30/10/2025
ቖልዑ እኹል ጡብ ምጡባቦም ብኸመይ ንፈልጥ
ዶ/ር ኣቤል ጊደይ
1. ምልክታት ምፅጋብ
ሓደ ህፃን ልክዕ ድሕሪ እኹል ምጥባው ጡብ ይደፍኦ ፀባ ክፈስስ ይገብሮ። መብዛሕቲኡ ግዜ ልፀግቡ ብውሑድ እታ ሓንቲ ጡብ ወዲኦም ተጠቢዎም እዮም።
2. ምዝንናይ
ድሕሪ ምጥባቅ ምዝንናይ ወይ ምጭዋት ሓደ ቖልዓ እኹል ልኾነ ጡብ ከም ልጠበወ የርኢ። ኢዱይ እግሩይ ክዝርግሕ ይዓፅፍ ።
3. ምጉሳዕ
እኹል ፀባ ተጠቢው ኣብ ኸስዐ ለሎ ኣየር የውፅኦ።በዚ ድማ ምጉሳዕ ይህሊ።
4. እኹል ሽንቲ
ሓደ ቖልዓ ድሕሪ ምጥባው እኩል ልኮነ መጠንን ተደጋጋሚ ክሸን ንሪኦ። ኣብ መዓልቲ ምንም ዘይምሽናው ናይ ዘይምጥባው/ ጥምየት ምልክት እዩ።
5. ንቕሓት
ኣእምሮና ብኣብ ደም ለሎ መጠን ሽኮር ኣቐዲሙ ልጉዳእ ኣካል እዩ።ጥምየት ተሃልዩ ድማ ንቕሓቶም ይቕንስ።
6. ክብደት ምውሳኽ
ናይ መጀመርታ 10-14 መዓልቲ ሓደ ህፃን ኽብደቱ ይቕንስ። ብድሕሪኡ ግን ኽብደቱ ካብ መዓልቲ ናብ መዓልቲ እናዋሰኸ ይኸድ። ናይ መጀመርያ 3ወርሒ 30 ግራም ብመዓልቲ ክውስኹ ይረኣይ።
7. ተኸኽ እልካ ዘይምብካይ
ምብኻይ ቋንቋ ቖልዑ ኾይኑ ክሳብ 3 ሰዓት ኣብ መዓልቲ ክበኽዩ ይረኣይ። እዚለ ቑርፅ ቑርፅ ኢሉ ይህሊ። ተደጋጋሚ ምብኻይ ካብ ለስዕቡ ነገራት ሓደ ጥምየት እዩ።
8. ጡብ ምልስላስ
ቖልዓ እኹል ልኾነ ፀባ ተጠቢው ጡብ ጥርሑ ይኾን ። ጡብ ምልስላስ ድማ ይህሊ።
9. ተደጋጋሚ ስገራ ምውፃእ
ሰገራ ምውፃእ እኩል ዝኾነ ምግቢ ምህላው የርኢ። መብዛሕቲኡ ግዜ ብውሑድ 2-3 ብመዓልቲ ምውፃእ ይህሊ።
10.ሕብሪ ቖርበት ኣብ ንቡር ምዃን
ዝጠውለገ ሕብሪ ቖርበት ወይም ምብጫው ናይ ምጥማይ ምልክት እዩ። ልስሉስን ቐንጪውካዮ ዝምለስ ቖርበት እኩል ሰውነት ጠሊ ሃምለለዎ የርኢ።
