18/04/2026
👇👇
ფსიქოლოგი პროფესიული ეთიკის დაცვით შეისწავლის ქცევასა და ფსიქიკურ პროცესებს, მიღებულ ცოდნას კი იყენებს ადამიანის ცხოვრების ხარისხის გასაუმჯობესებლად.
ფსიქოლოგიას ბევრი განსხვავებული მიმართულება აქვს. მათ შორის; კლინიკური და ჯანმრთელობის ფსიქოლოგია, კოგნიტური და ნეიროფსიქოლოგია, განათლების ფსიქოლოგია, შრომისა და ორგანიზაციული ფსიქოლოგია, სპორტის ფსიქოლოგია და სხვა.
საინფორმაციო პოსტების ამ სერიის ფარგლებში, მოგიყვებით სხვადასხვა მიმართულებით მომუშავე ფსიქოლოგების საქმიანობის შესახებ და გაგაცნობთ პროფესიული განვითარების იმ გზას, რომელსაც კვალიფიკაციის მისაღებად და კვალიფიკაციის მიღების შემდეგ (მაგ. უწყვეტი პროფესიული განვითარების პროცესში) გადის თითოეული ფსიქოლოგი.
❓ როდის აქვს ფსიქოლოგს დამოუკიდებლად მუშაობის უფლება?
1️⃣ როცა მიღებული აქვს შესაბამისი აკადემიური განათლება (საბაკალავრო და სამაგისტრო განათლება ფსიქოლოგიაში)
2️⃣ და გავლილი აქვს პრაქტიკა სუპერვიზიით (5 წლიანი აკადემიური განათლების შემთხვევაში, ეს აუცილებელი პირობაა ნებისმიერი მიმართულებით მომუშავე ფსიქოლოგისთვის)
❓ როგორ აგრძელებს ფსიქოლოგი კარიერულ გზას?
🟢 თავად ზრუნავს უწყვეტ პროფესიულ განვითარებაზე, რათა მისი ცოდნა და უნარები შესაბამისობაში იყოს ცვალებადი და სწრაფად განვითარებადი სფეროს მოთხოვნებთან.
🟢 თვითონ ხდება სუპერვიზორი (პროფესიული პრაქტიკის შესაბამის სფეროში)
🟢 იღებს დიპლომის შემდგომ განათლებას და იღრმავებს სპეციალიზაციას (მაგ. ხდება პერსონალის ფსიქოლოგი, კლინიკური ნეიროფსიქოლოგი, ფსიქოთერაპევტი და სხვა.)
🟢 აგრძელებს უმაღლესი განათლების მიღებას სადოქტორო საფეხურზე და ერთვება აკადემიურ და სამეცნიერო-კვლევით საქმიანობაში
🟢 და ა.შ.
როგორც უწყვეტი პროფესიული განვითარების პროცესში ყოფნა, ისე სპეციალიზაციის გაღრმავება და პროფესიული საქმიანობის მიმართულების შეცვლა (მაგ. აკადემიურ და კვლევით საქმიანობაზე გადართვა) ხანგრძლივი პროცესია და წინასწარ განსაზღვრული და წლებზე გათვლილი მოქმედებების ერთობლიობით მიიღწევა.
🔍 დამატებითი ინფორმაციისთვის იხილეთ:
▪️ ევროპის ფსიქოლოგთა ასოციაციების ფედერაციის სტანდარტი - https://www.efpa.eu/sites/default/files/2025-07/EuroPsy%20Regulations%202025.pdf?fbclid=IwY2xjawQ6F3NleHRuA2FlbQIxMABicmlkETFkM2xJblA4d0ZkWjhLUU1oc3J0YwZhcHBfaWQQMjIyMDM5MTc4ODIwMDg5MgABHsUinNroFMafEpajorlNz26UVy0qRryr1BIlkXBLBgC9EwRxCdB0EEGfi5ru_aem_wnBLI1BdJfXFARmlVsZ5wg
▪️ კანადის ფსიქოლოგთა ასოციაცია - https://cpa.ca/public/whatisapsychologist/
▪️ამერიკის ფსიქოლოგთა ასოციაცია - https://www.apa.org/education-career/guide
▪️ავსტრალიის ფსიქოლოგთა ასოციაცია - https://www.aapi.org.au/Web/Web/About-AAPi/Our-Guiding-Principles.aspx?hkey=c901ca19-0f5a-45b5-9975-9bf8b3f9ec8f
▪️ფსიქოლოგის საკვანძო კომპეტენციების საერთაშორისო დეკლარაციაhttps://www.iupsys.net/wp-content/uploads/2021/09/the-international-declaration-on-core-competences-in-professional-psychology-1.pdf
