28/12/2021
💫💖👇მიჰყევით რეკომენდაციებს. 2️⃣0️⃣2️⃣2️⃣ წლიდან გადაასხვაფერეთ თქვენი ცხოვრება და იყავით ბედნიერი...
💪 1️⃣👉იყავით კეთილგანწყობილი და თანამგრძნობი საკუთარი თავის მიმართ. გააკეთეთ რაიმე კარგი სხვისთვის და ამისთვის საკუთარი თავი შეაქეთ!
🧘♀️🧘♂️ 2️⃣👉 ივარჯიშეთ. ხანმოკლე სიარულიც კი ამცირებს სტრესს და ზრდის მხნეობას. რეგულარული ფიზიკური აქტივობა აუმჯობესებს განწყობას, კონცენტრაციას, შეუძლია შფოთვისა და დეპრესიის სიმპტომების შესუსტება.
🍐🥕🧀 3️⃣👉იკვებეთ ჯანსაღად. მიიღეთ ხილი და ბოსტნეული. მიეძალეთ წყალს. ჯანსაღი კვება გულისხმობს ასევე ჯანსაღ დამოკიდებულებას კვების მიმართ. მიირთვით მეგობრებთან ერთად, მოსინჯეთ ახალი საკვები. არ იყოთ საკვებზე დამოკიდებული. თუ აღმოაჩენთ, რომ საკვებთან ურთიერთობა უარყოფით ზეგავლენას ახდენს თქვენს ფიზიკურ და ფსიქიკურ ჯანმრთელობაზე, მიიღეთ ინფორმაცია კვების დარღვევების შესახებ და გადადგით ქმედითი ნაბიჯები საკუთარი თავის დასახმარებლად.
🛌 4️⃣👉იძინეთ ხარისხიანად. ადექით და დაიძინეთ ყოველდღიურად ერთსა და იმავე დროს. მათ შორის შაბათ-კვირასაც და არდადეგებზეც. რაც შეეხება ძილის ხანგრძლივობას, თინეიჯერებმა იძინეთ 8-10 საათი, 20 წლიდან ზევით კი - სულ მცირე 7-8 საათი.
🤳 5️⃣👉"დააძინეთ" ეკრანები მანამ, სანამ დასაძინებლად დაწვებით თავად. კვლევებმა აჩვენა, რომ ძილის წინ ეკრანებისთვის ცქერას უარყოფითი გავლენის მოხდენა შეუძლია როგორც ჩაძინების დროზე, ასევე თავად ძილის ხარისხზე. ეკრანის ცისფერი შუქი უარყოფით გავლენას ახდენს მელატონინის გამომუშავებაზე. ეს არის ჰორმონი, რომელიც ჩაძინებისა და გაღვიძების ციკლს არეგულირებს.
🗣 6️⃣👉 დღის განმავლობაში ერთხელ მაინც გქონდეთ ეპიზოდი, როცა ისუნთქებთ ღრმად. კარგად ჩაისუნთქეთ პირით და ასევე პირიდან ძალიან ნელა ამოუშვით ჰაერი. გაიმეორეთ რამდენჯერმე...
🤝🤗 7️⃣👉 შეინარჩუნეთ კონტაქტები მეგობრებთან, ოჯახის წევრებთან, ცხოველებთან... უცხო ადამიანთან მეგობრული მისალმებაც კი შეიძლება იქცეს დადებითი ემოციების წყაროდ. ყურადღება გაამახვილეთ ურთიერთობების ხარსხზე და არა რაოდენობაზე. თუ ვინმე მხარს გიჭერთ, გაბედნიერებთ, სასარგებლოდ გაგრძნობინებთ თავს, მოსწონხართ, უყვარხართ, ან რაიმე სხვა დადებითი განცდები გაკავშირებთ მასთან, აუცილებლად შეინარჩუნეთ მსგავსი კავშირები.
✏ 8️⃣👉თავი მოუყარეთ საშუალებებს, რაც დაგამშვიდებდათ. განტვირთვას და სიმშვიდის შენარჩუნებას შეიძლება პრაქტიკა დასჭირდეს. გააკეთეთ ნუსხა, რა საშუალებებით გათავისუფლდებოდით სტრესისგან. სცადეთ. თუ იმუშავა, ისევ გაიმეორეთ. უბრალოდ გახსოვდეთ, რომ მიიწევთ კეთილდღეობის მოსაპოვებლად. მოკლევადიანი საშუალებები მაგალითად, დამამშვიდებელი აბები, ალკოჰოლი, ნარკოტიკი არ გვეხმარება გრძელვადიანი კეთილდღეობის მოპოვებაში, ამიტომ გადახაზეთ ის თქვენს ნუსხაში და ჩაანაცვლეთ მაგალითად, ლამაზი ადგილის წარმოსახვითი სურათით ან რეალური ფოტოთი, რომელსაც ოდესმე მოინახულებთ.
👥👣 9️⃣👉მოიძიეთ ვინმე, ვინც იქნება თქვენი მხარდამჭერი და პირიქით, თქვენ იყავით სხვისი მხარდამჭერი. მხარდამჭერი შეიძლება იყოს მეგობარი, ოჯახის წევრი, ოჯახის ექიმი, ფსიქოლოგი... თუ ადამიანი, რომელსაც იპოვით, ვერ გიჭერთ მხარს სათანადოდ, მოძებნეთ სხვა თქვენი საჭიროებებისთვის შესაფერისი სუბიექტი. ანალოგიურად, თუ თქვენ ირგვლივ ვინმე ცუდად გრძნობს თავს, ჰკითხეთ საკუთარ თავს, რისი გაკეთება შეგიძლიათ, რომ კარგად იგრძნოს მან თავი და თქვენ იყოთ მისი მხარდამჭერი.
🎯👣 1️⃣0️⃣👉 გადადგით მცირე ნაბიჯები. თუ გსურთ რომ ყველაფერი ერთდროულად გააკეთოთ, სავარაუდოდ ვერაფერს მიაღწევთ. დაისახეთ მიზნები. დასვით წერტილები A-დან B-მდე, C-მდე. შეჩერდით და გზად შეისვენეთ. საკუთარ თავს მადლობას გადაუხდით ამისთვის.
💪💫 1️⃣1️⃣👉 იყავით კეთილგანწყობილი საკუთარი თავის მიმართ. მართალია, ეს რჩევა პირველი იყო, თუმცა მისი გამეორება ღირს.
🟡🟠🟢 წყარო: კოლუმბიის უნივერსიტეტის ფსიქიატრიის დეპარტამენტი, ბავშვთა და მოზარდთა ფსიქიატრიის განყოფილება. სტატიის ავტორი: Sue Rosenthal- მწერალი და ვებ-პროდიუსერი.
https:childadolescentpsych.cumc.columbia.edu/articles/11-tips-mental-health-well-being
#მთავარიაჯანმრთელობა
გაუფრთხილდით...🙏
