30/04/2025
🧩 აუტიზმის დიაგნოსტირება ზოგჯერ ზრდასრულ ასაკამდე გვიანდება, რადგან ბავშვობაში შეიძლება სიმპტომები შეუმჩნეველი დარჩენილიყო ან სხვა მიზეზებით ყოფილიყო ახსნილი. მაღალფუნქციური აუტიზმის მქონე პირები სწავლობენ სოციალურ ნორმებს და ცდილობენ მათ მიბაძონ. მიუხედავად ამისა, აუტიზმი ზრდასრულებშიც მნიშვნელოვან გავლენას ახდენს ყოველდღიურ ცხოვრებაზე, განსაკუთრებით სოციალურ ურთიერთობებზე, სამუშაო გარემოზე და ემოციურ კეთილდღეობაზე.
აუტიზმის ძირითადი ნიშნები ზრდასრულებში:
სოციალური კომუნიკაციის სირთულეები👇
უჭირთ სოციალური ნორმების ინტერპრეტაცია (მაგ., სხეულის ენა, ჟესტები, ირონია ან სარკაზმი).
შეზღუდული ან ფორმალური მეტყველების სტილი.
უჭირთ მცირე საუბრები („small talk“) და სოციალური კონტაქტების დამყარება ან შენარჩუნება.
უპირატესობას ანიჭებენ მარტო ყოფნას ან სტრუქტურირებულ სოციალურ ურთიერთობებს.
განმეორებადი ქცევები და შეზღუდული ინტერესები👇
ძლიერად ფოკუსირებულნი არიან კონკრეტულ თემებზე ან ინტერესებზე.
რუტინის დარღვევა იწვევს ძლიერ დისკომფორტს.
განმეორებადი ქცევები (მაგ., ფეხის ნერვულად ბაკუნი, ხელის მოძრაობები, სენსორული სტიმულაცია).
სენსორული მგრძნობელობა👇
გადაჭარბებული ან დაქვეითებული მგრძნობელობა ხმაურის, სინათლის, ტექსტურების ან ტემპერატურის მიმართ.
გარკვეული ხმები, სუნები ან ტაქტილური შეგრძნებები შეიძლება ძალიან შემაწუხებელი ან პირიქით, სასიამოვნო იყოს.
ემოციური და ფსიქოლოგიური გამოწვევები👇
სტრესისა და ემოციების რეგულაციის სირთულეები.
მაღალი ან დაბალი ემპათია – ზოგ შემთხვევაში, სხვების ემოციების აღქმა შეიძლება გაძნელდეს.
ხშირი შფოთვა, დეპრესია ან სოციალური იზოლაციის ტენდენცია.
“მელთდაუნები” (ემოციური გადატვირთვა) ან “შათდაუნები” (ემოციური „გამორთვა“).
🧩 აუტიზმი მდგომარეობაა, რომელიც სრულად არ იკურნება, თუმცა სწორ გარემოში თითოეულ ინდივიდს შეუძლია გაიუმჯობესოს ყოველდღიური მდგომარეობა, ისწავლოს სპეციალური ტექნიკები, რომელიც წინსვლაში და შფოთვის და დისკომფორტის შემცირებაში დაეხმარება.
✔ დაჯავშნე ვიზიტი ონლაინ https://evex.ge/ka/booking
📍 თბილისი, ბახტრიონის ქ.10ბ.
☎ 0322 55 05 05
