25/01/2021
Hoffai staff a chleifion Ward 11 ddiolch i Stephen Morris, cefnogwr y GIG, am godi £180 ar gyfer y ward, ac i enillydd y raffl, Jonny Williams, am roi ei wobr £100 fel rhodd. Yn ogystal, gwnaeth Sarah Davies a’r tîm yn Asda Merthyr Tudful roi £100 i ni eto!
Dywedodd y nyrs staff, Matthew Tovey (yn y lluniau gyda’i gydweithiwr Bethan Chamberlain ar y ward, a gyda Sarah a’r cynorthwyydd gofal iechyd, Cathy Wilkes, yn Asda): “Mae’r pandemig wedi bod yn hynod o anodd i staff a chleifion fel ei gilydd. Mae’n gyfnod emosiynol i bawb, yn enwedig oherwydd bod teuluoedd yn methu ymweld â’u hanwyliaid.
“Gan ddefnyddio’r a***n gafodd ei godi rydyn ni wedi gallu prynu ewyn eillio, raseli o ansawdd da, siampŵ, cyflyrydd gwallt, gel cawod, llyfrau lliwio ymwybyddiaeth ofalgar, cylchgronau gyda chwileiriau, gemau bwrdd, posau, seinydd Bluetooth, dŵr potel a blychau storio.
“Hoffen ni hefyd ddiolch yn fawr i Sarah a’r tîm yn Asda. Rydyn ni wir yn gwerthfawrogi eich gwaith caled a’ch ymroddiad, fel pobl sydd hefyd yn gweithio yn y rheng flaen. Dydych chi ddim yn cael y gwerthfawrogiad rydych chi’n ei haeddu.
“Mae hyn wedi codi hwyliau staff Ward 11 mewn cyfnod pan oedd angen gwneud hynny. Maen nhw wedi gweithio’n ddiflino trwy gydol y pandemig, a bydd hyn yn ein galluogi i roi’r gofal gorau posib i’n cleifion. Mae Stephen bellach wedi codi bron i £45,000 i’r GIG ac i elusennau lleol. Mae pobl Merthyr wir yn dod at ei gilydd mewn argyfwng.”
