https://www.facebook.com/2531435836869041/

الرسام حاتم - أبو سبيب, Bolton (2025)

14/07/2025

للناس الما جايبة خبر بالحاصل في غرب السودان

14/07/2025

حقنة صغيرة في الإلية الشمال ،،، يمكن تصحصح بيك

https://www.facebook.com/share/14ENVRQTE5U/?mibextid=wwXIfr

قبل شوية كنت بتناقش مع واحد معرفة ثانوي ، هو شاب طيب جداً وأنصار سنة وما بنتمي لي أي حزب سياسي ، شاب جميل المعشر وصادق جداً لا يكذب وصلواتو ال٥ في الجامع او جماعة في البروش .
خريج كلية الشريعة جامعة أمدرمان الاسلامية وعمرو ٤٤ سنة .
المقدمة دي ☝️ عشان تعرفو انو مستوي الوعي ما عندو علاقة بي تعليم وان كان جامعي أو يدعي أنه متدين .
كان الحوار كالأتي :
صديقي : عليك الله يا الطيب شيل صورة السكران ده ( يقصد دكتور حمدوك ) من الفيس .
انا : ههههههههه انا شلت صورة دكتور حمدوك الأشرف مني وختيت صورة محجوبنا ( الصفحة القديمة ) الأشرف منك ومن دكتور حمدوك ، لكن انا حظرتك زماااااان 😂😂😂 .
صديقي : ما مهم تحظرني ولا لا لكن السكران ده شيل صورتو .
انا : سؤال يا .... : رايك شنو في برخان ؟
صديقي : أرجل سوداني ( وخلف رجلو ) 😂
انا : هل عهدت علي كذب ؟
صديقي : لا
انا : حتصدقني لو قلت ليك حاجة ؟
صديقي : شنو
انا : دكتور حمدوك ما بسكر ، والبرخان بسكر 😂
صديقي عربد وزبد وورجغ وقالي يا زول بسكر
انا : خسارة صلاتك الفي الجامع ودقنك دي ، ودكتور حمدوك لو خاصمك يوم القيامة انا بشهد انك قلت عليو بسكر وهو ما بسكر .
صديقي : يا زول ده عميل عديل خلينا من السكر التافه ده .
انا : عميل لي منو ؟
صديقي : عميل للامارات
انا : 😂😂😂😂😂 انا بتحداك تثبت إنو دكتور حمدوك عميل للامارات واسي انا بطلع تلفوني بثبت ليك الأرجل سوداني ( البرخان ) عميل لي إس،را،ئيل 😂 .
انت عارف انو البرخان قال لازم نطبع مع إس،را،ئيل ودكتور حمدوك قال ده قرار هو ما حيطلعو وما من حق زول يفتي في موضوع التطبيع الا بعد تشكيل البرلمان ، وهو الجهه المخولة بالتصديق للتطبيع أو لا ( قاصد البرلمان ) ، وازيدك من الشعر بيت انو بعد كلام دكتور حمدوك طوالي البرخان مشي وقعد مع النتنياهو 😛 .
انا : اها تاني غير سكران وعميل في شنو ؟
يا زول سكران وعميل وداير يخلي بنات السودان ش... واولاد السودان ل... ( أترفع عن ذكر الالفاظ ) .
انا : ربنا سبحانه وتعالي قال ( ختم الله علي قلوبهم ) وربنا ختم علي قلبك انك ما تشوف الصح ( ودي ما سياسة ، ده دين والله بسألك منو يوم القيامة وبسألك من موقفك ودعمك للبرخان السكران العميل ) .
صديقي : يا زول ما تكتر انتوا قحاطة شيوعيين جيتونا من وين الله لا كسبكم دنيا ولا آخرة . في زمن عمر البشير ياخ لا في حرب لا شفنا الشفناو في عهدكم لا اتبهدلنا زي ما بهدلتونا وشردتونا من بيوتنا الله ينتقم منكم .
انا : هههههههههه اهدا يا زول ما تهيج
صديقي : اهدا شنو هو انتوا خليتوا فيها اهدا بلا يخمكم
انا : 😂😂😂😂😂😂😂😂😂😂😂😂😂😂😂
صديقي : عليك الله خلبنا من السياسة ياخي بالله بناتك كيف ؟ يا بت جيبي موية ده نشف ريقي .
انا : دي ما سياسة ، ده دين . ثانيا انا ما قحاتي إلا لو انت ما عارف يعني شنو قحاتي . ثالثا الشردوك والبهدلوك ديل الناس القوموا الحرب ما القحاته لانو القحاته بره الحكم من ٢٠٢١ والحرب قامت ٢٠٢٣ للمعلومية بس . والكيزان المعجب بيهم ديل هم العملوا الدم السريع الشردك ،وهم القومزا الحرب واسي بطلع تلفوني اوريك قالوا انهم حيقوموا الحرب قبليها بي يومين ، والكيزان هم الانقلبوا علي حكومة الثورة الشرعية ( صديقي مقاطعاً ثورة شنو ياخ ديل كلهم ش.... و ل.... ) . عارف يا ... صدق القائل ( لو أمطرت السماء حرية لوجدت بعض العبيد يحملون المظلات ) .
صديقي : ااي ياها فلسفتكم
انا : يا هو الحق ولك ان تتبعو ولك ان تضل عنو ، ونصيحتي ليك اغتسل وخش الاسلام من الأول وراجع الاحداث في السودان لآخر ١٠ سنين بعد تطفي نور الغرفة وتأمل في الأحداث أظنك حتصل للحق .
صديقي : ياخي انت بارد خلاص .
انا : ما برود لكن عشان بحبك ما نفسي تدخل النار
صديقي : 😂😂😂😂😂😂 النار ادخلها بسببكم انتوا يا قحاته ؟ والله هانت
انا : عشان تعرف انك ما عايز تشوف الحقيقة مع انها قدامك ، اسي انا وريتك ، انا ما قحاتي ولا أنتمي لأي حزب سياسي أو جماعة سياسية او دينية أو منظمة وانت تعلم كده تماما ومع كده بتصفني بالقحاتي .
صديقي : ما هم اصحابك وبتدافع ليهم .
انا : الغريبة ٩٠٪ من اصحابي كيزان ما قحاته ، و انا ما بعادي الاشخاص انا بعادي الافكار ، ومعاداتي للافكار بالنقاش ما بالعنف ولا الكره .
صديقي : يا زول عليك الله خلينا من قحاته ولا كيزان ولا زفت كلهم رمم .
انا : 😂😂😂😂😂 تمام يا زول
حوار حقيقي دار بتاريخ ١٣/٧/٢٠٢٥ مع أحد المغيبين المغفلين الجاهلين ، الله يهديهم ويصلح بالهم ويهم للطريق القويم وانا لله وانا اليه راجعون .

#الطيب

#لاللحرب

12/07/2025

قرار انك تبطل تجادل الناس ده اصح قرار لسلامك النفسي
ماتجادل أي زول
الجاهل نهائي ما حا يفهم
والعنيد نهائي ما حا يقتنع
والمتحيز نهائي ما حا يسمع
و الزول الانتهازي حا يستغل أي كلمة تقولها لصالحه و يستخدمها ضدك
الحياة الهادية جميلة جداً، خلي العايز يتكلم يتكلم
والعايز يصدق يصدق, و ما تحاول تفرض رائك و مبادئك على
زول
اتعلم متين تسكت .. و خليك عارف ان كل الناس عارفة الصاح والغلط
فماااا تتعب نفسك.

و دمتم

Address

Bolton

Telephone

+447490191431

Website

facebook.com

Alerts

Be the first to know and let us send you an email when الرسام حاتم - أبو سبيب posts news and promotions. Your email address will not be used for any other purpose, and you can unsubscribe at any time.

الرسام حاتم - أبو سبيب

14/07/2025

14/07/2025

12/07/2025

Address

Telephone

Website

Alerts

Shortcuts

Share

Category