30/11/2023
2023 წლის 15 ნოემბრიდან საქართველოს მთავრობის №440 დადგენილების შესაბამისად განხორციელებული ცვლილებები მშობიარობის და საკეისრო კვეთის ანაზღაურებასთან დაკავშირებით მისასალმებელი და წინგადადგმულ ნაბიჯია. დადგენილი იქნა მშობიარობის და საკეისრო კვეთის ერთიანი ტარიფი 1221,92ლ-ის ოდენობით ყოველგვარი თანაგადახდის გარეშე.
როგორც გაცხადებული იქნა, ტარიფი მოიცავს მედიკამენტების, კვების, გაუტკივარების ხარჯებს, ასევე აყვანილი ექიმის ანაზღაურებას.
აღნიშნულმა გადაწყვეტილებამ უამრავი კითხვა წარმოშვა ორსულებსა და მათ ახლობლებში აყვანილი ექიმის ანაზღაურებასთან დაკავშირებით. ჯამრთელობის დაცვის სამინისტროსთან გამართული კონსულტაციების შედეგად საქართველოს მეან-გინეკოლოგთა ასოციაცია განმარტავს, რომ დადგენილი ტარიფი მოიცავს არა აყვანილი (პერსონალური ) ექიმის, არამედ მორიგე სამედიცინო პერსონალის ანაზღაურებას .
იმედი გვაქვს, რომ მიღებული გადაწყვეტილება მნიშვნელოვან წვლილს შეიტანს ქვეყნის რეპროდუქციული განვითარების საქმეში.
პირველი სამედიცინო ცენტრი (ყოფილი პირველი სამშობიარო - მის.დადიანის ქ.255) გთავაზობთ სრულფასოვან სერვისს კომფორტულ 2 ადგილიან პალატებში.
გისურვებთ ბედნიერ დედობას !
