ዶ/ር ሳለአምላክ ጥጋቤ: የህፃናት ቀዶ ህክምና ስፔሻሊስት እና ረዳት ፕሮፌሰር (2025)

26/07/2025

28/06/2025

ሠላም ዶ/ር። ልጀ ከተወለደ 1ወር ሆኖታል። ከ9 ቀኑ ጀምሮ ህክምና እየተከታተለ ነው። የምርመራ ውጤቱ biliary atresia ያሳያል ሰርጀሪ ሊያስፈልገው ይችላል ብለውኛል።ምን ይሻለኛል?(የወላጅ ጥያቄ)

🌡ውድ ጠያቂያችን ልጅዎ biliary atresia እንዳለበት ማወቅ ለእርስዎ ከባድ፣ ግራ የሚያጋባ እና ስሜታዊ የሚያደርግ ሊሆን እንደሚችል እንረዳለን።

🌡ምናልባት እነዚህ ጥያቄዎች በውስጥዎ ሊመላለሱ ይችላሉ፡

"ይህ ማለት ምን ማለት ነው? በኛ ስህተት የመጣ ነው? ምን ብናደርግ ይሻላል? ቀጥሎ ምን ሊሆን ይችላል? ወዘተ "

🌡ላረጋግጥልዎ የምፈልገው እርስዎ ብቻዎን አይደሉም - ብዙ ወላጆች ልጆቻቸው ተመሳሳይ ችግር ያጋጠማቸው እንዳሉ እና ችግሩ መታከም እንደሚችል ነው።

🌡ከዚህ በታች ለምነሱ ጥያቄዎች ምላሽ መስጠት ሁኔታውን ለመረዳት፣ ምን አይነት ምልክቶች እንደሚኖሩት፣ እንዴት እንደሚታከም እና ከሁሉም በላይ ደግሞ ተስፋ እንዲሰጡዎት ይረዳዎታል ብለን እናስባለን።

✍ጥያቄ 1: Biliary Atresia ምንድን ነው?

🌡Biliary atresia አዲስ በሚወለዱ ሕፃናት ላይ ያልተለመደ የሐሞት ቦይ(Biliary System) ችግር ሲሆን በጉበት ውስጥ ቆሻሻን ለማስወገድ የሚረዱት የሐሞት ቱቦዎች ሲዘጉ ወይም ሳይፈጠሩ ሲቀሩ የሚከሰት ችግር ነው።

🌡ይህም ሐሞት በጉበት ውስጥ ይጠራቀማል፣ ወደ ሰውነት ይሰራጫል(ሰውነት ቢጫ ይሆናል) እና በጊዜ ሂደት ጉበት ላይ ጠባሳን ያስከትላል።

🌡ከዛም ጉበትን ሙሉ በሙሉ ከጥቅም ውጭ ያደርጋል!

✍ጥያቄ 2: የሐሞት ፍሰት ለምን ጠቃሚ ነው?

💊ሐሞት ከተመረተ ከ2 ሳምንታት በላይ የሚቆይ ሲሆን ስብን ለመፍጨት እና ቆሻሻን ለመሸከም የሚረዳ ከጉበት የሚመረት ፈሳሽ ነው።

💊በተዘጋ የሞት ቱቦ ምክንያት በትክክል መፍሰስ በማይችልበት ጊዜ ጉበት ላይ ይጠራቀማል ፣ ጉበት ያብጣል እና ይጎዳል።

💊 በመጨረሻም ካልታከመ ጉበት ይደክማል።

✍ጥያቄ 3: መንስኤው ምንድን ነው?

💉ትክክለኛው መንስኤ አይታወቅም

💉 በእርግዝና ወቅት ወላጆች ካደረጉት ወይም ካላደረጉት ነገር ጋር የሚገናኝ አይደለም።

💉ከዘር የሚተላለፍ ወይም ተላላፊ ችግርም አይደለም።

✍ጥያቄ 4: የሚታዩ ምልክቶች ምን ምን ናቸው?

🩺ከ2 ሳምንታት በላይ የሚቆይ የቆዳ ቢጫ መሆን

🩺ፈዛዛ ግራጫ ወይም ነጭ ሰገራ

🩺ጠቆር ያለ ቢጫ ሽንት

🩺የሆድ መነፋት

🩺የሰውነት ክብደት አለመጨር

✍ጥያቄ 5: ሕክምናው ምንድን ነው?

💉ብቸኛ ሕክምናው ቀዶ ጥገና ነው

💉ይህም "Kasai Procedure" ተብሎ ይጠራል( የሐሞት ቱቦዎችን በትንሹ አንጀት መተካት)

💉 በምርመራ ከተረጋገጠ ከ3 ወር እድሜ በፊት በትክክል ከተሰራ ውጤቱ አሪፍ ይሆናል።

✍ጥያቄ 6: ወላጆች ምን ማድረግ አለባቸው?

💊የሕክምና ምክሮችን በጥብቅ መከታተል

💊መደበኛ ክትትል እና የደም ምርመራዎችን በተገቢው ጊዜ ማድረግ

💊የኢንፌክሽን ምልክቶችን ማወቅ ና ቶሎ እንዲታከሙ ማድረግ

💊የሰውነት ብጫነትን ወይም የሰገራ/የሽንት ቀለም ለውጦች መከታተል

💊እንደ ባለሙያ ምክር ትክክለኛውን አመጋገብ መከተል

💊በጣም ከተጨነቁ የስነ ልቦና ድጋፍ ለማግኘት እርዳታ መጠየቅ ምንም ችግር የለውም።

ያስታውሱ፡

🌡ብቻዎትን አይደሉም
🌡ብዙ ቤተሰቦች በዚህ ሁኔታ ውስጥ አልፈዋል
🌡ወቅቱን የጠበቀ ህክምና፣ ድጋፍ እና እንክብካቤ እንዲደረግላቸው በማድረግ የመትረፍ እድል አላቸው።

ህፃናት በሁሉም ቦታ በቂ እንክብካቤ እንዲያገኙ እንሰራለን!!!

አዘጋጅ:
ዶ/ር ሳለአምላክ ጥጋቤ:
የህፃናት ቀዶ ህክምና ስፔሻሊስት ሐኪም
Dr. Saleamlak Tigabie:
MD, Pediatric Surgeon, FCS-ECSA

👉ለበለጠ መረጃ ፣ ቀጠሮ ለመያዝ እና ነፃ የምክር አገልግሎት :

📱0911441651

👉Gmail: saleamlaksati@gmail.com

👉(በግል ለማናገር፣ ፎቶ ለመላክ)

https://t.me/DrSaleamlakT

https://www.facebook.com/ዶር-ሳለአምላክ-ጥጋቤ-Pediatric-Surgeon-100878625359706/

17/06/2025

❌ 🌟 እባካችሁ ወላጆች ጥንቃቄ አድርጉ ❗️

ለወላጆች ትምህርት ይሆናል ብዬ ስላሰብኩት በስራ ላይ እያለሁ ያጋጠመኝን ያልተለመደ አስደንጋጭ ክስተት ላካፍላቹ።

ይህ በደረት ራጅ ምስል ላይ የሚታየው የ6 ወር ህፃን በሚያሳዝን ሁኔታ እናቱ እንዲጫወትበት የሰጠችውን ቁልፍ በድንገት ውጦት እንደተገኘ ያሳያል።

እናትን ስንጠይቃት ልጁ የዋጠው ሁለት ቁልፍ እስከነ ማንጠልጠያ ቀለበቱ እንደሆነ ነገረችን። በፊት ለፊት እና በጎን በኩል በተነሳው የደረት ራጅ ምስሉ ላይ ቁልፎቹ እስከ ማንጠልጠያቸው በግልፅ ይታያሉ።

እንደ እድል ሆኖ ልጁ ላይ ምንም ጉዳት ሳይደርስ በቀላል ማደንዘዣ በድንገተኛ ህክምና ቁልፎቹን ልናወጣለት ችለናል።

ይህ ችግር በተደጋጋሚ ህፃናት ላይ ሲከሰት ይስተዋላል።
በአብዛኛው ከተለመዱ የሚዋጡ በዐድ ነገሮች መካከል
✔️ ሳንቲም ፣
✔️ የእስኪሪብቶ ክዳን ፣
✔️ የእጅ ሰአት እና ትናንሽ የመጫወቻ እቃዎች ባትሪ አይነቶች ፣
✔️ ጥራጥሬ (አተር ፣ ሽምብራ ፣ ባቄላ ፣ ለውዝ የመሳሰሉት) እና
✔️ ትናንሽ በዐድ መጫወቻ እቃዎች ይካተታሉ።

እነዚህ የጠቀስኳቸውን ነገሮች ህፃናት በአፋቸው ይዘው ሲጫወቱ ወይም ባለማወቅ በድንገት ከዋጧቸው ልጆቹ ላይ ከቀላል የጤና እክል እስከ ህይወትን ሊቀጥፍ የሚችል ድንገተኛ አደጋን ሊያስከትልባቸው ስለሚችል በተቻለ መጠን በተለይ እድሜያቸው ከ3 አመት በታች ለሆኑ ህፃናት አለመስጠት ወይም ከሚጫወቱበት አካባቢ ማራቅ ይመከራል።

ዶ/ር ዮናታን ከተማ: የህፃናት የቀዶ ህክምና ሬዚደንት ሀኪም

ሰላምና ጤና በያላችሁበት ይሁን

ምንጭ : ሀኪም ገፅ

http://t.me/DrSaleamlakT

16/06/2025

06/03/2025

TikTok | Make Your Day

ዶ/ር ሳለአምላክ ጥጋቤ: የህፃናት ቀዶ ህክምና ስፔሻሊስት እና ረዳት ፕሮፌሰር

26/07/2025

28/06/2025

17/06/2025

16/06/2025

06/03/2025

Address

Telephone

Website

Alerts

Contact The Practice

Shortcuts

Share