08/06/2024
Dhukkuba Busaa Waliin Haa Ittifnu !!
Dhukkubni busaa dhibee orgaanizimii pilaasmoodiyeemii jedhamuun kan dhufu yoo ta’u, dhukkubni kun nama dhukkubsataa irraa gara nama fayyaatti kan daddarbu bookee busaa (Anopheles mosquito ) jedhamtuuni.
:
Mallattoowwan nama dhukkuba busaatiin qabame tokko irratti mul’achuu danda’an gubaa qaamaa (ho'inni qaamaa dabaluu), qorrisiisuu, dafqisiisuu, bowwuu mataa, hollachuu qaamaafi hoqqisiisuu(ol deebisuu) dha.
Mallattooleen kunniin nama kamirrattuu yoo mul’atan dafanii gara dhaabbata fayyaatti geessuun yaala fayyaa akka argatan gochuu qabna.
Tooftaalee ittisa dhukkuba busaa:
✍Saaphana siree keemikaalaan cuuphame bakka ciisichaatti sirnaan fayyadamuu
✍Keemikaala farra bookee buusaa keenyaa/ dhaaba manaatti biifsisuu
✍ Iddoowwan wal hormaata bookee busaaf mijatoo ta’an /bishaan ciisaa faayidaa hin kennine, raaree/ dhaqidhaqii/ dhabamsiisuudha.
Oromiyaa keessatti iddoowwan baay'eetti waktiin kun yeroo dhukkubni busaa itti heddummatu waan taheef of eeggannoo barbaachisu gochuuniifi yemmuu mallattoon armaan olii namarratti mul'atu gara mana yaalaa deemuun qoratamuun barbaachisaadha.
Waliin taanee dhibee busaa haa ittisnu!
Fayyaa hundaaf!
Biiroo Fayyaa Oromiyaa
