24/09/2023
ბავშვებს დაახლოებით 3 წლის ასაკიდან ესმით გაზიარების მნიშვნელობა. თუმცა, კიდევ სჭირდებათ დრო იმისთვის, რომ ეს თვითონაც გააკეთონ.
3-4 წლის ბავშვების უმეტესობა საკუთარ საჭიროებებს პირველ ადგილზე აყენებს და შეიძლება დაიბნეს, როდესაც სხვისი მოთხოვნილებები ამას ეწინააღმდეგება.
დაეხმარეთ მას გაზიარების სწავლაში
ასწავლეთ თქვენს შვილს თამაშები, რომლებიც თანამშრომლობას მოითხოვს მაგალითად, ფაზლის აწყობისას მორიგეობით დაამაგრეთ ნაწილები. მაგალითის მიცემა: აჩვენეთ, რომ ხანდახან უფროსებსაც უწევთ გაზიარება.
თქვენ ალბათ უხერხულად გრძნობთ თავს, თუ თქვენი შვილი მეგობარს წაართმევს საკუთარ დათუნიას ან ტანტრუმს გამართავს იმის გამო, რომ სატვირთო მანქანით თამაშის მისი დრო გავიდა. მაგრამ, თუ თქვენ მას ეტყვით, რომ ეგოისტია, ან აიძულებთ დათმოს მისთვის ძვირფასი ნივთი, მან შეიძლება დაიმახსოვროს, რომ გაზიარებას უარყოფითი შედეგები მოჰყვება.
ბუნებრივია, თქვენს შვილს სურდეს გარკვეული ნივთების თავისთვის დატოვება, რადგან მას უყალიბდება განცდა, თუ რას ნიშნავს ფლობდეს რაღაცას.
დარწმუნებული იყავით, დროთა განმავლობაში ის გაიგებს, რომ მეგობრებთან გაზიარება ბევრად უფრო სახალისოა, ვიდრე მარტო თამაში.
შეიძლება არსებობდეს ისეთი საგნები, რომლებიც განსაკუთრებით საყვარელია მისთვის:მაგალითად, დათუნია ან კომფორტული პლედი, რომელთა გაზიარება თქვენს შვილს არასდროს სურს,ეს ბუნებრივია, თქვენც გექნებათ ისეთი ნივთები, რომელთა გაზიარებაც არ გინდათ.
დაარწმუნეთ ბავშვი, რომ გაზიარება არ ნიშნავს გაჩუქებას და აღნიშნეთ, რომ თუ ის სათამაშოებს მეგობრებს უზიარებს, ისინი უფრო მეტად ისურვებენ საკუთარი სათამაშოების გაზიარებას.
დაელოდებით სანამ თქვენი პატარა გონებრივად და ემოციურად მზად იქნება, რომ გაზიარება მზრუნველობის ჟესტად დაინახოს და არა როგორც „ააა!! როგორ შეგიძლია წაართვა?!”
ბუნებრივია, სათამაშოები მიმზიდველია - განსაკუთრებით ის, რაც სხვა ბავშვის ხელშია! ამიტომ მშობლები სთხოვენ გაზიარებას ,ჩვენ გვინდა, რომ ბავშვებმა გამოიჩინონ თანაგრძნობა და ვთხოვთ მათ გაუზიარონ თავიანთი სათამაშოები.
შუმაკერი(ფსიქოლოგი) ამტკიცებს, რომ გაზიარება უნდა იყოს ნამდვილი. ეს არ უნდა გაკეთდეს უაზროდ ან მოთხოვნით,მას სჭირდება საკუთარი თავის შთაგონება
😊 😊 😊
რას დაამატებდით?
რამე თქვენთვის მნიშვნელოვანი ხო არ გამომრხა?
