግባር
# ምድንጓይ ወሊድ ምቕናስ
# መድመይቲ ዘብዝሑ ኣወላድታት ምቕናስ

📍ድሕሪ ወሊድ
# ጥንቁቕ ግብረስጋ
# መድሓኒት ምቕፃል
# ኣመጋግባ ምስትውዓል
# መከላኸሊ መድሓኒት ቖልዓ ን6 ሰሙን ምሃብ

▶️ኣመጋግባ ዕሸላት ካብ ኤች ኣይ ቪ ዝውለዱ ብ ኣርባዕተ መንገዲታት ከምመማረፂ ክውሰዱ ይግባእ።
1. ጡብ ጥራይ ምጥባው

📌ምንም ነገር ብዘይ ምሕዋስ ጡብ ጥራይ ክሳብ 6 ወርሒ ምጥቃም። ከም ኻልኦት ቖል ዑ ምግቢ ድሕሪ 6 ወርሒ ምቕፃልይ ጡብ ምቕፃል።

2. ፀባ ጡብ ኣፍሊሕኻ ምሃብ
📌ፀባ ጡብ ኣፍሊሕኻ ምሃብ ኻልእ ኣማራፂ እዩ።
3. ታኒካ ፀባ ምሃብ
📌ታኒካ ፀባ ጥራይ ምሃብ ካልእ ኣማራፂ ኣመጋግባ እዩ። ዓቕሚ ምግዛእ ፥ ፅፈትን ኣጠቓቕማ ምፍላጥ ኣብ ግምት ክኣቱ ይግባእ።
4. ኻሊእ ሰብ ጡብ ምጥባው
📌ካብ ኤች ኣይ ቪ ነፃ ዝኾነ ካልእ ሰብ ክጠብው ምግባር።
ኣብ ምጥባው ጥንቃቐ
# ጡብ ጥራይ ምሃብ
#ስንጣቕ ከይህልዎ ምስውዓል
# ሕባጥ ከይህልዎ ምስውዓል
# መድመይቲ ጫፍ ጡብ ከይህልዎ ምስውዓል

💊ግጉይ ልምድታት ናብ ኤች ኣይቪ ዘቃልዑ
#ሓዋዊስካ ምሃብ
#ምዕንቃር
#መድሓኒት ምሕዳግ
# ጥንሲ ኽትትል ዘይምግባር
# መድሓኒት መከላኸሊ ፀረ ኤች ኣይ ቪ ንቖልዑ ዘይምሃብ
# ስንጣቕ እናሃለው ምጥባው

ጥዕና ይሃበለይ!

31/01/2026

‎👨‍⚕️ምልክታት ካንሰር ኣፍ ደገ ማህፀን ♀️
‎|ብ ዶ/ር ብርሃነ ፍትዊ -ስፔሻሊስት ሕማማት ማህፀንን ጥንስን|
‎_____________________________
‎🖊 እዞም ዝስዕቡ ምልክታት ሕማም ካንሰር ኣፍደገ ማህፀን ክኾኑ ይኽእሉ 'ዮም ፡-
‎
‎* ዘይንቡር ምፍሳስ ደም ካብ ማህፀን (ኣብ መንጎ ወርሓዊ ፅግያትን ድሕሪ ፅግያትን) ፣
‎
‎* ቃንዛ ሽምጢ ፥ ከብዲ ፣
‎
‎* ቃንዛ ኣብ እዋን ፆታዊ ርክብ ፣
‎
‎* ድሕሪ ፆታዊ ርክብ ምፍሳስ ደም ፣
‎
‎* ክብደት ሰብነት ምቕናስ ፣
‎
‎* ምሕባጥ እግሪ (lymphedema)፣
‎
‎* ብሰንኪ ምስፍሕፋሕ ሕበጥ ዘይንቡር ምልክታት ሽንቲ ወይ ፍታን/Urinary or re**al symptoms ይህሉ ፣
‎
‎* ዘይልሙድ ፈሳሲ ካብ ማህፀን ህላወ ካንሰር ኣፍደገ ማህፀን ከመላክቱ ዝኽእሉ እዮም።
‎
‎* ይኹን 'ምበር እዚ ሕማም ንነዊሕ ግዜ ምልክታት ከየርአየ ክፀንሕ ይኽእል እዩ ፡፡
‎
‎ስለዚ ካብዞም ኣብ ላዕሊ ተዘርዚሮም ዘለዉ ምልክታት ሓደ ወይ ካብ ሓደ ንላዕሊ እንተሃልዩኪ ምርመራ ክትገብሪን ብኣጋ ሕክምና ክትረኽቢ ይግባእ ፡፡
‎
‎እቲ ዝበለፀ ድማ ኣብ ትካል ጥዕና ስሩዕ ቅድመ ካንሰር ምርመራ ማህፀን እተተገይሩ መብዛሕቲኡ መንሽሮ ኣፍደገ/በሪ ማህፀን ምክልኻል ይክኣል 'ዩ::
‎
‎👉 N.B : - ኣብ ሆስፒታል ናትና ኣክሱም ብስፔሻሊስት ሓኻይም ሕማማት ማህፀንን ጥንስን ብዘመናዊ ናውቲ ሕክምና ዝተሓገዘ ግልጋሎት ምርመራ ካንሰር ኣፍደገ/በሪ ማህፀን ኣብ ምሃብ ይርከብ፡፡
‎
‎----------------------
‎ ሆስፒታል ናትና
‎ብሙሉእ ልቦም ዝግልገልሉ!
‎
‎🏩 ኣድራሻና፡- ከተማ ኣክሱም ጥቃ መነሃርያ ፊት ንፊት ብራና ሆቴል
‎
‎🏪 ንዝበለፀ ሓበሬታ ናብ ቁ.ስልክታትና 09-383-400-00 ወይ 09-255-111-11ይደውሉ፡፡

30/01/2026

ሰምሃል ሆስፒታል መቐለ!

30/01/2026

ግድን ክረኣይ ዘለዎ !

ሕማም መንሽሮ ኣፍደገ/ክሳድ ማህፀን (Cervical Cancer) :* መንሽሮ ኣፍደገ ማህፀን** ወይ **መንሽሮ ክሳድ ማህፀን** ተባሂሉ ይፍለጥ።* እዚ ሕማም'ዚ ኣብቲ ናይ ማህፀን ታሕተዋይ ክፋል (ኣፍደገ ማህፀ.....