07/03/2024
რა არის ჰიპერკიფოზი და როგორ ვუმკურნალოთ მას❓
ცნობილია, რომ ადამიანის ხერხემალი არ არის ზუსტად ვერტიკალური ფორმის, მას 4 ფიზიოლოგიური ნადრეკი აქვს, ესენია:
კისრისა და წელის ლორდოზი
გულ-მკერდისა და გავის კიფოზი. ანუ ორი კიფოზი და ორი ლორდოზი.
ხანგძლივი და არასწორი დატვირთვა, ტრავმები, იძულებით ერთ პოზაში დიდხანს გაჩერება, დაავადებები – ეს ყველაფერი იწვევს ხერხემლის სვეტის დეფორმაციებს. ❌
უკანა მხარეს, ზურგის (გულ-მკერდის) ნაწილში ნორმაზე მეტად გადახრას გულ-მკერდის ჰიპერკიფოზი ეწოდება. მას ხშირად მარტივად - კიფოზადაც მოიხსენიებენ, თუმცა როგორც ზემოთ აღვნიშნეთ, კიფოზი ნორმაა, ხოლო მისი ნორმის ფარგლებიდან გადახრა კი - უკვე პრობლემა.
გამომწვევი მიზეზები
▪️ არასწორი (ზედმეტი) დატვირთვა
▪️ ზურგის კუნთების სისუსტე
▪️ ხანგძლივად, არასწორ პოზაში ჯდომა (საოფისე სამსახური, საჭესთან ჯდომა..)
▪️ არასწორი დგომა
ბავშვები ხშირად ატარებენ ზურგჩანთას. დუნდება და სუსტდება ბეჭთაშორისი ზონა, მოკლდება მკერდის მცირე კუნთები. შედეგად ვიღებთ მოხრილ ტანადობას. ბავშვებს ისედაც სუსტი კუნთოვანი კორსეტი აქვთ, დამატებითი უარყოფითი დატვირთვა კი, ამ პროცესებს ხელს უწყობს.
სიმპტომები
დაავადებას ახასიათებს:
▪️ზურგისა და კისრის არეში მწვავე ტკივილი
▪️ ხერხემალში შებოჭილობის გრძნობა
▪️ზურგის ძლიერი გამრუდება (45 გრადუსზე მეტად)
▪️სისუტე, კიდურების მგრძნობელობის დაკარგვა
▪️ზურგის ტვინის ნერვების დახშობა
▪️გულის მუშაობისა და სუნთქვის დარღვევა.
რისკის ჯგუფი
✔️ 15 წლამდე მოზარდები
✔️ მოხუცები
✔️ ოსტეოპოროზის პრობლემების მქონე ადამიანები
✔️ ხერხემლის ტრავმების მქონე ადამიანები
✔️ დამაკავშირებელი ქსოვილის პრობლემების მქონე ადამიანები.
მკურნალობა
დაავადების მკურნალობა მოიცავს:
✔️ სამკურნალო ვარჯიში
✔️ მასაჟი
✔️ ფიზიოთერაპიული პროცედურები(ელექტეოფორეზი, ულტრაბგერითი დასხივება)
✔️ მედიკამენტები (D ვიტამინი, კალციუმი)
✔️ სამკურნალო კორსეტის ტარება
✔️ ქირურგიული მკურნალობა (დეფორმაციის მოცილება, ხერხემლის სტაბილიზაცია)
საშიშროება
თუკი პრობლემა დროულად არ აღმოიფხვრება, შესაძლოა წარმოიქმნას შემდეგი სახის გართულებები:
⚡️ კუზი
⚡️ ხერხემლის მოცულობის და ფორმის დარღვევა
⚡️ თეძოს ორგანოების ფუნქციის დარღვევა
⚡️ მენჯების პროპორციების დარღვევა მოზარდებში
⚡️ სუნთქვის დარღვევა
⚡️ ქვედა კიდურების პარეზი, დამბლა
⚡️ ზურგის ტვინის მენინგიტი
პროფილაქტიკა
▪️ ხერხემალზე დატვირთვების კონტროლი
▪️ სწორი პოზის ქონა (მოხრილობის გამოსწორება)
▪️ გადაციებისგან თავის დაცვა
თუკი გაწუხებთ ზემოთ ჩამოთვლილი სიმპტომები, მომწერეთ პირად შეტყობინებებში ან დამირეკეთ:
📞 + 995 568 33 18 20
კონსულტაცია უფასოა
