14/03/2026
【你係肥？定係胖？】三種實胖的體質。
你屬於虛胖定實胖？中醫其實會分得好清楚。
肥，可以係一種生理性的健美，代表身體氣血充足、體態健康。
胖，多數屬於病理性的發胖，代表身體出現失衡。
如果用同食物嘅關係嚟分類，大致可以分為兩大類：① 攝入型「實胖」② 非攝入型「虛胖」
今次先講第一類：攝入型實胖證。通常有三種情況：
1️⃣ 經常肚餓型呢類人食完唔耐又餓，多數屬於胃火偏旺。可以適量飲少量綠茶，幫助抑制食慾；亦可以按壓耳朵上的**「飢點」**，按幾分鐘，很多時想食嘢的感覺會慢慢減弱。
2️⃣ 心理想食型有時唔係身體餓，而係心想食。可以問吓自己：
係心癮？定係身體其實需要某種味道？
• 心癮型：多數想食明顯唔健康嘅食物例如蔗糖、零食、生冷食物
屬於這種就需要及時節制，可轉移視線使自己忙碌，離開食物的引誘。如果縱慾，這些慾望和心癮就會越來越糾纏，日後跌落無盡惡性循環中不能自拔。
• 身體需要型：有時突然好想某種味道，例如懷孕時突然偏好酸味。
屬於這種就要留意，一般是心神在告訴你身體的需要，千萬不要忽視。可諮詢中醫身體需求這些味道的含意。
3️⃣ 胡食亂食型：
呢類人通常工作太忙，經常錯過正餐時間，見到乜就食乜，食完兩個鐘再問佢「啱啱食咗乜」，自己都未必記得。
因為心神全部放喺工作，消化系統根本未被「喚醒」，所以食物容易堆積。
建議兩件事：
• 留意身體真正肚餓嘅訊號
• 做嘢時唔好食嘢，食嘢時唔好做嘢
身體食飽，心先會安。
心神安定，身體先唔會亂積脂肪。
下一篇再講：非攝入型「虛胖」
