10/05/2025
მწვანე ჩაი და მატჩას ჩაი 🍵
🍃ადამიანების უმრავლესობას სჯერა, რომ თუ მოიხმარს მწვანე ჩაის, ისინი წონაში დაიკლებენ. თუმცა არ ცდილობენ შეცვალონ არც ცხოვრების წესი და არც მიღებული საკვების სახეობები 🤷♀️
🍃ამ შემთხვევაში, რა თქმა უნდა, მწვანე ჩაი უძლურია, წონის კლებაში ხელს ვერ შეგიწყობთ, თუ თქვენც არ დაეხმარებით. მწვანე ჩაი ცხიმს ვერ დაადნობს, სამწუხაროდ 🙎♀️
საერთოდ რა არის მწვანე ჩაი?
🍃მწვანეც და შავი ჩაიც, ერთი და იგივე მცენარისგან მიიღება, თუმცა შავი ჩაი არის მეტად დაჟანგული(ქიმიურად დაკავშირებული ჟანგბადის მოლეკულასთან) და ფერმენტირებული, მწვანე ჩაისგან განსხვავებით. მწვანე ჩაი შეიცავს ფიტონივთიერებებს(პოლიფენოლები და ფლავონოიდები), რაც მას აძლევ უნიკალურ მახასიათებლებს.
🍃მწვანე ჩაიში შემავალ ნივთიერებებს ახასიათებთ, ანტისიმსივნური, ანტიანთებითი, ანტირადიაციული მოქმედება, ამასთანავე, არეგულირებენ სისხლში შაქრის დონეს, და სავარაუდოდ ესაა ერთ-ერთი მიზეზი, წონის კლების ხელშემწყობად რატომაც განიხილავენ.
🍃გარდა აღნიშნულისა, მწვანე ჩაი ხელშემწყობად მოქმედებს სისხლის წნევისა და ქოლესტერინის დონის დარეგულირებაში.
🍃არსებობს მწვანე ჩაის კონცენტრირებული ვერსია, მატჩა ჩაი.
კოლორადოს უნივერსიტეტში ჩატარებული კვლევის მიხედვით, მატჩას ჩაი შეიცავს 137 ჯერ უფრო მეტ ანტიოქსიდანტს, ვიდრე უბრალო ჩაი და 17 ჯერ უფრო მეტი, ვიდრე ისპანახში. ამასთანავე, მასში შედის ამინომჟავა (L Theanine), რომელსაც დამამშვიდებელი მოქმედება გააჩნია. რაც შეეხება კოფეინის შემცველობას, მასში დაახლოებით 31 მგ კოფეინია, თუმცა მისი ზემოქმედება ადამიანის ორგანიზმზე განსხვავდება ყავის ზეგავლენისგან. კოფეინს, რომელსაც შეიცავს ყავა, აქვს თვისება სწრაფად იმოქმედოს ორგანიზმზე, სწორედ ამიტომ ის არის ცნობილი თავისი გამამხნევებელი ეფექტით. მეორეს მხრივ, კოფეინი, რომელსაც შეიცავს მატჩა, L-Theanine ამონიმჟავასთან ურთიერთობაში უფრო ნელა ზემოქმედებს ორგანიზმზე (6-8 საათის განმავლობაში) და ხელს უწყობს ენერგიის თანდათან გათავისუფლებას.
ასე რომ, შეიტანეთ მწვანე ჩაი ან მატჩას ჩაი თქვენს ყოველდღიურ რაციონში, თუმცა, მხოლოდ ჩაის იმედზე არ დატოვოთ ჭარბი წონა 🍵🌱🍃
უმაღლესი ხარისხის ცერემონიალური და თანაც ორგანული მატჩას შეძენას კი epicalorie.shop-ში შეძლებთ 💚
