Cannapedia • კანაპედია

23/10/2025

old school კლასიკა

01/10/2025

29/09/2025

ინდურ მითოლოგიაში არსებობს რწმენა, რომ თვით შივა მოიხმარდა კანაფს: ღმერთს „ბჰანგის მბრძანებელი“ ეწოდებოდა. „ბჰანგი“ — ეს არის კერძი, რომელიც კანაფისგან მზადდება. შივაიტები მცენარეს იყენებდნენ მისტიკური შთაგონებისთვის რელიგიურ მიზნებში. მაგალითად, არსებობდა პრაქტიკები, სადაც კანაფს იყენებდნენ „სულის სხეულის ბორკილებისგან გასათავისუფლებლად და წინაპრებთან და ღმერთებთან შეხვედრის შესაძლებლობისთვის“. აიურვედის მედიცინაში კი კანაფს საუკუნეების განმავლობაში იყენებდნენ მადასა და ძილის გასაუმჯობესებლად, ტკივილისა და გულისრევის საწინააღმდეგოდ, ასევე ეიფორიის მდგომარეობის მისაღწევად.

19/09/2025

კანაფი — „პერსპექტიული საშუალება“ ქალებისთვის

ახალი კვლევა ჟურნალ Sexual Medicine-ში 8 849 ქალის მონაცემებს აანალიზებს და აჩვენებს, რომ კანაფი აუმჯობესებს სექსუალურ ფუნქციას: მონაწილეები აღნიშნავენ ორგაზმის მიღწევის სიმარტივეს, მის ხარისხს და საერთო დაკმაყოფილებას. ეფექტი შეინიშნებოდა როგორც ქალებში, ვისაც ორგაზმული დარღვევა ჰქონდა, ისე მათში, ვისაც ასეთი პრობლემა არ ჰქონდა — სხვადასხვა ასაკში და მოხმარების სხვადასხვა ფორმით. ყველა ცხრა კვლევაში, სადაც სექსში კანაფის გამოყენება იქნა განხილული, დაფიქსირდა დადებითი ცვლილებები.

ქალების დაახლოებით 41%-ს ორგაზმული დარღვევა აქვს, თუმცა დღესდღეობით მისი მკურნალობისთვის დამტკიცებული მედიკამენტი არ არსებობს. მკვლევარები მიიჩნევენ, რომ სამედიცინო კანაფი შეიძლება გახდეს პირველი რიგის თერაპია. საჭიროა შემდგომი რანდომიზებული კვლევები, რათა განისაზღვროს ოპტიმალური დოზები, შტამები, მიღების ფორმები და გამოყენების ვადები.

კანაფი არ არის პანაცეა, მაგრამ წარმოადგენს პერსპექტიულ საშუალებას, რომელიც მილიონობით ქალის ცხოვრების ხარისხის გაუმჯობესებას შეძლებს.

26/08/2025

30/07/2025

პოლონეთში კანაფის დეკრიმინალიზაციის მოლოდინშია

ბოლო ათწლეულების განმავლობაში სამედიცინო კანაფის პოლიტიკის მოდერნიზაცია ფართოდ გავრცელდა ევროპაში. ამჟამად, ევროპის ქვეყნების უმეტესობას აქვს გარკვეული ფორმით სამედიცინო კანაფის ლეგალიზაცია და ასევე – კანაფით ვაჭრობის სამართლებრივი ჩარჩო.

ბოლოდროინდელი წლების განმავლობაში ზრდასრულთა კანაფის მოხმარების პოლიტიკის მოდერნიზაციის მცდელობები კიდევ უფრო გააქტიურდა. მალტა 2021 წელს გახდა პირველი ევროპული ქვეყანა, რომელმაც ეროვნული დონეზე სრულფასოვნად მოახდინა ზრდასრულთა კანაფის მოხმარების ლეგალიზაცია. მას მოჰყვა ლუქსემბურგი 2023 წელს და გერმანია 2024-ში.

ჩეხეთის რესპუბლიკამ ასევე დაამტკიცა ზრდასრულთა კანაფის მოხმარების ეროვნული ლეგალიზაცია მიმდინარე თვეში, თუმცა ეს ისტორიული კანონი ძალაში შევა მხოლოდ 2026 წლის 1 იანვრიდან. პარალელურად, რეგიონული პილოტური პროექტები კანაფით ვაჭრობის მიმართულებით მიმდინარეობს ნიდერლანდებსა და შვეიცარიაში.

კიდევ ერთი ქვეყანა, რომელიც ზრდასრულთა კანაფის მოხმარების პოლიტიკის რეფორმისკენ მიიწევს, არის პოლონეთი, სადაც ეროვნული პარლამენტის წევრები სექტემბერში გეგმავენ ინიციატივის წარდგენას, რომელიც დეკრიმინალიზაციას გაუკეთებს პირადი მოხმარებისთვის კანაფთან დაკავშირებულ ქმედებებს სრულწლოვანთა მხრიდან.

„მარიხუანის დეკრიმინალიზაციის შესახებ საპარლამენტო კანონპროექტი სექტემბერში წარედგინება სეიმს,“ – იტყობინება RMF FM-ის ჟურნალისტი კაშპერ ვრუბლევსკი. „მიმდინარეობს მოლაპარაკებები საპარლამენტო ფრაქციებს შორის და ხდება მცდელობა, მოიპოვოს უმრავლესობის მხარდაჭერა კანონპროექტისთვის, რომელიც ფაქტობრივად უკვე მზადაა,“ – აცხადებენ კანონპროექტზე მომუშავე საპარლამენტო ჯგუფის წევრები.

„პროექტი მზად არის. შესაძლოა, მოლაპარაკებების პროცესში, კოალიციურ პარტნიორებსა და ფრაქციებს შორის, კიდევ გაჩნდეს მცირე საკითხები, მაგალითად, დაშვებული პირადი მოხმარების ოდენობა – მშრალი ყვავილის ან კანაფის სახით. რეგულაციები მალე გასაჯაროვდება,“ – აცხადებს მარიცინ იოზეფაციუკი, სამოქალაქო კოალიციის დეპუტატი და მარიხუანის დეკრიმინალიზაციის საპარლამენტო ჯგუფის წევრი.

რა ითვლება ლეგალიზაციად და რა დეკრიმინალიზაციად — ეს განსხვავდება ევროპასა და შეერთებულ შტატებში. მაგალითად, ორეგონი იყო პირველი შტატი აშშ-ში, რომელმაც 1973 წელს კანაფის დეკრიმინალიზაცია მოახდინა, რაც გულისხმობდა პირადი მოხმარებისთვის ერთ უნციამდე (დაახლოებით 28 გრამი) კანაფის ფლობისთვის სისხლისსამართლებრივი პასუხისმგებლობის გაუქმებას. თუმცა მაშინაც კი, პირადი მოხმარება $1,000-იანი ჯარიმით ისჯებოდა. მოგვიანებით, 2014 წელს, ორეგონმა სრულად ლეგალიზაცია მოახდინა კანაფის ფლობისა და მოხმარების.

ევროპაში მიღებული ზომები კი ხშირად დეკრიმინალიზაციად იწოდება, თუმცა იმ ქვეყნების შემთხვევაში, სადაც საერთოდ არ არსებობს არანაირი სანქცია პირადი მოხმარებისთვის, ეს შეერთებულ შტატებში ტექნიკურად ლეგალიზაციად ჩაითვლებოდა. ეს მიუთითებს, რომ ზრდასრულთა კანაფის პოლიტიკის მოდერნიზაციის შეფასება ატლანტის ორივე მხარეს სუბიექტურობას ექვემდებარება.

არ აქვს მნიშვნელობა, როგორი აღწერით წარადგენენ ცვლილებებს პოლონეთში სექტემბერში – თუ ეს ინიციატივა დამტკიცდება, ეს მნიშვნელოვანი წინგადადგმული ნაბიჯი იქნება ქვეყნის კანაფის მომხმარებლებისთვის, მათ შორის სამედიცინო პაციენტებისთვისაც, რომლებიც დღესდღეობით უწესრიგო და ხშირ შემთხვევაში ცვალებად რეგულაციებში ცდილობენ სამედიცინო კანაფზე დაშვების მიღებას.

2024 წელს, პიკის პერიოდში, პოლონეთში ოფიციალურად დარეგისტრირებული სამედიცინო კანაფის პაციენტების რაოდენობა დაახლოებით 90,000-ს შეადგენდა. თუმცა ტელემედიცინის რეგულაციების ცვლილებამ ეს რიცხვი წლის ბოლომდე დაახლოებით 33,000-მდე შეამცირა. მიუხედავად ამისა, 2025 წელს გარკვეული აღდგენა უკვე შეინიშნება.
#პოლონეთი

20/07/2025

ყაზახეთი ტექნიკური კნააფს ალეგალიზებს

მიუხედავად იმისა, რომ ინდუსტრიული კანაფი (h**p) დღეს ძალიან მოთხოვნადია, ეს ტენდენცია სულაც არ არის ახალი. კაცობრიობა ათასობით წელია სარგებლობს ამ მრავალფუნქციური, ძლევამოსილი მცენარით. ძველ მესოპოტამიაში, ჩვენს წელთაღრიცხვამდე დაახლოებით 8000 წელს, ადამიანები უკვე ამუშავებდნენ კანაფის ბოჭკოებს ქსოვილისთვის. ყაზახეთში კი კანაფს უკვე ხუთი ათასი წლის წინ იყენებდნენ თოკების წარმოებისთვის.

თუმცა, ეს ისტორია წარსულში ჩაიკარგა: 1934 წელს, როდესაც ყაზახეთი საბჭოთა კავშირის ნაწილი გახდა, აიკრძალა ნებისმიერი ტიპის კანაფის დამუშავება და მოყვანა.

2025 წლის აპრილში ქვეყანაში ლეგალიზდა ინდუსტრიული კანაფის მოყვანა. ეს ნაბიჯი მხოლოდ სიმბოლური არ ყოფილა — ის საკმაოდ პრაქტიკულიც იყო, რადგან სულ სამი თვის შემდეგ ქვეყანამ დაიწყო მაღალი უსაფრთხოების კანაფზე დამზადებული ქაღალდის წარმოება, რომელიც პასპორტებისა და სხვა ოფიციალური საბუთებისთვის გამოიყენება.

აღნიშნული ნაბიჯი დაადასტურა ყაზახეთის სოფლის მეურნეობის სამინისტრომ, ხოლო კანონზე ხელი მოაწერა პრეზიდენტმა პარლამენტის მიერ მიღების შემდეგ.
„ძირითადი პროდუქტი იქნება მაღალი უსაფრთხოების ქაღალდი, რომელიც წარმოადგენს ღირებულ საექსპორტო საქონელს და გამოიყენება პირადობის დამადასტურებელი დოკუმენტების, მაგალითად პასპორტებისა და სხვა სპეციალური ფორმების წარმოებაში,“ – განაცხადა სოფლის მეურნეობის მინისტრის მოადგილემ.

ამ კონტექსტში (და ბევრ სხვა შემთხვევაშიც), კანაფი იდეალურია: ის ადვილად და სწრაფად იზრდება, მდგრადია და ყაზახეთის ნიადაგისთვის ისტორიულად ნაცნობია. ერთადერთი პირობა ის არის, რომ მოსავალი უნდა აკმაყოფილებდეს კანონით დასაშვებ THC-ის დონეს — მაქსიმუმ 0.3%. ეს გლობალური სტანდარტია, თუმცა ზოგ ქვეყანაში ეს ზღვარი 2%-მდეც კი აღწევს. ყაზახეთის შემთხვევაში კი ეს იქნება მწვანე, ლეგალური და საექსპორტო ინდუსტრიის საფუძველი.

ეს ნაბიჯი მნიშვნელოვანია: ყაზახეთმა უკვე დაიწყო ინდუსტრიული კანაფის მოყვანის ლიცენზიების გაცემაც, სადაც ქვეყნის ჩრდილოეთი რეგიონი მთავარი საწარმოო ზონა გახდა. ფაქტობრივად, რუსეთის შინაგან საქმეთა სამინისტროს მონაცემებით, რუსეთში კანაფის 93% სწორედ ყაზახეთიდან მოდის.

ბიზნესის პოტენციალიც დიდია: Fact.MR-ის ახლანდელი ანგარიშის მიხედვით, გლობალურმა ინდუსტრიული კანაფის ბაზარმა შეიძლება 2034 წლისთვის 25.7 მილიარდ დოლარს მიაღწიოს, წლიური ზრდის მაჩვენებლით — 14.5%. ზოგიერთი შეფასება კიდევ უფრო მეტს პროგნოზირებს.

ამასობაში კი ყაზახეთი ემზადება მსოფლიო ბაზარზე შესასვლელად — „კანაფზე დამზადებული პასპორტებით“. თითქოს არაფერი შეცვლილა: ის მცენარე, რომლითაც ბრინჯაოს ხანაში თოკებს ამზადებდნენ, დღეს სერიოზულად დაბრუნდა — ოფიციალურად, ბეჭდებით, ხელმოწერებითა და სუვერენიტეტით.

#ყაზახეთი #ჰემფი

20/07/2025

16/07/2025

სლოვენიის ეროვნული ასამბლეა ამტკიცებს ისტორიულ სამედიცინო კანაფის კანონპროექტს

თითქმის სამი თვის შემდეგ რაც სლოვენიის პარლამენტმა წარმოადგინა სამედიცინო კანაფის პოლიტიკის მოდერნიზაციის ფორმა, ევროპის ამ ქვეყნის ეროვნულმა ასამბლეამ ოფიციალურად დაუჭირა მხარი ინიციატივას.

90 წევრიან საკანონმდებლო ორგანოში, ისტორიულ კენჭისყრაში 81 დეპუტატი იმყოფებოდა. მათგან 50-მა ხმა მისცა სამედიცინო კანაფის ლეგალიზაციას, 29 წინააღმდეგი იყო, ხოლო 2-მა კენჭისყრაში მონაწილეობისგან თავი შეიკავა.

კანონს მხარი დაუჭირეს მმართველი კოალიციის წევრებმა, იტალიისა და უნგრეთის ეროვნულ თემთა წარმომადგენლებმა და ერთმა დამოუკიდებელმა დეპუტატმა. ქვემოთ მოცემულია დამტკიცებული კანონმდებლობის ძირითადი კომპონენტები:

🟢კანონპროექტი ამტკიცებს კანაფის (Cannabis sativa L.) მოყვანას, წარმოებას, განაწილებას და გამოყენებას სამედიცინო და სამეცნიერო მიზნებისთვის, რეგულირებადი და კონტროლირებადი სისტემის ფარგლებში.

კანონი არეგულირებს ლიცენზირების სისტემას: ნებისმიერ ფიზიკურ ან იურიდიულ პირს, რომელიც დააკმაყოფილებს პირობებს, შეეძლება ლიცენზიის მიღება. საჯარო ტენდერი და სახელმწიფო მონოპოლია არ იქნება. როგორც საჯარო, ასევე კერძო სუბიექტებს ექნებათ სამედიცინო კანაფის წარმოებისა და განაწილების უფლება.

ყველა სამედიცინო დანიშნულებით გამოყვანილი კანაფი უნდა გაიზარდოს და დამუშავდეს GACP ( სასოფლო-სამეურნეო და შეგროვების პრაქტიკა), GMP (წარმოების პრაქტიკა) და ევროპის ფარმაკოპეის სტანდარტების შესაბამისად, რაც უზრუნველყოფს მაღალი ხარისხის და უსაფრთხო პროდუქტს პაციენტებისთვის.

სამედიცინო კანაფი შეიძლება დანიშნოს ექიმმა ნებისმიერი მდგომარეობისთვის, რომელსაც საჭიროდ ჩათვლის პაციენტის ტკივილის შესამსუბუქებლად.

სამედიცინო კანაფი ხელმისაწვდომი იქნება ჩვეულებრივი სამედიცინო (MD და DMD) ან ვეტერინარული რეცეპტით, როგორც სხვა მედიკამენტები. სპეციალური ნარკოტიკული რეცეპტები საჭირო აღარ იქნება, და დამტკიცებულ პაციენტებს აფთიაქში რეცეპტის აღებისას გადაეცემათ „კანაფის ბარათი“, რომელიც იცავს მათ პოლიციის ან სხვა ჩარევებისგან.

კანონი უზრუნველყოფს კანაფის სტაბილურ და უწყვეტ მიწოდებას აფთიაქების, ლიცენზირებული დისტრიბუტორებისა და ჯანდაცვის მომწოდებლების მეშვეობით, რათა პაციენტები არ იყვნენ დამოკიდებული იმპორტზე ან არარეგულარულ ხელმისაწვდომობაზე.

13/07/2025

#არდაიჭირო ! ნარკოპოლიტიკის წინააღმდეგ აქცია პარლამენტთან.
☘️
☘️
☘️
ფოტო კრედიტი ©️ რადიო თავისუფლება

11/07/2025

#არდაიჭირო