GPG - Georgian Pharmaceutical Group

24/04/2012

უჩვეულო სინდრომები

უცხო აქცენტის სინდრომი - ამ სინდრომის დროს, ადამიანი საუბრისას უჩვეულოდ უწევს ინტონაციას, ყოფს მარცვლებს, რაც ქმნის ეფექტს თითქოს ის უცხოელია და ცდილობს დაეუფლოს ენას, ეს სინდრომი 1941 წელს აღმოაჩინეს, ადამიანების ნაწილმა შეძლო მეტყველების აღდგენა სპეციალური კურსის გავლის შემდეგ. ეს სინდრომი იმ ადამიანებს აღენიშნებათ, ვისაც თავის ქალის ტრამვა აქვს გადატანილი.

ფეთქებადი თავის სინდრომი - ამ სინდრომს თავის აფეთქებამდე არ მიყავს და არც ტკივილი სდევს თან, თუმცა ადამიანს გამძაფრებულად ესმის ყველა ხმა, რაც უქმნის შეგრძნებას რომ მისი თავი სადაცაა აფეთქდება. უცნობია თუ რა იწვევს სინდრომს, თუმცა ის ყველაზე ხშირად გადაღლილობის და ძლიერი სტრესის გადატანის შემდეგ აღენიშნებათ და დასვენების შემდეგ ქრება.

ფატალური ოჯახური უძილობა - მსოფლიოში სულ 40 ოჯახია, რომელიც ამ სინდრომითაა დაავადებული. ის გენეტიკურია. ოჯახის წევრებს სულ ნაკლებად და ნაკლებად ძინავთ. ტვინში აქტიურდება ის ნაწილი, რომელიც მათ დაძინებაში უშლით ხელს. შედეგად სინდრომი იწვევს, ჰალუცინაციებს, თავის ძლიერ ტკივილს, გადაღლილობას და რამდენიმე წელში ფატალურად სრულდება.

ტკვილის უგრძნობლობა - არსებობენ ადამიანები, რომლებიც ტკივილს საერთოდ ვერ გრძნობენ, ამერიკის შეერთებულ შტატებში ასეთი 100-მდე ადამიანია. საქმე იმაშია რომ ეს ერთგვარი მუტაციაა, ორგანიზმს ტვინამდე არ მიაქვს ტკივილის შეგრძნება. ერთი შეხედვით თითქოს კარგია, ცხოვრება ტკივილის გარეშე. თუმცა ეს ასე არ არის. ტკივილი ეს გაფრთხილებაა რომ საშიშროება არსებობს დაზიანების. ადამიანებს ამ სინდრომით უფრო მეტი უბედური შემთხვევა აქვთ, რადგან ისინი გაჭრისას და დამწვრობისას, ხშირად მაშნვე ვერ იგებენ და გვიან აკითხავენ ექიმს.

მაქციის სინდრომი - ამ სინდრომის მქონე ადამიანებს ყველაგან მათ შორის მთელ სახეზე, უზომო რაოდენობით ეზრდებათ თმა. ისინი მთლიანად იფარებიან თმით. მეცნიერებმა აღმოაჩინეს რომ ტესტოსტერონის ინექციის შემდეგ უჩვეულო ადგილებში თმა იწყებს ცვენას, ასე რომ ამ სინდრომისგან განკურნება ასე თუ ისე შესაძლებელია.

ალისა საოცრებათა ქვეყანაში სინდრომი - ამ სინდრომის მქონე ადამიანს საგნები ან ძალიან დიდი, ან ძალიან პატარა ეჩვენება. ხშირად ამ სინდრომით ისინი არიან დაავადებულები, ვინც ხანგრძივად იღებენ ჰალუცინოგენებს.

24/04/2012

სამედიცინო საოცრებები

ამერიკის ერთ-ერთ ბიოლაბორატორიაში ინახება ქალბატონის უჯრედი, ის 40 წლის წინ გარდაიცვალა. უჯრედი იმითაა საინტერესო, რომ მას 11-ე ქრომოსამა აკლია, რაც ნიშნავს რომ მას არ აქვს განახლების უნარი. უჯრედი უკვდავია და ძალიან ძვირფასი სამედიცინო კვლევებისთვის.

ყველაზე მაღალი ტემპერატურა 1980 წელს ა.შ.შ.-ში დაფიქსირდა, პაციენტს 46, 5 გრადუსი აღენიშნებოდა ტემპერატურა. ის საავადმყოფოდან 24 დღეში გამოწერეს.

ადამიანის სხეულის ყველაზე დაბალი ტემპერატურა კანადაში 1994 წელს დაფიქსირდა, 2 წლის გოგონა ეზოში თამაშისას გარეთ დარჩა -22 გრადუს ყინვაში, რადგან მისი სახლის კარი შემთხვევით ჩაიკეტა. მან 6 საათი გაატარა გარეთ. პაციენტს საავადმყოფოში შეყვანისას 14. 2 გრადუსი დაუფიქსირდა სხეულის ტემპერატურა. გოგონა გადარჩა.

არსებობენ ადამიანები, რომლებსაც საგნების გადაყლაპვა ჩვევიათ. ერთ-ერთი ასეთი 42 წლის ქალბატონი იყო, რომელმაც ექიმს მუცლის ყრუ ტკივილით მიაკითხა. მას ოპერაციის შემდეგ კუჭიდან 2533 სხვადასხვა ნივთი ამოუღეს.

ყველაზე მეტი ტაბლები ზიმბაბველმა პაციენტმა მიიღო. მან 21 წლიანი მკურნალობის განმავლობაში 565 939 აბი დალია.

მედიცინის ისტორიაში ყველაზე ხანგრძლივი ოპერაცია 96 საათს გრძელდებოდა. პაციენტს საკვერცხის კისტის ოპერაციას უკეთებდნენ. ოპერაციის შემდეგ პაციენტის წონა 280 კილოგრამიდან 140 კილოგრამზე ჩამოვიდა.

მედიცინის ისტორიაში ყველაზე ხანგრძივი გულის გაჩერება ნორვეგიელმა ბავშვმა გადაიტანა. მას შემდეგ რაც ის გემიდან გაყინულ წყალში გადავარდა მისი ორგანიზმის ტემპაერატურა 24 გრადუსამდე დაეცა, გული კი 4 საათით გაჩერდა. ხელოვნურ სუნთქვაზე გადაყვანისას ის უკეთ გახდა და გადარჩა.

ყველაზე დიდი გადატვირთვა ორგანიზმისთვის 1977 წელს ავტომრბოლელმა დევიდ პერლიმ მიიღო. ავტოკატასტროფის თავიდან ასაცილებლად მან 173 კილომეტრი საათიდან მანქანის სიჩქარე ნულამდე დაიყვანა, მანქანა სულ 66 სანტიმეტრის გავლის შემდეგ გაჩერდა. ის ფიზიკურად არაფერს დაჯახებია თუმცა, მანქანის გაჩერების შემდეგ 29 მოტეხილობა და 3 ნაღრძობი ქონდა, გული კი ამ დროის განმავლობაში 6 ჯერ გაჩერდა. თუმცა ის გადარჩა.

24/04/2012

მსოფლიოში ყველაზე ცუდი წამლების ათეული

მეათე ადგილი - პლაცებო ანუ "მატყუარა" მედიცინის ისტორიაში იყო შემთხვევა, როდესაც ერთ-ერთმა არატრადიციული მედიცინის მიმდევარმა ათასზე მეტი კაფსულა გაყიდა, რომელშიც უბრალოდ წყალი ესხა.

მეცხრე ადგილი - სისხლისგამოშვება, მეცხრამეტე საუკუნემდე, თითქმის ყველა დაავადებას ამ მეთოდით მკურნალობდნენ, შედეგად უამრავი ადამიანი დაიღუპა, ძალიან ცოტას კი უშველეს. საქმე იმაშია რომ ეს მეთოდი ძალიან იშვიათი დაავადების დროს გამოიყენება და ისიც პროფესიონალის მიერ.

მერვე ადგილი - ოყნა. არც ისე დიდი ხანია, რაც მუცლის ძლიერი ტკივილის დროს ვიცით რომ ოყნის გაკეთება არ არის რეკომენდირებული, თუ ის ექიმმა არ დანიშნა გასინჯვის შემდეგ. თუმცა იყო დრო, როდესაც ნებისმიერი მუცლის ტკივილის დროს ამ მეთოდს იყენებდნენ და ხშირად ის ცუდად სრულდებოდა.

მეშვიდე ადგილი - მეცხრამეტე საუკუნეში ექიმების ნაწილი თვლიდა რომ ნაწლავების გადახლართვას წყალში გაზავებული რკინის ჟანგის დალევა შველოდა, თუმცა ისინი მწარედ ცდებოდნენ.

მეექვსე ადგილი -ჰეროინით მეცხრამეტე საუკუნეში ხველას მკურნალობდნენ, თუმცა უშედეგოდ.

მეხუთე ადგილი - ოპიუმით მკურნალობდნენ კუჭ-ნაწლავის დაავადებებს, თუმცა უფრო ხშირად ეს ფატალურად სრულდებოდა.

მეოთხე ადგილი - გასული საუკუნის 40-იან წლებში გასახდომი აბები იყიდებოდა, რომლის შემადგენლობაში შესული კომპონენტების გამოყენება დღეს მედიცინაში დაუშვებელია.

მესამე ადგილი - ლობოტომია, ანუ ოპერაცია ტვინზე. გასული საუკუნის დასაწყისში ფსიქიკურად დაავადებული პაციენტების გასაკურნად გამოიყენებოდა, რაც დღეს დაუშვებელია. ხოლო მას ვინც ეს მეთოდი გამოიგონა 1949 წელს ნობელის პრემიაც კი მისცეს.

მეორე ადგილი - კოკა-კოლა გამოგონილი იყო იმისთვის რომ ემკურნალათ თავის ტკივილი, ნერვული აშლილობა და იშვიათად სამშობიარო ტკივილის გასაყუჩებლადაც იყენებდნენ. ის თავდაპირველად აფთიაქებში იყიდებოდა.

პირველი ადგილი - მეცხრამეტე საუკუნის დასაწყისში არსებობდა წამალი, რომელსაც ჩვილებს დასამშვიდებლად უნიშნავდნენ. ის შეიცავდა მორფს, ჰაშიშს, გეროინს, ოპიუმს და სხვა დანამატებს, ხშირ შემთხვევაში შედეგი ფატალური იყო.

24/04/2012

საინტერესო ფაქტი მხედველობის შესახებ

ადამიანის თვალი გამოსახულებას მასში მოხვედრილი სინათლის სხივების მეშვეობით იღებს, ამიტომაა რომ სიბნელეში ვერ ვხედავთ.

თუმცა მედიკოსებმა დაადგინეს რომ თვალში აბსოლუტურად ყველა ადამიანს აქვს ე.წ. "ბრმა წერტილი" ეს ის წერტილია რომელშიც სინათლის რეცეპტორები არ არის განლაგებული. ეს წერტილი ყველა ადამიანს სხვადასხვა ადგილას აქვს განლაგებული.

მოდით ჩავატაროთ პატარა ტესტი, იმისთვის რომ დავადასტუროთ ეს თეორია.

მონიტორის გასწვრივ ჰორიზონტალურად და პირდაპირ დაიჭირეთ თავი, შემდეგ ხელით დაიფარეთ მარჯვენა თვალი, ხოლო მარცხენათი შეხედეთ წრეში ჩასმულ ჯვარს, რამდენიმე წამი უყურეთ ისე რომ თავი ხან ახლოს მიიტანეთ მონიტორთან, ხან დააშორეთ. ამასთანავე დააკვირდით მარცხენა ჯვარს, რომელიც წრეში არ არის ჩასმული, თუმცა მასზე მზერა არ გადაიტანოთ.

რაღაც მომენტში ის გაქრება :)

24/04/2012

ძველი ეგვიპტური მედიცინა

1872 წელს ეგვიპტეში აღმოჩენილ იქნა პაპირუსი, რომელიც დღემდე უძფირფასეს სამედიცინო ლიტერატურას წარმოადგენს. ის 108 შეწებებული პაპირუსისგან შედგება, რომელთა საერთო სიგრძეც 20 მეტრზე მეტია და ის 900 მეტი წამლის რეცეპტსა და მკურნალობის მეთოდს მოიცავს.

პაპირუსში აღწერილია ისეთი დაავადებების მკურნალობის მეთოდები როგორიცაა, კუჭ-ნაწლავის, სასუნთქი სისტემების, გულ-სისხლძარღვთა, სხვადასხვა ინფექციური, სმენისა და მხედველობის დაქვეითებისას არსებული დაავადებები.

ძელი ეგვიპტელი მედიკოსები, საცხებით, ნაყენებით, გადახვევებითა და სხვა სახის საშუალებებით მკურნალობდნენ დაავადებებს.

წამლები ძრითადად რძის, თაფლის, ლუდის, წყლისა და ზეითუნის ზეთისგან შედგებოდა. ზოგი წამლის შემადგენლობა 40 სხვადასხვა კომპონენტს მოიცავს, რომელთა უმეტესობა ჩვენთვის უცნობია, რაც ართულებს მათ შესწავლას. წამლები ასევე მცენარეების, მინერალებისა და ცხოველების სხვადასხვა ორგანოებისგანაც მზადდებოდა.

საინტერესოა ასევე წამლების მიღების წესი. ზოგ წამალს "ინსტრუქციის" სახით მაგიური რიტუალის აღწერაც ახლავს თან.

24/04/2012

საინტერესო ფაქტები დაავადებების შესახებ

მსოფლიოში ყველაზე გავრცელებული არაინფექციური დაავადება პარადონტოზია. ამერიკის შეერთებულ შტატებში მოსახლეობის 80% აქვს პარადონტოზი, დიდ ბრიტანეთში კი მოსახლების 13% 21 წლამდე თითქმის ყველა კბილს კარგავს. ძალიან ცოტა ადამიანია დედამიწაზე, რომელთაც აღნიშნული დაავადება არ აწუხებთ.

მსოფლიოში ყველაზე გავრცელებული ინფექციური დაავადება სურდოა. ასევე სამედიცინო ლიტერატურიდან, ხშირად ისეთი დაავადებების შესახებ ვიღებთ ინფორმაციას, რაც მანამდე ჩვენთვის უცნობი იყო, მაგალითად ერთ-ერთმა ნორვეგიელმა მეცნიერმა თირკმელის გარსის კიბო აღმოაჩინა.

ახალი გვინეის აღმოსავლეთ ნაწილში კი, ფორის ტომში განსაკუთრებული დაავადებაა, რომელსაც სასაცილოს უწოდებენ და მსოფლიოში არსად სხვაგან არ გვხვდება.

მედიკოსები გადამდებ დაავადებად მიიჩნევენ ასევე კანიბალიზმს. ასევე გავრცელებულ დაავადებებში შეგვიძლია ჩავთვალოთ "შავი ჭირი", რომელიც ევროპაში, მეთოთხმეტე საუკუნეში იყო გავრცელებული და მოსახლეობის 99% შეიწირა.

შიდსის ვირუსის ინდეტიფიცირება კი პირველად 1983 წელს საფრანგეთში მოხდა.

24/04/2012

საინტერესო ფაქტები გულის შესახებ

ადამიანის არტერიების, ვენების და კაპილარების საერთო სიგრძე 200 ათასი კილომეტრია, რაც დედამიწიდან მთვარემდე მანძილის ნახევარია.

მექსიკის ერთ-ერთ ციხეში, პატიმარს სასიკვდილო განაჩენი გამოუტანეს, მისი უკანასკნელი თხოვნა იყო, რომ საყვარელი გუნდის ყველა თამაშისთვის ეყურებინა, ერთ-ერთი თამაში მისმა ფავორიტმა გუნდმა წააგო და პატიმარი ინფარქტით გარდაიცვალა.

ზოგ ადამიანს გული მარჯვნივ აქვს, ასევე მედიცინის ისტორიაში ცნობილია ადამიანი, ჯუზეპე დე ნაი, რომელიც მეცხრამეტე საუკუნის ბოლოს იტალიაში ცხოვრობდა და ორი გული ქონდა.

გულის პირველი ანატომიური გამოსახულება, 20 ათასი წლის წინ ალტამირას გამოქვაბულშია შესრულებული. უცნობმა მხატვარმა დახატა მამონტი, რომლის გულიც წითლად გამოსახა.

24 საათის განმავლობაში, გულის სარქველები 100 ათასჯერ იღება და იხურება.

იოგების აზრით, ადამიანის გულშია ანახატა - ადამიანის მთავარი ენერგეტიკული ცენტრი.

ეგვიპტურ პაპირუსებზე გულს გამოხატავენ მფრინველის სახით რომელსაც თავი ფრთხის ქვეშ აქვს ჩამალული.

არსებობს ისტორიული გადმოცემები, რომ ჟანა დარკის დაწვის შემდეგ, ჯალათმა მის ფერფლში გული ხელუხლებელი იპოვნა.

ქალის გული საშუალოდ 220 გრამს იწონის, კაცის კი 280 გრამს.

სიცოცხლის განმავლობაში გული საშუალოდ 3 მილიარდ დარტყმას ასრულებს.

19/04/2012

გუშინ გამოქვეყნებულ კითხვარს ჭარბი წონის შესახებ საინტერესო გამოხმაურება ქონდა, რისთვისაც მადლობას გიხდით.

გთავაზობთ საინტერესო სტატიას იმ ჩვევების შესახებ, რის გამოც ყველაზე ხშირად იმატებენ წონაში

ცხადია თუ დილიდან ღამემდე ცომეულს, ბუტერბროდებს და ა.შ. მიიღებთ გასუქდებით. არ ვისაუბრებ იმ ფაქტების შესახებ რაც ყველასთვის ცხადია. დღეს შემოგთავაზებთ იმ ჩვევების ჩამონათვალს, რომელიც შეიძლება ნებისმიერს ახასიათებდეს და არც თუ ისე დადებითად აისახოს ჩვენს წონაზე.

პირველი ასეთი მავნე ჩვევაა სამსახურში - სამუშაო, სახლში -ჭამა. სამწუხარო, მაგრამ ფაქტია რომ სამსახურში ხშირად ან დრო ან პირობები არ გვიწყობს ხელს რომ სრულფასოვნად და ჯანმრთელად ვიკვებოდ, შედეგად სახლში ვეღარ ვუძლებთ ცდუნებას კარგად გემრიელად ვივახშმოდ და ვახშმის შემდეგაც არაერთხელ წავისუსნოთ. გამომდინარე იქიდან რომ სამუშაო დრო როგორც წესი საღამოს 7 საათზე სრულდება, ანუ მაშინ როდესაც ვახშმის დროა, ეს "ჩვევა" ჩვენს წონაზე უარყოფითად აისახება.

მეორე მავნე ჩვევა რაც ასევე გავრცელებულია ასაკთან შეუსაბამო კვებაა. როგორც ვიცი ბავშვებში ნივთიერებათა ცვლა ბევრად უფრო სწრაფად მიმდინარეობს, ვიდრე მოზრდილებში და ასაკის მატებასთან ერთად ნივთიერებათა ცვლაც შენელებულია. ამიტომაა, რომ ხშირად გვიკვირს, რატომ გვერგება მეტად ის საკვები რაც 5 ან 10 წლის წინ არ გვასუქებდა. 30 წლის ზემოთ კი თეთრი პური და ცომეული მაქსიმალურად უნდა შეიზღუდოს, იმისთვის რომ ჭარბი წონა ავიცილოთ თავიდან. მათთვის ვისაც სახლში მოზარდი და ბავშვი ყავს, ამ წესის დაცვა ხშირად ძალიან რთულია და დიდ ცდუნებასთანაა დაკავშირებული.

საჭესთან მადა იმატებს :) როგორც კვლევებმა აჩვენა, საჭესთან ადამიანის მადა მატულობს. თუმცა ეს უშუალოდ მანქანის ინტერიერით არ იქნება გამოწვეული, რამდენადაც დამღლელი სამუშაო დღის შემდეგ ქალაქის საცობებით. როდესაც საცობში ხართ გაჩერებული და გზად მიგაქვთ ვახშამი, ამას დამატებული კრეკერი, თხილი, შოკოლადი ან სხვა სასუსნავი შეიძლება ხელი წაგიცდეთ. გაითვალისწინეთ, რომ საჭესთან ჯდომისას, თქვენ არ მოძრაობთ და იმას რასაც იღებთ, თქვენი ორგანიზმი იმაზე უკეთ ირგებს ვიდრე ნებისმიერ სხვა დროს.

კიდევ ერთი პარადოქსი, ალბათ ბევრისგან მოგისმენიათ ფრაზა, რომ დღეში მხოლოდ ერთხელ იკვებებიან, მაგრამ მაინც აწუხებთ ჭარბი წონა. საქმე რაშია, არსებობენ ადამიანები, რომლებიც დილით არ საუზმობენ, შემდეგ მთელი დღის განმავლობაში სასუსნავებით გააქვთ თავი სამსახურში, ხოლო საღამოს სახლში კარგად გემრიელად ვახშმობენ. ახლა რა ხდება თქვენს ორგანიზმში. მძიმე საკვების მონელებას ადამიანი გვიან ვახშმობისას ვერ ასწრებს, შესაბამისად კი დილით უკვე რამდენიმე მომატებული კილოგრამით "გახარებთ ორგანიზმი". იმისთვის რომ არ მოიმატოთ წონაში, სასურველია თქვენი დღის ძირითადი საკვები იყოს საუზმე და არა ვახშამი, ვახშამი მაქსიმალურად მსუბუქი უნდა იყოს, იმისთვის რომ თქვენმა ორგანიზმმა დაძინებამდე შეძლოს მისი გადამუშავება, რადგან ძილის დროს ის ამას არ გააკეთებს, ძილში მხოლოდ გროვდება ენერგია და არა პირიქით.

თუ ამ ჩვევებიდან თქვენიც ამოიცანით, მაშინ დროა იმოქმედოთ. სჯობს გვიან ვიდრე არასდროს :)

16/04/2012

რა იცით მენეჯერის სინდრომის შესახებ?

ტექნოლოგიურმა განვითარებამ და გლობალიზაციამ უამრავი სინდრომისა და ფსიქოლოგიური დაავდების განვითარებას შეუწყო ხელი, რომელთა შესახებაც შესაძლოა, ფროიდს და იუნგს არც ქონდათ წარმოდგენა.

ერთ-ერთი ასეთი „ცივილიზაციის ავადმყოფობა“ არის ე.წ. მენეჯერის სინდრომი. ამ დაავადების სიმპტომები შემდეგია: მუდმივი, ქრონიკული დაღლილობის შეგრძნება, აპათია, სამუშაოსადმი ზიზღის განცდა, ყურადღების მუდმივი გაფანტულობა, როდესაც შეუძლებლად მიგაჩნია სამუშაოზე კონცენტრაცია, გაქვს განცდა, რომ ჩიხში ხარ და ყველაფერი შენს გარშემო აზრს კარგავს.

მენეჯერის სინდრომი ძირითადად იმ ადამიანებს აღენიშნებათ, რომლებიც 30-45 ასაკის ამბიციური კარიერისტები არიან და ხელმძღვანელის თანამდებობა უკავიათ. ისინი დღეში10 ან მეტს საათს ახარჯავენ სამუშაოს, ძირითადად მთელი დღის განმავლობაში სხედან კომპიუტერთან ან პირიქით მუდმივად მივლინებებში არიან. მათ გამუდმებით უწევთ კლიენტებთან ურთიერთობა, მნიშვნელოვანი გადაწყვეტილებების მიღება, თანამშრომლების შეცდომებზე მშვიდად რეაგირება და უფროსებისგან საყვედურების მიღება.

მუდმივ სტრესულ მდგომარეობას ადამიანი მიყავს მდგომრეობამდე, როდესაც ის სამსახურეობრივი საქმიანობიდან პირად საქმეებზე გადართვის უნარს კარგავს, მას აღარ ძალუძს დასვენება.

იმისთვის რომ დაძლიოთ მენეჯერის სინდრომი, შეეცადეთ გამიჯნოთ პირადი და საქმიანი ურთიერთობები. მიეცით თავს უფლება სახლში და ოჯახურ გარემოში დაივიწყოთ სამუშაო და თავი სრულიად მიუძღვნათ ახლობელ ადამიანებს.

როდასკონი კი მოგცემთ საშუალებას მთელი დღის განმავლობაში შიენარჩუნოთ ტონუსი

10/04/2012