26/04/2023
ემოცია პასუხისმგებელია ჩვენს გადარჩენასა და სამყაროსთან ადამპტირებაზე, ამიტომაც, ბუნებრივია, თითოეულ მათგანს თავისი როლი და არსებობის მიზეზი აქვს.
განვიხილოთ რამოდენიმე ბაზისური ემოცია:
შიში - ჩნდება რეალური ან მოსალოდნელი საფრთხის შედეგად და მისი მიზანი თვითგადარჩენაა. თუმცა შიში ყოველთვის არ არის რეალობასთან შესაბამისი, რასაც ირაციონალური შიშების სახელით ვიცნობთ. ფობია, სწორედ ირაციონალური შიშის გამოხატულებაა.
ბრაზი - იმედგაცრუება, უარყოფა, მტრული განწყობა სხვა ადამიანების მხრიდან, ეს ის შეგრძნებებია, რაც ხშირად თან სდევს ბრაზს. ძირითადი ინსტინქტი საკუთარი თავის ან გარშემომყოფების დაცვაა, სხვაგვარად რომ ვთქვათ, ბრაზი საღვრების დაცვაში გვეხმარება, მაგრამ როცა ეს ემოცია დათრგუნულია - გვიჭირს არას თქმა და პირადი საღვრების გავლება. ბრაზი საკმაოდ დიდი ენერგიაა და ამ ენერგიის სასარგებლოდ გამოყენება შეგვიძლია, რადგანაც ის ხშირად მოძრაობის დაწყების ბიძგია. თუმცა მრისხანება და აგრესიული ქცევა ბრაზის გამოხატვის არაღანსაღი გზებია.
სიხარული - ალბათ გამორჩეული ემოციაა, რომელიც განსაკუთრებულ ენერგიასა და სიამოვნებას გვაგრძნობინებს. სიხარული განსაკუთრებით მაშინ ჩნდება, როცა ჩვენთვის სასურველ შედეგს ან მიზანს მივაღწევთ. ეს შედეგი კი ყველა ადამიანში განსხვავებულ მოვლენას უკავშირდება.
სევდა - ეს ემოცია თან სდევს ჩვენთვის მნიშვნელოვანის და ღირებულის დაკარგვას, რაც ზოგჯერ განცალკევების, განმარტოების სურვილს აღძრავს. სევდა ხშირად მძიმე ემოციად აღიქმება, მაგრამ ის ერთ-ერთი უნიკალური ემოციაა, რომელიც საკუთარ თავში ჩაღრმავებისა და შეხედულებების გადაფასების საშუალებას გვაძლევს.
ზიზღი - გამოწვეულია ჩვენთვის არასასიამოვნო, პოტენციურად საფრთხის მომტანი მოვლენით, საკვებით, შეხედულებებითა და სხვა ფიზიკური თუ მორალური მიზეზებით, რომელთა მიღებაც არ გვინდა. მაშინ, როცა გამღიზიანებლის მიმართ მძაფრი მიუღებლობა გვაქვს, ვცდილობთ მაქსიმალურად ვდისტანცირდეთ მისგან. თუმცა საინტერესოა დროის დათმობა ამ ემოციისთვის, რადგან აუცილებლად ექნება ახსნა თუ რატომ გვიჩნდება ზიზღი ამა თუ იმ მოვლენის მიმართ.
საკუთარ ემოციებზე უფრო მეტის გაგება რომ მოგინდება, იცი, სადაც შეგიძლია სპეციალისტის პოვნა - www.sessia.ge
